影片
今晚唔想煮，去咗港味道买外卖，点咗一盒章鱼鸡粒蒸饭，再加几款小食：炸烧卖同大鱼蛋，一餐满足又唔太油腻，啱晒返到屋企慢慢叹。章鱼鸡粒蒸饭饭面铺满𩠌料，鸡粒嫩滑入味，章鱼爽口弹牙，饭粒吸晒酱汁香气，整体味道咸香适中，唔会太重手。作为蒸饭，饭底唔会过湿，食落舒服。炸烧卖外层香脆，内馅饱满，配甜辣酱一齐食够晒惹味；大鱼蛋烟韧弹牙，热辣辣食最正。一餐简单外卖，却带来熟悉的街坊滋味。港味道嘅蒸饭同小食水准稳定，系晚餐唔想烦、又想食得好嘅不错选择。下次会再去试吓其他蒸饭款式。
继续阅读
我平时好少打负评，但最近喺康城嘅Fresh买晚餐，真系令我唔开心。当时收银姐姐话买三样嘢可以有全单八八折，所以我加咗一个奶皇包$10。我本身谂住买一个蒸饭$32，一碗汤跟餐$20。因为后面排咗好多人，我就冇睇价钱直接用八达通付款。点知后来计吓，发现比预期贵好多，返去问先知原来所有食品都要计原价，实际上我只系平咗0.4毫子，蒸饭要$35，汤要$25。收银姐姐仲话可以省几蚊。我真系觉得呢种做生意手法有啲唔老实。佢哋嘅食物质素普通，只不过喺康城呢度算系相对平啲嘅选择。
继续阅读
午饭/放工时间行过见到好多人排队除咗另一间蒸饭舖头之外多咗一个选择比其他食客拣系好事，始终有竞争先有进步～今次叫咗🍚砵仔咸蛋肉饼饭🍲食 $32首先～份量都叫几多！食完唔会觉得意犹未尽另外味道都系中上嘅～肉质软嫩～一啲都唔韧，唔会太老有时好惊食肉饼会加咗好多肥猪肉～好油但今次食晒个饭～喺饭盒底都见唔到油淋淋感觉好安好😉另外两个姐姐见到咁多人都友好嘅态度而且合作无间（唔计排队）由落单、俾钱到拎走个饭 一分钟都唔使 ⏱️除咗港味道。仲有港态度（快！）
继续阅读
康城啲嘢都系比较偏贵, 而呢一间嘢食嘅价钱就相对亲民, 一到食饭时间或者放工就会好多人排队.有时候肚饿想食少少嘢,但唔系想食饭,我都会买下佢啲烧卖肠粉.马拉糕𠮶啲饮茶食物.如果差唔多食饭时间我就会买佢𠮶啲蒸饭, 佢啲饭都有包咗唔少肉㗎㖞,都叫做ok食饱一餐.
继续阅读
呢个小食拼盘真系好正！里面有烧卖、鱼蛋同埋肠粉，样样都好味。烧卖嘅肉馅鲜嫩，外皮薄薄，搭配少少辣椒酱，味道更加出色。鱼蛋方面，煮得啱啱好，弹牙有劲，食落去咁滑，真系唔错。再加上佢哋嘅酱油，味道好配，食完一啖又一啖肠粉就系另一个惊喜，柔软滑顺，里面包住嘅馅料都几丰富，食落去好有满足感，亦可以加埋酱油或者花生酱，味道更加出色整体来讲，呢个小食拼盘份量足，适合同朋友一齐分享。呢个拼盘绝对值得一试，肯定会令你回味无穷！
继续阅读
您可能会有兴趣的...