滋味店 (麗閣商場) (已結業)

店員靜係掛住同其他客吹水dum低間舖唔理店內空無一人我同老闆娘招手示意想買嘢佢同我講唔做生意大佬呀 如果你唔想做生意唔該摺左佢讓個舖位比其他人好唔好？如果無乜事都唔好黎呢間嘢食

突然好想去食格仔餅，印象中好似有見過麗閣有賣格仔餅，於是就去咗呢一間買。一開頭我話要原味格仔餅$20，然後問佢可唔可以多牛油，佢就話唔落牛油架，我就黑人問號左。好啦，企喺嗰度等佢整幾分鐘，發現佢呢點拿都拿唔起個格仔餅喎，我嗰陣已經覺得好似出事。最後佢用咗兩種器具終於翹咗個餅出嚟，佢遮遮掩掩唔俾我睇㗎，嗱嗱臨落個花生醬煉奶然後俾我，我打開一睇：1. 個格仔餅溶溶爛爛穿晒窿2. 爛咗嗰個位仲要係燶咗3. 由於穿窿啲醬流曬出黎我都下真係忍唔住過去同佢講話：「咁嘅樣點食啊？燶晒穿晒喎？」佢就同我講話個格仔餅板有啲漿黐住咗，冇落油先至會咁㗎。我心諗你都好意思話你冇落油㗎喎，佢隔左幾秒就拿走個格仔餅，然後話：「唉！你俾返錢你啦！」咁我就心諗算啦，於是我咪掉頭走，點知佢大大聲仲講咗一句：「咁奄尖㗎！穿咗個窿咋嘛！」嘩我都下真係好後悔冇影低個個格仔餅做證據！不過係呢個負評區有一個同我一樣嘅格仔餅受害者，佢有影低佢嗰個又燶又爛嘅格仔餅，我個塊仲爛過佢個塊。我覺得，我比得錢，就係要食一夠正正常常嘅格仔餅。你咁嘅質素煮完出嚟然後仲要話我腌尖？我好人好者買個嘢食做咩要咁折墮食你嗰份垃圾？照你咁講你煮到咁樣我仲

突然好想食重煉奶花生醬嘅格仔餅，去開呢頭見到呢間有就走去幫襯囉，我問呀姐格仔餅有冇得落花生醬同煉奶，佢居然答我：冇花生醬架喎！我就問佢：咁入面落咩呀？佢懶神秘咁話：總之我地有配方啦！我心諗「你up乜？」就諗住嗌其他野食啦，點知佢毛啦啦又話：可以落～你想要咩都落得！咁我就要左原味格仔餅，淨係落煉奶花生醬，唔要牛油，佢整既時間手勢已經好慢條斯理，搞到後面d人頂唔順走咗，Fine，我都算，只要佢好味就得，最後佢整呢舊嘢嚟（如圖)，我返到屋企只係咬左一啖咋，What is this 咩嚟架？？？？？冇味架舊野，仲要冇落到煉奶喂阿姐！我講左好多次要煉奶花生醬，煉奶呢煉奶呢煉奶呢？點解要咁對我啊！？我再打開睇，omg咩野嚟架？？整到成舊爛哂既，直頭唔可以用格仔餅去形容呢舊野還我煉奶！煉奶無罪！

拎到返屋企打開，傷心😭唔知個阿姐係咪冇心做定係咩原因, 一直食開唔係咁樣，但今次竟然係普通一啲混醬腸粉，然後上面加少量嘅手撕雞，仲要勁咸啲豉油直接落左喺手撕雞上面，已經睇見唔開胃，想打電話落去同佢講返，上網又搵唔到電話，本來好耐冇食想回味一下之前食都好好食，今日呢個真係好差完全唔值呢個價!食咗兩條成兜掉咗😡拎到返屋企打開，傷心😭唔知個阿姐係咪冇心做定係咩原因, 一直食開唔係咁樣，但今次竟然係普通一啲混醬腸粉，然後上面加少量嘅手撕雞，仲要勁咸啲豉油直接落左喺手撕雞上面，已經睇見唔開胃，想打電話落去同佢講返，上網又搵唔到電話，本來好耐冇食想回味一下之前食都好好食，今日呢個真係好差完全唔值呢個價!食咗兩條成兜掉咗😡好希望店家睇一睇，我好肯定我今日買嘅唔係之前一直整開嗰個人!

係滋味店買左盒涼拌手撕雞粉皮， $35一盒 ，辣的味道可以選大，中，小和BB辣，如果唔食得辣可以唔加辣的，另外加底就加$8。我哋3個人食無加底，已經覺得份量好足夠，涼拌手撕雞粉皮的醬料整得好好味，粉皮好滑好大塊，雞絲都好多，下次可以再食！

腸粉夠滑身，厚度唔算好薄但尚可接受，口感夠軟滑但又唔會淋到無𡁻口。整體嚟講有75分，最怕食著淋到好似漿糊嘅腸粉，呢到嘅腸粉就唔會，條條分明。醬汁正常無乜特別，唔會過鹹或調得過稀中規中矩。

食左兩啖無再食 印尼撈麵都可以難食。。。 手撕雞得3，4舊 叫大辣係0辣，真心有點覺得好過分，第一次幫食店留評，離晒大譜，食左兩啖要叫過其他外賣，曬我時間！唔好再比呢d野人食！

前排拜年去開長沙灣，上去前諗住附近醫下肚先，找找下就發現麗閣商場下改裝成貨櫃商場，仲有個小型foodcourt，當然試下醫下肚當然食d港式小食，呢間有好多選擇當然試下小編咁中意食辣，當然試下酸辣粉薯粉煮得岩岩好，食落煙韌，而個湯底酸酸辣辣好惹味，不過小編略嫌唔夠辣最中意呢到酸辣粉唔會好多油，唔會咁油膩炸雞翼炸得好香脆，食落肉嫩脆口，加少少淮鹽已經好夠味炸餃子又係炸得脆口，餡料係白菜豬肉好足料，仲配埋甜酸醬好惹味最有驚喜就係炸多春魚，炸漿唔會好厚但又唔會一夾就散，食落好香魚春既油香Oreo同雞蛋仔係小編最愛，配埋一齊都係第一次試，原來又幾夾雞蛋仔焗得香脆，Oreo熔左好似朱古力咁咁，呢個甜品作結尾好滿足總括黎講：呢間小食店選擇好多，而且樣樣都好正，抵食

去拜年好開心除左去拜年就係周圍去揾食，今次去到長沙灣麗閣村拜年，樓下有個小型foodcourt，一於就試下見到呢間小食店--滋味店，咁多人排隊就一於試下印尼撈面係小編中學個陣既回憶，見到就想食返撈面係用正牌既印尼牌，係佢獨有既味道，仲加上自家製辣油好惹味仲有鹹鹹香香既手撕雞，食落又好嫩滑咖哩三寶都係小食既首選，有蘿蔔魚蛋豬皮，咖哩汁偏甜辣辣地，椰香味較重，而且好入味呢到仲有得食XO醬腸粉，腸粉煎得好香脆，唔會一夾就散，而XO醬都幾香唔會好辣，但就油左少少炸燒賣炸得好脆卜卜，而燒賣唔係好粉個d，食落係彈牙有魚味，配埋椒鹽粉岩岩好最尾當然叫個夾餅食，呢到最大熱既抹茶味，當然試下夾餅食落唔夠脆但好香抹茶味，仲有花生醬同煉奶，好多醬好滿足呀總括黎講：位於深水埗屋村商場中，有呢間高質素又選擇多，CP值高