影片
以前饮茶去过几次都已经觉得麻麻地，主要系屋企人成日都想试吓食佢夜晚，点知出晒事，呢世都唔会再去。😤⁉️冇态度我到先，我去攞位，唔知做咩咁爆，油塘真系冇嘢好食？😶🌫️俾咗张舖头中间嘅位，但系屋企人到之前有三张窗边卡位嘅人走，我就问「可唔可以调位呀？佢哋啱啱走，我屋企人都未到」，个阿姐即刻话：「啲枱都系一样嘅啫，我啱啱俾咗张枱你，你又调？」，我话佢哋比较钟意窗边位，佢哋未到，你唔使急慢慢，佢哋到咗都系一样会请求调位。跟住佢就口up up执枱，话我搞到佢又要执枱，我顶唔顺就讲咗句：「其实你系咪都要执枱，我都冇催你⋯」😠仲话：「茶壶同碗碟，你自己拎嚟啦」真系成肚气😡⁉️讲嘢1999落单系scan QR code，但做紧一个优惠系可以$1叫烧鹅或者鸡，我就见到上面呢两样都话售罄，我就去问吓。今次系另一个阿姐，佢话：「你要落咗原价先，我哋系要手写帮你改单」咁我就以为要落咗原价嘅烧鹅先，我就话但系个网上面话佢售罄我落唔到，总之讲完一大餐，佢意思系叫我落我其他原价嘅菜式，等我开咗张单，佢先可以手写帮我落$1优惠嘅嘢😇⁉️冇食物质素叫咗佢$1烧鹅，二至四人份量，佢声称系¼只烧鹅，嚟到有一半都系肥膏（图4）😀我哋反映希望换，个阿姐都望一轮犹豫再三先至拎返去换，换完返嚟冇特别好咗感觉仲少咗，张图少左两旧系我哋夹咗嚟食😹（图6）叫咗$45半打小笼包（图9），嚟到全部本身都系穿咗，我哋仲要等咗半个钟😀叫咗个金砖豆腐（图10），45分钟先至嚟到，当中我催过两次，而啲阿姐第一时间并唔系催促厨房，而系走去check我系咪真系等咗45分钟。上菜𠮶一刻阿姐竟然仲话：「一讲就到」😀啲嘢唔系特别好食，服务差到我真系唔会再去第二次，食物嘅选择都唔系多。
继续阅读
入黎食前问左门口位姐姐，佢话所有点心计小点价，咁ok la入黎食坐左喺度，叫我地手机落单，话选左就得，之后会转做小点价。咁我地简左6样，其中，原来珍珠鸡系唔计落小点（佢地话蒸点㖞）系计30蚊（其他18蚊）咁就话取消，佢地先后黎2个呀姐，一个话点左唔取消得，而且蒸紧啦（好快😵💫😵💫）。另一个话要经理返黎先取消得（冇负责人在场㖞）转头就黎左珍珠鸡，我地问唔系话等经理返黎取消咩？个姐姐就话冇啦，出左野就冇得取消😑😑焗食啰食到咁上下再睇睇点既野有冇未上齐，发现原来取消左，再加返单🙄🙄即系点呀？上左点心焗你食，再做个样话可以取消，见你食左就话做左野呀？又话唔取消得既？3点半下午茶时段可以轻松入座（楼上十胜牛，连pizza jat都要等位）都做到咁，真系多乜谢，唔怪得差评多过正评👋👋
继续阅读
礼拜日，男家长辈话去大本营饮早茶。九点到达，客人不多。一行五人，独占一圆枱，无需搭枱。点了孖宝和特价系列，慢慢等点心来到。 蟹籽烧卖皇 上海小笼包 味道很正常，没有太大的感觉。 香茜牛肉肠 白色粉口感滑滑，牛肉碎只系陪衬品，但希望有更多的芫荽。 皮蛋瘦肉粥 软绵绵，杰挞挞，一pat pat，无牙阿婆都食到。奈何自己不食皮蛋，就交给他人处理皮蛋粥。 陈皮牛肉球 碱水味不明显，跟一般酒楼点心味道有不同，很喜欢这味道。 咸鱼肉饼饭 <含绮your 炳>是小米至爱，白饭有淀粉质，足以为小米大半天的活动提供能量。压碎<含绮>，跟肉饼和白饭混在一起，大啖大啖食，小米很快就把一盅蒸饭消灭了。 <鼓>汁蒸排骨 餐牌果真这样写呀！！<鼓>汁蒸排骨呀！！哇哈哈!! 哇哈哇!! 哈哈哇！ 排骨肉质实在，乸得不太严重，仍尝到猪肉应有的味道。一枱五人饮茶，星期日早上二百有找。饮茶后，再去附近超市商场。
继续阅读
2024年4月20日星期六下午4:52分，在油塘大本型商场2楼港味买咗1斤脆皮烧腩仔$98，及一盒咸菜猪肚$18，所谓嘅脆皮烧腩仔，皮又淋，又韧，下面仲要全部都系白色嘅肥膏，揾旧肉都很难，简直系垃圾食物，超差，超差，超差，重要嘅野要讲三次，咁样嘅食物仲可以出街卖俾客人，不知所谓，即时打电话投诉然后叫我返去换，请问如果住得远嘅，难道又要搭车返去换，咁样做法，以后都唔使帮衬，食物质素超差，生意态度更差
继续阅读
今日同朋友二人去饮茶，唔使排队，入到去坐低喺近玻璃窗的卡位。个侍应同我讲，2个人坐呢度要收三人茶钱，我打个突😰 真系第一次听。咁算啦，我自愿调位，坐另外一度。（大前提系当时有3张靠窗的卡位系冇人坐的！而当时亦都冇人排紧队！）我换咗位一阵，见到有一个工人姐姐推轮椅🦽推住一个八十几岁的婆婆，扶婆婆坐返头先我坐个个卡位。当然，个待应都系同婆婆讲，要收三个人茶钱先可以坐喺度。婆婆行动不便，见到佢要慢慢起身，再慢慢由工人姐姐扶住换位，我觉得呢间野真系太不近人情，其实系咪可以酌情处理呢？（重点系当时系有3张靠窗卡位系吉嘅！！酒楼亦都唔full! ）你哋可以讲婆婆大可俾多一个人茶钱而唔换位，但系重点并唔系呢度，而系本身呢种处理手法已经好有问题！！！我终于明白点解而家个个钟意返深圳食嘢，你哋望返香港嘅服务态度同质素？待应态度又恶劣！完全唔helpful 又黑面🌚呢间真系black list!
继续阅读
您可能会有兴趣的...