影片
店员静系挂住同其他客吹水dum低间舖唔理店内空无一人我同老板娘招手示意想买嘢佢同我讲唔做生意大佬呀 如果你唔想做生意唔该折左佢让个舖位比其他人好唔好？如果无乜事都唔好黎呢间嘢食
继续阅读
突然好想去食格仔饼，印象中好似有见过丽阁有卖格仔饼，于是就去咗呢一间买。一开头我话要原味格仔饼$20，然后问佢可唔可以多牛油，佢就话唔落牛油架，我就黑人问号左。好啦，企喺𠮶度等佢整几分钟，发现佢呢点拿都拿唔起个格仔饼㖞，我𠮶阵已经觉得好似出事。最后佢用咗两种器具终于翘咗个饼出嚟，佢遮遮掩掩唔俾我睇㗎，嗱嗱临落个花生酱炼奶然后俾我，我打开一睇：1. 个格仔饼溶溶烂烂穿晒窿2. 烂咗𠮶个位仲要系㶶咗3. 由于穿窿啲酱流晒出黎我都下真系忍唔住过去同佢讲话：「咁嘅样点食啊？㶶晒穿晒㖞？」佢就同我讲话个格仔饼板有啲浆黐住咗，冇落油先至会咁㗎。我心谂你都好意思话你冇落油㗎㖞，佢隔左几秒就拿走个格仔饼，然后话：「唉！你俾返钱你啦！」咁我就心谂算啦，于是我咪掉头走，点知佢大大声仲讲咗一句：「咁奄尖㗎！穿咗个窿咋嘛！」哗我都下真系好后悔冇影低个个格仔饼做证据！不过系呢个负评区有一个同我一样嘅格仔饼受害者，佢有影低佢𠮶个又㶶又烂嘅格仔饼，我个块仲烂过佢个块。我觉得，我比得钱，就系要食一够正正常常嘅格仔饼。你咁嘅质素煮完出嚟然后仲要话我腌尖？我好人好者买个嘢食做咩要咁折堕食你𠮶份垃圾？照你咁讲你煮到咁样我仲要感恩戴德？你系咪你搞笑㗎靓女阿姐？煮嘢食唔落油，然后同我讲话格仔饼唔会落牛油，我真系食咗咁多年格仔饼我都未见过呢个讲法。我想讲𠮶阵后面仲有几个人企喺𠮶度谂住买嘢食㗎，见住呢件事发生嘅佢哋仲有冇系呢间「滋味馆」买嘢食我就唔知道啦，我净系知道如果你都系以一种咁嘅态度同劣食比客人嘅话，负评只会越来越多，希望你做得生意摆个心落去啦，完。
继续阅读
突然好想食重炼奶花生酱嘅格仔饼，去开呢头见到呢间有就走去帮衬啰，我问呀姐格仔饼有冇得落花生酱同炼奶，佢居然答我：冇花生酱架㖞！我就问佢：咁入面落咩呀？佢懒神秘咁话：总之我地有配方啦！我心谂「你up乜？」就谂住嗌其他野食啦，点知佢毛啦啦又话：可以落～你想要咩都落得！咁我就要左原味格仔饼，净系落炼奶花生酱，唔要牛油，佢整既时间手势已经好慢条斯理，搞到后面d人顶唔顺走咗，Fine，我都算，只要佢好味就得，最后佢整呢旧嘢嚟（如图)，我返到屋企只系咬左一啖咋，What is this 咩嚟架？？？？？冇味架旧野，仲要冇落到炼奶喂阿姐！我讲左好多次要炼奶花生酱，炼奶呢炼奶呢炼奶呢？点解要咁对我啊！？我再打开睇，omg咩野嚟架？？整到成旧烂哂既，直头唔可以用格仔饼去形容呢旧野还我炼奶！炼奶无罪！
继续阅读
拎到返屋企打开，伤心😭唔知个阿姐系咪冇心做定系咩原因, 一直食开唔系咁样，但今次竟然系普通一啲混酱肠粉，然后上面加少量嘅手撕鸡，仲要劲咸啲豉油直接落左喺手撕鸡上面，已经睇见唔开胃，想打电话落去同佢讲返，上网又揾唔到电话，本来好耐冇食想回味一下之前食都好好食，今日呢个真系好差完全唔值呢个价!食咗两条成兜掉咗😡拎到返屋企打开，伤心😭唔知个阿姐系咪冇心做定系咩原因, 一直食开唔系咁样，但今次竟然系普通一啲混酱肠粉，然后上面加少量嘅手撕鸡，仲要劲咸啲豉油直接落左喺手撕鸡上面，已经睇见唔开胃，想打电话落去同佢讲返，上网又揾唔到电话，本来好耐冇食想回味一下之前食都好好食，今日呢个真系好差完全唔值呢个价!食咗两条成兜掉咗😡好希望店家睇一睇，我好肯定我今日买嘅唔系之前一直整开𠮶个人!
继续阅读
系滋味店买左盒凉拌手撕鸡粉皮， $35一盒 ，辣的味道可以选大，中，小和BB辣，如果唔食得辣可以唔加辣的，另外加底就加$8。我哋3个人食无加底，已经觉得份量好足够，凉拌手撕鸡粉皮的酱料整得好好味，粉皮好滑好大块，鸡丝都好多，下次可以再食！
继续阅读