源記粉麵茶餐廳

营业中

休息中

明白新年會有額外收費，但餐廳指示不清晰，令人有受騙的感覺🥲🥲🥲餐廳沒有告示指出新年沒有套餐，落單後收到帳單，發現帳單同menu完全不同，有額外收費。問職員後才得知新年沒有套餐，所有嘢食飲品都是單點，變相埋單一杯熱華田要$23🤦🏻‍♀️🤦🏻‍♀️明白餐廳新年需額外收費，如果一開始明碼實價貼告示話俾人知，觀感會好好多。唔會再幫襯🥲🥲🥲🥲🥲🥲好似俾人呃咗入嚟咁😀🤦🏻‍♀️

本人逢星期日都會到上址買雲吞牛什麵食外賣我會走餐具要求辣椒油和醋今日12月1號星期日上址員工同我講只可以一碗麵跟一個辣椒油我在問員工比醋員工堅持唔比我覺得好奇怪囉次次都會比點解今次唔比真係唔明白唔緊要成個荃灣唔係得你一間粉麵餐廳從今日起我唔會再幫襯😡😡😡

呢間野今日去幫襯佢買個牛腩飯啲牛腩質素極差仲差過一般粉面店但價錢貴過一般粉面店賣成61食過口感極差鞋口仲有佢將啲牛腩就咁放起啲飯上面啲牛腩好多水搞到成個飯都係啲牛腩水飯變到超咸手勢唔好價錢貴都算仲要個女收銀員服務態度極差問佢邊到有廁所佢好悔氣咁講唔知呀間野個廁所咁啱壞左佢話唔知係咪即係佢成日唔洗去廁所呀服務態度唔要你去到好似日本咁鞠躬既程度最起馬講野唔好咁悔氣人地唔係無幫襯問你借廁所呀人地有幫襯架問你野用心啲答好應份架

食物味道已經不願評論😅， 明白新年開工是一件辛苦的事，有附加收費都是合情合理，但附加收費很不清晰。今早我沒有叫貼在牆上，沒跟餐牌價錢的食物（餐牌的粉麵$29，牆上寫著$35），就收我$45一碗沒有味道的通粉，店員說新年沒有餐，粉麵還要另外加收$10，因為沒有餐，所以飲品要分開叫，但叫飲品又要另加$5收費，如果淨食唔飲又要加$20😅😅😅。身為一個會計人，都覺得收費十分之亂😅😅😅😅😅。

喺荃灣路德圍搵早餐食，見到源記餐牌張相個叉燒通粉啲叉燒幾靚，於是入去試下。點知一上枱，完全唔係嗰回事，啲叉燒無色澤，個湯混濁，唔知咩嚟。另外加咗錢叫火腿炒蛋餐包，結果上枱時，炒蛋變咗煎蛋，餐包變咗方包。餐牌張相同現實上枱真係好大落差，無諗過啲叉燒會係咁嘅樣，加埋凍飲，埋單三十八元。餐廳唔大，人客都唔算好多，衞生情況一般，職員抹完枱張枱好大浸up味，可能呢幾日落雨潮濕得滯都未定。真係只此一次，無下次。下次入去餐廳時，都係上網睇下食評啲相，先好入去食。

今日（2-42020 Thur）晏晝,又同老公出去食晏,佢話想食牛腩麵,我就帶佢去我2007年去過路德圍嘅趣苑(嗰個食評: https://www.openrice.com/zh/hongkong/review/%E9%9B%A3%E9%A3%9F-e182794),點知經過呢喥時,老公話嚟呢間.啊,咁是但啦.坐低後睇完menu,老公要牛腩撈粗麵同凍奶茶,我要$32.00嘅鮑魚火腿通粉,同熱奶茶,亞姐問我要庵列定炒蛋,佢話呢個有餐.啊,我要火腿庵列啦,咁就$40.00.而老公嘅就$52.00,唔明點計.兩杯嘢飲到嚟,我覺得茶味唔夠,凍奶茶甜度適中.然後老公嘅牛腩撈粗麵到嚟,睇到唔係我諗嗰種牛腩,我食一件,未夠腍,味道亦唔濃,一般.然後我嘅嘢食都到嚟,件牛油多士原來係厚多士,而且脆口;火腿庵列同鮑魚火腿通粉都普通啦.味道係3.23分環境同食物普通,價錢成正比.

源記出名牛雜自出尖沙咀，在荃灣亦開了多年，之前好多人光顧，但自從路德圍餐廳越開越多，人客反而一般，新年開店餐廳不多，新年期間附加幾蚊再次試吓牛腩粗面。牛腩中問夠霖，但邊位稍硬。

睇完戲有啲肚餓想食消夜，來到源記粉麵茶餐廳，個玻璃廚房見到大廚喺度切牛腩啲氣飄曬出來，非常吸引！坐低即叫左碗牛腩麵同一杯奶茶。 牛腩麵一碗三十元比一般茶餐廳便宜，但味道仲好好添麵好爽口，牛腩淋得剛剛好，筋肉平均，好入味！冰凍奶茶一杯十元，這個小小鋪位多年來都是麵檔，不知何時變了是小型茶餐廳，而且除了粉麵還有西餐，西式小食供應多種選擇很多元化！經濟實惠！

第二次食呢間源記牛雜專家茶餐廳😂 今次唔知真係好食左定我揀啱餸😂 都唔錯😛餐廳都算乾淨嘅 每次黎食都有位 價錢都適中🤔🤔上次我食咗雲吞麵 好普通下 味道好單調。。今次要左牛腩鳳城水餃米粉 又幾好食喎！😛 唔使成日食譚仔咁悶😂😂牛腩鳳城水餃米粉 $38牛腩偏肥 膏既部份比較多 所以食起都特別淋好滑😂😂 而鳳城水餃有兩粒 好足料好爽口😋😋 因為入邊有好多木耳絲 蝦都無霉😛 餡料調味都比較濃 所以配米粉啱晒😋

今日到荃灣行花市，行完花市好想食雲吞麵，於是去路德圍睇下邊度有雲吞麵食，結果嚟到呢間源記，以前都有幫襯過的。我叫了一碗墨魚丸鮮蝦雲吞米線，都幾大碗，有3粒墨魚丸同3粒雲吞，都係大大粒的，味道都唔錯，36蚊一碗都幾抵。唯一唔好嘅地方係我坐咗出外面近一條巷仔，巷內有裝垃圾嘅推車，間中會聞到垃圾味，如果下次再嚟，一定唔會揀門口位坐。

食物唔算出色，但態度真係無法形容地"出色"！完全唔明白憑咩可以串成咁！早聞哩間野態度出哂名差！諗住咁夜係附近又懶得行，叫個外賣應該都無咩問題！！點知連咁簡單叫個外賣都串！！問句野都串你。。比錢幫襯都已經唔預班人會有咩好服務，但串成咁真係好好野！！有時真心唔明點解仲會有咁多人貼錢去買哩d難受！！你話野食真係好好都講得通呀，結果又唔係真係寵懷哂哩班人！！！！唔知可以點再形容！！想虐待下自己你就去啦！！

黎到荃灣路德圍嗰頭，隨便入咗間茶餐廳食個早餐叫咗兩個西式早餐，我地一個就蒜香豬排+茄汁豆+午餐肉炒蛋(可選火腿炒蛋,腸仔炒蛋)+牛油多士+熱好立刻，而另一個就叫了黑椒雞排+茄汁豆+午餐肉炒蛋+牛油多士+熱奶茶首先要反映嘅係茄汁豆偏凍，我唔知係唔係關嗰日天氣得8度事啦，但本身想食個熱辣辣嘅早餐暖下身嘅，個凍嘅茄汁豆為寒冷嘅冬天再添一份寒意。蒜香豬排就幾香幾好食，口感唔會好硬，都香蒜味，同埋都算熱辣辣。黑椒雞排味道尚可，但略嫌口感唔夠彈，感覺有d老身鎖唔住肉汁，唔知係塊排雪耐咗定係煎得太老，可以再改善炒蛋就水準不一，一份就算係滑，唔會太老，但我果份個炒得太熟好老唔特別好食牛油多士多d牛油會好食d，宜家感覺側邊冇乜味，搞到要食曬個邊先捨得食中間飲品就不過不失，一般茶記嘅水準

平常都成日幫襯 牛腩係好食 但係伙記服務非常惡劣 完全稱唔上打開門口做生意既鋪頭 話說叫左個雞脾薯角外賣翻屋企 點知翻到去打開變左個雞扒 而且得五粒仔薯角 咁就30幾蚊 應該要檢討下

由開舖到今日都間中會幫襯，皆因牛腩味道算唔錯，而且價錢唔貴，可惜D伙計越嚟越嚟離譜，最近有次同老婆叫兩碗嘢，個大嬸伙計竟然毫禮貌勁悔氣地問: 吓~唔要菜啊?😤 算，就當自己有修養，點知今日再入嚟，我兩人一坐低，我老婆只係講咗三個字:牛肚河, 個金毛四眼佬伙計即發爛渣: 等陣啦，你唔見我執緊嘢咩, 邊有手啊。嘩，XYZ, 我地立即執嘢走。最憎貼錢買難受，D態度簡直當我地嚟乞食咁款，以後請都唔會再嚟食。

遠處望一望都幾靚又諗唔到食乜，就入去坐下坐底惡夢就開始我先黎碗瘦腩米 我問又冇菜 侍應黑口黑面咁指住枱面講 「呢到囉」，我發現有套餐所以我話加個菜心同凍O水呀 ，又黑面多次，之後黎到牛腩勁肥d多到要我咬番出黎，個菜心得五條，面嘅份量又小，味道一般 一路食一路比侍應黑面咁對住 一行過我張枱就用一條有味嘅毛巾抺枱 食完真係有點後悔 以後都唔會黎食