湯加 (湖北街)

App內叫了外賣自取，等了50分鐘之後同我講漏左單，即刻整比我，一共等了1小時多。我叫得外賣自取都係想慳返啲等既時間，到家時所有食物已經不好吃 。平時沒有等這麼久，只是今次十分不滿店員仲要同我講話今日廚房單比較混亂…查看更多

我們最近點了外賣，選擇了這家餐廳的八種不同的食物，包括他們的招牌湯。我們很高興地發現，每一種食物的口味都非常好，而這裡的湯更是這家餐廳的特色。這些營養湯用料扎實，烹調得當，每一種都有獨特的口感和風味。我們很喜歡他們的牛肉湯，湯汁濃郁，牛肉肉質鮮嫩，非常入味。他們的魚湯也很好，魚肉鮮美，湯汁清爽，非常適合搭配米飯。另外，他們的蔬菜湯也很受歡迎，湯汁清澈，蔬菜新鮮，營養豐富。除了湯之外，我們也點了一些主食，包括飯和麵。飯的味道非常好，米飯炒得剛剛好，配料也很豐富，讓人一口接一口。麵也很好吃，麵條煮得恰到好處，搭配的蔬菜和肉片也非常新鮮。總的來說，這是一次非常愉快的用餐體驗。我們很喜歡這家餐廳的營養湯和主食，它們都烹調得非常好，口感和味道都很棒。…查看更多

上次來吃這間應該是一年前的了，價錢看起來差不多。現在有一個「精選推介」的Menu和之前看大餐牌好像不一樣。九款推介中，只有一款是淮山麵。另外兩款都是米線，不過也可以+$4轉，亦有刀削烏冬可以選擇。不過我直接點了淮山麵那款 - 蝦滑魚蛋魚湯淮山麵 ($51)沒有魚腥味的魚湯，相對之前來喝完會覺得口喝，今次喝倒沒有了。爽滑彈牙的淮山麵有少少的潺潺滑滑，喜歡吃淮山的可以選這個喔！蝦滑的份量都幾多，爽脆的口感還有像魚蛋一樣彈牙。熱飲是跟餐配的，熱飲不需要另外加錢。我點了熱奶茶，茶味偏濃一些。…查看更多

2022年9月12日 晴同朋友去香港仔市集幫手, 中午出黎搵飯食叫左個蔥油雞扒撈公仔面餐, 但個蔥油得一滴咁, 叫店員俾多少少豉油撈, 又係俾得幾滴...有冇咁珍貴啊... 成個面就好似乾撈咁, 完全冇味...要自己係隔離個燕餃湯倒d 落湯去先可以放得入口....…查看更多

之前路過香港仔見到這間有湯飯，於是找了個Lunch Time來吃～不用等位。這裡不止有白飯﹐還有燕麥飯、藜麥飯等可以選。不過看完餐牌後，最終吸引我的是淮山麵！ 而且湯底都有6款可選 (部份需要另外加錢)雞肉片魚腐淮山麵 ($48) - 轉了做不需要加錢的魚湯，幾惹味亦沒有魚腥味。但應該有加味精!? 會很口喝那樣子 ... 淮山麵的口感頗爽滑彈牙，雞肉片也很嫩口。只是魚腐跟我平時吃開的不一樣，有點像南記春卷 ... 我這個麵配了一杯熱飲，不過見到+特飲都幾吸引黑糖涼粉奶荼 (+$9) - 甜度可以接受，涼粉細細粉的～份量不算少。…查看更多

我不是個很能吃湯飯的人。怕不飽、怕貴、怕淡口…但小店很堅持，在陋巷橫街默默耕耘，每次經過，總有人在。今天我和朋友揮汗而來!酷暑炎夏，35度的天氣，本不是吃湯飯的理想時候，小店卻依舊爆滿。翻餐牌發覺選擇不少，取價亦很公道，朋友選了豬潤、蝦滑、南瓜、番茄湯、白飯；我則選了個差不多的，只是不吃蝦滑，改吃雞扒，每份午餐僅賣$51，熱飲＋$5；凍飲＋$8。＜蝦滑＞-份量很多，而且爽口結實，可惜沒有蝦味。＜豬潤＞-吃起來帶一股豬羶味，而且切得太薄，軟稔稔影響口感。＜雞扒＞-很大件，啖啖肉，吃起來超爽!＜南瓜＞-薄切，生熟度不錯，但並不太甜。＜番茄湯＞-很濃郁，顏色漂亮，充滿番茄香。＜白飯＞-不錯，軟硬適中。整體而言，這頓午餐性價比甚高，每樣餸都足份量且味道還好，湯底很甜、有茄味，只是覺得餐飲較貴。服務員送上的水熱得直冒煙，正仲夏七月，真心覺得不夠體貼。我一邊吃飯一邊抹汗，不忘詛咒后羿，射太陽的小子，今天去了哪裡泡神仙?…查看更多

話說最近喺香港仔返工，嗰頭食嚟食去都係茶餐廳，日日食茶記令我覺得有啲悶，於是喺機緣巧合底下比我搵到呢一間以湯飯同淮山麵做主打嘅餐廳，我就懷着可以食得平平哋又健康嘅心態入去試吓。開頭以為間餐廳剩係得湯飯食，但係入到去先發現原來都有唔少選擇。除咗湯飯，仲有米線同埋煲仔菜 。我同朋友都各自揀咗「湯飯DIY」，即係先任揀兩個餸，再揀一款菜，最後揀埋湯底同埋飯。《豬軟骨+雞扒+生菜+魚湯+三色飯》先講豬軟骨，炆得非常入味，重點係啲軟骨完全變成膠質，可見製作過程一點也不馬虎，炆足火候。雞扒就會連一個小煎pan一齊上菜，即叫即炸，塊雞扒好大件，啖啖肉，我個朋友都話食到好飽。魚湯湯底鮮味濃郁，一啲腥味都冇，雖然舖頭好似話唔落味精，不過飲完都係有少少口渴。《鯪魚肉+雞肉+生菜+魚湯+三色飯》至於我就叫咗個懶健康嘅配搭。靚魚肉嘅肉質唔算彈牙，但勝在冇碎骨，而且店舖特別加咗一啲陳皮落去。雖然我唔係咁鍾意食陳皮，但係加咗落去後的確別有一番風味。雞肉非常嫩滑，一啲都唔柴皮。將生菜同飯放喺魚湯入邊吸晒啲魚湯汁，真係令人忍唔住一口接一口。總括而言，鍾意食湯飯嘅一定要黎試吓，呢一間餐廳勝在餸菜選擇夠多，可以自由配搭，就連米飯都有四種揀！分別係白飯、三色飯、桂格燕麥飯同埋有機藜麥飯。所以話總有一款啱你！…查看更多

食物評分 (5⭐️最高):娃娃菜魚腐雞片湯飯 $48⭐️⭐️⭐️椒鹽九肚魚 $9 ⭐️⭐️⭐️⭐️一入去揭餐牌，選擇好多，有飯有麵，有素、雞、豬、牛等，而且有種健康的感覺，有機藜麥飯、淮山麵等。有餐，點餐的話也可以$9加小食，抵👍😊娃娃菜魚腐雞片湯飯 $48⭐️⭐️⭐️ 配有機藜麥飯味道還可以，魚腐質素一般，雞肉也屬一般。有機藜麥飯其實只有頗少量的藜麥，而飯也算少，可能本著七成飽會較健康😅😅胃口較大的朋友相信未必夠飽。椒鹽九肚魚 $9 ⭐️⭐️⭐️⭐️這個小吃只加$9，賣相好像不是太講究，同時一食落口便覺得無點錯，很不錯，推介。總結是湯飯一般，感覺是健康點，因較細份，還可以，推介椒鹽九肚魚。…查看更多

今次喺呢度試咗個豬軟骨魚蛋淮山麵🍲蕃茄湯底，配埋少少菜，佢個餐跟埋餐飲，送魚腐2件。😁整體都豐富。豬軟骨有少少硬，淮山麵好有口感，魚腐好食。😃價錢大約50元左右。…查看更多

天氣轉熱，乜胃口都無，最岩食d帶湯水既餐點，哩間主打湯飯，打開餐牌，款式多到花多眼亂，單係湯底同主食都四五款，有選擇困難症既人要慢慢去揀啦，今次我就試最基本既自選三拼，魚湯配芥菜紫菜同豬潤，魚湯同紫菜一齊個效果好穩陣，唔會點錯，芥菜唔會有渣之餘豬潤亦無醃粉味，份量亦都相當足夠，要清到見底的話，都要俾番幾分肉緊…查看更多

員工態度超差，即使新春好日子都會鬧人，客人有禮貌地問佢攞d野，員工都會鬧人叫人自己去攞! 話比佢聽無，要補給，佢不單唔理，仲晦氣地話"無就無"，去食野要小心d! 最好應該唔好去!…查看更多

星期六本來想去珍寶海鮮舫度飲啖茶食個包。但係我去到佢要我等個半鐘頭先有得飲，我唯有參觀一下就走啦。如果大家想食珍寶海鮮舫記得要Book位啊。咁喺珍寶海鮮舫搭香港仔嘅船返去市中心，之後就路過間叫做湯加嘅鋪頭。見到佢廳牌啲嘢食清清地，就決定入去食，依家興養生丫嗎。朋友就叫咗個烏雞湯飯，將個飯加幾蚊轉做蔥油餅。蔥油餅一啲都唔油仲好香添，。烏雞湯你見到都好足料，又唔淡口。而我就叫咗鮮蝦滑，魚肚配魚湯加米粉。一樣係好足料，無味精都做到好香。清清地又一餐，覺得路過簡佢，真係無簡錯。…查看更多

同阿菇落街食早餐，響假日香港仔食肆，大部分都一位難求。最後選擇去左喺湖北街嘅湯加食早餐。我叫薑絲豬潤煎蛋公仔麵（$31）跟餐熱奶茶，轉熟蛋加轉米粉。豬潤上枱今次唔會實到唔想咬，米粉不過不失，碗米粉整體都叫ok。阿菇叫蕃茄湯牛煎蛋米線（$31）跟餐熱奶茶，轉熟蛋通粉。通粉係坑紋通可以吸湯汁，一碗有成原個蕃茄，所以個湯底都叫濃，但鮮牛落重手左鬆肉粉，冇肉味。＊早餐熱飲唔使加錢，轉凍飲加$3，轉泡沫咖啡加$2.…查看更多

圖文不符不特只，請看看上圖清湯陳皮鴨腿湯飯⋯⋯點知黎到呆左，又黑又有藥材味，個湯仲要好苦，個鴨腿仲要係鞋十十，似人地煲左幾日幾夜嘅湯底咁！食左兩啖頂唔順走左，咁都要收人$49蚊⋯⋯…查看更多

家裡沒煮飯，決定自行出外覓食，雖然並非首次光顧湯加，但基於同事對它的負評，還是戰戰兢兢的決定再給它一次機會。點餐後可從收據看到每款餸的份量，而份量與實際相符，有時更會出現比收據所示更多。泡在湯內的餸菜滿滿一碗，份量十足，而蕃茄湯底亦濃郁且有多塊鮮茄，相等於多叫了一份餸，值得推薦。雞件無雪味，口感及大小適中，不會過硬及因為切得太少而出現很多碎骨。鮮牛滑爽弹细嫩有口感，配會新鮮的勝瓜，令人感覺清爽不油膩。未知同事經歷過甚麼而給予負評，慶幸我有給湯加多一次機會，畢竟偶爾還是想吃清淡一點。…查看更多