影片
港铁坑口站 A1 出口, 步行约4分钟
继续阅读
电话号码
27650303
营业时间
今日营业
07:30 - 22:00
星期一至日
07:30 - 22:00
*截单时间: 21:30
以上资料只供参考，请与餐厅确认详情
好耐冇去过台湾，亦都好耐冇食台湾嘢今次同朋友嚟咗呢间台湾嘢一入到嚟啲店员已经用普通话好热情咁讲「满山欢迎你」，好似返咗台湾咁去嘅时候系下午茶时段，之后都越嚟越多人，几旺场估唔到呢度连火锅都有，下次挂住台式臭臭锅可以嚟呢度食叫左：风味红烧牛肉面特别要赞吓𠮶手工面条，口感滑又有弹性。牛肉肉质嫩，入味得来又不腻，汤底牛肉味浓郁，少少辣，碗面仲有萝卜同香菜，令到个汤都几有鲜甜嘅味道，个人几钟意我哋亦都叫咗「三杯灵魂沙茶牛肉拌手工面」，个人几钟意个沙茶酱，呢度嘅手工面真系几唔错，系几弹牙的。牛肉就正常，我钟意牛肉面个牛肉多啲，因为比较嫩滑。叫咗盐酥鸡同埋猪耳两个小食，盐酥鸡好正宗，系台湾嘅味道，非常之酥脆，佢个味调得好好唔会太咸，亦都令人好有食欲。仲有个猪耳，估唔到有几嚿青瓜😝个酱可以再辣少少，口感亦都可以再爽啲。最后嗌埋个甜品-珍珠奶茶冰淇淋可颂窝夫钟意食甜品嘅朋友一定要嗌呢个，本身系比menu张图片吸引，嗌完完全冇后悔，雪糕系奶茶味，Mix埋珍珠一齐再加埋窝夫真系有一种好特别嘅珍珠奶茶感觉，你唔系饮紧但系又食紧𠮶只味道。入边嘅杏仁片Mix埋雪糕，完全令个甜品再升华咗，口感爽脆！正！饮品嗌咗生姜姜母茶同埋洛神花柚子茶姜母茶有饼干配👍洛神花柚子茶好清新，完全好配个甜品同埋台式食物，好解渴Overall 个人觉得呢间台式餐厅都几经济实惠，如果唔嗌甜品嘅话下午茶人均大约50至60，或者净系嚟食个甜品，两个人share每个人都系20几蚊. 另外店里便有埋蛋糕可以食，有个开心果蛋糕非常之靓，不过唔记得影相。有机会可以试吓。
继续阅读
系坑口行街，见到有间台湾菜就入去试下下午茶。芋泥肉松热压吐司 - 芋泥和肉松份量都算多 味道几好 好夹 建议拎系手食 用刀叉切芋泥会走晒出黎九层塔豆乳香酥鸡（小份）- 炸得香脆 味道唔错 点埋隔离个类似豆酱既味几特别 但份量算少相思红豆芋圆仙草 - 劲细碗 同超甜 可以不试土凤梨手摇水果茶（冻） - 几大杯水果茶 偏甜 可以一试总括嚟讲 不会再食
继续阅读
行过坑口见到间台湾嘢，环境几阔落，望吓个餐牌同其他台式餐厅好似有啲唔同，一于入去试吓。我哋叫咗个横行蟹肉口热压吐司，蟹肉鲜甜，吐司外脆内软，呢个配搭都几特别，唔错。跟住试咗盐水鸭肉香油拌手工面条，面条超弹牙，盐水鸭肉一啲都唔会咸，食得出鸭肉嘅鲜味。仲有加配嘅九层塔豆乳香酥鸡，鸡肉外脆内嫩，而且份量都好足够！另外高汤樱花虾浸娃娃菜都唔错，汤底有阵阵樱花虾嘅鲜味。我哋叫咗杯饮品，米麻糬开心果牛乳，开心果味都几出，米麻糬应该系糯米，放落饮品入边都几得意，最上层仲有芝士奶盖添，个人嚟讲都几钟意呢个配搭。最后，甜品方面就叫咗白玉芋圆腰果露，芋圆Q弹，腰果露香浓。
继续阅读
前排喺东港城开咗一间台湾嘢，一于嚟试一试佢。店舖嘅环境非常舒适座位非常宽敞。店员嘅服务非常周到贴心，价钱亦都相当亲民。红葱地瓜炖牛颊肉拼地瓜米粉 $88见到啲牛肉下边有个火暖住🔥，牛肉嘅汤汁望落非常。食落牛颊肉非常软嫩，而且大大嚿，牛味好浓郁，有个火暖住咁食，令个牛肉长期保持暖笠笠，牛肉嘅汤汁都非常浓郁，用红葱、栗子同地瓜熬出嚟嘅汤汁浓味得来又好清甜🌰，地瓜米粉嘅口感Q弹爽口，地瓜都浸到好软熟🍠，米汤吸收左个汤汁同地瓜嘅甜味。盐酥排骨鲜菇盖饭 配肉燥汁 $88盐酥排骨成个手掌咁大块🤩，肉质好腍，表皮炸到酥脆嘅口感配埋结实嘅排骨，食落调味啱啱好，唔会太咸，加上有微微嘅酒香，味道有惊喜。个饭系同鲜菇一齐煮🍄，食落有淡淡嘅菇味，在捞埋佢另外配嘅肉燥汁，味道非常正宗台湾味。另外加$30就可以叫到两款小食，今次拣咗金黄无骨盐酥鸡同蒜香麻辣猪耳朵🌶。盐酥鸡粒粒都好酥脆鸡肉炸完都仲好嫩滑，香味满分，麻辣猪耳系用花生同青瓜等配料凉拌🥒，食落有微微嘅辣调味，同配料一齐食口感非常爽脆香口。米麻糬焙茶3.6牛乳( 跟餐价$16)｜香飘飘台式奶茶大推焙茶3.6牛乳☕️，饮落焙茶嘅炭焙香气首先带出，然后到牛奶香，饮到底部嘅米麻糬口感好有趣，再加上米嘅香味好浓郁，顶部嘅奶盖嘅咸香味令味道方面更有层次😋。珍珠奶茶冰淇淋可颂窝夫( 跟餐价$48)窝夫系牛角包形状，质感偏酥皮，一切就feel到佢好酥脆🥐，顶部嘅雪糕系奶茶味，奶茶味好香，另外仲有烟韧嘅珍珠同脆口嘅杏仁片增强口感🧋。
继续阅读
同朋友叫左一个轻食一个主菜一个甜品都好饱！餐厅装修简约木系风，座位多空间感十足晚餐基本饭面之外台式西式都有～横行蟹肉热压吐司 $38面包食落甜甜地金黄香脆，馅料有芝士同蟹柳配少少沙律酱，咸香夹杂少少甜味，几有层次。配菜沙律新鲜爽口香菜罗勒青酱鸡柳手工面条 $88手工面食落就好似扁意粉咁，青酱炒得几香，芫茜味都几突出，但就算唔钟意芫茜嘅朋友仔食都唔会觉得反感，啱啱好。鸡扒嫩滑，配埋忌廉泡沫口感好creamy又唔会腻！整体味道好夹奶盖瀑布蛋糕（开心果味）跟晚餐加购优惠价$68！卖相超打卡！开心果味浓郁唔会过甜带少少咸！切开后冇谂过有杏仁片，脆卜卜，抹茶cream香浓滑顺，仲有水果食中和返cream嘅腻感。层次感丰富得黎唔会太甜，同朋友share啱啱好👍🏻
继续阅读
您可能会有兴趣的...