滋味館 (已結業)

由於今日天熱太熱喇，放半晝又唔想四圍去就膽粗粗試下呢間滋味館近近地喺屋企附近唔駛行咁遠。望入舖頭見到都有幾枱客，應該唔差呱。我order左豬軟骨拉麵同薑汁豚肉飯行街，心諗呢兩樣野差極都唔會太過份呱。等左10分鐘咁上下都算快，因為太肚餓關係急急腳行返屋企準備開餐。佢地碗豬軟骨拉麵都幾細心麵同湯分開上，諗住掂喇又幾好喎，一啖咬落去啲所謂豬軟骨就出事喇，啲軟骨硬到呢又未熟透，叫豬硬骨就差唔多，真係超失望(已對佢冇咩希望) ,個湯底好似(出黎乜乜公仔麵既海鮮麵湯咁，唉！真係。。。。。個薑汁豚肉飯仲攞命白烚豬肉，個汁一啲薑味都冇，個飯1pat1pat咁。該軟唔軟該硬唔硬。講真一個餐三十幾蚊，都唔係咁呀？！唉。。。。。肯肯定冇下次！！！！…查看更多

因為之前冇乜心情所以好耐都冇寫食評，但今次因為第一次發現係openrice嘅餐廳資料竟然有錯誤 ,我哋原本想食越南菜去到變咗食日式料理，好彩d食物都唔錯所以又想寫下 。係土瓜灣唔知食乜好上open rice見有間越南菜館係附近所以就去試下。去到先知原來轉咗做日式食肆 ，不過見到個老闆 好nice而且我哋一行6人都覺得冇所謂所以決定一試老闆先生推介咗日本清酒，牛肉鍋，芝士年糕比我哋我哋柯打:日本清酒$58 -- good 甜甜地好易入口 (不過用個普通玻璃壼載感覺少咗d風味)芝士年糕$32 -- very good 唔太甜外脆內軟超級好味(老闆先生好細心切開8份比我哋)蒜片牛肉粒$62-- very good 用鐵板仔上好香黑椒味肉質夠焾 日式牛肉鍋配白飯$68 -- good 鍋汁撈飯味道不錯 日式豚肉餃子鍋配白飯$68 -- standard 豚肉生薑燒 $48 -- not ok 好鹹完全冇甜味冇薑味大蝦天婦羅$52 -- good 炸粉適中蝦同南瓜好甜 雞翼$20/串 -- very good 好香脆完全冇雪味牛舌串燒 $20/串 -- standard雞軟骨$20/串 -- standard鹽燒鯖魚$48 -- very good 皮脆肉完全唔腥日式海鮮炒飯 $58 --standard日式雪糕(跟餐$10) -- good 紅豆雪糕大大粒豆最好味…查看更多

豬扒湯粉$34, 分開碟上, 連骨豬排不會太乾而且好淋, 沾有少少香茅粉張住去半煎炸, 不覺得太肥, 湯粉大少都岩, 不過另加的$12素春卷就失望鳥! 太mini細的兩條, 材料很單薄, 早知就應該點赿式春卷啦!…查看更多

故事是咁的我叫左個香茅豬排湯檬香茅豬排 一般湯 一般檬 一般香茅 一般芽菜 一般味道 一般服務 差勁同事叫左個雞絲凍檬雞絲 唔知湯 冇檬 一般芽菜 一般味道 一般…查看更多

兩口子近來事忙，許多時候照顧小友的責任都落在公公婆婆身上。太太說想慰勞他們請他倆吃一頓，小弟對此當然沒有甚麼異議的....太太想吃越南菜。在土記區內的差不多唯一而又方便的選擇，便是這一間叫"滋味館"的小店...難得在沒有預訂底下也能找到五個位，今天晚上真是幸運....大伙人吃越菜的例牌指定動作，便是來一個拼盤....大體上東西的味道是甚普通 ---- 雞翼醃得味偏鹹，好處是有蠻重的香茅香氣；春卷的外皮脆度可以再強一點，但相反餡料卻似乎是偏少，內藏只有丁點的木耳、紅蘿蔔絲以及肉碎；蝦餅不夠挺身飽滿。蝦肉的份量比例是較少且打得未算彈牙；鯪魚餅當然不是自家打製的貨色，魚味非濃郁亦木夠爽彈，而且掌勺的也下得太多油去煎，入口是相當的膩....海鮮炒飯本是為小友而設的，但怎料到師傅在炒之時竟下了不少的辣椒粉於飯內，他吃了一小口便被它弄得辣至伸脷，自此以後就不敢讓他吃了....飯本身除了辣以外味也調得偏甜，濕度方面亦有點過高，再加上在一眾配料中還找到我最討厭的蟹柳....這自然也要扣大分....蒜茸炒通菜算是整桌菜中較清淡的一道。蒜蓉下得不多而菜也像全然沒下鹽似的，是明符其實的夠哂清。正因如此，自己亦十二萬個放心的給小友嚐多一點...外父大人參詳了一陣menu過後，點了一客我同樣愛吃的蒸粉包....粉皮是薄得一夾便穿掉，這嚴格上是絕對不及水準要肥佬的；餡料內雖有標準的木耳絲及紅蘿蔔絲但相反我最愛的葛粒就量太吝嗇了。沒了那一咬入口便出現嗦嗦聲的情境小弟固之然亦要扣分....有外母大人在的地方必然便會有一道和羊有關的東西....幾支樣子黑漆漆的炭燒羊架，食來食去也嚐不出炭的香味來，不過幸好羊羶味是存在的而且肉並不柴韌。個人不喜的還有在調味上如香草及黑胡椒是多得有些蓋過羊味的趨勢....咖喱雞煲內的咖喱汁是調較得相當合心水 ---- 味濃夠杰身亦充滿椰香。此時馬上要追加蒜茸包或白飯來送；雞肉本身已被炆到淰至爛，這反倒沒甚吃頭；蒜茸包的蒜似乎是下得太少的，幸好之後在追加order後著侍者多加及塗多點蒜醬下去焗，第二次做出來的那一籃就好很多了....之前的一系列的鹹食，水準說老實話只是極普通。最後端來附送的甜品反而令人很想安哥....一小碗的西米粟米南瓜露，集香、濃及杰於一身，甜度足之餘又夠足料。西米、粟米及南瓜茸是下得毫不手軟，這樣想不好吃也難了....若不是因這一小碗甜食的存在的話，我是覺得現正在此浪費時間的....…查看更多

又一次因為雜誌的介紹去覓食個人更喜歡小店的認真 誠意 食物的質素往往也不俗而且事前以tablemap訂座也十分方便小店的服務很好 態度友善而餐牌上有近百款選擇 更有套餐等等總有一款岩你心水2個人吃不多 只叫了2款1) 燒豬頸肉濱海 $~80 (3.5/5)得獎作品之一 不得不叫的小食從未食過濱海 也不知道實際上是什麼原來是vietnam的地道小食 先用一塊菜做底加入香料 豬頸肉 米粉 芽菜 及檬粉落的汁包起來就可以吃 感覺新奇有趣新鮮也健康 豬頸肉烤得香口 不會太乾身米粉微暖 配上醬汁格外開胃而且食落也幾飽肚 很有特色的菜式2) 帶子紙米卷 $~50 (3/5)其實食完也覺得和濱海類似賣相精美 帶子沒有overcook卷內有米粉 但比濱海的硬身同樣也有菜 以及配上醬汁其實可以二揀一 多試其他不同的食物最後送上了自家制的西米露糖水非常足料 很窩心和滿足的晚餐希望大家都多多支持有心的小店…查看更多

見到網上好評如潮，就專登揸車過黎試下:(:(點知咁就出事什麼得獎名菜不過不失淋身又淡而無味就咁睇以為白切雞最令我失望就係呢個生牛肉湯河越南湯河既精華就係湯底，試左一啖之後我真係想xyz咩味黎？要魚露無魚露，乜q都無！嬲…查看更多

認識「滋味館」源於食友嘅一篇食評，幫襯「滋味館」源於大家嘅一份支持。跟幾位晌飲飲食食上志趣相投嘅朋友，周圍覓覓食食，確喺一件幾開心嘅事，這夜走到嚟土瓜灣嘅滋味館，細嚐越南菜，閒聊話家常。滋味，唔單止因為枱上嘅食物，更因認識到依班知情識趣嘅朋友，令每餐飯局都喺一次歡聚 :) 。走進滋味館，一室亮白，裝修摩登，配以深啡色皮椅，簡約而整潔。而餐廳後方，可架起屏風，變相成為一個半開放式小廂房，減少其他食客嘅騷擾。青綠色嘅主餐牌，令人望落寧捨醒神，最特別喺打開第一版，就有幾款越菜常用嘅香料介紹，如檸檬葉、香花菜、亞參子……等等，圖文並茂，就算唔熟悉，當有個認知都好。再翻一翻餐牌，雖然小小店子，食物款式多得不容小覷，有沙律、越式米紙卷、串燒 / 炭燒類、精美小食、濱海類 / 生菜包、廚師特別介紹、檬粉類、湯粉類、精美小菜、炒飯類、炒粉類、煲仔菜、湯類，唔使數都可以肯定過百款 。部份菜式有圖有相，多個參考。當然，甚識計數嘅香港人，最喜歡點套餐，所以，尊貴一人套餐及滋味二人晚餐都應運而生，故此，一個人嚟又得，兩個人嚟都得，甚至乎幾個人嚟又可將啲套餐互相組合。最有趣喺仲有個「越之素食」小餐牌，投身咗「綠色星期一」嘅朋友，嚟到都唔怕無嘢唔啱食啦 ！盛夏外間非常炎熱，雖然涼著冷氣，點都唔及整多杯凍飲涼入心，餐牌內除有多款越式特飲，仲有港式飲品及啤酒。但店員推介，啱啱椰青新鮮返貨，唔喺日日都有，保證清甜。 新鮮椰青 $28 :) :) :) 不愧為飛機新鮮貨，入口清甜自然，冰涼透心，有種潤喉嘅感覺；而果肉都唔應該錯過，肉厚雪白，軟腍香甜，只賣$28，相當抵飲 :) 。 墨魚青木瓜沙律 $78 :) :) 賣相清新怡人，泰國青木瓜切得絲絲幼細，爽脆多汁，再伴以甘筍絲、白蘿蔔絲，自行添加隨沙律附上嘅青檸辣汁，多少隨意，令個沙律酸爽中帶點辛辣嘅刺激；而墨魚肉切條鎅花，食落柔軟而爽口，有份鮮味嘅感覺 。 帶子米紙卷 $50 :) :) :) 原為一客4件，但店主好人為我哋做夠6件，人人有份。上層香煎帶子，帶子大粒有肉地，味道鮮甜彈牙，外層又有少少焦脆；而越南米紙卷捲有米粉、生菜、青瓜絲、九層塔，淨食嘅話，清淡清爽，若沾上自家製辣汁，集酸辣鹹鮮，味道多變 ，據店員講個汁主要用青檸、檸檬、魚露、辣醬製作，怪唔之得有如此效果。真喺甚有驚喜嘅一道「上熱下涼」嘅米紙卷小食，值得推介 。 炭燒冬蔭雞 $118/半，$228/全 :) 雖則叫「冬蔭」雞，但跟飲冬蔭功時嗰份酸新重口味有很大分別，為保持雞肉本身嘅鮮味，「冬蔭」做得唔會太重手，所以，要有少少心理準備；而雞隻則燒得幾焦香，皮脆肉滑，香脆可口。當然，席間友人嫌「冬蔭」味唔夠突出，覺得未能彰顯「冬蔭」特色。 燒豬頸肉濱海 $88 :) :) :) 晌餐牌中，依道菜特別加插一張大相，因為喺曾經奪得「食神爭霸戰」嘅冠軍菜式。一大碟燒豬頸肉、青瓜片、濱海、甘筍絲、白蘿蔔絲、銀芽，以及另碟上嘅生菜、九層塔，店主話要包晒所有材料食先至好味。一口咬落，爽脆嘅豬頸肉，清爽嘅青瓜片，綿腍嘅濱海，再加另一款以蝦米十碎、花生碎、魚露所做嘅酸辣汁，口感層次豐富，風味獨特 :) 。 越式明爐魚 $118 :) :) 泰式明爐魚食得多，越式就第一次試，鮮魚採用烏頭，不過有時亦會用上鱸魚。湯頭味道辣辣酸酸，據介紹用咗唔少香料，如九層塔、芹菜、大蔥、香茅，不過，整體而言，感覺會較泰式清香。魚肉入口滑溜鮮嫩，加上湯底酸香惹味 :) ，至於墊底嘅黃芽白、芹菜、大蔥，吸收晒湯汁香味，亦都唔好錯過。 香茅豬扒濛 $48 :) :) :) 晌9款濛粉中（凍食），香茅豬扒濛喺店家嘅特別推介，當然要試一試佢啦。撈濛做得穩打穩紮，將濛粉跟墊底嘅銀芽、青瓜絲、生菜絲撈勻，加入魚露，配合埋蔥花同花生碎，既簡單，又清新 ，夏天食撈濛就最好不過。不過，原來最正喺件香茅豬扒，入口估佢唔到有種超脆感，煎得面層焦脆，肉質極鬆化，富香茅味，小弟都認為值得推介 。 手切雪花肥牛湯河 $68 :) :) :) 湯粉類中生牛肉及火車頭都喺店家嘅特別推介，不過，晌牆上仲見到有款廚師推介嘅手切雪花肥牛湯河。湯河跟本地手切肥牛分開上，肥牛色澤紅潤，油花亦見平均，放入湯河中靠湯嘅熱力燙熟，肥牛入口真喺嫩滑無比，油香而富肉鮮味 ；相反，湯底較清，據解釋喺怕搶走肉鮮味，但細呷一口仍感受到當中嘅清甜，至於湯中滑滑溜嘅河粉，應該唔會令人失望！仲有餐後免費奉送嘅糖水，都喺叫人覺得有種窩心嘅感覺。除咗食物做得出色，用料唔欺場，做得認真外，更喺一位媽媽對家人及食客嘅承擔。餐後有幸跟店主羅媽媽傾幾句，原來佢喺越南華僑，所以，做得一手正宗越南菜真喺難唔到佢 ，不過，年紀大都要放下鑊剷，而滋味館亦曾停業過。其後再重開，為嘅就喺患有聽障嘅仔仔，依家掌廚嘅就喺佢個仔及多年老拍檔嘅師傅，因為據佢講啲餐廳一聽到佢仔仔喺失聰，連試工機會都無，徒有一身承傳阿媽嘅好手藝 :( ！雖然過去多年間都遇到唔少困難，但羅媽媽仍相信憑著「越式滋味」及「出色手藝」，「滋」「色」以可改變命運！祝願小店百尺竿頭，更進一步 。…查看更多

這家滋味館已經嚐過幾次了，每次都是與友人前往，我對它實在太深刻了! 它是我這23年來嚐過最好味的越南菜，我不是要故意誇讚它，但事實如此! 越式鮮蝦米紙卷每次必叫菜式一定是”米紙卷”，每次回購都是因為它它它它它!!! 今次嚐了鮮蝦米紙卷，上幾次都是叫札肉米紙卷。首先要大讚它的酸辣醬汁，很夠辣而不會過太，酸酸甜甜好醒胃! 米紙夠煙韌有咬口，裹面用上新鮮的生菜、香葉、檬粉，一口咬得一口脆之感。個人而言，我比較喜歡札肉米紙卷，如果鮮蝦米紙卷是用上生蝦的話可能會更有趣。下一次一定要試試它的帶子米紙卷。越式花甲清湯花甲是頭一次點的菜式，基於友人想試試新菜式而點的。想不到花甲量還不少，質素不錯，嚐一口湯，味道是清甜的，有陣陣花甲鮮味及香葉味，唯一改善的地方是可以再落少一點鹽。品嚐清湯，我還是喜歡淡一點，嚐它的真味。雞絲/鮮蝦柚子木瓜沙律這個是友人的至愛，先淋上一層祕製醬汁，然後開始撈一撈，成了便可開始享用。一絲絲的木瓜不硬，口感不錯。有些越菜館會用上生木瓜，口感硬，咬耐了會牙累，因此這家做的合我心意。雞絲跟鮮蝦比，我較喜歡鮮蝦，喜歡那肉質配搭。吃完一餐晚飯，有一驚喜的是店舖會送上甜品，都是以西米為主，今次送的是栗米粒西米露，甜度剛好，西米煮得夠淋，細細碗剛剛好!…查看更多

近日天氣陰晴不定，加上熱浪襲人，少不免令人胃口大減，很想吃些既清新又有特色的菜餚來刺激一吓味蕾。問食友有甚麼好提議，獲回覆竟然是去土瓜灣「滋味館」吃越南菜。越南菜向來以酸甜醒胃見稱，當然好喇，但土瓜灣，位置似乎隔涉了一點喎。不過當看完食友的介紹，發現原來店主背後有一段不為人知的感人故事，一個為聽障兒子打造未來的慈母，縱使在創業和經營的道路上，遇上不少困局，一次又一次的結業，但為了兒子能學到一門手藝，有一技旁身，解決生活上的問題，又再一次又一次重操故業，那種堅毅不屈、迎難而上的精神，實非一般人能體會。正所謂《可憐天下父母心》，作為兒子的你，又能領略少呢？好，就決定約埋食友一齊到訪。座落於馬頭圍道的「滋味館」，雖然只是一派茶記格局，不過裝潢看起來亦頗雅致舒適，加上一室純白色調，相信在此吃醒胃菜式，也會特別開懷。原來店主在餐廳盡頭以屏風間咗一個小型貴賓房，方便食客約齊三五知己又或者一家大細來聚餐，完全唔怕被別人打擾。先翻閱一吓餐牌，小小的一間菜館，竟然有過百款菜式供應，由沙律、越式米紙卷、串燒／炭燒類、精美小食、濱海類／生菜包、廚師特別介紹、檬類、湯粉類、精美小菜、炒飯類、炒粉類、煲仔菜、湯類、以至尊貴一人餐、越式火鍋等，皆任君選擇，心多多的朋友應該有排揀。安頓後，先每人點來一個新鮮椰青 ($28)，啜一口椰水，雖然椰香味不太重，但分量十足，而且入口清甜潤喉，加上椰肉夠曬嫩口，水準的確唔錯。原來據店主講，由於受泰國局勢不穩影響，令椰青的來貨大幅減少，而且每個成本價竟然高達 $27，咁賣 $28 一個咪……..參考了食友早前的食評，加上店主的推介， 前菜先點來一客帶子米紙卷 ($50)。原來米紙卷是越南美食的經典前菜，通常會放入蔬菜、薄荷葉、青瓜絲及豬肉等作餡料，不過店主創意無限，先以透薄的米紙捲上越南米粉、青瓜絲、甘筍絲、香花菜和生菜，頂頭再放上一隻厚實得來又夠鮮嫩多汁的煎帶子，吃起來味道鮮甜清新，用來蘸老闆娘秘製的越南魚露同吃，真是令人回味無窮。接著出場的越式明爐魚 ($118)，成品先以香茅、香花菜、酸梅、檸檬皮煮成湯汁，連烏頭輔以明爐即時烹製，再加上大蔥、黃芽白、芹菜、瘦肉絲等作配料，魚肉入口嫩滑鮮甜，湯底味道酸香惹味，配料口感豐富，的確令人食指大動！點了一大碗豬扒撈檬 ($48)，豬扒醃得非常入味，雖然唔算稔滑，但肉質鬆軟，煎得火候剛好，夠曬  juicy，入口更帶點微脆，用來配店主用咗成担心機來製作的酸中帶甜 magic sauce 魚露，入口清新醒胃，感覺很 fresh。冬蔭功燒雞 ($118/半隻、$228/一隻)，雞隻以青檸汁、香茅、南薑等多種香料醃製，再放入焗爐烤至香脆，雞肉吃起來嫩滑又多汁，連外皮咬落都咁香脆可口，只是稍嫌醃料下得太輕手，未能突顯冬蔭功那股酸辣味道。緊接登場的是一客燒豬頸肉濱海 ($88)，其實濱海是越南宴客菜常用材料，質感似米粉，而食法是先在碟上排上生菜葉、金不換及青瓜，再上放濱海，旁邊則擺下一片豬頸肉，於濱海面頭淋上混入了花生碎的魚露，用手捲著來吃。豬頸肉入口爽脆肉嫩；而白淨透明的濱海，唔單止粉質細膩柔韌，吃起來更帶點米香，口感獨特。墨魚木瓜沙律 ($78)，從泰國入口的青木瓜，清甜多汁，切成粗幼度適中的青木瓜絲後，配上彈牙的墨魚粒，再蘸點店家秘製的青檸汁同吃，入口鮮味中又帶點酸辣，香濃惹味，非常開胃。手切肥牛湯河 ($68)，先把切得極薄的雪花肥牛放進熱騰騰的湯中輕輕燙過，再快速挾起品嚐。肥牛入口香滑得來牛味亦十足，配上以牛骨、雞肉及甜蔥熬製的上湯，甘香濃郁，加埋分量適中，質感爽滑的河粉，吃完肚子十分滿足。是日甜品為紫米露 (餐後免費奉送)，味道清甜，入口帶點椰香，加上煙靭的紫米，夠曬滋潤，如果再放進些切粒芋頭來增加口感就 perfect 喇。據說店裡的甜品極受歡迎，除紫米露外，南瓜芋頭露、粟米西米露亦是一衆食客心水之選。…查看更多

其實都知道土瓜灣這個舊區有不少有質素的小店, 但真的很少前往, 皆因沒有地鐵不太方便, 揾路又不太叻的我, 怕找得來, 店子都打烊了…..但最近有朋友介紹一間正宗的越南菜館給我, 一心好奇下, 看看它的食評, 雖然食評不多, 但大部份都是好評, 於是便約了幾位朋友一起勇闖土瓜灣《滋味館》, 估不到得到一個很深刻的體會。小店以鮮綠色為主調, 充滿清新的感覺, 大大的店名招牌高高掛在店子的正中, 以黃燈光圍邊, 清晰鮮明, 站在對面街都能清晰可見, 比我想像中容易尋找。門口擺放了幾張大餐牌, 亦有色彩繽紛的菜式相片和一部平板電視播放着各款菜式的賣相, 相當吸引途人停下腳步看看。內裏以白色為主, 牆上只是掛了幾個相架及擺放了幾個酒架, 擺設簡約平實, 並不花巧, 有一種在家中的舒適感覺。小店地方不大, 但枱與枱之間有一定的空間, 不會感到迫迫夾夾, 令大家可在舒服的環境下品嚐美味的食物。眼看這裏員工個個都精神奕奕, 快手快腳, 而且親切友善, 特別是老闆娘, 她在店內四處穿插, 與熟客你一句我一句, 尤如一家人一樣, 這就是小店優勝的地方, 亦是我愛小店的原因。我們六人行, 看看精美的菜簿有什麼心頭好, 點選了以下幾款。每人先來一個原個椰青($28)以助解渴之用。大大個椰青, 內裏相當多汁, 飲了一整晚都好像飲不完, 勁! 入口冰涼清甜, 相當解渴和美味, 最細心是已替食客弄起了椰青蓋的椰肉。厚厚椰子肉相當爽脆, 但我郤喜歡吃腍嫩而熟透的椰肉。第一道是帶子米紙卷($50), 平時一般所吃的多數是大蝦米紙卷或扎肉米紙卷, 是一款凍食的菜式, 但這裏創一點新意, 改用了香煎帶子, 暖暖的帶子遇上微涼的米紙卷, 外暖內凍, 口感特別, 相當創新。厚厚的帶子外面煎至帶有稍稍焦燶, 甘香而鮮美, 肉質富彈性, 以薄薄半通透的米紙包着清甜的青瓜絲和紅蘿蔔絲、爽脆青綠的生菜絲、富獨特香味的九層疊及爽滑的米粉, 用料豐富而味道清新怡人。吃時淋上以魚露、辣醬、青檸檬和黃檸檬的自家製醬汁, 酸中帶點微辣, 更添美味。吃完凍食便來一道熱辣辣的越式明爐烏頭魚($118)。我家一向會以檸檬、果皮或豆豉蒸烏頭魚, 由於烏頭魚肉厚, 有時會因蒸得過時而令肉質粗糙, 所以對此魚沒有太大的喜好…….但原來越式以明爐煮製烏頭魚的效果有相當大差別! 特別在於一邊滾着, 一邊進食仍能保持魚的肉質嫩滑, 而且持續熱辣辣, 不會因放涼而變腥。肉厚而雪白的原隻烏頭魚, 肉質鮮嫩, 特別喜愛吃魚腩位置的我, 當然要試試它的嫩滑程度, 果然沒有令我失望, 腩位連帶着一層魚脂, 入口滑溜而鮮, 不感半點油膩, 不錯! 它以多款配料一同烹調, 細數一下包括有芹菜、黃芽白、香茅、紅椒絲、檸檬、九層疊、酸梅、薑片和碎肉, 用料豐富, 味道帶點酸辣, 很有風味! 特別要一提芹菜和黃芽白, 兩者吸收了魚的鮮味, 故相當甜美, 千萬不要浪費! 還有附上一碗原料的湯底, 當湯底被收乾時加入, 這樣便可保持原汁原味, 相當細心!店子真細心, 待我們把這條魚吃得七七八八時才再上下一道菜式, 讓食客可慢慢品嚐每道菜的真滋味! 熱辣辣後又來一道涼拌菜, 不知是巧合還是店主的刻意安排呢? 豬扒撈檬($48)的檬粉越南語是河粉的意思, 是一款我頗喜歡的涼拌菜式, 皆因多是用酸咪咪的的醬汁拌食, 入口帶點冰涼, 夏天吃相當不錯。這裏的豬扒撈檬碗底放有大量青綠而爽脆的生菜絲, 上層有條條透白且爽口滑溜的檬粉, 還有爽脆的芽菜和青瓜絲, 當然不少得已切好一件件的豬扒, 再加上翠綠的香蔥花和花生碎, 簡單而美味。件件肉厚的豬扒, 外面煎很香脆無比, 還帶點焦香味, 肉質腍嫩柔軟, 最欣賞是它仍緊緊鎖住肉汁, 絶不乾身。吃時淋上與帶子米紙卷相同的自家製醬汁, 再把所有材料撈勻, 入口冰涼而酸酸辣辣, 既醒胃亦美味, 推介!接着是半隻炭燒冬蔭功燒雞($118)。未上此菜式前讓自己想像一下它的賣相, 結果與我想像的實在差整條街…… 本以為是將雞件浸在冬蔭功湯中, 其實我都覺得這個想法有點奇怪, 但冬蔭功在我心目中是一碗湯, 所以才會想出這個樣子。燒雞外層燒得金黃, 且帶微微焦燶, 外脆內嫩, 不論雞胸或近雞脾位置均肉質嫩滑, 鮮味十足, 但可惜少了冬蔭功的辣味, 略欠冬蔭功的風味, 為何稱此菜式為冬蔭功燒雞, 好奇下問問老闆娘。原來此雞是先以冬蔭功醬醃製, 再以炭燒的烹調方式製作。整體而言, 此雞相當美味, 滿有炭燒的風味, 但因它名為冬蔭功燒雞, 郤欠了冬蔭功特色, 故感覺有點失望。再來是豬頸肉檳海 ($88)。記得曾經在另一間食店吃過一碟豬扒檳海, 但食法與此完全不同, 經過今晚才知道正宗的越南檳海是這樣的。一碟生菜配上一碟饀料和一碟醬汁, 饀料擺放得尤如一朵花, 中間有清爽的芽菜、白蘿蔔絲和紅蘿蔔絲, 旁邊有爽脆的青瓜片、腍嫩的薄薄炭燒豬頸肉, 還有口感彈牙加入香蔥的檳海, 配上一大碟爽脆而青綠的生菜和獨特香味的九層叠。食法是將各饀料逐一放在生菜上, 然後淋上自家製的酸辣醬汁再包裹來進食, 吃時一定要不顧儀態, 張大嘴吧同一時間將各材料放在口中咀嚼才有風味, 老闆娘表示一樣材料都不能少, 果然滿有風味, 相當美味!還有這道墨魚青木瓜沙律($78), 同想未上此菜式前又讓自己想像一下, 想像是青木爪沙律拌上烏卒卒的墨魚汁, 黑漆漆的一道菜式, 事實上賣相與我的想像相差太大, 我的幻想力實在太豐富了! 一道清新而冰涼沙律, 賣相相當吸引, 內裏有生菜絲、青瓜絲、白蘿蔔絲、紅蘿蔔絲和青木瓜絲, 眾食材都非常爽口清新, 當然不少得件件白雪雪的墨魚, 肉質爽嫩, 味道鮮美, 若然想吃得很清新涼快一點, 則勸告不要淋上所配搭的自家製醬汁, 因為它會讓這道清新沙律推至火辣辣, 但我郤喜歡接受挑戰, 更喜歡品嚐每款菜的獨特之處。青黃色的醬汁, 它以青檸、泰式辣椒仔及一些調味料的製成, 入口時一點殺傷力都沒有, 慢慢便能感到它的厲害, 勁!壓軸是吃越南菜必食的手切肥牛湯河($68)。河粉與肥牛分開上, 並非已舖在湯河上, 自行動手更有風味, 但要快快手呀。片片鮮紅色的薄切肥牛, 肉中夾雜着雪花油脂, 稍稍在滾湯內灼一灼, 肉質柔軟嫩滑, 並不油膩, 而且滿有牛肉的鮮味。條條通透的河粉, 入口滑嘟嘟, 以清爽的芽菜和洋蔥、清甜多汁白蘿蔔和翠綠的蔥花作配料, 湯底偏清淡, 沒有半點油膩感, 朋友正正喜歡它的清淡, 而我郤較喜歡濃郁的湯底, 所以不太合我口味。大家已吃到八成飽, 竟奉送一碗令食客甜在心頭的紫糯米糖水。雖然只是細細碗, 但估不到小小的店子也有飯後糖水奉送, 已是一個意外的驚喜。粒粒的紫糯米, 煮至半腍身, 仍保持稍稍的煙韌, 很有咬口, 口感豐富。其滿有椰香, 杰度適中, 而且不會太甜。老闆娘除了顧及熟客, 當然也沒有忽略我們。在品嚐糖水時, 她也主動前來問及我們對菜式的意見, 她由站至坐, 還慢慢細說她的背後故事給我們知道。原來她是一個越南華僑人, 所以能弄出一手正宗的越南菜, 不過她不是現時大廚, 大廚是她一名聽障的兒子, 而她是主力創作新菜式和傳授手藝。老闆娘由越南來港後在鰂魚涌開店, 但由租金問題已搬至灣仔, 其後亦同樣受租金困擾, 已打算退休的她, 停業一段時間, 但由於兒子一直未能成功找工作, 故她再為了兒子而「重出江湖」, 現坐落於土瓜灣。 雖然只對這間小店的背後略知一二, 但深深體會到為人父母的偉大。與好友共享一頓豐富而美味的晚餐, 再加上與老闆娘的一席話, 不但滋味在味蕾, 同樣滋味在心頭, 當你能夠有機會了解一間小食店的背後故事, 你便會對它不知不覺間產生一份情.......離開每間小店, 我都會習慣回望一下, 回憶當晚的美食和小節, 想想老闆娘為自己家人的生活默默經營這小店, 努力耕耘的小故事, 看着門口已續漸延開地鐵興建工程, 行人路上設有路障, 途人要左轉右轉, 行走得不太方便, 恐怕日後對這間小店一定會帶來不少影響, 真令人擔心, 但相信大廚的手藝再加上老闆娘的創新, 除了有一班熟客繼續會支持外, 亦會吸引不是無名而來的食客。回到家中, 不禁再想起老闆娘的背後小故事, 為了自己的兒子勞勞碌碌大半生, 想想自己的父母又何嘗不是為我和哥哥不斷付出, 回想起小時候由親友照顧, 父母早出晚歸, 早放工的話便來教我們功課; 太夜的話也會堅持來看看一眼才安心, 頻頻撲撲都是為了子女日後安穩的生活, 想到父母以前對自己付出, 現在年紀老邁仍盡心盡力付出, 不知不覺唱出「跟你 一起 我想應該值得慶幸，保顧是天生的力氣，忘記 提醒 還有那些你教我的，昨天你给了我 今天我照顧你……」, 一首大家可能未必熟悉的歌《記得我愛你》, 但我每次看這MV, 鼻頭總會一酸, 想與大家分享, 一邊欣賞一邊想着你珍惜的親人, 相信身為子女的你會知道接着應該怎樣做…….…查看更多

因為唔係食家，原本無寫評o既打算，所以無相。但係呢間店比我感覺唔錯，老闆好人又建談，所以想上黎比個笑佢。一家人食飯，去到食客唔多，一入去就有位。環境光光猛猛好幾好，坐得都算舒服。叫左炒粉絲、架哩牛筋、蒜蓉包、薄餅、牛肉湯金邊粉、粉包、牛油雞翼可能個時客唔多，食物好快就到，仲好熱添。牛油雞翼皮脆唔油，炒粉絲干身無痴埋一舊，而且份量都算大。最尾食埋個栗米西米霑，呢個甜品對我本身唔鍾意食西米露o既人黎講係一個驚喜，佢少甜唔膩，栗米個味加埋落去食落好清爽，雖然呢個可以係好普通o既野，不過我覺得值得推介。以上可能睇落唔算好吸引，不過呢... 呢間店我會再幫襯。:)…查看更多

想試好久,終於試到了.一句講完,冇下次啦!叫左:清湯牛腩湯檬$26,香茅雞排湯檬$26,越南炸蝦餅$12,蒜茸牛油雞中翼$12清湯牛腩湯檬:清湯一般冇咩特別,粉好小,牛腩好小,薄到風都吹得起.完全食唔到咩味.香茅雞排湯檬:完全冇雞排味,香茅味欠奉,湯只係食到芫茜味,好清.:(越南炸蝦餅:蝦丸先是真,咩叫蝦餅呀!甜醬都冇.仍可,算彈牙有蝦味.蒜茸牛油雞中翼:炸到個皮好硬唔脆,只有蒜茸味,冇咩牛油味.熱檬茶:個杯真乾淨.完全唔得,真係冇下次囉!…查看更多

見7點間鋪未有太多客，就拿拿臨入去醫肚，叫左個一人餐雞絲湯河加6蚊就有多個豬頸肉，估唔到6蚊雞會有甘多架，味道仲好ok Tim wor,金邊粉如果淋多少少會更加好。…查看更多

印象中記得這越菜店原本是在食街那邊的，但在重建的影響底下陸陸續續有許多店子已搬走，其中一間便是這裡了....之前有沒有來過已無甚記憶，這趟來就當成是新店子來吃吧。土記一向少有越南菜吃的，當然要來支持....午市平價套餐的選擇也頗多元化的，有碟頭飯、炒及湯粉或檬還有份量輕一點的沙律。另外還可以加少許錢換來一份小食，裡頭更有我的摯愛蒸粉包....價位亦十分便宜抵食....與太太一人叫一份餐，然之後來個分食，是我們慣常一定做的。點了一杯三色冰，很夠凍而且極甜亦有椰香，是不錯的....生牛河的湯色水蠻清澈而且濃而不膩亦夠熱的，可惜的是牛肉用的只屬普通超市肥牛肉片，入口牛香欠奉亦是淡mou mou；配菜只有一點點的生洋葱、青葱粒及蘿蔔，個人認為頗重要的香菜卻是沒提供，令湯的味道沒有太大變化....不過如斯便宜的收費的一個套餐，有這樣一個湯底已是很不俗，絕不能要求太多了 (特別是牛肉那部份)...試了少許太太的法式牛尾飯。小弟特別欣賞那個味濃郁的醬汁，是既有茄香也嚐得出下了很多香料去熬，味道不是一味死酸；牛尾亦炆得很淰很入味，肉一擺入口輕輕一咬，便融在嘴裡....小吃類反而很一般，魚餅是超油膩的；粉包的材料沒有下太多的木耳碎也不是我喜歡的，可幸粉皮食落還算有韌勁亦沒如綿襖般的厚....下次若有時間的話，儘要來吃一個晚飯，便能知此店水準的端倪了....…查看更多