影片
开饭介绍
主打上海菜的中菜馆，推介嫩鸡煨面、糖醋排骨及鸡丝粉皮。
继续阅读
营业时间
今日营业
12:00 - 22:00
星期一至日
12:00 - 22:00
公众假期
12:00 - 22:00
以上资料只供参考，请与餐厅确认详情
相关文章
每次去沧浪亭基本上都系坐满晒，同要排队，但佢性价比高，绝对值得排队入去食😍 价钱亲民，食物质素好，见到好多光顾既都系熟客，老板同佢地都有倾下偈 嫩鸡煨面系我每次必点,白鸡汤有浓浓既牛乳味, 白菜同面份量足, 鸡肉份量多够嫩滑 另外仲有叫大排面, 猪排炸得松软, 外脆内软, 面份量足, 汤底香口
继续阅读
今日去开红磡，拣咗呢间小店食，先讲吓环境，佢嘅舖头比较细，得5张枱，比较逼夹，仲要同人搭枱食。而且喺呢个咁热嘅天气，我哋食到成身汗，虽然佢有冷气同埋风扇，但系都系太热，尤其是食汤面嘅时候冷气真系唔少得。食物方面，我哋一行三个人，叫咗一碗熏鱼面，菜肉云吞面同埋糖醋排骨面。三碗面嘅汤底都系清汤底，不过好清好有味，都几好饮，面同𩠌嘅份量都够多，熏鱼有三旧大大件嘅，菜肉云吞有四粒，排骨就有差唔多10粒，每个都大嚿。食完之后都好饱足。最欣赏嘅系佢嘅糖醋排骨，呢个系必食嘅，佢系新鲜炸出嚟，热辣辣，佢嘅糖醋汁一流，酸酸甜甜，同出边嘅糖醋排骨味道有啲唔一样，非常推荐。最后想讲嘅系，呢间餐厅虽然细，但系服务态度超好，有个男侍应(可能系老板）由入座到落单，佢嘅态度都好亲切，亦都会推荐有乜嘢好食，令人感受到小店嘅温暖。
继续阅读
红磡呢间沧浪亭一直都好受欢迎，今次临闩门去都仲系坐满晒，开咗咁耐，价钱仲系好亲民又唔hea货，如果住九龙真系成日都会想去食！—— 嫩鸡煨面 $60 必试招牌！乳白鸡汤香一入口就饮到好浓～嫩鸡够滑唔干柴，幼面条挂汁，私心好钟意放咗好多菜！—— 鸡丝粉皮 $40 呢个真系惊喜咗我😍😍😍 唔知系咪因为临收舖，粉皮即制超级无敌咁爽弹！！！真系食过嘅最好食！鸡丝份量足，就咁加麻酱已经超级好食！食完一碟仲想Encore🥹—— 糖醋排骨 $54 呢款差唔多每枱必叫！即炸排骨外层香脆，一咬脆卜卜好辣口，炸完入面都唔鞋。糖醋酱够酸，开胃又惹味，就咁食定配汤面都正！🌟推荐指数：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 沧浪亭 (红磡)红磡芜湖街111号芜湖居地下C1号舖
继续阅读
黎到红磡呢边食饭，就拣左呢间小店食，位置比较小，店面比较细会坐得迫不过系干净既。点食物方面，点左嫩鸡煨面，大排，鸡丝粉皮。嫩鸡煨面，份量都算多同埋都多料既，鸡既口感都算林同多，面就入口唔会太林既感觉，汤算浓，整体黎讲系唔错，同出边食开既普遍质素黎讲算系比较好既。鸡丝粉皮，正常既味道都有份量，不过啲酱捞埋一齐食之后有可能比较溜啲啲。大排，正常味道，不过不失啦，系够热既。。。。总结。。。一间唔错既小店，嫩鸡煨面对比出边食系算比较好。
继续阅读
我系平日挨晚比较早(大概晚上六点)去食，就唔需要等位，不过当时舖头已经接近坐满。一入门口即刻感受到唔少其他食评所讲嘅服务水平：店员冷酷地同我讲叫我倾喺𠮶条好窄嘅通道一边等执枱，之后后面有其他食客入嚟，店员见到亦无招待。到我入座后我想叫菜亦要耐心等候，唔可以叫佢哋嚟。店员上茶同食物都的确比较粗鲁，食完后亦赶快执走啲嘢令我有少少压迫感好似要快啲走咁，但我只系坐低咗唔够30分钟。不过公道讲，碗上海面真系好好食，刚刚上到嚟嘅时候面质烟烟韧韧，煮得啱啱好，感觉系有汆水渌面。汤都好咸淡适中，刚刚好衬托到上海面嘅面香。分开上嘅香酥鸡份量唔少，炸皮几薄而且好脆；鸡件相当厚身，以致炸好后啲肉仍然好juicy，非常好𩠌面。香酥鸡面 ($60) ★★★★★整体嚟讲，我食呢碗香酥鸡面味道一流，价钱都相当抵；美中不足系服务的确有待改善。
继续阅读