滷友記 (加路連山道) (已結業)

星期六晚8:00到入到嚟，面積唔大，坐咗五成人左右。店員服務態度奇惡劣，一落單就叫我哋埋咗單先。因9:00收舖，臨近8:45就開始反轉枱凳同熄燈。。仲有大大聲數錢。。勁趕客。。明明嘢都未食到一半😨不論服務質素，嘢食都非常一般，同想像中好大出入。叫咗個招牌滷水麵 $59 +$6 凍檸茶滷水豆腐同白蘿蔔完全唔入味，五花肉亦都偏肥，整體唔好食朋友叫咗自選四餸面 $60，亦都表示普通，用餐體驗唔好。呢個價錢寧願食間車仔麵或者米線舖好過🫠

台式滷水大碗飯位於加路連山道的一間台灣滷水店，店內裝修雅緻，有啲掛畫同壁畫好有台灣既感覺。 店舖不大但都坐得舒適。今日點左：酥炸雞扒滷肉飯 -酥炸雞扒十分出色，外脆內軟，很有台灣的味道，配上青葱減低油膩感，加上肉燥可以撈得一大碗飯食。小店飯量偏多，細食嘅可以叫少飯。 木盤端上很有風味四拼撈麵 - 滷水金錢肚雞翼大腸牛筋麻辣干撈麵， 各餸的份量都很有誠意，雞翼有三隻，金錢肚入味，煮到好腍👍🏻 麻辣口味不太刺激，鍾意辣嘅朋友要自己加辣醬😋附上的牛肉湯都好好味！

攪錯咗唔緊要 但打5個電話都無人聽 跟進唔到牛三寶去咗邊 一件都見唔到 以為自己落order有誤會 真係去返menu睇係咪應該有牛三寶發現店家攪錯 想打去同佢處理………原來咁難咖咩🤷🏿‍♂️

今日難得放假，想找個地方hea 下，👧🏻♥️👧🏻享受下同朋友既chill time.見到網上呢間鹵水餐廳評價幾好，加上又近自己屋企，就決定試下。✨溏心蛋肉燥飯$54✨溏心蛋同埋肉燥非常夾，🤗令到味覺層次提升，而且唔會太膩。✨滷水雞翼$35✨一食就知道佢食材夠新鮮😋肉質幾彈牙，👍夠曬惹味，鹵水同雞翼簡直系完美嘅配搭👍✨炸秋葵，$30✨外皮甘香脆口🥬，內裡肉質鮮美。✨臺式酥炸雞扒飯$59✨真系值回票價之選🍚，非常大兜，雞扒好嫩滑，好抵食。食完美味的一餐，休息完，得閒可以叫埋friend再來！🤗😝

呢間滷友記成日都經過但今次先有機會輪到試佢點知 一試驚人不過只限快食因為座位非常之窄不過咁嘅價錢真係冇得講可惜服務態度就差咗啲食飯時間去到都唔使等位我估佢返枱率好快因為座位好窄一入到去 同侍應姐姐講兩位佢一粒聲都冇同我講就指住張枱服務態度真係幾差好彩唔使收加一條氣都順啲等咗一陣我個滷友牛三寶面就到啦：10/10我想講呢個麵真係滿分首先佢個湯底好夠味仲隱約食到藥膳味好食過好多台式紅燒牛肉麵添但佢只係$62咋然後再加埋手工爽口米粉真係好夾我本身鍾意食硬身少少嘅麵呢度係絕對啱我口味然後好足料數埋應該有六七件牛肚仲有三四嚿牛筋兩塊大牛展全部都好夠味係牛展唔夠入味有小小雪味不過整體嚟講，我都非常之滿意一定會再返嚟食然後男朋友就叫咗個古法滷水五花肉飯：7.5/10呢個飯就差得遠啦首先見唔見到超肥真係肥膏多過肉然後個滷水汁又俾得好少所以唔係好夠撈佢只係一個好普通嘅豬肉飯嚟到呢度就似乎唔係好應該食飯啦整體嚟講環境唔好坐 位置好窄但係姐姐都唔會趕人走嘅都算係咁服務態度惡劣性價比極高我都知依家啲牛係越嚟越貴$60食到個咁出色嘅麵喺銅鑼灣嚟講真係好難出品有誠意個面真係一百分雖然整體唔算全部都好好但係我會返嚟

本人在附近上班，很多時候都要到加路連山道搵食，這條街所有食店基本上都很平均，各國美食都齊，由於本人大多數只固定食某一兩間，已經路過這店，見到裝修簡約舒適，但都沒有機會嘗試幫襯，巧合年廿九當日公司有party，晚上沒有肚餓的感覺，但都要食嘢㗎嘛，落街徘徊，我到這店門口，舊菜單後，一位笑容親切的女職員邀請本人入座，當時因為不太肚餓，只叫了一碗金錢肚蘿蔔牛肉麵，金錢肚好有汁都唔韌，又白又大嚿有汁，很有特色的滷水食店，再次幫襯時是下午茶時段，網查價錢更便宜，檸檬茶亦沖得恰當！值得入去食嘅食滷水店

香港好少有做得正宗既鹵水店🔍🔍，竟然比我揾到呢間滷友記🎉，網上評價都好好，所以心思思想試下。我地叫左💠滷水雙拼小食💠，鹵水味香濃，一試難忘。🐷🐷滷友豚三寶飯，食落香濃郁得黎唔會太膩，飯粒口感軟硬適中，掛汁度極高。💠招牌大滷麵💠，🍜五花肉咬落好香，陳皮魚蛋彈牙，豆腐同埋蘿蔔都好入味，配埋鹵水汁汁口感好豐富！生炸大雞髀肉質非常鮮嫩，有預先醃制所以都幾入味。滷水豆腐都幾特別。呢間色香美味十足既餐廳，非常值得大家來店試一試。👅👅

🏋️🏋🏻‍♀️同朋友做完gym經過呢間餐廳，見到餐牌好多野食，而且裝修格調高雅，即刻忍唔住入去試下D野食。入到去環境寧靜悠閒，空間感足。📸我地睇完menue即刻order左📝：🔶招牌大滷麵🔶 除左爽口彈牙既面底，配料還有五花肉，陳皮魚蛋，豆腐，蘿蔔，全部都好掛汁好夠味，每一淡都系味覺的享受啊~🔷生炸大雞髀$36🔷賣相漂亮，大大塊好抵食。🔶上湯浸蘿蔔$30🔶個蘿蔔吸收所有的食物鮮味同汁，精華所在。🔷古法滷水金錢𦟌飯🔷簡直系完美配搭。一啖有齊各種滋味，口感很豐富。金錢𦟌外表鬆脆、內裡蝦肉彈牙鮮甜，嫩滑鮮香，而且肉味濃。餐廳環境座位安排妥當 舒服👍🏻下次做完運動都可以再book呢度。💯

食物衛生有問題... 十二月三日食中午飯1. 鹽騷雞扒配鹵肉醬2. 鹽騷豬扒配鹵肉醬3. 炸墨魚丸晚上我及友人嘟屙到七彩... 我屙咗4次... 食物衛生也做不好... 味道如何也無補於事...疫情後本來想找些小餐廳支持一吓... 可惜食完肚屙。實在對不起消費者。 假如只有我肚屙，還可以猜測是本人腸胃問題... 可是友人及本人同時肚屙，這不會是偶然。由於友人及本人同時選擇滷肉醬，應該是該醬品出了問題...連最基本衛生嘟做唔好... 永遠列入黑名單‼️非常失望

今日約咗friend去銅鑼灣行街食飯，今次我哋揀咗係加路連山道嘅滷友記到開餐，鐘意佢又平又好食。食完仲可以再去行街！我哋先叫咗兩個小食，分別係滷水雙拼小食同台式酥炸雞粒❤️先講滷水雙拼小食，入邊分別有豬大腸同牛肚。呢兩樣食物都滷得非常入味。而且口感非常爽口，一啲都唔韌。真係超好味！😍😍😍跟住就係台式酥炸雞粒，雞粒炸得非常香脆。咬落去熱辣辣，非常Juicy。雞粒除咗落調味粉之外，仲加咗少少蔥同沙律醬。令到味道更豐富。超正！❤️主食我哋就叫咗台式酥炸雞扒飯同滷友牛三寶飯😍先食台式酥炸雞扒飯，大大塊嘅雞扒比薄薄嘅炸粉包住。雞扒炸到啱啱好，咬落去香脆多汁。味道同口感都一流！最後就係滷友牛三寶飯，呢個黎到一定要食！三寶分別有牛𦟌，牛筋同牛肚。牛𦟌同牛筋口感比較腍，而牛肚嘅口感就偏爽口。呢三寶同樣有好重嘅牛肉味。正！😋🤤🤤

難得同男朋友一齊放假，當然要出去食好嘢☺️。我哋喺網上面搵到有間特色嘅滷水+台式餐廳，唔單止環境好，而且食物嘅comment都唔錯，所以我哋就決定今日嚟呢度食飯😋雞絲粉皮- 份量好大份，雞絲同粉皮嘅比例係一比一。每一啖都有雞絲係入面！粉皮口感滑溜，加埋自製嘅芝麻花生醬汁一齊食。味道豐富。正！😋溏心蛋肉燥飯- 呢個真係超好食，肉燥味道啱啱好，唔會覺得太鹹。而且十分足料。有大量半肥瘦豬肉，所以豬肉嘅味道非常濃郁。加埋半熟嘅溏心蛋同白飯一齊食。啱啱好中和肉燥呢濃味。超正！😋台式酥炸雞扒飯- 雞扒香脆可口，仲有好濃郁嘅雞味。廚師將雞扒炸到好乾身，完全冇油膩嘅感覺。但咬開嘅時候，入面仲有好多粒肉汁流出黎。我真係勁鍾意！😋炸秋葵- 秋葵炸到脆卜卜。口感絕對係外脆內軟，味道仲好鮮甜。再加少少沙律醬係上面，秋葵嘅味道更加提升！真係唔錯！😋買單嘅時候，仲見到餐廳自家製醬汁。 知道自家製一定唔會差！我地就即刻俾錢買咗樽！

一直聽聞銅鑼灣燈籠街附近有間隱世鹵水店😍，算系數一數二正宗，行完山經過附近，就想去一試究竟😋 入到去環境乾淨闊落，啱同朋友傾計談心嘅餐廳！😗滷水雞翼$35😗大大隻爽口鮮味既雞翼，入口都十分入味，絕對推介之選！🥳招牌大滷麵🥳感覺十分足料，五花肉油花和脂肪比例完美，陳皮魚蛋非常爽脆彈牙，豆腐好入味，蘿蔔好新鮮。😬生炸大雞髀😬雞髀多汁鮮嫩，每塊大概半吋厚，爽口並帶輕微的油脂感，不油膩💕經廚師專心炮製之後，香脆得黎又有燒烤惹味。🤗古法滷水五花肉麵🤗麵軟硬度適中，而且非常掛汁😋👏🏻滷水五花肉好有口感，鹵水汁提鮮。個人覺得食物質素、環境同服務都非常高，下次推介多D 朋友仔幫襯！🤤🤤

好耐沒同男友拍拖食好野，平時都系去開cafe👫今次試下新野，特登BOOK 左呢間加路連山道既滷友記，享受地道又驚喜既美食體驗！💕臺式酥炸雞粒💕超級大碟，雞粒好酥脆，而且有好多醬汁，兩樣野都好夾。❣️滷友豚三寶麵❣️豚肉口感軟糯，🍜有一點點焦香，增加惹味，另外鹵水汁有畫龍點睛作用，提升味道層次。💞滷水牛三寶麵💞有牛展，牛肚同埋牛筋，入味而且肉質軟熟，配合特製鹵水汁，滋味滿載。真心覺得呢間餐廳的菜式都好正宗，廚師好用心烹調，下次會帶埋朋友一齊encore!💕

餐廳環境好舒適，💛老闆好有心思去設計，牆上有小裝飾給客人一種置身於台灣的感覺。朋友食既係古法滷水五花肉麵同台式酥炸雞粒，💖古法滷水五花肉麵的五花肉唔算好厚但好入味，肥肉同瘦肉間隔分明清晰，麵底爽彈唔會過腍。👏🏻而台式酥炸雞粒香脆可口，雞粒上的調味粉份量岩岩好，雞肉香嫰雞味濃。而我食既係滷水牛三寶麵同滷水雙拼小食，滷水牛三寶麵有金錢𦟌、牛筋、金錢肚，滷水味道濃郁，😽每款都有爽口的口感唔會太腍，滷水加入麵中真係好好味。而滷水雙拼小食的豬大腸好爽彈，👍🏻而且處理得好乾淨無臭味，金錢肚都夠腍唔會好硬。餐廳食物質素唔錯，店員態度都好好會熱心推介食物。💛💛

最近上網見到有朋友share呢間餐廳的食評，一直想去試，終於今日得閒可以一試真偽。🐄滷水牛三寶麵 $62果然係主打食滷水的餐廳，滷水淬真係好好味，✨簡直係麵的精華，牛三寶完全索哂滷水的香味，又爽口又入味。🐓台式酥炸雞扒飯$59雞扒炸得岩岩好，即使外面炸到好香脆，🔥但入面依然保留了肉汁，而且炸漿好薄唔會好厚粉。🍢椒鹽炸墨丸$25墨魚丸大大粒好彈牙，外面炸得好脆顏色金黃，🙀入面仲熱辣辣，仲可以食到墨魚粒好有口感。◻️蒜香炸豆腐$30😻好似普普通通但一食好有驚喜，豆腐炸到一D都唔乾好有質感，每一啖都充分感受到蒜的香味。🍀炸秋葵$30第一次食炸秋葵，秋葵炸到金黃色無任何焦位，🌻炸粉唔厚幾香脆，秋葵偏軟身有外脆內軟的口感。