港味大排檔

連一次機會都唔好比佢❗️❗️❗️❗️同隔離枱同一時間坐低人地上齊晒 就來食完我地一樣野都未到唔出聲連個炒菜都唔比我再飲檸茶 仲嬲用雀tle檸茶粉沖出來加檸檬扮檸茶賣成24蚊用茶包好貴咩宜家？片檸檬仲要極薄薯仔牛柳粒都好笑啲薯仔熟既但中間係凍既 咁都要用雪藏野？！嗌芝士伊面坐低左個幾鐘都上唔到焗左去邊釣緊啲蝦上來定等緊蝦上釣呀？啲芝士係咪等緊佢發酵定等緊啲奶擠出來😀駛唔駛咁黑心賺到咁盡呢世都唔會再食…查看更多

上星期六和一班朋友去食飯，之前睇到i G去試吓，見到好多款平海鮮食，我地6個人揀左龍蝦伊面，炒鮑魚同蒸扇貝，味道Ok，再叫左兩份孖寶，有4個餸，啫啫雞煲夠惹味沙爹牛肉粉絲煲可以餸白飯🤣加埋兩個小炒，我哋揀咗宮寶雞丁同蜜豆炒鮮魷⋯⋯食到好鮑，埋單每人都120左右，真係抵食，下次再有節目也可以再去🤣🤣…查看更多

見到網上有人推介尼間大排檔，於是就同朋友相約左一齊去食，之後亦打電話去左book位，點知果日去到餐廳果陣發現佢地根本無幫我地book位，我地亦show手機通話記錄比類似老闆的人睇，佢竟然用超級無禮貌同串的態度同我地講話有通話記錄唔代表你有book位呀，之後仲同我地講話而家無位，你地8點半之後再返黎睇有冇位？我同朋友激鬼氣就頭都唔回就走左去，有咩理由餐廳做錯野仲要用惡劣的態度對客？…查看更多

員工態度超級好！好有家的感覺！一開始送左炸魚皮比我地❤️等我地食完野，中送左糖水比我地勁窩心！食物不錯！可以再食！感覺是很用心經營的港式餐廳！推薦炸物和小炒菜！味道不錯…查看更多

同大家一樣，睇見啲影片幾吸引決定試下。上菜速度好快 食落都唔差特別要讚咖喱羊腩煲，熱辣辣咁上菜好吸引，唯獨是凍左之後睇到油太多。都唔緊要，最掃興係見你個煲食完就想收左去，連你啲碗筷子都想收晒清枱，仲比埋張單你，但個時仲有半枝啤未飲完，根本你想再叫多個餸或者叫多枝啤都唔唸住比你叫。睇翻時間 第一碟餸上枱到佢比單趕我走一個鐘都冇，不斷喺你枱隔離徘徊，間唔中行過嚟同你講對一對張單轉頭去收銀埋就可以，好似好有禮貌，但其實就係叫你快…啲走。到走嘅時候埋完單以為出邊好多人等緊啦，點知出到去個畫面係一個人都冇….本身都諗住可以encore ，點知爛尾收場 無下次！…查看更多

睇完社交媒體網站介紹，影片好似好正，就去試下，去到食落完全唔係好回事，我相信同任何一間cheap雞大排檔茶餐廳叫小菜，都好食過佢，呢間野價錢唔平，食左成晚，魚缸啲魚從來冇人撈過，做樣多，樣樣都不達標，垃圾， 兩餸飯都好食過去，我係認為，不吹水，我地叫左8個菜，食到一半，已經連相都唔想影，炒蟶子，得幾粒，虾伊面變左白汁伊面，牛仔骨係酸既，沙拉骨其實係京都骨， 魚翅撈飯其實係福建炒飯，我朋友食到講粗口，希望食店 檢討下， 自己試食下…查看更多

今日中午十二點到，唔多人，得2台客，冷氣夠涼，坐得好舒服，我地2人叫左個蒸魚孖寶＄198，同埋黃金四季豆＄78，古法蒸三刀，條魚應該蒸耐咗好嚡，豉油真係勁多，唔掂，有點失望，豉油雞OK夠入味，黃金四季豆好食，有驚喜，埋單連加一$304，原來夜晚去食先有魚皮送，總括嚟講如果諗住食孖寶係對條魚有希望嘅就唔使諗啦！可以取消呢個念頭。但係其他小菜應該OK 畢竟我都係試咗三個餸，食唔到太多魚，我諗小炒應該夠鑊氣！…查看更多

唔知係咪一開始問個夥計 個粉絲蟹煲隻蟹又幾重到但最後冇嗌到 所以俾個廚房整 ？ 成晚得蝦仁炒蛋正常 其他都出晒事蝦多士 好似飲咗擔油咁豉油王鵝腸 有色冇味 應該話冇豉油味，得啲生粉水味豉椒炒蜆 一枝煙時間都冇上到枱勁但凍囉 暖既都唔係牛什煲 酸架冇煙出！用手摸換佢個煲暖既 唔知係咪佢特色椒鹽豆腐有料炸完仲可以林身白雪雪既，一粒粒炸完仲可以痴埋一齊炸子雞 👍🏻我諗隻雞最少炸咗三次以上 望都知又乾又柴 連塊伴碟嘅蝦片 都係深黃色 蜜椒牛柳粒 大碟抵食 但啲牛柳好似咬緊橡筋咁 睇唔到有黑椒亦都冇黑椒味冇蜜糖味，根本就係薯仔炒牛柳粒 仲有個清炒菜心 味道正常獲氣添真心唔錯但啲菜心就…好似街市十蚊兩份個啲咁又老又柴…查看更多

我覺得都可以，七個人食飯，沒有限時。店員態度不錯，第一支紅酒免開瓶，之後每支50。當然如果免開瓶費會更加開心。嘢食方面中規中矩，由7:30坐到11:00。每人200鬆啲落樓。…查看更多

尖沙咀新開高質大排檔 一定要試吓佢哋⭐️玫瑰露豉油雞煲$108🥰上菜嗰時已經聞到超重玫瑰露香🔥熱辣辣出煙 仲要肉質夠嫩滑.佢哋仲有唔少懷舊菜式例如⭐️懷舊蝦多士$98⭐️蜆芥陳皮鯪魚球$68⭐️酥炸豬大腸$68⭐️海王魚翅撈飯$98⭐️古法牛雜煲$98 都做得相當出色.除此之外 佢哋煲仔小菜都好抵食有新店優惠招牌小菜煲仔孖寶煲仔 同 小菜各揀一款 都只係$148呢個價錢係尖沙咀嚟講好抵食難怪每日夜晚都好爆場 門口仲有唔少明星合照如果尖沙咀想食大排檔小菜 記住試吓佢哋.#hkfunfoodrecord窮遊香港#hkfunfoodrecord_尖沙咀.#港味大排檔 (尖沙咀)地址：尖沙咀漆咸道南53-55號嘉芙中心地庫電話：9277 5310.（記住分享比朋友 追蹤/like 感謝你哋支持🙏🏻）.#hkfoodie #foodiehk #hkfoodblogger #hkblogger #hkfoodies #hongkongfood #食評 #旺角美食 #旺角必食 #油麻地美食 #油麻地必食 #佐敦必食 #佐敦美食 #尖沙咀必食 #尖沙咀美食 #香港美食 #尖沙咀 #大排檔 #小菜 #中菜 #小炒…查看更多

水準之下，豉油王鵝腸炒到好似濕炒牛河咁又埋茨兼淡而無味，其他出品都一般般，冷氣又唔夠，喺今日天氣唔係咁熱底下都食到成身汗，仲慘過返深圳，茶餐廳都俾佢炒得更有鑊氣！😤…查看更多

份量少！價錢與店內不付！之前已經睇過食評，還是試一次！點知真係伏！因為都唔想寫啲咩嚟！開飯要寫最少80字！我都冇咩好寫！因為不好吃！嗌咗三個餸！半個鐘頭後就走！止蝕離場…查看更多

一月中左右同朋友敍舊揀依間頗多人食嘅大排檔🔥每個餸嘅份量都幾大，四個女仔叫咗五個餸兩個飯左右，最後都食唔晒😭主要叫咗幾款炸物，最深刻印象係炸鮮奶同蠔餅。炸鮮奶甜味夠而且食多幾件都唔膩，我好鍾意，唔會話食多件就要狂飲水個啲，唔黏喉，牛奶好順滑😋另外個蠔餅好足料好夠鑊氣，啲蠔仔都好飽滿，應該幾新鮮😋食完飯順便幫朋友切咗生日蛋糕，老闆好親切咁過嚟同我地一齊慶祝仲送咗小禮物俾我地每個人☺️好感受到大排檔好貼地嘅人味💗…查看更多

同家人第一次試呢間，整體嘢食都一般，環境唔算太大，不過都乾淨企理，上菜速度超慢。嘢食係細份，鹹，冇乜鮮味。唯一最好嘅就係蒜蓉蒸蝦，服務員態度都OK。價錢都合理 大概百幾蚊左右一個人。…查看更多

上次嚟食飯覺得抵食，所以今次老豆生日又訂左間房一齊嚟，今次人多叫左好野，上次個D148組合叫左兩個組合，兩個煲仔同埋個小菜⋯⋯要就老豆老媽子D老人家不要太濃味要清淡就食咗個茄子魚柳古法蒸雞海味雜菜煲鮮百合炒木耳，我地後生就叫左新出嘅三寶468，有鮑魚雞煲，炸子雞半隻同埋蒸魚，非常抵食，加埋之前兩個孖寶已經有7個餸，7個餸不老例😂最後叫多一個豆豉鯪魚油麥菜同埋炒飯，9個餸長長久久啱晒老豆生日，老板娘仲有紅豆沙送，原來呢度係冇加一冇茶介食幾多計幾多，仲之就係平靚正…查看更多