影片
终于食到有诚意有品质嘅点心！仲要唔系预制品！环境干净唔洗搭枱唔限时。一定要食海参饺，外面系食唔到。所有炸嘢都系即叫即炸，真系食得出咩叫香口。开业咗一段时间，食物质素仲系一样有保证无走样。有时夜晚去食饭，食个蒸饭炖汤都好满足
继续阅读
今日同闺蜜冲深水埗呢间街坊小店，手工点心玩即叫即制，仲有惊喜价$38孖宝组合！我哋好似发现宝藏咁～ 🌶️鸡纵菌海参饺～黑色暗黑系外皮超吸睛！咬落麻辣香气冲出嚟，皮薄得嚟烟韧✨满满金边虾饺皇～虾饺界嘅Bling Bling选手！原只虾仁爆馅而且爽弹，系外皮有少少「安全感过剩」🤏 🍄香菇棉花鸡上枱吓亲！份量好多，鸡件嫩滑唔「霉」，鱼肚吸收酱汁好入味🐟蚬介鲮鱼球～乒乓球size嘅诚意之作！外脆内软，点埋咸鲜蚬介酱，有种大牌档风味～ 🍜爽滑牛肉肠～肠粉皮自虽然未到「玻璃皮」境界，但牛肉馅多！甜豉油系灵魂！两个人丧食5款，人均$80饱到上心口！
继续阅读
平日送完小朋友返学，有时会约埋几个同学仔妈妈一齐食早餐。之前偶然发现呢个地方，今日一于约埋去试吓。早茶好抵， $42可以任选两款嘢食。我哋四个人嗌咗三个set ，再散叫两款点心。海参饺出面未食过呢一款点心。有惊喜！里面啲馅料好爽口，带少少微辣，好开胃。 超推！萝卜丝酥饼平时成日食呢一款点心，入面啲萝卜丝馅系腍晒嘅。 我钟意食呢一度呢一款，啲萝卜丝仲系爽口，又入味！早餐孖宝嚟讲有个饭，好多章鱼，又系好抵！鲜虾炸云吞，炸得好靓，里面只虾仁大大粒牛肉肠，叉烧包，蜂巢糕，正常发挥仲有姜葱牛柏叶冇影到相，好多姜葱🤤最后仲外卖咗3支樽装冻奶茶返屋企饮好满足嘅早餐，下次早餐又多个选择了
继续阅读
今日跟老豆去深水埗饮茶，佢成日帮衬开嘅街坊小店，估唔到又几有惊喜！ 首先赞吓姐姐服务，手脚快又有笑容，唔会黑口黑面，仲主动帮我哋冲水添。 食物方面，**迷你珍珠鸡**好足料，糯米软熟，馅料入味，细细件啱晒我胃口。**鲜虾菠菜苗饺**皮薄馅多，虾肉爽弹，菠菜苗清新，食完唔会腻。**北菇棉花鸡**好抵食，鸡件嫩滑，鱼肚吸晒汁，好正！**金边虾饺王**真系满满虾肉，皮够烟韧，一啖咬落去好满足。最后个**红米米网虾肠**都好出色，肠粉滑溜，入面脆网同虾夹埋一齐，口感好丰富。 虽然系街坊小店，但出品一啲都唔马虎，价钱仲好合理。老豆果然识食，下次可以再encore！
继续阅读
✨今日同太太去咗深水埗大埔道嘅**满满美食**，铺头细细但人气爆棚🔥！听讲师傅系前酒店点心主厨，即管会一会佢～ ✨**必食推荐**✨ ▪️**鸡𪭢菌海参饺**（$38） 一咬开海参爽弹到震💥！鸡粒同菇菌爆出鲜味汁，微辣酱汁仲带啲泰式风情，好过瘾～ ▪️**蟹肉金网卷**（$36） 脆到「咔嚓」声嘅金网皮💛！入面蟹肉混灵芝菇，咸香中带洋葱甜，食完仲想encore！ ▪️**云腿萝卜千丝酥**（$36） 酥皮层次多过我嘅人生烦恼🤣！萝卜丝清甜中和云腿咸香，热辣辣食仲有虾米吊味，正到癫～ ▪️**红米米网虾肠**（$38） 红米皮薄到透光🦐！虾肉大只又弹牙，米网脆脆哋，点少少豉油更提鲜～ ▪️**凤爪排骨饭**（$32） 抵食到喊！凤爪炆到一吮脱骨，排骨仲有淡淡陈皮香，捞饭一流🍚～ 💡小贴士：茶位$5/位，免加一！平日晏昼都要等位，建议12点前到～
继续阅读
您可能会有兴趣的...