影片
相关文章
尖沙咀满江红不嬲都系我嘅至爱通常都晚上才帮衬，今日中午有空闲时间就有时间叹一叹佢嘅午餐！食辣野一定要慢慢食如果太赶快根本都享受唔到。一个人都食咗个半钟，今日点左$98嘅水煮桂花鱼套餐（包括一个白饭，一盘桂花鱼，前菜及饮品）其实都好多但系我又想食川味凉粉$38 （佢嘅凉粉食过咁多间粉条很滑不会容易断开，是最好食的）每次帮衬都会叫！依盆桂花鱼当然没有平时正价的一大盘但系中午来说已经很够饱，桂花鱼有很多片，里面亦都有青瓜薯面和朱红及大豆芽😋下次中午经过会再次选择它😃
继续阅读
其实本人唔系好食辣，不过男朋友话佢之前成日同家姐黎食觉得好好食，咁就一于试下啦。平时呢间店都唔系好起眼，门口好细，不过系要上楼上食既，入到去都几好服务，环境坐得都舒服，我地坐两人枱张枱都算大，都几阔落，不过听讲呢间野转过手，不过都系保持到水准既，我地两个人净系叫左两碟野：水煮桂花鱼+蒜蓉炒皇帝菜，另外再叫多两碗白饭，仲有两款小食系前菜。其实两个人食已经好饱，因为个盆水煮桂花鱼超大盆，里面除左有鱼之外仲有宽薯粉、荀、青瓜、猪红同牙菜，几欣赏佢个宽薯粉唔似出面食咁，特别厚身同本身有咸咸地既味，我觉得完全拍得住大陆食既水煮鱼。另外，我都系第一次食炒皇帝菜，平时打边炉食就食得多啦，味道都唔错。
继续阅读
四川豆干 – 质感软滑好似实佐既豆腐, 唔点辣椒粉食就咁少少烟熏味几好麻辣牛展 – 好食但好辣!辣子鸡 – 辣到跳舞!!!!胡椒虾 – 新鲜海中虾, 好香胡椒味酸菜鱼 – 鱼够滑, 但我嫌个汤唔够好味, 唔知系咪辣坏佐条脷试唔真香菇炒蒿笋 – 清清地好食招牌咕噜肉 – 意外地发现佢个咕噜肉整得好食过好多地方, 配料唔hea 有子姜,菠萝,提子干同一只甜甜地既果干青柠树 – 辣子鸡劲辣搞到差不多食唔到其他野, 呢杯野好似青柠雪芭咁refreshing, 可以解辣两层高平晚唔太多客, 我地5个人仲俾佐间细房我地坐, 伙计非常好笑容又客气
继续阅读
又系返学嘅时候，返学系尖沙咀，返学最好做啲乜，当然最好系约朋友食饭，尖沙咀你打地方要约朋友真系好容易，呢几日appointment约到密密麻麻，好鬼死开心，有好多好耐冇见嘅朋友都一次过约出嚟，辣妹最爱食川菜，尖沙咀最老字号当然系食满江红，未坐低就已经谂到要食咩，前世同鱼有仇，一定要叫水煮鱼，炒莴笋，满江红嘅特色菜有胡椒虾同炖汤，呢排有少少瞓得唔系太好，今日嘅炖汤系天麻鱼头汤，完全fit晒我嘅身势，差啲唔记得叫嘢饮，竹庶矛根系我最爱，点可以唔叫。
继续阅读
辣辣辣😍终于有辣吃～被三希楼接管了的满江红，真心好吃了很多。辣味、麻味很足～其实最近吃川菜都想起满江红，只是懒懒还没写食评。今天跟好友二人撑枱脚。二人同行，点的菜不多，但味道非常好。水煮鱼，够辣够麻够嫰。莴笋也是炒得很青脆，下次可以再辣一点。辣子鸡配酒一绝，只是略嫌料不够，下次可否多点肉和腰果🥺🥺🥺整体还是满满的好吃，下次要吃川菜，必定再来。同场还有买一送一的生力清啤，满足😍😍#希望下次能吃到朋友说很好吃的蟹
继续阅读