影片
以上资料只供参考，请与餐厅确认详情
好耐之前成日喺网上面群组见到有人讲，喺太子地铁站附近有间饭店，海南鸡饭外卖只系二十蚊，我亦亲身买嚟试过，说实话，味道正常，正式鸡有鸡味，我最钟意食油饭，但佢个油饭就一般，唔难食，公道讲廿蚊系超值，性价比极高。今日选择咗堂食，堂食要上一层，另一片天地，餐厅挂满领导人相片，我更相信呢间系正宗湖南菜，睇嚟睇去堂食唔见有海南鸡饭，可能系分开部门。咁我就拣咗土豆牛腩木桶饭，好得意侍应唔会问你饮咩，饮唔饮汤，见到大部分客人会自己出去装汤饮，自己去雪柜攞嘢饮，我就照跟出去自己攞，例汤都真材实料唔错，饭到了，都几辣，如果唔食辣嘅人真系食唔到，我本身都食到少少辣，个饭几好食，土豆牛腩重口味，加上辣椒爆炒的确几惹味，超乎预期。
继续阅读
呢间位于太子太子道西96-100号万年大厦地下A号舖至1楼噶湖南老家饭店,可以话好容易揾到，又或者好难揾到，一个唔留意就会错过咗佢，有一次就试过同朋友挂住倾计而错过咗佢，真系好唔明显。但呢间嘅竹筒饭真系好有镬气，价钱唔高都，比较抵食。今次同朋友叫咗两个竹筒饭，一个小菜。铁板茄子，茄子一条切开唔断，然后中间酿肉碎，睇图片同实际上嚟嘅真系两回事，不过味道都还算可以。湘式外婆菜肉燥木桶饭，呢个真系要试，超级好味，蛋香超浓，镬气超足，蛋碎加外婆菜加肉，一啖落去，口感丰富。下次可以覆点。椰菜花小炒肉木桶饭，呢个都镬气十足，肉片薄薄地唔会油腻，份量都唔少，肥肉嘅油脂配上白饭，猪油嘅香都出晒嚟。饭后饮返杯清凉爽仙草，真系体重有增加了
继续阅读
嗌左猪肚丝同小炒黄牛肉木桶饭，可以自己选择辣度，我嗌小辣都觉得好辣，如果食唔到太辣建议选择唔辣～卖相吸引，味道不错，牛肉比较嫩，牛肚丝香辣有嚼劲，而且价格便宜，每桶先$50包饮品同汤，学生价仲平！
继续阅读
太子近港铁站有间湖南风味～外卖海南鸡饭好抵食～中午都有几个人嚟买谂住呢个价钱应该得几旧鸡～估唔到有两排鸡肉～虽然系薄切但系呢个价钱算多啦～有一片青瓜同酸甜酱～海南鸡唔会话有血好生～食落好淋唔使点咬～唔系好识分冰鲜定新鲜～不过依个价钱似系冰鲜多啦～毕竟成本问题～食落重鸡味一D都唔咸～油饭唔算多油～唔会油腻～不过好似冇乜鸡油味～应该加咗黄姜粉～如果钟意食偏淡嘅应该会钟意食只系得外卖～如果冇太高要求嘅可以一试
继续阅读
其实有疫情前已经开始帮衬佢哋，系因为佢哋算是喺太子呢边食嘢性价比高嘅地方。本身仲帮衬过佢卖既其他饭，例如佢哋嘅鱼香茄子虽然细细碗但系其实$20嚟讲，我觉得算系咁。响太子呢头食野既地方算多，但真系要好平咁食呢；其实选择唔太多。另外我觉得佢个海南鸡饭嘅酱料其实都几开胃，酸酸辣辣其实好适合配油脂比较高既黄油鸡。个人认为佢啲海南鸡系滑嘅，同埋呢个香油黄饭都冇食，我谂可以食返辣嘅时候都想试返佢嘅夫妻肺片同埋其他湖南菜，希望有惊喜
继续阅读