影片
港铁土瓜湾站D1出口, 步行约6分钟
继续阅读
电话号码
28805838
28805868
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
晚餐到红磡的港口冰室用膳，叫了个星洲炒米、热柠茶，盛惠港币$58，与同区其他茶餐厅比，算贵少少，呢个价钱应该有汤同加埋冻饮。所以晚市冇乜生意，只有几枱客。咁都好，我一个人到可以坐阔落卡位，唔洗同人隔😂Anyway, 讲下食物质素先，个星洲炒米，佢地用个款弹牙粉丝我唔系几钟意，因为影响左口感，传统理应要系要碎少少、干身、浓咖哩味嘅。依家就好怪，系弹牙版既星洲炒米😅配料方面有几粒虾、火腿、蛋、洋葱，真系少得可怜。味道就平心而论系ok 既。至于餐茶就正常，茶底唔错咁啦。午餐还好，晚餐不会特登再去食。
继续阅读
【九龙城区】【港口冰室】本身想去食一间之前食过嘅餐厅，点知去到先话疫情关系唔开门。咁我决定去附近另一间餐厅啦，去到，点知佢五点两个字已经话冇晒嘢食，得返饮品，想食啲嘢嘅我喺无奈之下唯有即刻求其揾啲嘢食吓，就入咗呢间。入到去见佢下昼五点几都系得一个客，都真系几灰。以前我都成日去茶记食下午茶，再衰都起码有三四枱打紧趸吖，而家真系得一个。仲要而家讲紧系六点堂食限聚令，应该更加将啲客聚晒喺六点前食嘢先啱架，真系奇怪。其实又唔可以完全话系奇怪嘅，向好𠮶方面谂，社会风气被带动到一齐齐心抗疫，减少不必要聚会，系会令呢啲食肆少咗人聚埋一齐食嘢。而向坏𠮶方面谂的话，可能又会系市道真系好差，市民已经冇闲情逸致出街叹下午茶。可能好与坏两边嘅因素都有啲嘅情况之下，受害嘅都只会系啲食肆，最终都系香港人承受返个恶果。谂到呢度，我就想食啲嘢振兴吓香港经济喇。不过唔知点解呢，揭佢个 menu 硬系令我谂唔到食乜，好似样样都差唔多。最后我叫咗个「招牌常餐」，扒类拣一款，我拣咗「鸡扒」，佢整得唔算差但我硬系觉得佢系半块嚟，感觉唔多好。配菜拣两款我拣咗「煎蛋」同「汉堡扒」，前者算正正常常，后者就系好细块𠮶款，见到难免有啲失望。配嘅淀粉质我拣咗「米粉」，比想象中咸咗啲。餐饮加 $3 要「冻柠茶」走甜，冇乜特别，最后 $48 埋单我都冇咩好讲。以佢喺土瓜湾站、何文田站、黄埔站中间嘅地理位置，加上平庸嘅味道，我觉得都冇咩机会再去。。。（地址：土瓜湾马头围道156-162号天富大厦地下D号舖）
继续阅读
今天赶著工作，未有时间吃早餐，完事后又系是但求其吃⋯⋯沿途巴士站看见这间港口冰室，一于试新嘢⋯⋯大约早上11:00am 店内清静，可以是但求其坐⋯⋯墙上面一幅壁画，香港帆船、巴士站很有五六十年代风格。一看餐牌，原来早餐从7:00am-11:30am ，幸运地可以仍吃个迟来的早餐。细心一看，原来笔者的枱，垫枱玻璃下也是一张从前香港的街道油画，很有怀旧风情，又令我想起最近看的一套已故巨星电影，突然思路去到很远⋯⋯正当回味中，热斋啡到来⋯⋯其实在茶餐厅内，应饮奶茶比咖啡好，但很想提神一下，来个斋啡醒醒神。早餐晏了吃，唔想吃太多，选择了轻盈早餐。简单的一份奄列及半件牛油多士，无需再加任何项目已足够。当火腿奄列到来时，要求店员想加少许茄汁，店员在雪柜内取出，虽然茄汁冻冰冰，但另一方面想，少用的酱汁放入雪柜又会用得放心。简单的切片磨菇火腿丝奄列，带点点的忌廉汁，那忌廉的味道，感觉就是家庭式的餐厅煮法。平民得嚟又富有怀旧格调的一间餐厅，静静哋$29来过醒神早餐，味道其次，那种感觉来得自在。
继续阅读