湯加 (置富都會)

這個商場人流非常稀少,我地用餐時間17:00左右,全場有兩枱客,食物都上得好快,豬軟骨味道正常,飯比較硬,豬肺湯真的非常大碗,餐牌寫兩人用,我覺得三人都好夠飲,杏汁味超級勁濃…查看更多

麻辣水煮鮮牛肉這道菜色香味俱全，d牛肉鮮嫩 有厚實口感，麻辣湯底則讓整體味道更加層次分明。辣味適中，讓人食慾大開，超適合配搭米飯一齊食。*牛肉分量都幾多!老壇酸菜煮墨魚片墨魚片好鮮嫩彈滑，與酸菜的酸爽相得益彰，口感滑嫩，湯汁清爽而不油膩。酸菜的酸味恰到好處，喺低配版嘅酸菜魚😆~ 鮮芒果汁這款鮮榨芒果汁果香四溢，口感絲滑，清爽解渴。甜度適中，不會過於膩口!…查看更多

用餐体验非常令人失望！下单了他家的新品盐焗鸡腊味煲仔饭，跟餐热饮一杯，还有一份小食。下单后等了20分钟，期间小食和热饮都上了，但是煲仔饭一直没有。终于我等不了了请服务员帮忙去催一下。然后离谱的来了，厨房说我点的餐品售罄了！如果菜品售罄，为什么在点餐时不告知？甚至我点了之后，跟餐热饮都出了，没人通知我售罄？如果无法实时显示库存，至少在发现问题后也应该第一时间通知顾客，而不是让我们白白等待，浪费时间。这种不主动、不负责的服务态度让我感到非常不满。这不仅是对顾客的尊重，也是餐厅服务水平的基本体现。 甚至于出现该情况后一点补偿措施都没…查看更多

在這個快節奏的生活中，很多人都喜歡簡單便捷的餐點，但有時候，卻會遇到一些難以接受的食物。比如，蛋和午餐肉的搭配，理論上應該是美味的，但如果煮得過熟，或是調味不當，就會變得難以下嚥。蛋的滑嫩與午餐肉的鹹香本是絕配，卻在廚藝不佳的情況下，變成一場味覺的災難。這提醒我們，烹飪不僅是技巧，更是對食材的尊重，讓每一口都能帶來享受。…查看更多

今日陪阿媽睇汪明荃演唱會，因唔夠時間就諗住就近食碗粉，我食咗窩蛋鮮茄豬膶牛肉湯米，難死到想嘔🤮三片超薄又細件硬豬膶，冇豬膶味，超碎又細片嘅牛肉唔知搵咩醃完全食唔出係牛肉，完全係豬潲品質一定冇下次，阿媽食酸菜魚，佢話唔好食，我冇試過不評論…查看更多

睇演唱會前梗要醫醫肚，幸好早到好快就有位，經apps點了以下食物：- 香菇貢丸紫菜淮山麵：個名已經請講曬有咩材料，貢丸係幾好食，唔係全部貢丸都好食，喱間都唔錯，淮山麵跟非油炸嘅麵口感差唔多，所以冇咩油，感覺上都比其他麵類較健康，而且份量都唔少，跟出邊買冇太分別，為了填肚子清清地夠飽就算，上餐速度正常，落單後15分鐘內就到齊。不過朋友餐出錯左同職員講返，都跟左2次先完成，希望之後佢地會做返好跟足啲!! …查看更多

去開呢頭食餐快繁，不過呢個商場都冇乜嘢好食，行過湯加，不如求其食返啲安全簡單野，好過挑戰新店，試伏失敗就無謂😏豉汁炆鱸魚，條魚有少少鞋，未至於10分出色，煲入邊配料都多，唔會剩係得條魚食，以70幾蚊來講，都可以接受金銀蛋豬肉加菜，湯底少少鹹，送飯跟面都OK嘅加個魚湯浸娃娃菜，覺得呢個魚湯好飲國芥菜嗰個湯，所以最後都係呢個送飯間鋪啲職員就冷淡啲，可能員工比較少，都唔係容易叫到個人過嚟，不過連鎖店都唔會期望有熱情服務😏…查看更多

一湊三食,一坐低“譚仔”阿姐來左落單,我開始叫餸雞扒雲耳,佢問返轉頭我食咩,我話DIY自己揀餸喎！再問我食咩,其實前後三次講左食咩餸,唔識聽用國語問我,我都無咁嬲！叫飲品七喜,九唔搭問係咪鹹檸七,雞扒雲耳明明叫左辛辣湯,來左酸辣..無下次…查看更多

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷️湯加@紅磡💁🏻酸菜深海魚湯配藜麥飯 $6x雖然廚房的上菜紙上只寫了5片深海魚，但我感覺師傅給的份量超級的多，好像一直吃也吃不完一樣，味道酸酸辣辣的，零瀉開胃。作為湯飯也是很不錯的選擇哦是否推薦↩️？✅味道不錯哦🏷️湯加▶️紅磡站▶️置富都會商場7樓747-748號舖#hk#hkig#foodie#food#likesforlikes#hkfood #foodpic#cafe#香港美食#手機食先#相機食先 #instafood#hkholic#foodstagram#love #instagood#photooftheday#fashion#like4like #followme#hker#hongkong#share#like#2023#香港…查看更多

有事出紅磡，想搵間少人啲既餐廳慢慢坐低食早餐，經過置富都會商場見到呢間餐廳唔算多人，仲有卡位，於是入去一試。餐廳樓面得一個職員，落單收銀送餐都係佢，雖然有送餐機械人，但我見職員好多時都人手送餐，職員都密密手咁做，但始終一個人，所以都要俾啲時間佢，有時候要等耐少少先搵到人。早餐選擇都好多款，除咗有港式早餐外，特別少少既我見有蔥油餅同冬瓜茶。 餐點味道就普普通通，冇咩特別驚喜。如果想搵緊餐廳坐耐少少食個早餐，而你又要求唔高，試下呢間都可以既。如果餐廳改用埋QR code 落單，應該對顧客同員工都更方便。…查看更多

20210925-跟家人一起辦完事，一起找地方醫肚，家人選擇以連鎖形式經營的湯加，我就第一次試:)四人選了三款食物選擇了老壇酸菜煮黑魚片不清楚黑魚片是甚麼魚，不過上桌賣相不錯，也忘卻了這個疑惑魚片份量足，每片切得厚薄均勻，魚肉嫩滑，配菜有雲耳、大豆芽菜，寬粉在底部，上方灑有芫茜和辣椒，酸菜湯底微酸微辣，味道合格韓式部隊鍋材料有火腿、腸仔、餐肉，豆腐，豚肉，雞蛋，泡菜等等，主角當然是底部的辛辣麵，食材也不用逐一評論，食材普通，賣相普通，味道普通，韓國麵的麵質倒是挺不錯，湯底辣度不足豬潤米粉數片豬潤配拌以白菜仔，賣相健康有營，豬潤薄薄味道微腥，湯底生薑、胡椒粉味道不重，沒有鮮味，米粉正常忘記了價錢，整體味道麻麻，回頭機會率不高…查看更多

這頓在11月尾吃的晚餐其實沒有太特別之處！唯一值得記載的是這夜好慶幸在2020年看到唯一的演唱會，正是皇上張敬軒 X 香港中樂團的盛樂演唱會，在這兒先要多謝C小姐撲到一票難求的靚位飛給我們，後要多謝劉總幫忙去取票給我！在開場前在紅館附近的商場搵吃！最後選了這間湯加吃頓快飯之後才去看期待已久的演唱會！收銀處有自取口罩套及酒精搓手液供應，可見餐廳的防疫措施也做得不錯。跟車爸爸看了餐牌後各自選上自己的喜好，分別點上湯麵湯飯各一款來分享，這兒的湯麵和湯飯點法其實有點似車仔麵的類型，在餐牌中選好湯底然後再選自己喜歡的餸料和主食類型，不消一會所點的全部都已經上檯了！我選了番茄湯底配腐皮魚角、冬瓜和另加＄6的炸豬扒，而主食我選了淮山麵另加＄4總共是＄61，先來呷一口番茄湯底味道酸酸香香的很醒胃。然後再品嚐這個腐皮魚角吃下去帶點點煙韌有點像魚肉春卷的味道挺有驚喜耶！冬瓜切得較為薄身所以口感略為遜色，可幸煮得不算太淋還可吃到少許冬瓜的質感，加上吸了番茄湯味道吃下也挺讚的！最後炸豬扒會跟淮山麵一同上檯很喜歡這樣的安排，首先淮山麵不怕被湯浸致過淋隨即放下湯內品嚐口感蠻不錯，而淋滑的豬扒亦都不會因浸在湯內而失去香炸的風味！車爸爸爆冷哋點上酸菜酸辣湯另加＄3，配料則選上花膠另加＄5、鮮腐竹、蘿蔔，而他這一碗選擇了配白飯享用總共為＄63，這一個酸菜酸辣湯底喝下去味道像胡椒豬肚湯多一點，非我想像中的酸辣湯但其實味道是不俗的。花膠其實即係魚肚不過都挺為厚身鮮腐竹則咬口十足兼有豆香，兩款也吸了湯酸辣底的味道總是好吃的，可惜的是蘿蔔未夠清甜入味！點湯飯或湯麵可以加$10配凍檸檬茶，熱奶茶加$7兩杯都味道正正常常吧！這一頓不算什麼好西但懷著期待的心情下吃又覺得挺不錯呢！…查看更多

承接上篇「南山軒」嘅食評，提到今日同老友晌新界踩單車，由大埔、粉嶺、上水一直踩到去元朗，再原路回程返大埔還車，過足晒單車癒呀！晚上，因為老婆有事出咗紅磡一帶，所以，就約佢晌「都會商場」食飯，方便一陣搭番西鐵走。今次就由老婆推介我食呢間「湯加」，佢話啲魚湯米線好正。 其實，呢個商場入夜後好靜，所以，餐廳內嘅客人唔多，其實仲啱我哋，尤其不時仲有啲無源頭個案，眼見有啲餐廳完全無防疫意識嘅我哋都會避一避。講番餐廳環境，裝修平實，卻闊落光猛，基本嘅防疫都做到足:)。 好似茶記咗，餐具、碗仔、糖包……等，放晒晌枱邊抽櫃，排列得井井有條，可見啲服務態度真喺唔輸蝕，而且，招呼嘅阿姐好好禮貌，放低啲食物都會加句慢慢享用。 雖然目標喺魚湯米線，但仲有好多嘢食，例如：湯飯、小菜套餐、常餐……等等，又有啲小食加配優惠喎。因為老婆食過，都知道啲米線好大碗，所以，今次我哋嗌一碗米線，加配兩份小食，咁就已經夠晒，唔喺想「縮皮」叫少啲架。 泰式雞鎚 +$9一客有兩件雞鎚，最有誠意喺以小鑊盛咗，唔會「求求其其」搵隻碟。雞鎚啖啖肉，而且，質感都幾嫩喎，講明泰式，確喺有唔少香料香味，收你$9，完全收貨啦。 腐皮墨魚卷 +$9同樣一客有兩件，感覺就有少少油咁啦，而裡面填有唔少墨魚滑，唔叫得好多，但都食到嗰陣陣彈牙感，亦有墨魚嘅鮮味，都OK架。百秒海鱸魚米線 $69我哋嘅米線喺原鍋咁上，而米線則用碗仔另上，所以，整體份量真喺非常之多，夠兩個人食。唔好睇以為有兩條鱸魚，但其實師傅好刀功，好似片「雙飛」咁，將條魚鎅開一半，但啲魚肉堅嫩滑，有魚鮮味，魚湯底亦好鮮甜，蘿蔔清甜，食落無渣，至於啲米線，入口滑溜有米香，老婆果然無介紹錯。 黑糖涼粉奶茶 +$15叫粉麵可加配餐飲，熱飲+$7、凍飲+$10、特飲+$15，小弟一向都好黑糖，所以，就試試呢一杯帶台風嘅奶茶，要少甜、少冰。睇色澤，杯奶茶都幾對辦，入口都唔錯，茶底比預期香；睇外觀喺落咗黑糖再倒奶茶，所以，製造唔到啲「虎紋」效果，但味道還是不錯。但涼粉比較爽身，唔似仙草咁「滑嘟嘟」，個人感覺，夾奶茶好似差少少咁。 雖然話好又一餐，唔好又一餐，但最緊要喺食到啱自己心水嘅。貴有貴食，平有平食，唔一定貴嘅就好，平嘅就差，今晚簡簡單單，一碗米線，兩個小食，我哋都覺得開心吖。…查看更多

欣賞完尖東聖誕燈飾之後，上咗紅磡都會置富商場，好想食蒸魚，朋友推介食湯加嘅二人晚餐$158我們選擇了姫松茸鮮淮山竹絲雞湯、豉汁蒸左口魚、果醋汁豬軟骨，$8可配一份魚湯娃娃菜呢個湯好滋補，帶有香濃嘅雞味熱辣辣嘅蒸魚夠鮮味，酸酸甜甜嘅豬軟骨令人好開胃魚湯娃娃菜味道清新套餐仲包兩杯飲品，非常抵食…查看更多

紅磡火車站有咩好食？其實我次次去到都拗爆頭今次我就去咗置富嗰度食嘢其實都冇乜好選擇，最後揀咗呢間湯加咁坐低就叫左碗辛辣麵食，簡簡單單唔洗諗其實佢仲有好多唔同選擇可以逐樣餸菜揀配，不同麵不同湯底，好似叫車仔麵咁仲有湯飯、二餸一湯等等辛辣麵等左陣先黎，都好豐富！有雞蛋、泡菜、午餐肉、火腿、腸仔、豬肉片、海鮮菇、豆腐辛辣湯底好刺激，麵底都唔會好淋份量好足，食完好飽總括黎講性價比高，快餐之選！下次可以再幫襯！…查看更多