影片
被职员不停安排坐台位置，拒绝反被职员大骂！ 之后仲要被职员女经理赶走，未见过「食物咁一般」概餐厅，可以有咁嘅服务态度😰😰😰。唔明白餐厅管理层的管理手法。数码港概客人受苦了
继续阅读
叫左个日式烧鸡煮蛋饭，食左两啖，鸡？真系鸡！？唔通系斋鸡！？菇一样的「肉」质+菇一样的味道，呀姐话佢呢度d鸡系咁gar wor, 咁我认真系孤陋寡闻，未见识过「非一般」的鸡肉，只能怪自己食鸡食得少。不过都好，最后都肯换过个正常猪排饭俾我。
继续阅读
由数码港第三座进入，上两条扶手电梯，推开玻璃门，绕过吸烟区，再落一条楼梯，就会见到位于数码港第四座鱼池傍的滋味一方。早餐售价相宜，由$16的三文治餐到$24的扒餐，中式西式，各式各样。一碗沙嗲牛肉肠蛋面加一杯饮品，售价$20。须然味道只是一般，沙嗲味欠奉，面又太林，但是有如此景致，美不胜收，可抵消食物不足之处。
继续阅读
其实对呢啲茶餐厅真系无咩要求 填饱算数 不过呢间嘢唔弹下佢条气唔系好顺今日入去数码港做嘢 自己一丁友求其食 见呢间嘢系个池边就脚求奇啦入到去唔多人 一问就有位 跟手有个肥肥地女侍应落单 粗声粗气咁: 食咩心谂: 无嘢嘛.... 比个快餐1号吖侍应好快行开拎架生 一杯水, 筷子 同 单"拍"一声"放"咗杯水系枱面跟手张单丢低咗....又心谂 几十蚊算啦 阿姐可能心情唔靓嘢饮未到见有杯水 谂住饮啦....哗好大阵漂水味.....咁唔饮啦.....等吖等 等吖等 明明叫快餐 黑椒猪扒饭应该好快手 等咗15min都未到见到个肥阿姐问下啦....点知佢口黑面黑咁皱晒眉头咁话:好快到....终于望穿秋水饭到了.....送饭个阿姐走埋黎拎住两碟: 系咪意粉?我话唔系 行咗两步 黑猪呢碟 又系"拍"一声"放"低呢碟黑椒猪扒饭 唔热冻ge 完全无黑椒汁味 系咪而家都兴牛丸唔系牛吖 河粉唔系粉之类....食咗两啖 己经唔多想食 肥姐又走过黎....竟然系抺枱....啱啱对咗两啖咋㖞 唔驶咁赶吖...本住一个心态茶记 唔好有要求 留肚食tea算啦 去埋单....呢间嘢啲人真系好服务 找钱又系"拍"一声....唉 今日可能生肖相冲
继续阅读
由熟人带路，居然在数码港食左一个只系$26的抵食下午茶（猪扒鸡蛋公仔面配冻奶茶），窗外更奉送鸟语花香的绿色园林景致，实在超值到晕！呢间茶餐厅位于数码港四座，四周被绿色的园林加水池景包围，小白鹭更会随时客串演出，名副其实的鸟语花香。下午茶由两点半开始，食客唔多，好容易就揾到靠窗的梳化位，于是可以一边叹美食，一边赏风景。下午茶有十几款选择，由$17蚊起，最贵的只系$28，加埋冻饮$2，$30又饮又食，真系边度揾呢？我食的系猪扒鸡蛋公仔面配冻奶茶(只系26蚊!!!)，猪扒算好大件，腍身又入味，仲有一只大煎蛋，加上公仔面(当然唔系正宗公仔面啦!!)份量唔细，真系抵食夹大件。冻奶茶虽然略嫌唔够滑，但合格有余！食完下午茶，朋友仲带我行埋另一边的草地。除有绿草如茵的靓景之外，仲有无敌大海景，加上蓝天白云，如此免费的良辰美景，实在叹到晕！
继续阅读