源成興大排檔美食 (裝修中)

我黎過呢間食幾次lunch/tea, 啲伙記做開街坊生意，好隨意，就係香港味道.今日lunch我食左枝竹牛腩炒麵，係我第三次食，因為無得輸！一炒好，個廚就攞出黎，熱辣辣，味道加分牛腩好淋，入味，麵底炸得啱啱好… 一碟份量好大，自助出去攞老火湯入（食熟左先知有得攞，佢地無講） Set lunch 只收$49，酒樓收>$100 ，鑊氣一樣有. 初時我唔好意思2個人叫一碟share, 諗住叫多另一樣嘢，啲伙記反而叫我食左碟炒麵先再諗，我話我唔好意思嘛，佢就話「唔緊要，啱食夠食咪得囉！」之後我都另外叫多2杯drinks. 大家支持下呢啲好食小店！…查看更多

訓醒諗住去附近嘅市政大廈食個早餐，我同老婆每人都想食餐蛋麵，所以叫左兩份，唔洗爭。每份都跟牛油多士，佢熱啡 我凍OT。先上檸茶，等左15分鐘乜都無，所以上去同啊姐追追個熱啡，未行到去佢大大聲同我講: 又要乜呀？我: 我無又要乜。。。我想追追杯熱咖啡唔該佢: 坐邊呀？我乜都沖哂啦我: 咁我想追追一杯熱咖啡，等左3個字啦佢: 我都無單，熱定凍呀？我: 熱佢: 坐邊呀？我都無單我: 唔好意思，真係唔關我事最後熱啡到左，不過兩碗麵都未到。再同第二個追追，佢話多單，等多陣。最後兩碗麵上左，不過個麵未熟嘅，鬼咁硬，完全係細個中學年代canteen 果種泡麵。然後餐蛋麵嘛。。。應該兩份一樣但係有一份無左一半蛋但係又多咗條腸其實我都唔明點樣20分鐘可以出個唔熟嘅麵，又可以甩漏到咁。多士又淋又凍，湯底又無味。 如果唔係誠記無開，真係唔會行過嚟。真係不了。…查看更多

1/4/2024 去完掃墓， 誠記卓記無開 去咗源成興叫了$40 茶餐A 簡直超地獄個茶餐有：一片薄小炸魚柳 （仲細個麥記魚柳包塊魚柳）+ 一條芝士卷．（一條有芝士嘅春卷）+ 一杯熱奶茶咁就$40成個餐超搵笨 量少味差 奶茶冇茶冇奶味仲要等咗成40分鐘佢拎出嚟嗰刻我真係嚇親其實係想幫襯香港小店點知就俾呢間嘢搵笨好後悔，無去麥當勞🍔永遠唔會再幫襯永久Blacklisted 朋友叫了杯茶走，同我杯熱奶茶一樣味根本就係比垃圾食物人哋食…查看更多

睇戲前醫醫肚～本身諗住食誠記，點知仲放緊新年假未開，就轉投｛源成興｝🙈幫襯嘅都係街坊，要讚一讚店員叔叔好nice，預先告知今日嘅食物可能要等耐少少，十分親切💕✴️西多士✴️麵包外面炸得幾脆，不過入面有啲濕同淋，口感漿住漿住🤔可揀煉奶或者糖漿，煉奶份量唔夠多，所以剩係得中間位置先食到煉奶嘅味道😥✴️常餐✴️湯底好淡，無咩味道🙃加$1麵包可以轉油占多/奶醬多，感覺幾抵！不過果占非常之少，食唔出有果占嘅感覺～✴️凍奶茶&凍鴛鴦✴️都係好淡😅茶味同咖啡味都連薄，好似飲水咁～～不過依度埋單都只係$100，抵食！如果調味上可以多少少，絕對會成日去食☺️…查看更多

有蛋香，而材料又好多，最重要飯多，可以食到飽唔錯雖然環境普通，但夠地道，老闆同員工有人情味，價錢方面，大衆化，勝在唔使等位，暫時未被小紅書發現，唔使同人迫，大家要幫襯，就快啲大排檔嚟講，算係咁…查看更多

重遊舊地早餐時間一於坐低幫襯幫襯；餐廳係位於市政大樓內2 樓的熟食中心，有點大排檔形式經營。～傳統早餐 時菜出前一丁早餐主食係出前一丁麵，麵底火喉平平穩穩，菜心份量足，唔錯。腸仔 + 太陽單春太陽蛋邊微焦唔錯，腸仔係大路貨平平穩穩牛油多士係”香香”出品，香港人集體回憶熱奶茶港式奶茶完全合格綜合嚟講作為一個街坊早餐賣$35，有碗熱辣辣嘅自選粉麵、腸仔蛋、多士加杯熱飲真係冇得再投訴，食物完全會令你食得飽足，充滿電後再工作！支持小店！…查看更多

掃墓後午餐，諗住街市好快有，點知又落錯單，雜扒燴意粉點知變咗雜扒炒意粉，嗰啲豬扒肉質似豬肉乾，好多嘢食落咗單之後隔咗成十五分鐘先話冇，嗌咗三個車仔麵等咗40分鐘嚟到嘅時候唔齊料，伏…查看更多

老板娘態度極度惡劣，野食一句說話來形容.難食到可以嘔埋琴晚個餐。主要想講個口臭女人個態度：我加錢話轉奄列話我咁多野架，我比俾錢人佢埋單個陣又話我等你攞咁耐真係蚊訓，問佢落單又話你坐喺嗰度先啦（態度係超惡劣），衛生環境又係一樣咁差（懷疑佢啲餐具冇洗），會俾咀臉俾啲老人家睇（個老人家講得唔清楚佢勁唔耐煩），唔戴口罩工作（但佢係做侍應），仲有留意到佢對其他客的態態度都係好差，好串。最後嚟個總結如果你想俾錢買難受再加俾錢食屎個話可以去幫襯下…查看更多

好耐都冇去過源成興食野, 事隔多年去食依然好抵食<快餐B>午餐有好多粉麵, 但大食妹就係鍾意食小食:)於是嗌左呢個快餐B快餐B可以喺酥炸日卷、炸芝士卷、薯餅同吉列魚柳裏面任選其一, 配火腿同煎雙蛋, 先至三十幾蚊雖然份量唔多, 但今時今日三十幾蚊一餐仲有嘢飲, 點睇都值回票價炸魚燶燶地亦脆脆地, 喺香港舊時茶記嘅味道煎蛋流心脆邊亦都好邪惡, 吉爛個蛋黃, 蛋汁流喺火腿度一齊食簡直完美<傳統早餐>朋友嘅傳統早餐相對比較豐盛自選主食揀咗沙嗲牛肉麵, 配埋多士、腸仔同煎蛋, 同樣都係三幾蚊, 又飽肚又抵食麵底係出前一丁, 加入麻油非常香:)牛肉帶筋, 比較有咬口煎蛋同廚師腸都好地道, 多士燶少少會更好<凍咖啡>凍咖啡相對比較甜, 奶味比較重<熱咖啡>熱咖啡可以自行調校甜度, 鍾意落幾多堂自己揀…查看更多

次次去堅尼地城嘅熟食中心，都係去食誠記嘅豬扒麵今日想轉下口味試吓新野，就去咗隔離嘅源成興食個靚早餐早餐Menu上面嘅早餐set，總括而言都幾抵食經典早餐$32經典早餐包咗份多士、炒蛋、腸仔再加個麵，飽到可以唔使食晏晝Fatbrown 加咗錢就可以轉奶油多，正炒蛋腸仔個蛋炒得有啲老，煎蛋都OK另外叫咗個雪菜肉絲公仔麵同埋沙嗲牛公仔麵特別要講吓平時去茶餐廳食出前一丁起碼都要加返幾蚊，但呢度出前一丁唔使加錢，真心抵食…查看更多

今日原本要去寶翠園做嘢，但老公話好掛住個大排檔，特登搭多一個站入嚟食食物一入到去老公就叫干炒牛河，佢話最緊要食呢個醬老闆話係自家炒醬！不過炒河用粗河炒咩？:(都炒得干身，不過都係一般般咖哩雞飯一坐低我乜都未睇我老公已經落咗單咁我就求其叫一個。不過個雞有驚喜炸子雞咁，好脆！啲雞肉好嫩好滑唔係雪藏個啲咁！不過啲咖哩我覺得麻麻但我老公加左少少🤏🏻XO醬，個味即刻唔同晒，我唔係好食辣，所以我覺得個醬係咸辣味，so far我老公食都冇岀汗🤣🤣例湯我見有豬嘅骨、花生、黃瓜、雪耳咁，個湯都好甜。環境其實比其他熟食街市乾淨好多，地下係乾爽冇污水。不過今日紅日呢到都冇乜人，其實都坐得舒服。…查看更多

今日下午大約2時到呢間食嘢，叫咗個炒雞翼銀針粉，老闆娘已經講，咁麻煩啊，呢d好少人叫，你講嘢大聲啲啦(其實我之前都嚟過，以為疫情影響生意，態度應該會變好，點知態度一樣咁衰)，態度衰不特止，嗰啲雞翼燶到不能入口。其實呢間源成興之前都OK，但係由於老闆娘及廚房食物嘅問題，引致現時客人流量已減少，現在不特只服務態度差，連食物亦非常差，佢哋亦冇得到教訓冇改良，因此所以我奉勸各位，千祈唔好去呢間食野，除非大家好想俾人鬧…查看更多

一入度去坐底叫餐，問兩句可否轉太陽蛋，個老闆娘就黑口黑面，又話咁煩嫁。喂大佬，食茶仔唔比有要求，唔得咪出聲囉，洗唔洗當住個客面話人煩？晨早流流食個早餐比你串，你hi咗？第二，個老闆娘把口臭過篤屎，上完餐，係咁話啲客比隔離誠記，大家樂搶哂，好過份，但又話冇所謂，成班友唔識貨，自己用既係出前一丁，但又諗下林哂唔好食。又鐘意串客，人地陳師奶唔識分護膚品好壞，就話人唔識得做女人。比錢埋單，見你有支付寶貼紙，諗住用。又比你話咁麻煩，跟住話唔俾用，話張貼紙假。第一次打食評， 就係為你依間垃圾打。諗下點解誠記日 日多客過你啦。…查看更多

系西環呢頭行街行到攰啊，見到有野食就冇霖就入黎啦，不過都唔錯啦，冇好失望，什扒炒出前一丁都唔錯啦，分量都好足啦，扒都好多不過食落去就有小小幹噶感覺，好彩叫翻杯紅豆冰濕濕口，總體黎講都算ok。…查看更多

第一次食源成興，叫左兩個外賣飯盒，一個洋蔥汁什扒意粉+茄汁牛腩意粉，一打開飯盒未食已經深知不妙，兩盒都乾曾曾，好似無汁上碟。雖然最後食落係有洋蔥及茄汁味，但係好淡囉⋯⋯真係失望😞既外賣，考慮緊有沒有下一次！？:(…查看更多