湯露絲西餐廳 (已結業)

看了楼下派宣传单张才上来。首先上来祇有一台客，跟住上来其他人看了餐牌走了，价钱比附近同类餐厅比如花园餐厅都贵。叫了海南鸡饭只鸡唔滑。酱汁唔好吃，猪扒饭d猪扒硬到真差。服务祇有一个人。叫饮品叫了三次再上。…查看更多

先讲环境，几阔落既，唔会贴住坐够空间食物好一般唔值呢个价，叫左个12安士牛扒set dinner 加薯皮传单写住晚市订枱送小食，另有一张晚市300蚊减50蚊，仲有OpenRice 优惠coupon 送小食 （我只显示OpenRice coupon 一去到未睇餐牌就追落单，问待应送既小食系咩，答我系甜品，指定既，亚女话饱唔食野，咁咪叫待应送嚟俾亚女食先，嚟左系一件pancake我同老公食set dinner 12安士牛扒280蚊，叫5成熟嚟左个8成熟，冇肉汁，一定冇12安士，之前系其他餐厅食8安士10安士都比这件大旧和厚身写明set dinner 送甜品，又系问待应set dinner 系咪有甜品，答有，就同佢讲可以上埋甜品啦⋯⋯甜品同优惠coupon 送既一样都系pancake，食完都冇5分钟，待应就问系咪埋单，答左未，转个头拎埋张单过嚟，我以为老公叫左埋单，点知老公反问我系咪叫左埋单，即系冇叫埋单餐厅仲有好多位冇人等位既情况下迫我地埋单好！我地埋单张单减左传单50蚊成惠377牛扒 280餐饮热 mocha coffee 加15薯皮 68晚餐追加甜品25 **注意成餐的甜品都系送既，竟然写追加**加一服务费 427减50总数377同待应讲返甜品唔系追加系set dinner 送既，另外一件系订枱送既！待应同老板娘讲，改返张单俾我竟然系402比之前377仲要再比多左！睇返减左甜品25蚊但系冇减coupon 50蚊！我地话有冇搅错比之前仲贵？！老板娘过嚟解释，话甜品系午餐送，晚餐唔系甜唔品系小食，小食系咩咩咩春卷。我回应问过待应优惠系送咩小食佢话系送甜品，呢啲唔系我问题，系你地待应搅错！老板娘再答优惠唔可以同时使用，即系送左小食竟冇得减50！Wtf！！！一早唔讲？咩叫订位送小食？送既就系优惠？晚市300蚊减50蚊，食左个所谓送既甜品就冇得减50？成张单差25蚊！25蚊我俾得起，但系咁样俾感觉系被屈啰！唔会再有下次！…查看更多

一行六人，三个大人，三个小朋友一齐去揾食，见到呢间新开的餐厅，我地叫左3个二人餐share, 份量都多，6个人都食唔晒。我自己唔食羊，但朋友食左话羊架OK,至于我个人就喜欢佢地嘅牛扒多啲，煎得好香，小朋友都喜欢食。另外个烧猪肋骨肉质好软，而且味道适中，一样啱大班朋友一齐分享。…查看更多

同事生日老细就请食饭，拣咗好耐拣咗呢间新开嘅餐厅。呢间餐厅都系喺工业大厦入面嘅，标榜着系五星级嘅酒店大厨全主理，好似好劲甘。想到去过环境都好大，个场大概有2000尺左右，啲枱都放得宽松，坐得都几舒服嘅。午餐大概有七至八个选择，都会附有餐汤同餐包。餐餐都正常有罗宋汤同埋忌廉汤选，罗宋汤味道ok，正常味。大部份人都系食肉眼扒，我都一样，叫左5五成熟，但系攞到出嚟就唔多似，熟左啲。另外啲同事都系咁讲，而且佢哋话佢哋𠮶块嘅根位好多，咬唔到。我就得小小位置系甘嘅情况。味道就唔太突出，正常口味。配埋拒嘅汁料，算系烧汁口味。薯蓉就几好食，好软熟，有忌廉味。另外就叫多咗个鸡翼一齐食，好普通嘅一个炸鸡翼，皮脆，内肉都嫩，但味道欠奉。令外仲配左啲沙律，沙律上面有香醋汁，都算OK。比较好食嘅呢就系呢一个猪仔骨，呢个猪仔骨就炆到好淋，汁料系BBQ酱汁味。猪仔骨淋嘅程度系完全唔需要用刀切，用叉都可以好简单甘叉落去，好易食，又好入味。个芝士蛋糕就感觉好差，唔系咁好，冇乜芝士味，而且比较粉，饼底又唔脆，似系放左好耐。整体嚟讲中规中矩，唔似讲到有五星级大厨甘夸张。不过就一分钱一分货，都明白嘅。…查看更多

今日系我同老公拍拖周年纪念带埋阿囡去呢间餐厅（其实已经系第二次黎）有人唱live, 好好听环境舒服食物好味（叫左ribs & 卡邦尼意粉）值得再黎下次同朋友庆祝生日会再考虑呢间…查看更多