港楓味

鰂魚涌健康午餐外賣之選👍🏻⭐️低脂雞胸肉沙律 $55今次揀咗培煎胡麻醬～一盒超大份好抵食！ 個雞胸肉好嫩滑、一啲都唔柴。蔬果都好新鮮！南瓜同薯仔都好甜，仲蕃茄仔、蛋沙律菜。好多種類營養均衡。就算淨係食沙律都唔會唔夠飽，仲有三隻醬選擇冇咁容易食厭。想飲湯可以加埋佢嘅椰子雞湯都不錯👍🏻lunch time一定要喺OpenRice落咗order就快啲可以攞到！…查看更多

食品品質非常好,菜很新鮮.好多元化慢煮牛柳好好味亦都好多選擇可以選擇菜底飯底椰子雞湯都好新鮮吸返鬆永遠很保暖一定會返去幫襯及有信心保證只需提前落單便可準時取回食物…查看更多

依間店係鰂魚涌食沙律嚟講真是物超所值！慢煮雞胸肉嫩滑多汁，咬落都有肉質的彈性同雞味，一啲都唔柴，件數都唔少。沙律配料雖然都係個啲蔬菜，好似係沙律菜、番茄仔、薯仔等，鋪到滿滿一盤，加埋隻的全熟蛋，營養均衡又飽肚。醬汁方便有3種，日日食都冇咁易悶。最驚喜既係價錢，55蚊，又健康又夠飽，係上班族出去食個減肥餐既超值選擇，仲有其他肉揀，值得回訪！店鋪淨係得外帶，Lunch好多人等，有時等得耐過預計時間，要快就要早少少係openrice order 定。…查看更多

因為想食沙律🥗但係唔想食番平時果間，於是乎昨日初嚐港楓味，點知一嚐就愛上🫰🏻呢間沙律類同飯類與之前介紹果間有唔同架！唔知係咪因為太耐冇食豬頸肉，覺得港楓味🍁嘅泰式香茅豬頸肉好好食，佢不同平時餐廳的豬頸肉片，呢間係粗條嚟㗎，唔講啲同事以為我食雞扒😂嗌沙律或飯仲可以+$5要雪耳椰子雞湯，好抵飲！雪耳椰子雞湯：清甜好香椰子味、仲有一絲絲煲湯椰子肉添泰式香茅豬頸肉沙律配千島沙律醬：沙律有薯仔🥔車厘茄、菠蘿、粟米粒、豬頸肉、沙律菜，沙律醬份量比平時食開果間多3分之1（一個醬食兩日）成盒沙律的份量唔細，豬頸肉好嫩及超級好食😋美味程度令小妹隔天再叫外賣食多次，同分享俾其他同事，一齊嘗試新餐廳🤭3月13日🧡香煎慢煮黑椒牛柳（紅米飯）💛低脂雞胸肉沙律 （OpenRice特價$55）慢煮牛柳及雞胸肉都非常出色，因為慢煮的關係肉質會比較粉嫩，又嫩又‘淋’，真係超級正🤤🤤🧡香煎素鴨沙律（腐皮捲）居然影漏咗自己果份🙀素鴨係腐皮捲，小妹揀咗配泰式酸辣汁，仲同昨日食剩的千島沙律醬撈埋一齊食，甜甜酸酸咁，素鴨仲多配雞醬沾來食添🫰🏻💛泰式香茅豬頸肉（白飯/紅米飯/沙律）本身豬頸肉已經好食，不論配搭白飯/紅米飯/沙律都係咁好食❤️…查看更多

外買飯盒又健康、又好味、又整得快。推介沙律🥗無論係田園沙律、雞胸肉沙律、牛柳沙律都好好味👍🏻其他飯都好味，最鍾意佢比普通飯盒多好多蔬菜🥬，環保紙盒都非常好👍🏻…查看更多

之前食過幾次沙律，後來先發現原來飯底可以轉熟菜底!!!!! 實在太好啦唔洗成日食凍冰冰嘅菜！熟菜底有椰菜花、西蘭花、椰菜、冬菇、紅蘿蔔絲同粟米。炒到剛熟唔會老，食到蔬菜嘅爽脆，火候控制非常好，唯獨是調味太重手，好鹹🥲今日再試，調味輕手咗，反而更食得出蔬菜嘅鮮甜。我叫嘅係肉質柔軟嘅燒牛肉，配埋味道唔會過重嘅燒汁，真係超正👍🏻今次無影相啦，因為唔係第一次食，但估唔到今次咁驚喜，要即刻上嚟寫返篇食評😂…查看更多

記唔到幾時開始，我心裏就一直掛住想試下我司樓下嗰間外賣。幾日前終於有機會，同幾個同事一齊點咗幾樣唔同嘅飯盒。我自己揀咗個泰式香茅豬頸肉飯。嚟嘅時候個豬頸肉真系炒得外皮微酥，入口之後即刻感受到香料嘅層次，特別係香茅嘅清香，突出咗豬肉本身嘅甜。😍佢哋仲好貼心地放咗兩片燒菠蘿，加咗點甜味之餘還解解膩。我旁邊嘅同事選咗健康路線，點咗黑椒慢煮雞胸肉飯。啱啱好，我都搏咗一啖試下，雞胸肉保持咗水份，唔會話乾身，口感柔嫩，夠味之餘唔會太咸，證明廚師嘅調味功夫掂。😋同事之中有位茶魔頭特別揀咗荷香冬瓜薏米露，佢滿意到幾乎想即刻再走次單，話味道清新之餘仲有淡淡的荷葉香，喝落去又消暑又舒緩。最后讓我印象深刻嘅，係另一盤咖哩牛肋條飯。軟綿綿嘅牛肋條配上濃郁嘅咖哩醬汁，真係令人難以忘懷。牛肉嘅鮮甜加上咖哩嘅香辣，冇得輸。👌呢間外賣真係出乎我哋意料之外咁正！下次仲要試下其他嘢，希望味道一樣保持得咁好。食物質素又高，選擇又健康，真係讓人吃得好開心。…查看更多

係附近返工，好多餐廳都食到厭哂而且lunch 超多人，有時都想買返公司/屋企食外賣，呢間又平又多菜份量適中雞排煎過同醃左，幾juicy ,好似比炸更健康菜就有多元化，椰菜，椰菜花，西蘭花，蘿蔔，同有唔同菇類，幾新鮮同幾好味飯可以揀多飯少飯同可以揀蕎麥紅米，好似都幾健康，一定會試埋其他口味仲配左椰子雞湯，唔會太肥清清地唔飲湯亦可選紙包茶，而且午餐時間都幾多人去買，可能最近周圍多左好多office 同多左好多人係呢邊返工😀😀😀…查看更多

鰂魚涌好多外賣小店，咁啱行過海澤街，見到呢間健康餐外賣小店，食物無添加味精，健康有益，食物選擇多，有飯類、沙律類、小食類、湯及飲品午餐時段，買咗兩份沙律類套餐，一份係 [ 低脂雞胸沙律 $58 ] 沙律菜底份量真係超多，配料有南瓜、車厘茄、藜麥、薯仔、粟米粒、半隻蛋，低脂雞胸肉肉質口感柔軟，份量都幾多下，熱量低、蛋白質豐富，清新好味，醬汁配培煎胡麻醬另外跟餐 +$5 [ 雪耳椰子雞湯 ] 香濃椰子味滋陰潤肺，好味又有益，味道清甜好飲另外一份係 [ 泰式香茅豬頸肉沙律 $68 ] 豬頸肉肉質嫩滑，而不油膩，點埋泰式酸辣汁，配料有南瓜、車厘茄、藜麥、燒菠蘿、粟米粒、半隻蛋，大量沙律菜底，新鮮健康又好味跟餐 +$8 [ 香檸話梅茉莉花茶 ] 口感鹹鹹甜甜，飲完更開胃自家製飲品餐廳：港楓味 (鰂魚涌)地點：鰂魚涌海澤街3號地下C號舖電話：95944018…查看更多

在附近上班，已經光顧了這間餐廳好幾次，欣賞食物質素有保障，分量充足夠一個成年男人飽肚之餘，又多蔬菜😝✅泰式香茅豬頸肉（$58）豬頸肉保持了肉質的鮮嫩，搭配上濃郁的泰式香料和香茅的香氣，配飯一流，仲有西蘭花、椰菜花、椰菜同菠蘿等配菜，煮得香甜但不油膩，豐富和有營養過吃兩餸飯😂✅鮮奶清蛋炒蝦仁（$58）使用了新鮮的蝦仁和鮮奶，蝦仁經過炒煮後保持了彈牙的口感，搭配上濃郁的鮮奶和蛋，帶出了蝦仁的鮮甜味道，份量都好足，都幾厚身，底面有大約有6/7隻大蝦仁✅香脆鹽酥雞（$28）外皮炸得金黃酥脆，咬下去時發出一聲脆脆的聲音🤣雞肉的肉質鮮嫩多汁，而且炸得剛剛好，不會太油膩，吃起來爽口十足👍🏻…查看更多

搵下搵下～其實鰂魚涌都好多好嘢食特別係好多外賣小店出品好有heart價錢又相宜❣️呢間店新開 盒飯嘅份量大到你唔信最重要係老闆好重視大家嘅健康 配咗大量雜菜 啱晒我呢啲無菜不歡嘅人仲配有半隻滷水蛋營養好均衡嘅感覺😌❣️泰式咖喱牛肋條飯 牛肋條份量好多 忟到好腍 仲有咖喱永恆嘅伴侶薯仔🥔 夠晒綿又索晒啲咖喱味 正到爆❣️泰式香茅豬頸肉飯 咖喱汁另上 多汁小汁悉隨尊便 豬頸肉煎到好香口 食落唔會淡淡油 最欣賞佢有兩舊新鮮嘅菠蘿啊 好清甜，留意返係新鮮唔係罐頭㗎🤤❣️荷香冬瓜薏米露 有淡淡的荷葉香味 薏米煲到好綿 飲落好清甜，夠晒解渴❣️香檸話梅茉莉花茶 咸咸地酸酸甜甜好開胃 仲有淡淡的茉莉花茶香 完全冇諗過呢個組合咁夾想健康啲？仲可以轉菜底或者紅米飯添！…查看更多

作為一間外賣店，可能新開啦，手機落左單，去到話無我張單喎、職員話無佢地個訂單no.,而我得平台個單no. 就咁話無就唔理我，明明講左係邊間落，職員一句話搵唔到我就呆企左係度，我嘗試好努力搵比佢，佢對都唔對單，我問佢對名得唔得，佢竟然答我張單無名無電話對。雖然最後都拎到，但我睇過張單，成個訂單no同名都有印係度，點解會對唔到呢？睇嚟仲未學識搞外賣單，現場買就無咁混亂。呢間野味道話自己無添加味精，味道真係好住家，包裝係靚嘅，但服務就欠啲熱誠…查看更多

途經鰂魚涌，順便買埋外賣回家慢慢嘆，舖頭新開張冇幾耐，見有齊豬牛雞肉等，又有白飯、藜麥紅米飯、或菜底👍承諾不添加味精❤️選用環保餐具👍香煎慢煮牛柳沙律～有3款沙律醬供選擇，我選了培煎胡麻醬，牛柳好嫩口，鋪滿沙律菜面，仲有半隻日式醬油蛋，沙律菜又夠新鮮，有蛋白質又有纖維，夠晒健康😍泰式咖喱牛肋條飯～分量十足，而且新鮮熱辣，充滿椰香的咖喱汁唔辣夠晒香濃，牛肋條入味鬆化，還配有好多雜菜，仲有半隻日式醬油蛋，好豐富😋…查看更多

見完客路過見到有間新開小店鋪頭以外賣為主，店內設有少量立食位置， 價錢親民款式都唔少。就買左兩份返屋企同老婆食。香煎慢煮黑椒牛柳轉菜底 $68（+$8轉菜底）份量十足，牛柳肉質細嫩，食落好juicy，淋上黑椒醬汁後更惹味。老婆加左8蚊轉菜底，菜既份量有成半盒，食完超滿足。泰式香茅豬頸肉飯 $58 豬頸肉經過香茅和泰式香料醃製後，非常入味。燒到皮脆內嫩，令人食唔停口。仲有兩件超甜燒菠蘿，大愛。另外，跟餐加$8仲有特飲荷香冬瓜薏米露同香檸話梅苿莉花香。我個人鍾意荷香冬瓜薏米露多d，清甜好飲又足料。…查看更多

返工附近呢間外賣鋪真係好方便，食物選擇又多，我放工之後都幾常幫襯😙咖哩牛肋條飯充滿著椰香的咖喱令人好開胃，牛肋條非常嫩滑，每一口都能品嚐到滿滿的肉汁，而且很容易咬斷，另外仲有半隻蛋、西蘭花同椰菜等配菜，好豐富，啱晒我呢啲返工常常出外少食菜的人😋和風牛肉丼牛肉片肥瘦適中，而且味道香濃，另外附帶了和風醬，讓你可以根據個人口味增加調味，同樣地，這道菜也有很多蔬菜😎香檸話梅茉莉花茶鹹鹹酸酸嘅飲品，好開胃！…查看更多