源興燒味小館

呢盒叉燒煎蛋飯，味道真係有啲矛盾。最大亮點絕對係啲叉燒，燶邊效果做得好好，邊位燒到焦香脆口，咬落去外脆內軟，半肥瘦啱啱好，蜜糖同炭燒味好夾，確實係高水準。不過對比之下，隻煎蛋就真係普通咗啲。蛋白邊唔夠脆，蛋黃流心係流心，但係冇乜香氣，同啲叉燒完全唔係同級數。整體嚟講，為咗啲燶邊叉燒係絕對值得試，但隻蛋就真係唔好期望太高。如果連隻蛋都做好啲，成碗飯就完美啦！…查看更多

多人要搭檯 坐左一張大圓檯之後搭檯坐左2個熟客 個侍應呀嬸埋去 問佢地食咩 個男人話 未得 我睇下先 等陣咁佢都未得 我地咪叫野食先 個呀嬸話人地落緊單 要等埋佢叫左先下？？！ 人地都話未得 咩事？…查看更多

之前成日幫襯，後尾唔會再去，態度差到爆，打去定台就話遲d再打，每次定11人大台，就安排7人台俾你坐，做客做到乞丐咁，唔怪得個個北上消費，就係有依d不知所謂的服務態度。影衰香港…查看更多

成班人分兩張大台，我張因分前後黎而分開叫4個四寶飯，第2個去了另一張台當然無人要，我追問卻稱剛無人認；第三個來要個蔥蓉，腳有公仔女人大聲話落單時要講埋，我地都要知無跟，後加唔比嗎？態度差到我話唔難中午都無嘜個個上深圳消息，佢話你唔跟去，我話下次唔幫襯，佢即話好呀認住我個樣唔好再黎，真以為是對著什麼勢力人物感覺…當各大多老闆愁生意差又要出糧時，這家源興光輝圍店應不愁生意吧……查看更多

🟤豉汁蒸魚雲（$108）🔴幾好味㗎魚雲好滑不過覺得我口味淡咁就其實鹹咗啲嘅濃味咗啲睇到深色就知咩料🟠柚子咕嚕肉（$98）🟡高級咕嚕柚子微香不過媽話柚子醬罷⚪方魚蠔仔粥［窩］（$118）⚫看看一窩係咩大細？原來咁大又ok喎蠔仔好足不錯不錯！⚪白飯（$12）⚪…查看更多

住葵涌嘅朋友經常會去光輝圍食野，因為有一蚊一件嘅煎釀三寶，又有好出名嘅嘉寶漢堡，而附近美食選擇亦有好多，例如，泰國菜、川菜、上海菜等等。經朋友介紹嘅呢間燒味餐廳，出名食港式燒味，所以特登去試左燒鵝瀨粉，味道方面中規中矩，環境正正常常，門面睇落好舊式，座位比較似大排檔形式，佢地除左做燒味及快餐，夜市亦會做小菜，好適合一家大細去食飯…查看更多

疫情嚴重，食肆爭相減價救市。推出多款抗疫午餐🥣。碰巧經過此頭，比較數間餐廳，發現永樂燒味小廚新春期間加價，作為小資女的我，比較下決定光顧旁邊的源興燒味小館🎆🧧😍招牌燒鵝四寶飯（包例湯及一杯飲品）：是日例湯：青紅蘿蔔燒豬骨湯，比較性溫的湯，人人啱飲，青紅蘿蔔🥕煲至焾身入味，帶有豬骨香氣，不會死咸，飲完唔會頸渴。招牌燒鵝四寶飯；燒鵝皮油脂分布平均，一咬油脂係口腔內爆出，可惜份量有點少，得四舊肉，幾片皮。紅腸好考刀功，非常博切。咸蛋吾夠咸香，豉油雞只係得一隻雞翼位，有點不夠喉。奶茶🥤竟然茶底苦澀，沒有奶香。總結：食物質素中規中矩…查看更多

葵興光輝圍源興燒味 － 某日約咗朋友去大連排影相，個朋友住開附近，話帶路介紹一家葵興早餐，講到非常出色。我真係好期待，畢竟香港早餐來來去去都係個幾味，真係想知有咩咁特別。一去到，嘩，勁大個紅色招牌，好難見唔到呢間野。雖然佢座落係舊區，但一間樓高兩層嘅食店，都咪話唔搶眼！搵到個位坐底馬上叫野食，聽朋友介紹，就叫個早晨全餐試吓。嘩，睇到個menu都知豐富，先來碗足料鮑片通，平時我唔太好湯麵都覺得出色，因為我食得出佢個湯有加忌廉做湯膽。之後就見戲玉出現，就係跟餐塊魚柳，嘩，咩事仲要大過我塊面，食落去外脆內嫩，仲配左腸蛋，真係大件夾抵食！個餐仲可以跟個奶油脆豬／薯餅／多士，我真係未見過早餐可以咁足料！而且係好食！我最後加多個奶油脆豬拎走！真心覺得好食過翠X！我食完之後真係lunch都冇食到。今次朋友真係冇介紹錯，我一定會再去！…查看更多

葵興終於有間見得人嘅小菜，住咗葵興30年，都冇一間小菜係見得人，搞到我成日都要出去葵芳荃灣食飯。今日同老婆行過，見到呢間小菜，都唔知好唔好食，但又有啲肚餓，就走入去試吓啦。一坐低，我老婆就話要食麻辣鴨血，咁我就揀多個辣子雞丁，同埋鹹魚煎肉餅，嚟到碗白飯。兩個人限聚令底下食啱啱好。個鴨血一食落去，簡直喜出望外，辣就唔係好辣，但係就十分之香，嗰種麻味就係四川嘅麻辣味道！跟住食個辣子雞丁，大廚非常之犀利，將啲雞炸到非常之脆口，送啤酒真係一流！最後個肉餅鹹魚非常香，送埋碗白飯，真係大滿足！下次會再嚟食，見到好多人都有嗌雞煲，等限聚令放寬後，叫齊班兄弟試吓先！…查看更多

上星期同屋企人食飯，聽啲朋友講話呢間餐廳啲小菜同燒味都唔錯，所以決定同成家人一齊去試一試呢間餐廳，去到呢間餐廳我哋叫咗一個例牌燒鵝，雞煲，炒通菜，咕嚕肉，椒鹽鮮油。發現佢啲小菜啲質素都唔錯，出賽嘅時候都係熱辣辣。特別推介佢嘅燒鵝同雞煲，燒鵝食落去外皮仲係脆，我肉都好入味。同出面一啲比較出名嘅燒鵝絕對有得比較。以佢嘅麻辣雞煲亦都唔錯好鍾意佢有得俾我哋選擇究竟你想要有幾多碼同幾多辣。最鍾意佢啲洋蔥同埋芫荽夠多，食完覺得整體成間餐廳嘅食物質素都唔錯。絕對有機會會我哋會再去食。亦都喺度推介俾大家呢間餐廳值得一試。…查看更多

成日食開小菜都係去深水步, 今日同班FRIEND 近近地去附近食, 點知有喜出望外既收獲！佢地有兩層有房，咁岩老闆俾左間房我，同Ｄ老友有D私人空間！感覺唔錯！試左呢燒鵝，我諗呢區既燒味無人有佢整得咁好食！入哂味！本人都係燒鵝既愛好者，所以特別喜歡！男人老狗一定係要叫個羊腩煲，羊腩大大舊，又大煲夠味，最好就係可以叫埋火鍋配料，叫左個手切牛，D牛肉仲要幾靚！老闆介紹左個冰鎮聖子，點wasabi 豉油有魚生既感覺！真係冇介紹錯！又叫左個小炒王送酒，火喉夠，夠香！食得太濟，其他小菜都好似好吸引，同埋老闆話個雞煲都出名！下次一定要試下！出面食小炒既地方都多，但係佢好食之餘仲有燒味火鍋配搭，真係同朋友吹水食飯既好選擇！…查看更多

平時唔會去光輝圍食飯, 睇朋友講年頭開左間新菜館幾好食, 於是過黎試下今日係星期四 唔算多人 一入去就可以上一樓坐低環境企理乾淨, 我地都好滿意最近天氣涼左 所以叫左一個雞煲同羊腩煲兩個煲份量都比我想像嘅多 我地見到都怕食唔晒雞煲我地叫左小辣 大約等於譚仔3小啦 有好香辣椒香味, 個汁同D雞好夾, 非常入味, 令人食到停唔到!我地好快就食曬成煲 哈哈燒鵝朋友話一定要試, 我地又好耐無食過燒鵝. 所以叫左半隻朋友無呃我 呢隻燒鵝好食過深井果D多多聲最難得係皮下層脂肪做到好酥化, 入口即溶, 一定要試!呢隻咕嚕肉係老闆介紹, 比平時的咕嚕肉甜, 但有一種特別的香味, 鍾意試新菜式嘅朋友可以試下冰鎮蟶子王, 生熟剛剛好, 夠新鮮…查看更多

長期熟客仔， 以前餐餐都嗌燒味，叉燒燒鵝係我食過甘多間，數一數二最好味。 非常入味。 直至最近有埋雞煲（正過一品雞！）依家幾乎每星期都幫襯一次。每次帶家人&朋友去食個個都讚不絕口， 永遠清枱，話係其他地方都無食到甘既水準。 性價比極高， 晚市平均人頭$150。真心推薦👍🏻👍🏻👍🏻👍🏻👍🏻…查看更多