湯加 (泓景匯)

营业中

休息中

最平$42已經有3款餸，雖然其中一款一定係菜，不過菜都有好多唔同既選擇，同埋一哦都唔馬虎，一大盤咁上枱，米線同湯係分開上，我叫左三角魚腐，生菜同豬軟骨，魚腐同菜會煮埋係個湯度，跟住豬軟骨因為有汁，所以仲好細心咁用個小碗分開出，我朋友跟飯仲抵，因為飯係可以無限添，仲要唔止得白飯選擇，可以揀三色飯~而且湯底亦一啲都唔求其，我地都叫左魚湯做湯底，飲落真係有魚味而且唔會覺得咸~$42已經飽晒又變相有埋一大碗湯飲，的確唔錯~

大約12点同同事食飯，叫左個蝦膠，魚肚，魚湯娃娃菜淮山麵。等左大約5分鐘就上菜，魚肚好硬，蝦膠正常，魚湯都算鮮甜，唔腥，好快比我飲晒，跟住我問店員可唔可以幫我加啲湯，佢話等陣先啦，跟住等左大約幾分鐘，店員問我要咩湯丫，我話魚湯，跟著佢同廚房講，廚房就比左碗仔湯佢，佢再比我。

朋友講過湯加好味, 搬來四小龍後樓下商場有一間, 今日有朋友來找我, 我就提議黎呢度!其實選擇都好多, 我揀左豬潤豬肺, 朋友就話好耐無食過介菜凋蛋, 我當然為食, 加$9 多兩隻雞翼!雞翼先到, 有點太林, 但個汁好好味!飯有幾種選擇, 可以要白飯, 燕麥飯或更健康既三色飯!個湯飯來到時見到好大碗, 料亦多, 不過個豬潤吾係爽口果種, 又有點太薄豬肚就好食, 大舊又爽, 個湯亦好味, 有胡椒香, 仲有菜可以加, 連埋本身既酸菜, 更易入口食下食下, 本以為食吾哂既好大碗湯飯就連一粒米都無剩, 又重兩斤

湯飯一直是我的至愛，无奈胃不爭氣，不敢常吃。今天中午才去一直都想試的湯加試試這家店的泡飯。中午一點到餐廳门口，却仍有五六人在排隊。走進去拿号，被告知一人位有空余。坐下方知餐牌在每張餐桌的下面暗格中，香港人善用每一寸地方。點了胡椒豬肚湯配三色飯，五分鐘左右便上菜了。除了豬肚，仲有四五塊雞。湯頭比不上蛇王x家的濃郁，與一般茶樓的胡椒豬肚湯差不多。三色飯用蒸钵上，三種米的顆粒都幾大粒，亦蒸得恰到好處。52元的價格算是合理。

上個月開始黎左荔枝角返工, 日日都出去食LUNCH既我當然會探索下附近有咩好食啦!之前經過呢間都俾佢吸引左, 因為清清地, 唔算貴, 仲有出面唔易食到既淮山麵同埋唔駛另外加錢就轉到既三色飯~~佢有個DIY餐, 即係2餸1菜加飯或麵 (有D餸會貴$6, 轉麵要加大約4蚊), 都有其他固定左既餐 我今次就叫左DIY 既豬潤豬肚加菜心跟魚湯配三色飯D餸分量唔少, 差D食唔晒, 但今次既豬肚大部份比較"UN" 唔夠爽, 菜心唔知係咪我買外賣既關係, 所以淋左D個湯幾清幾好飲, 飲落都唔太覺道味精, 今次跟飯係好飽, 但上次+$4轉左淮山麵D麵既份量反而勁少, 食完好似無食過野咁...不過對於我呢個外食一族黎講, 呢間都係唔錯既選擇! 👍🏻

公司轉咗過嚟荔枝角，附近食肆選擇都算多，但一到中午食飯時間我依然會頭痛，因為想搵一間食飯時間都唔會太嘈嘅地方真係好難。而今日竟然有同事提議食湯飯，話嗰間鋪頭細細地嘢食又OK，應該會啱晒我，既然咁樣講想唔去試都唔得😅間鋪頭原來係嗨泓景臺商場，雖然細但都算企理。睇完餐牌之後決定食佢推介嘅淮山麵，未食過嘅都想試下😛呢個豬潤牛肉淮山麵，牛肉同猪潤份量都幾多，另外仲有唐芹，雲耳做配菜，睇起身都好豐富。我仲加錢轉左胡椒湯，湯底唔錯，飲左都唔覺得口渴，或者真係佢所講嘅冇味精😅淮山麵亦有驚喜，軟硬度啱啱好，而且食到最後都唔會林晒👍🏻一個午餐包埋嘢飲都係$46，環境乾淨又唔會太吵，對於我嚟講已經好難得☺️

今日下午路經荔枝角，工作忙碌到還未吃午飯，幫襯左呢間湯加，餐牌選擇不算多，求其點了個蕃茄湯魚角米線，十分鐘後送到。蕃茄湯底其實唔錯，有茄味又不算太咸，魚角有三片，無咩味道，肉質有少少彈牙，但太薄，米線少得可憐，吃完整碗，好似無食過野。

2017-7-22今日有家人去泓景匯附近比賽,因時間早了,就到此店食了兩個下午茶餐 , 雖然今日係大暑都無可能個雪菜肉絲米粉可以酸到無法入口,之後換了就好D , 個班戟就乾巴巴的,就算下了糖漿都吞不下去! 服務&環境都可以!不過,做得飲食業是否食物咁都可以得過扯過呢?家人都認為泓景是高尚住宅區點解出這樣的茶餐。決定唔會再去食!

種類多，湯底多款式，無味精，又健康。我最鍾愛是牛滑，蝦滑湯飯。兩種滑都非常爽口，又可揀唔同的飯或粉面，一個非常滿足而健康嘅晚餐。價錢尚算公道，而且服務員的服務態度值得嘉許。顶瓜瓜

朋友帶我去一家附近沒開多久的店，就成了我去《湯加》的初體驗! 它原來是鱼米家的分支店，專賣湯飯的。在香港不同區已有分店設置。朋友吃過分享了美味經驗，但始終吃東西總会因個人口味，天氣，自己的身體狀況來選當時最想吃的。那天朋友們選了姜絲牛肉湯飯，花生炆蓮藕豬腳飯。餸很多也美味! 我點了自選湯飯:*豬扒: 炸得很香，味道很優，不硬，有肉汁*豬軟骨: 很入味軟滑*冬瓜: 量很多，湯也很大碗*湯: 可選雞湯和魚湯，我選了雞湯*飯: 可選 藜麥飯，三色飯（糙米飯)，白飯，米線*加7元配熱飲豬軟骨的汁淋到米線上面，剛好可作撈麵般吃。豬扒當餸，冬瓜湯量很大喝不完。價格不貴，菜的選擇也多，湯飯感覺清爽，適合夏季食用，是一個不錯的用餐選擇!

「湯加」是香港一家吃湯飯的連鎖專門店，跟心粥館、魚米屬同一集團，自2016年創辦至今已開了八間分店，而我光顧這家店開業才一星期而已。這裡的湯飯都可以自選組合的，相當多變化，自選套餐有$41 或 $47 兩款，都包含 2餸+1菜+1飯。湯也有幾樣選擇，而米飯可選擇白飯、三色飯或藜麥飯（亦可選粉麵）；很驚喜這裡竟有藜麥飯，跟三色飯都是健康之選，還可以任添，這麼抵食的餐廳在現今香港恐怕寥寥無幾了。加錢有飲品，另有少食等。

又到食飯時間喇，食乜好呢？近排好忙搞到個人有D燥底! 咁咪要搵D清清地嘅嘢食囉～呢間舖行過幾次，但都冇入去，今次就乜都唔好諗入去食啦～坐低就叫左個2餸1菜飯，即係深海魚柳 + 豬扒 + 菜心 + 藜麥飯 + 魚湯底，另加 7 蚊叫左杯銀菊蜜。咁人地收你47蚊右冇加一你就唔好諗住會有咩堅深海魚柳過你食啦～ 咪又係一般果D雪鯰魚肉，之但係件豬扒又幾好食喎，相對肥肉多但因為炸得透所以都唔係十分肥膩，而D菜心我只可以話 "仲老過我" ，食到成口根。碗藜麥呢... ... 唔好以為有好多藜麥畀你，不過又唔係冇嘅。個湯底又幾好飲喎，我飲左半碗都冇出事真係要讚 總括黎講要食一餐普普通通嘅飯呢度係可以接受嘅，有少少住家飯 feel ，咁就梗係冇得同5星大廚餐飯畀啦，一分錢一分貨啊。要提下嘅係舖入面坐位排得比較迫，卡位細，平時D卡位坐2個人嘅佢呢度可能坐1又4分3個人咁囉。

今晚兩公婆好懶,懶到完全唔想出街,好彩屋苑樓下有幾間茶餐廳,仲會送埋外賣絕對適合我哋懶惰兩夫妻……呢間食肆開咗冇幾耐,前身是賣糖水同例湯嘅小舖,宜家改為跟魚米息息相關的湯飯,所以我哋今次試一試佢哋嘅外賣服務! 雖然食肆名稱叫湯飯,但係其實可以改湯烏冬或湯米線,所以都叫有選擇。除此之外湯底可以揀清湯、魚湯或蕃茄湯。 餸菜方便你可以揀兩餸加菜或者一啲受歡迎套餐任君選擇！我哋兩公婆最後叫咗個湯米線同湯烏冬,另外亦每人加咗9蚊換咗一隻瑞士全雞翼。 三樣嘢嚟講我覺得最好食係瑞士全翼雞翼, 又夠味甜甜地幾好食!至於米線同烏冬方面 ，同魚米差唔多水準！ 不過湯飯選擇種類多啲，胡椒味菜豬肚雞水準合格但無驚喜，胡椒味唔算好濃，雞味唔夠！ 而魚骨魚肚都算係足料，但味道同是不太突出！ 但係話曬肯送外賣到屋企門口，淨係呢個方便都值回票價啦 ！！

由農曆新年後發現新開既湯飯店，至今已經幫襯第四次，2點已經開始下午茶時段，所以可以以$41下午茶價食到2餸+1菜湯飯 仲有野飲，絕對係late lunch 唔錯選擇由聖誕新年到情人節不斷食好東西，真係要食清d平衡下，但天寒地凍食沙律太寒，湯飯暖胃又唔滯就啱矖！❤️兩餸有成47款比你簡，今次食左鮮牛肉+黃沙豬潤，兩樣都爽滑唔韌❤️❤️菜都有13款，勝瓜清甜冇渣，付送少量木耳芹菜❤️❤️魚湯咸鮮味適中，飲曬都唔會口渴❤️❤️砵仔蒸飯偏干身有咬口❤️❤️飲品除左一般茶啡，金桔，柚子，銀菊蜜都免費，三款都試過甜度適中❤️