影片
港铁观塘站 B2 出口, 步行约8分钟
继续阅读
电话号码
54099902
附加资料
誉满十年【滋味靓汤】工场由香港仔搬迁到观塘, 但不变的是我们对健康汤水的执著与坚持, 为港人提供一碗【原汁原味的滋味靓汤】。工埸按照ISO22000标准运作, 安全可靠, 汤品绝无味精、无添加, 为你送上家的味道。
营业时间
今日营业
11:00 - 15:00
星期一至日
11:00 - 15:00
以上资料只供参考，请与餐厅确认详情
呢度每个星期都会有唔同款式既汤水俾大家拣☺️ 可以直接将啲汤倒落煲度翻热又得, 想懒啲既可以直接将成包摆落热水煲10分钟又得, 摊冻一阵可以直接用个包装饮碗都可以唔洗超方便🤓杏汁螺头猪肺汤($43)呢款汤清热解毒,解酒润肺好啱而家干燥同成日挨夜既人饮😋 奶白色既汤头饮落有阵阵既杏仁香, 加埋螺头同猪肺既味道, 饮落好鲜甜同有滋润既感觉☺️雪梨雪耳川贝杏仁无花果鳄鱼肉响螺唐排($43)另外呢款就系滋阴养颜,化痰定喘好啱气管冇咁好既人饮, 汤系深啡色饮落有好香既响螺味, 成个汤头都几甜, 饮落有几分似平日呀妈煲既老火汤👍🏽呢间汤饮店真系好适合一众好似我咁又想饮汤又懒既人, 虽然只系翻热就饮得, 但系味道绝对唔会输比自己煲既老火汤嫁🤩
继续阅读
疫情下外卖变成大家既日常疫情下更加好多方便𩠌包既推出劳苏食就转转个外卖mode做个 ，疫市之中揾下生活快乐点子滋味靓汤，专做靓汤、𩠌包，加热即食，超级方便，更加系「香港品牌、香港制造」包装好光鲜亮丽，款式都有特色外卖更加会帮你包好保温纸，赞杏汁响螺猪肺汤，好正既包装，滚水加热10分钟就可以倒出嚟饮超白滑既感觉，倒出黎，杏味好香，超大碗既份量，一定够两个人饮好浓既汤，可能因为有响螺，比一般猪肺汤浓同好味花胶瑶柱螺片鲍鱼红枣鸡汤，加热倒出，香到一个点系超香既鲍鱼汤味，加埋花胶既胶质同鸡既浓味，口感一流，好好味好浓红枣系特色既重点，调返个味，令到成个汤唔止豪，仲够特别，超级足料系我饮过最正既汤之一惹味黑椒鸡中翼，好香既黑椒，一份都几多只，非常入味，黑椒香浓所以真系几惹味肉质无因为系𩠌包而霉左，仍然嫩滑，几好味，汁都好多可以捞饭食添正宗马拉肉骨茶，好正当𩠌包有东南亚风味，份量仍然好多，好足料，好入味，药材味超浓，愈饮愈想饮夏天唔想食饭可以饮汤食骨都又饱又补所有野我只可以话系「超足料」不愧为滋味靓汤，啲汤真系又浓又正又好味又有特色叹住支持香港制造#食下食下开始觉得𩠌包仲方便过外卖#可能要买个冰柜
继续阅读
屋企得我同我老公两个人住，平时都好少煮饭，又要返工，放工通常都出街食，食完返屋企冲凉瞓觉😴啦，之前同同事倾开，佢有时会买呢啲急冻汤包同𩠌包返屋企做晚餐，我就经佢推介来左观塘呢间～滋味靓汤～睇吓，呢到啲汤包款式超多😬同埋呢到啲汤包最大卖点系原汁原味，绝冇味精，真系好适合烦忙嘅香港人👍🏻佢每日都有唔同嘅汤款，买汤卷重抵，同埋佢有做公司团体及机购订购添，我今次买左花胶鲍鱼乌鸡汤，𩠌包买左惹味黑椒鸡中翼同地道五香萝卜炆牛筋腩来试，全部放晒落只获到煮滚10分钟就食得，个汤真系坚掂👍🏻一倒出嚟劲香鲍鱼鸡汤味🤤重要个味超好，我好肯定唔系味精水，饮完一啲都唔口干👍🏻👍🏻推介，鸡翼大大只，总共6件，整得好入味～萝卜炆牛腩我直头觉得出色来形容，首先呢样𩠌整系比较麻烦，一剪开袋，个阵五香牛腩味香到不得了，牛腩炆得劲淋又软熟，一啲都冇痴牙👍🏻好食过啲餐厅整😬诚意推介比大家👍🏻成日出街食都食到闷，转下食呢啲急冻包，又方便又便重好健康添👍🏻
继续阅读
之前朋友已经有介绍过我呢间铺头专卖靓汤同埋即食𩠌包，惊今晚得我自己一个人食饭，决定上去睇吓有咩好嘢食。🤪〈杏汁响螺猪肺汤〉🐷🫁🥣呢款似乎系舖头嘅招牌汤包，返热嘅方法超方便，水滚后放入去滚10分钟就饮得，倒出来都有一大碗，味道非常浓郁，健康又有益。〈惹味黑椒鸡中翼〉🍖自己一个人食饭又点会想大费功夫煮𩠌呢，而家水煮10分钟，就即刻食到腌制咗嘅鸡翼，鸡翼好大只啖啖肉，黑椒味有少少辣。〈正宗马拉肉骨茶〉🐷🦴🍲呢款𩠌包都几唔错，系药膳汤底𠮶款肉骨茶，猪肋条煮得好入味，啲肉唔鞋而且仲有软骨位可以咬，份量都唔少，估唔到自己一个人食都可以食得咁丰富。舖头喺观塘都算几方便，下次自己一个人食饭都可以上去睇吓有咩好汤好𩠌。👍🏻
继续阅读
喺观塘行街，见到呢间卖已经pack好咗嘅汤同𩠌，买咗两包汤同一包𩠌返去试下。放工返到屋企将啲汤同𩠌加热，自己煮个饭，炒个菜，咁就搞掂。买咗一包鳄鱼肉煲唐排，一包药材响螺煲鸡汤，几好味，药材味唔会太重，最紧要系完全冇味精，好似自己屋企煲嘅咁。如果自己煲响螺煲鸡，起码煲几个钟，而家买一包汤加热几分钟就饮得，好爽。另外都买咗一包四川麻辣鸡翼，够晒麻，够晒辣，钟意辣嘅朋友真系可以试下，唔食得辣嘅就可能会觉得太辣，但系因为我同老公都食得辣所以觉得辣得好过瘾。
继续阅读
您可能会有兴趣的...