影片
星期三见做完Gym有点肚饿，就去左上环附近餐厅揾食。行过汤品呢间餐厅见到系食面，就系店外睇睇有咩岩食。呢个时候有位戴眼镜的大叔(应该系老板）已经推销我地，最后我地上左二楼坐底。我地一坐底大叔已经递上绿色纸俾我地下单，我地两个左睇右睇，发觉张order纸几复杂。我地系言谈之间已经表露左我地系唔饮汤，大叔就话可以选择下面列岀的食物。由于我地唔饮汤，所以汤类之下列岀的食物都要系列岀价钱另加HK$5。系左加右加的情况下，价钱都几贵。下单后，我地先发现枱上有黄、红另外两张餐纸。系好奇之下发现黄色餐单列岀食物同大叔递上的绿色餐单系一样的！而且价钱系平好多(相对同样食物总计贵$2x-3x)!!我地相信呢张黄色餐单系for唔饮汤的食客，但大叔完全无提我地，只顾推销绿色餐单。我随即到留下同大叔讲我地之前见晤到呢张黄色餐单，个大叔话咁你地再用呢张餐单下单，系我上楼之制就听到呢位丫叔讲左句”你老板”嘅粗口。无耐就有另一位丫姐上黎同我地重新下单 。两位态度极度差劲，毫无文化。食物方面完全无味道，𩠌料又少，我个碗米线食左一半已经无食。系一肚气情况下已经拿拿林走人，埋单嘅时候仲发现呢间系米之莲餐厅，咁嘅服务态度同食物质素真系好笑，唔会再有下次帮衬。
继续阅读
刚巧lunch做完野经过去试，由于在外观察上正常画单落单都ok快有餐既禁急食一餐本身都觉得应该可以，但之后同台迟我入席的都有，正常都会问下那我个个呢，落单位职员话就有架啦就到你，我都算，再等等左四个字第三位客人入席坐我隔离落单都冇五分钟都有餐，禁借问有边个会唔发火同问呢？？个下个个职员先check先发现漏单，得反三个字食饭，一系就一早同我讲漏单，唔好开初一下望都冇望就hea我，临走仲叫我听日再黎？？？！！！
继续阅读
在上环工作最开心就是周围都有好多食物选择，午餐时间走落街揾食！ 行过禧利街，见到传单阿叔，有炖汤饮㖞，试下先。地下店面面积不大，另有阁楼吧枱，地方是很干净企理！午市时段不算多人，店里面坐左几顾人，店主黑口黑面地打量我，在我手上拎走了传单说是要给我另一本。心谂，喺条街个阿叔派比我，宜家又收返？店主继续粗声粗气对待楼面阿姐，我无理佢，继续点餐。点完餐之后一边等，𠮶位男士都系继续口噏噏，黑口黑面眼超超！拣左茶树菇汤+蕃茄猪软骨+新竹米粉个人觉得个茶树菇汤无乜味，好淡！无乜茶树菇，只有云耳丝同红萝卜丝！跟餐的配菜猪软骨细件得可怜！卤水鸡翼豆腐，味道很不错，只是份量实在太少了！男士吃一定不够！是日午餐HK$71 唔饱仲要受黑面😠
继续阅读
受气的外卖每日返工都经过呢间汤品，每次经过传单大叔都会落力推介，虽然屋企都有妈妈靓汤，但都决定揾日lunch 去试下啦！今日早餐食得唔多，于是12:20已经走落街揾食！ 行到禧利街，又见到传单太叔，接过佢手上的传单，于是决定今日就试一试啦。入到间铺，面积不大，正当我想坐低时，楼面阿姐叫我坐埋一边同另外三位女士搭枱（都可以理解的，䌓忙时间搭枱好正常既！） 但张枱真系比较细，心谂都系外卖返工公司食啦，顺便可以上下网。于是我同阿姐讲、我都系买外卖啦！正当我努力睇张传单拣食咩好嘅时候，已经有位个势似系老板嘅男士喺铺面粗声粗气对楼面阿姐要求佢比另一份menu我! 我无理到，继续睇食乜。而阿姐都准备好帮我落单，𠮶位男士突然一手抢左我手上的传单，拎第二本menu比我，我呆左一下，继续点餐啦！点完餐之后一边等，𠮶位男士都系继续口噏噏，黑口黑面眼超超！最后拣左茶树菇汤+蕃茄猪软骨+新竹米粉返到公司打开外卖盒有小小失望。个人对汤比较有要求，觉得个茶树菇汤无乜味，好淡！猪软骨细件得很过份！卤水鸡翼&卤水豆腐是跟餐的配菜，味道很不错，只是份量实在太少了！新竹米粉软硬份量正常！是日午餐HK$71 贵夹唔饱仲要受气
继续阅读
第一次帮衬买个外买套餐，果个收银四眼佬太不友善，因为收银机面向客人四眼佬就背住客人收钱，问佢咩一系要讲2次一系佢听左唔理，套餐系汤＋𩠌＋饭/面＋饮品，遂样选有d烦佢又唔介绍咁客人第一次帮衬唔知有d乱好正常啰，我问佢有咩餐饮佢净系话外买餐饮要加1蚊，我话好佢就唔回应有咩餐饮，收完钱又唔俾单我，一齐等外买连我有3位，出第一份我地3个都无单系手，出餐另一个男侍应米有d乱，叫个四眼佬出返单俾我地佢又唔理，净系骂果个男侍应，最后米要出返一人一张单先搞掂，我有问餐饮所以有跟饮品，其他两个见我有饮品问四眼佬点解佢地无，佢话客人唔讲就无，套餐有包嫁，咩道理唔讲就无，咁既态度又咁无礼貌点做服务业?最后返公司打开个套餐，汤好油，𩠌好少，米粉太梗。今次外买真系一肚气。
继续阅读