影片
以上资料只供参考，请与餐厅确认详情
钟意揾食嘅小弟途经泽丰花园谂住寻幽探秘揾啲小店静静地食野入左一个基本上执左七成嘅商场揾食就撞上呢间卧虎藏龙嘅饺子汤品店试左饺子+汤套餐本来只系想揾少少嘢顶下胃可能期望唔过，而且个场人烟稀少心谂只要唔太差就算‼️‼️‼️点知‼️‼️‼️汤浓郁而且好明显系自家汤水饺子亦非常juicy有后劲食左一只会继续驳住下一只黎食好快就食完左好想再食多转但因为夜啲要同食晚饭🥣唯有下次再试埋另外𠮶几款 绝对估唔到一个完全冇人嘅商场有一间咁出色嘅小店佢唔只系饺子🥟仲有好多唔同款式嘅家常小菜同面食住附近嘅话真系要黎拜访一下
继续阅读
今日去屯门做野，朋友介绍附近有间饺子汤品店，听讲主打汤品，但朋友话饺子都好出色😬平时好钟意食饺子嘅我当然要去试一试☺️位置就唔系特别好揾，喺商场地下一层，要花少少时间行去。🥢粟米鲜肉饺饺子一份9只，份量同size都啱啱好，唔会唔够食或太饱。而且非常足料😋皮薄馅靓，饺子皮比出面餐厅卖嘅更加烟韧唔易烂，食得出粟米十分清甜好好味💓钟意食饺子嘅话一定唔会失望👍🏻🥢南瓜虫草花栗子桃胶贵妃骨汤平时好少喺出面饮汤，但套餐会跟埋所以都试下。个汤真系好surprise😻好浓好香南瓜味，唔会好似一般南瓜汤咁稀。食到南瓜肉、虫草花、瘦肉，而且好特别加咗桃胶!!!🤓另外好surprise系汤入面嘅栗子好大粒，feel到真系落足料煲，系比较创新嘅口味，钟意偏甜口味嘅话都好值得一试🤤👍🏻
继续阅读
因为屋企唔煮饭，呢间舖头喺屋企附近，价钱又抵食，所以成日都帮衬都食过汤后好多次，出品都好出色👍🏻啲汤饮得出真材实料，正个人推介玉子豆腐玉燥饭同埋鲜奶椰子桃胶汤饮品方面，就比较中意桂圆桃胶圆玉茶～推荐！
继续阅读
个地址虽然系叫商场，但去到门口个名叫街市，入面基本上系集运拎货用。老板娘好好人，一去到就好推介食乜，本身想食凉瓜排骨饭，不过冇做啦。老板娘仲wts左最新menu俾我睇，我睇完就拣左茄子肉燥饭，价钱黎讲都好平，只系$37，另外仲加左汤同洛神花茶。啲汤好抵饮，$50有500ml可以拣用汤包装返屋企，我最后用左碗装，饮得岀无味精味，又多料，我买之前有系汤后社交平台睇定今日有咩汤，因为汤每日都唔同。茄子饭虽然睇落去好油，但好好好食，但有啲可惜系茄子好入味，相反肉燥有少少盐。而洛神花茶跟餐就只系加$10，饮落去唔酸反而甜甜地。
继续阅读