影片
今日行过铜锣湾见到有间新嘅粥底火锅做紧特价，$198有A4和牛仲有海鲜，计埋加一都抵到烂即刻谂都唔谂上去试。好彩平日walk in 都唔系好多人，一坐低order海鲜套餐就上海鲜set！D虾新鲜到扎扎跳，差D跳咗出个碗，其余D蚬同扇贝睇上去都好肥美，最正一人有一只鲍鱼，仲有蟹整蟹粥。冲完一轮海鲜之后就到二轮肉食，仲有好多蔬菜类，手打牛肉饼好似一片片既牛丸咁😂粟米可以再煮耐d,煮左20分钟都好爽甜！第二轮多嘢到呢张枱都放唔落，食到咁上下已经饱到咩咁女仔就唔洗食咁多，同行既朋友都好饱！不过都一定要食埋个粥底火锅，鲜甜到不得了，吸收晒啲海鲜嘅精华,而且有其他配料可放落粥送食。另外值得加分嘅系𠮶jar竹蔗茅根，淸甜！真材实料！仲有姐姐嘅温馨提示，perfect池👍🏻
继续阅读
本身同朋友约出黎食饭仲谂紧食咩，就见到呢间海鲜火锅做紧198蚊试食价，咁难得会有咁平价既海鲜火锅就入左去试！店铺新开环境好干净舒服，平日夜晚咁啱唔洗等位就入得，落单之后一碟碟海鲜好快就送到！相里面系5人份海鲜，有沙白、白蚬、鲜元贝、鲜鲍鱼、海虾同肉蟹。份量好足同新鲜，海虾仲好生猛！整体海鲜质素都好有惊喜size都好大只，海虾爽口、蟹肉嫩滑、鲍鱼弹牙，其他都好鲜甜！ 叫左一jar竹蔗茅根，店员即刻介绍系佢地自己煲既，味道清清地比较健康。另外嗌左份虾饼，食落去都ok爽口，但我觉得芫荽味淡左d~ 食完海鲜，店员就将A4和牛、猪腩肉、猪梅肉同其他蔬菜上碟。本身对和牛冇太大期望(因为系赠送)，但一食入口发现真系好滑好有牛味！仲以为食完海鲜可能之后既食物质素都系普普通通，但连牛、猪都好好味，而蔬菜方面蜂巢豆腐出色！食埋肉、菜之后，店员就即刻攞埋粥底配南瓜同芋头出黎加落火锅煮，不过我个人觉得冇需要再落，因为成锅粥已经好足料，同想保留返海鲜既鲜甜味。整体海鲜都好新鲜冇雪藏味，野食份量好够，店员服务好快同地方环境都干净。试食价真系超值，有机会都会再帮衬！
继续阅读
今日去试SOGO对面黄金广场的粥底火锅。朋友仔食过介绍我话必试㖞，唔讲都真系唔知呢个商场开左火锅店，原来系今年3月新开嘅。迟左放工去到大家已经开晒锅啦，哇～成枱海鲜！仲要只系上左一半咋，肉类都未上！我仲以为$198试食系快餐店个种，每样少少试下味，完全估唔到系咁足料！最兴奋嘅系，原来唔系我想像个种蒸气火锅再加粥，而系食店一早淆好左煲粥，将粥同粥水分开，以粥水做锅底，最后完晒个火锅，先将个棉粥放返入个精华粥底入面，成件事真心惊喜。佢地有教学教点煮个粥（落左咩先），枱面有晒每样食材煮几耐，有埋计时器，我地几个平日少煮海鲜嘅，都唔驶估估下推介：1）海虾上到枱都仲识跳，要用碗盖实嘅，原来每日下午5:00先返货（这店只做晚市）真心新鲜2）鲍鱼好鲜味（竟然有鲍鱼！）我地用黎煲鲍鱼鸡粥3）A4和牛好香，但猪腩片仲好味，估佢唔到4）竹蔗水个味同出面真是唔同，职员姨姨推介必饮话明没加糖精，系落红糖煲，好有家的感觉，40蚊唔驶一杓可以有6杯，自家出品，我饮完劲问佢地有无得外卖（可惜没）5）佢地嘅调味沙姜必试，唔多讲～因为出面没呢种调味料6）全个锅系粥水底，没盐没味精，全吸收食材嘅鲜味，但本人钟意浓味嘅，最后都系要问职员要盐总结：5个女仔食到最后都食唔落个粥，实在太丰富，如果想食火锅又唔想太腻，呢个海鲜为主，多菜少肉无味精嘅粥底火锅真系好啱大家。$198试食系超级抵食，唔知新张优惠做到几时。当日去个场都唔满唔驶等位，但朋友话佢假期黎个次系爆晒～
继续阅读
黎呢度系见198套餐价钱好吸引!平时食海鲜火锅都系蒸气海鲜既,不过呢间系真系拎D海鲜放入粥水度打边炉既!全程都要用个timer黎计时!惊过左时间老左唔好食!侍应会一开始先讲解点样食法，而且枱面都有张纸写住教你点样煮,每样野要煮几多分钟呀咁!坐低冇耐，就先比调味料你先,因为佢地系放雪柜既,调味料款式唔多，不过其实食海鲜都唔洗太多野调味，个人推介系佢地既沙姜!系厨房自己整嫁!完全将海鲜升华左! 朋友仲问有冇得买返去整沙姜鸡~~可惜系冇得买既~落好哂调味料就会上第一round系海鲜黎~大部份都每人一件，蟹就每人半只!仲有少少蟹膏!蚬有2款，都几多又冇沙，食得出咸鲜味! 细果d就甜D!虾就好大只!而且新鲜到系咁跳!!肉质爽口弹牙!鲍鱼大只肉质都几好!元贝就有D大只有D细只D..但都好食既!差不多食到6成饱，仲上左碟文昌鸡，朋友话要叫黎煮鸡粥!!侍应话煮3分钟就好喇D鸡~我地就先落一半食，再另外留起一半最后煮粥食!不过D鸡好多鸡毛....我有少少感冒所以都冇食喇..之后就叫左碟虾饼，真系冇乜芫茜味，厚肉弹牙!原来系加左马啼，应该系越式做法?食到呢度，店员推介佢地厨房自己煲既!咁我地试左一壶，$38其实都好抵...一jar大概可以倒6小杯，证明足料果壶都见到落左咩料煲既! 饮落口系比较清，唔算好甜，但系用红糖去煲既!我地成餐叫左3 Jar~一杯除返都系6-7蚊杯，健康清热得黎比较健康~佢地仲有自家既酸梅汤，不过我就唔岩饮喇!朋友连入面既马啼都食埋!!哈哈~仲问有冇外卖添~食到呢度已经食左成个几钟，就开始食Round 2~大部份都系肉类黎,仲送每人2片A4和牛，油脂分布平均，牛味都好浓肉质都滑!另外仲有五花腩同猪梅肉，食落口冇想像中肥，猪梅肉都几好食!一D都唔觉得似食紧猪!仲有唔少蔬菜:超甜粟米就好爽甜，煮左一段时间都系咁爽甜!本菇睇相都知系新鲜既，冰豆腐即系蜂巢豆腐，几索汁既! 芝士肠就好普通..娃娃菜好大片，都系正常既娃娃菜，店员好细心过黎帮我地分好粥水入面剩低既食物后，就准备煮粥喇!有粥胆，花生，冬菜，南瓜粒，芋头粒，芫茜等~仲有我地自己加既文昌鸡!店员煮好就分哂碗比我地不过都食到好饱喇,反而个粥我地食唔哂..个粥煮完之后我觉得同蒸气火锅煮既粥唔同，不过其实个芋头都比佢整到变芋泥咁..个味系好多层次....反而少左海鲜味..一班人食，煮下煮下，食完都已经3个钟了!整体来说，我觉得都系好抵食既，店员好细心同热情，讲解仔细，知道我地要影相仲帮我地排好哂位!食物用材料都落心思同够新鲜!值得再去! 留意返呢度只提供晚市!
继续阅读
好耐无食粥底火锅，这间都整体唔错，可以再encore1. 价钱198，粥水汤底，套餐海鲜几丰富，蚬，贝，鲍鱼都好鲜甜，虾好生猛，蟹就就唔系好大只，但都有蟹膏 ，而且价格取胜2. 肉类方面，A4和牛中规中矩，猪腩肉有惊喜，以为会好肥腻，点知烟烟unun，又唔觉得腻㖞3. 食到甘上下，开始食蔬菜，峰巢豆腐口感几得意，粟米都几鲜甜，出奇地厨极都爽爽的4. 最后加埋南瓜芋头煲粥，钟意加埋鸡件一齐煲，唔知系米加左粥水关系，虽然加埋芫茜冬菜花生， 味道略嫌清淡，不过很饱肚了5. 值得一提系饮品竹庶茅根同酸梅汤，竹庶味道好清，有红糖味，睇落真材实料，酸梅味浓味点，但两者同火锅都好配，打边炉点可以唔饮野6. 调味料方面，一般辣椒蒜头唔少得，竟然仲有沙姜，吊味一流7. 另外叫左碟虾饼，48蚊6块有点贵，但几好食，鲜炸爽口，应该加左马蹄，点埋甜酸酱正8. 这度d姨姨侍应服务抵赞，主动，换碟好快总括而言，铜锣湾区这个价位同质素都算抵食
继续阅读