湯戶方

营业中

休息中

A huge surprise recommended by my colleague. Skipping out for homemade soup during lunch was such a smoothening idea during hectic work. Seeing their menu serving variety soup options already giving a difficulty to pick. We ended trying their seasonal options. I tried their lion's mane and stroma soup with Chinese yam noodle. It was served with a stew pot. Broth was clear and light. A hint of sweetness from the fig. Love that they served with the ingredients that could be eaten with the noodle.

第二次到湯戶方第一次去馬鞍山食雞肶飯..今次都係, 想試芝麻糊好耐不過怕太飽,  今次就試下LA芝麻糊份量都大李生食一口面色怪怪到我試下....好甜........無乜芝麻味....李生話有番薯味, 太甜我已經吾想食想試真D.....吾似芝麻糊...又實在太甜最後大家吾勉強浪費了老細都好有禮貌, 講了成份黑白芝麻.原來有黑糯米....可能味道怪了問我地駛吾駛拎走但實在太甜我都中意食芝麻糊..希望有代改良下次再幫趁過....

問佢駛唔駛拎飛佢地又話唔駛，明明等緊第二張枱，有客起身就比後面遲嚟既人入座，問果度啲樓面就唔理，到第二枱走又係咁，等了又等最後講句唔好意思就算，天寒地凍係門口等那咁耐，遲嚟反而有得食，即入黑名單

喺大圍行過見到呢間小店，主打各式各樣嘅靚湯配砵仔飯非常吸引，一直都想搵機會試吓。椰皇燉雞配砵仔排骨飯，呢個菜上嘅時候見到都非常驚喜，原個椰皇燉湯上，個湯非常濃郁，百味交集。椰子味清香清甜，真係好正，可惜冇影相。排骨砵仔飯同樣出色，蒸排骨嘅汁醬滲透晒入個飯裏面，米飯軟硬口感適中另外一個餐點了雲腿菜乾雞爪燉豬肺湯配花生炆豬手飯。因為豬肺非常難處理，並唔係有好多餐廳會提供呢個湯選擇。湯頭尚算濃郁清甜，但雲腿味道並不是很出，所以唔會非常之鹹。花生豬手飯啲豬手都焾得入味。非常推介呢間小店。

嚟到這家店，肚子就似開咗市，食慾全開！首推嘅椰皇燉雞湯，個湯滑得嚟長得，清新潤喉，湯底入味咁滋潤，飲三兩啖，覺得塊心都暖笠笠。梅子花生炆豬手飯，嗰隻豬手腍到化，融入飯粒中，喺口中爆發出豬肉嘅甘香同梅子嘅酸甜，滋味百搭得嚟又唔會太膩，舒服到不得了！跟住上場嘅雲腿菜乾雞爪燉豬肺，先話晒，豬肺做得清爽無渣，啖啖雞爪肉惹味，食得出店家嘅用心同精神。嗰啲菜乾都吸收晒湯嘅精華，腍滑得來帶點嚼勁，食落真係喺舌尖頂起個👍。嚟到最後，個椰皇燉蛋白，此乃大結局，啖啖鮮奶同燕窩，滑嫩得嚟仲有陣陣奶香，圓滑得嚟唔膩口，每一啖都令人想再嚟一啖。嗰啲椰子肉，同湯牌上嘅燕窩交織，正到爆！而且店員熱情過火箭🚀，服務周到到我都尷尬。總之，來過這家店，暖笠笠嘅感覺，真係食得出家傳嘅好滋味同實在。下次再黎，一定會再試其他湯水，再過多個滋味嘅好夜晚🌙。

走過湯戶方，一股濃郁的湯香撲鼻而來，忍不住就走入去試吓！首先，啖啖肉香的梅菜蒸肉餅飯，肉餅汁滿滿，搭配上微鹹的梅菜，簡直係啱晒口味，好有屋企味。話說回來，佢個花膠雞湯簡直正到爆燈💡，湯頭清甜到不得了，一啖湯落肚，感覺暖笠笠嘅！嚟到小食部分，滷水雞翼係真正既冠軍，香噴噴滷得啱啱好，咬落去皮脆肉嫩。另一邊廂，青瓜雲耳嗰度，醋香醒胃，兩樣一齊食，真係開胃過癮～😋飲品方面，我揀咗個檸檬薏米水，酸酸甜甜夾埋清新感，飲落去好消暑，完美收尾。整體嚟講，湯戶方嘅食物質素同味道都真係得！無論你想食個飽，定係想飲個暖，呢到都有得揀！食物正宗、環境潔淨，真係令人離開之後，都仲系口齒留香、心暖笠笠。下次，真系要再嚟試吓其他款湯同小吃，期待中！🍴🥣👍

我最近嚐了一頓外賣的餐點，其中包括了章魚肉餅飯和蟲草花茶樹菇湯，這是在位於大圍的SoupSquare品嚐的。首先，讓我們來談談章魚肉餅飯。這道菜以其獨特的章魚肉餅為亮點，讓我對傳統的飯餐有了新的想像。章魚肉餅外皮煎至金黃酥脆，內部卻保持著嫩滑的口感，咬下去的瞬間，彷彿能感受到章魚的鮮甜。搭配著飯飽滿的香氣，整道菜色香俱全，讓人回味無窮。接著，我品嚐了蟲草花茶樹菇湯。這道湯以其濃郁的湯底和多種新鮮的樹菇為亮點，讓我在一口一口的品嚐中愈發感受到滋味的豐富。湯底的風味濃郁，搭配著蟲草花的香氣，讓湯的口感更加豐富。樹菇的加入不僅增添了飽腹感，也讓湯的質感更加豐富，每一口都充滿了層次。總的來說，這次品嚐的外賣餐點給我留下了深刻的印象。章魚肉餅飯的獨特創意和美味，讓我愈發期待未來的用餐體驗。而蟲草花茶樹菇湯則以其濃郁的湯底和新鮮的樹菇，為整頓餐點增色不少, ,而且這個價錢仲有杯花荼, 同樣做湯聞名的上環「球哥燉湯」就比下去了, 而且它的質量跟這家大圍小店無得比。這次的外賣餐點無疑是一個美味的選擇，我會毫不猶豫地推薦給愛好美食的朋友們。

大圍可以叫湯既少之又少，做到高質湯既湯戶方真係要讚價錢中等，湯既質素可以用抵飲形容原個椰皇燉雞 $65原個椰子上，好清甜，仲可以食埋d椰肉豉汁蒸排骨飯 $352樣加埋變左個套餐 ，減多$10

阿媽成日都話要飲多啲湯水，皮膚先會靚，但係自從自己搬咗出嚟住，先發現原來煲一煲湯係好麻煩。偶爾發現咗大圍有呢間燉湯小店，就梗係要試吓啦！佢哋每日都有唔同嘅燉湯選擇，有時候仲有啲時令選擇，食素嘅朋友仲可以揀素湯添～講一件天時暑熱，冇咩胃口就同男朋友一人一個湯搞掂就算啦～我就嗌咗原個椰皇燉雞湯，60幾蚊一個椰皇燉雞，真係飲得出椰汁嘅鮮甜，而啲雞燉到啲骨頭都軟晒，真係幾好飲～如果肚餓嘅朋友，仲可以嗌佢哋嘅蒸飯，仲可以減$10添，可以話係無添加之選😎😎

【沙田區】【湯户方】同同事周圍食之旅去到第七站，今次居然係返到我成長嘅其中一個地方：大圍。估唔到原來同事同呢個地方都有淵源，唔講真係唔知呀。出嚟做嘢有時同啲同事未必傾得咁深入，但係透過呢啲事真係可以互相了解多啲嘅。再講就以為我性取向轉變，講咗小食先，首先係 $28 嘅「陳醋雲耳青瓜」，作為餐前小食佢係新鮮自製嘅，所以食落都特別清新。「滷水拼盤」就 $30 有滷蛋、雞翼、豆乾，唔算好鹹亦都唔膩，大家食得幾舒服同開心。之後到主菜「砵仔蒸飯」，我同同事 share 食「梅菜蒸肉餅飯」同「金針雲耳蒸雞飯」，都係 $35 嘅價錢，我覺得味道都唔錯，最令我驚喜嘅係啲白飯，唔多好飯嘅我都覺得質感唔錯。原來佢係逐個原砵落去蒸，唔怪得。食飯之餘梗係飲埋「滋補燉湯」，賣 $69 嘅「雲腿菜乾雞爪燉豬肺」極足料，飲落啲味道好厚實。而另外一碗係 $65 嘅「原個椰皇燉雞」，一飲落去發覺勁甜，原來老細識人喺果欄直接攞啲大椰皇嚟燉，唔用椰子，仲出味。唔止蒸飯同燉湯，原來仲有「滋潤糖水」，我哋先食熱「燕窩椰皇鮮奶燉蛋白」後食熱「桂圓紅棗杞子燉桃膠」，都係 $49，不過我食完前者先，甜度高過後者，所以導致後者淡咗啲，

每次來大圍都好鍾意來呢度食飯飲湯，地方雖然細但係感覺乾淨企理， 每一款蒸飯都好味又唔貴，加個燉湯真係好滿足， 有時唔飲湯 ，叫個蒸飯加10蚊叫支薏米檸檬水都好好飲！但係女店員有時候既服務態度真係有待改善，呢樣係唯一令我唔太想入去既原因

佢地主要主打中式燉湯、蒸飯同糖水。適逢香港人普遍都忙同埋一個人住，好多人都無心機同時間去煲湯。啱使啲同我一樣又鍾意❤️飲湯但又懶得去煲嘅人。原個椰皇燉雞🥥佢地highly recommend話呢個arm arm煲好，咁highly recommend無理由唔叫啊嘛。因為可能用原個椰子燉嘅緣故，個湯真係好清甜。飲完個湯仲可以刮埋啲椰子肉黎食。雲腿菜乾雞爪燉豬肺🫁豬肺🫁係一樣好曬精力處理嘅嘢，所有通常見到都會見叫。中左covid之後都真係要補補個肺🫁，希望以形補形有用。梅子花生炆豬手飯🍖如果你叫佢地啲燉湯再加燉飯嘅話就淨係要加💲25。啲豬手🐷炆得好淋，但我個人覺得如果男仔淨係叫個蒸飯可能唔夠飽。如果你唔知點揀，佢個menu都會簡單講左每種湯嘅功效，咁就可以因應自己嘅需要而揀。佢地啲湯in general 都好足，性價比都幾高。因為真係食得好飽，下次如果有機會都想試下佢地啲糖水。

🐭 米奇老豬Vol. 275 🐷［湯戶方］今次收到 @soups.square 嘅試食邀請餐廳面積雖少 堂食大約十幾個位但臺之間距離寬闊 而且竟然有舒服椅背嘅仿皮凳坐🤩不過冷氣都幾大 記住帶返件外套 🧥平日夜晚7點後現人龍 同埋好多人買外賣帶左幾個好耐無飲過老火湯嘅朋友去試完佢地個個都話以後來大圍一定要買返屋企 🏠啱曬想健康但又懶嘅朋友仔🤭⚠️ 每類按喜愛程度順序介紹⚠️🐖🐖《燉湯類》🐖🐖 加$10升級套餐 配白飯/米粉 送油菜1⃣️ 原個椰皇燉雞🛑8.7/10🛑 💰$65💰呢個係一致好評👍🏻椰子水超鮮甜 💖老豬仲刮埋d椰子肉 好似螺片咁 😍😍仲有d煲到一咬即碎嘅雞塊小鳥胃就咁一煲湯配個飯都飽曬2⃣️ 羊肚菌茶樹菇螺肉燉瘦肉🛑8/10🛑 💰$59💰藥材味重 老豬幾鍾意～菇菌類好索湯 啱送飯 👍🏻3⃣️ 花膠螺肉燉雞🛑7.7/10🛑 💰$69💰雖然好足料 調味偏淡花膠煮得太稔 🥹4⃣️ 澳洲青邊鮑魚花膠螺肉燉湯🛑7.5/10🛑 💰$89💰呢個似淡味版3⃣️號🫢雖然真係有鮑魚仔 但定價真係比較進取～.🐖🐖《砵仔蒸飯類》🐖🐖 💰$35💰餸同飯都份量驚人 😨目測有兩碗半飯 粒粒分明 🍚仲要熱辣辣 🔥 真係性價比之王

係平民嘅燉湯小店✨佢地有多款滋補燉湯、抵食飽肚蒸飯、自家制飲品及中式糖水，健康養生又足料😍：-1️⃣「梅子花生炆豬手飯🍖($35)」豬手炆得好淋😋、仲有好多大粒花生🥜！~Pork knuckles rice👍🏻-2️⃣「豉汁蒸排骨飯🐖($35)」超多排骨，排骨好入味，正~Steamed pork rib rice👍🏻-3️⃣ 「雲腿菜乾雞爪燉豬肺🐔($69)」👍🏻「羊肚菌茶樹菇螺肉燉瘦肉🐔🍄($59)」👍🏻「澳洲青邊鮑魚花膠螺肉燉湯🥣($89)」👍🏻燉湯好足料！有好滑嘅花膠、清甜螺肉同鮑魚，三款當中最鍾意鮑魚花膠個款😛～Soup-4️⃣「燕窩椰皇鮮奶燉蛋白(H)🥥($49)」面層鋪滿燕窩，燉蛋滑lulu，充滿椰子同埋奶香味🥰~Steamed egg white in coconut👍🏻-5️⃣「陳醋雲耳青瓜🥒($28)」雲耳同青瓜好爽脆，醬汁酸甜開胃🤣~Cucumber and cloud ear👍🏻-6️⃣「滷水拼盤🍗($30)」有齊滷水雞翼、豆腐同雞蛋🥚，滷水汁超濃味～Stewed chicken wings, tofu and eggs in soy sauce sauce-7️⃣「洛神花茶🌹($18)」味

今次黎到位於大圍既燉湯店 — 湯戶方，佢地主打多款無味精燉湯、中式蒸飯同滋潤糖水🤩🤩而家做緊午市優惠(11:00-17:00)，各款蒸飯+自家飲品都只係$45咋！性價比好高❤️❤️📍滋補燉湯🐥花膠螺肉燉雞燉湯好足料，裡面有大大舊花膠同雞肉～～每日新鮮製造，絕無添加味精！啖啖滋補🤤🤤🥥原個椰皇燉雞用椰子水燉湯，味道清甜滋潤😋😋仲有雞肉、龍眼肉同紅棗等湯料，全部索哂精華✨✨🥣花旗參無花果燉瘦肉味道甘苦，有生津下火功效～～鍾意食熱氣野既朋友要飲多啲🔥🔥📍砵仔蒸飯🐷梅菜蒸肉餅飯梅菜味道濃郁，肉餅厚身鬆軟！！飯粒夠乾身，撈埋豉油後送飯一流🍚🍚🍖梅子花生炆豬手飯豬手咬落有嚼勁，炆得好入味😋😋仲有我至愛既花生🥜，推介！！📍小食🍗滷水汁雞翼一共有3隻，肉質嫩滑juicy❤️❤️滷水汁鮮甜鹹香，越食越惹味～～🥒陳醋雲耳青瓜雲耳同青瓜口感好爽脆！！味道酸酸甜甜，食完開胃醒神🤤🤤📍滋潤湯水🥚百合腐竹雞蛋糖水平時都好鍾意食既糖水～～腐竹煲到綿滑，仲有隻雞蛋，十分抵食😋😋-🍠芋頭椰汁西米露芋頭打得幼滑，質地好creamy～～味道香濃，西米口感Q彈！好味👍🏻👍🏻-🥥燕窩椰皇鮮奶燉蛋白面層鋪滿燕窩，好足料！！燉蛋口感滑捋捋