港龍海鮮酒家

5人食海鮮，豪豪地，食到肚滿腸肥，埋單連茶芥加一酒水共$4323（海鮮料錢佔$2940）。前菜食皮蛋酸薑，開開胃！白灼蝦，新鮮海蝦咁樣食最好味！象拔蚌刺身，爽脆新鮮，象拔蚌膽就煲粥，好鮮甜呢！椒鹽賴尿蝦，大大隻又彈牙，仲有蝦膏添！豉椒炒聖子，夠鑊氣，正！果皮蒸鮑魚，新鮮鮑魚清蒸，再加陳皮釣味，我要撈白飯呀！另一味可以撈白飯嘅海鮮，清蒸老虎斑，大大條，魚肉超鮮甜，一碗白飯秒速爬完了！椒絲腐乳炒唐生菜，呢個有少少重味。最後酒樓送上甜品：芒果木瓜！人均消費約$900，食豪少少但真係好好食！…查看更多

食海鮮必到鯉魚門，價錢不算太平也不會太貴，相對的價錢可吃到新鮮的海鮮，是值得的。龍蝦刺身鮮甜彈牙花竹蝦刺身也是另類的選擇，從未試過但也很鮮甜龍蝦兩味，上湯龍蝦伊面，上湯鮮甜美味，伊面煮得剛好椒鹽賴尿蝦，香脆野味，食到唔停得口赤米十分鮮甜一班兩味，師傅炒工一流，食到口水流鹽焗奄仔蟹，朋友介紹，原來也很好味，蟹膏甘香美味飯後還送上果盤，完美的句號…查看更多

食過好多次，能保持食物質素，地方整潔，服務態度也不錯，價錢合理，鯉魚門海鮮酒家中算是可靠！位於停車埸旁邊方便駕駛人仕。生炆斑頭腩是我至愛，另外炆鮮鮑魚煲比一般蒸鮑魚更惹味，還有豉油皇蝦，不妨試試…查看更多

已光顧港龍多次，初時貪方便不用行入小巷，地方乾淨，食落不錯，繼續再去。今次與十多位朋友聚會，預訂房間。我們在宏利海鮮檔買海鮮，由老闆娘介紹合時海鮮，檔口不大，多數是熟客光顧。老闆娘會看人數介紹海鮮，海鮮是市價，到鯉魚門食海鮮，食好些一定不便宜，勝在海鮮生猛，款色與質素比街市的好。這次的水準也不錯，蒸魚和灼蝦剛熟，叫白飯撈魚汁，蒜蓉蒸大扇貝和陳皮蒸大南非鮑魚非常美味，芝士龍蝦依麫一般，炸生蠔脆卜卜，油鹽焗蟹不容錯過，蟹膏是甘香，送的魚仔湯美味但份量很小，每人一小碗，另外叫了兩碟菜，鹹了少少，送的生菓是木瓜和芒果，有甜也有不甜。總體上，這一餐食得非常滿足。…查看更多

可能大家會覺得海鮮只要新鮮就好食. 海鮮當然要新鮮啦, 但如果烹調方法未能配合, 例如一條新鮮的海魚蒸過鐘, 魚肉變老就浪費了條魚. 不是第一次去港龍了, 但每次都滿意又滿足. 主要原因除咗佢哋整嘅嘢十分好食之餘, 服務態都十分好. 佢哋會因應你用餐嘅速度而吩咐廚房烹調上菜嘅時間, 唔會好以一D酒家一次過上曬D菜等D菜凍曬.換碟嘅速度亦夠快夠密, 咁就唔會溝亂唔同嘅海鮮嘅味道.如果你唔知想食咩海鮮, 佢哋亦會盡量建議. 簡單而言, 今時今日要有這種服務態度才行. 豉油皇煎大蝦 蝦殼煎得很脆, 豉油味適中唔會太咸. 蝦肉爽脆又大隻, 啖啖肉. 豉椒炒聖子 聖子大條肉又爽, 加上豆豉, 青紅椒同炒, 十分惹味 象拔蚌刺身 鮮甜爽脆 陳皮蒸鮮鮑魚仔 啖啖的陳皮味很香, 不會搶了鮑魚仔的鮮味之餘, 更提升了其鮮味. 鮑魚仔鮮甜又淋 缽酒焗蠔 第一次試這種煮法, 很香酒味. 因為炸完再焗, 淋得嚟個面仲有少少脆, 但裹面就好滑, 蠔味香濃 清蒸老虎班 雖然老虎班魚味濃但肉質唔好超滑, 但師傅控制得時間啱啱好, 條魚都蒸得好滑, 加上蔥同豉油熟油, 讚 牛油焗奄仔蟹 勁多蟹黃蟹膏, 加上用牛油同焗, 超香之餘, 更能帶出鮮甜蟹味搖柱蛋白炒飯 一向都唔太喜歡食搖柱蛋白炒飯 , 因為大多數酒家或餐廳唔係炒得太油, 就係冇味. 但這裡嘅飯炒得粒粒分明又爽, 材料豐富又足, 味道又好, 好食 總之一個字 : 正 …查看更多

店內裝修清雅，簡潔，而食物有好介紹：豉油皇蝦好美味，陳皮豉油蒸鮑魚鮮味，鹽油焗蟹恰到好處，豉椒聖子米粉底夠創新，米粉吸了豉汁，好好味，藍瓜露不太甜，味道一流，以上5款是必吃。總之勁推介啦！…查看更多