温野菜 (海港城)

营业中

休息中

好味，高質，多素菜選擇，素肉都有的火鍋非常罕有！素肉好食！撞正星期二宵夜時段時8:30後（星期五六日的話好似9點後）材料新鮮乾淨好食，竹笙都高質過好多餐廳，份量合理，湯底好味😋👍🏻👍🏻👍🏻👍🏻👍🏻

去完尖沙咀海洗城行完好攰，好多餐廳都已經排隊好多人等位所以唔做諗住食到，而附近唯一唔使等位（因為我係金會員，可以優先輪候）得返溫野菜同牛角（同一個Kabu集團）可以選擇，最後擇公字揀左溫野菜，呢間日式火鍋店，門口附近位置一個個卡坐隔得有距離，有私人空間，而且雖然價錢有d貴，不過勝在質優，揀選左鹿兒島黑毛和牛放題套，除左鹿兒島黑毛和牛，還有長崎牛肉可選，不過最貴最好食返鹿兒島黑毛和牛，油脂分布均勻，有肉香有脂香，另外熊本黑毛豚都試埋，肉質不夠軟腍，至於蔬菜方面，大多都係來自日本，水菜，啡金菇，紅心蘿蔔等，整體有質素，所以食得貴都可接受。

🤑價錢約每人 $200-400🪑有部份位睇到海景 👍🏻 24號聖誕前夕夜晚 5點倒係app拎飛 6點倒就有得食👍🏻👩🏻‍🍳 服務正常 唔會自動自覺幫我地加水/湯 而且仲見到有2個服務員打爛碗碟 仲有自己QR Code落單Ⓙ 聖誕盛合🎄 $238呢個都幾抵食 咩都有d 唔洗特別去諗 有牛肩胛眼同豚肉仲有各種丸類同蔬菜 D肉都切得幾薄 幾新鮮 湯底方面就一人一個 一個試左養顏的柚子骨膠原湯底 另一個試左新出ge辣湯底 辣味十足👍🏻另外都加左個腐皮餃子🥟 幾特別 用腐皮黎代替餃子皮最後仲用個辣湯底整左個米炊 服務員都用心幫我地整埋

好耐好耐以前食過溫野菜印象中唔平但質素都唔差趁住食生日飯，再試下排隊排到嘔既溫野菜推薦度：2/5🍴HSBC 優惠2人餐揀左最貴兩款湯底：有機豆乳湯，骨膠原柚子鹽湯 柚子湯底係正嘅，豆乳湯底一開始覺得無乜味，越打越濃，拎黎煮麵食係幾好味既，不過如果加多少少鹽可能果豆乳會更加正，所以偏好柚子鹽湯底。其他小食無乜好講，普普通通啦，係菜類的確幾好食，不過我唔係素食者，身為食肉獸要講下d牛。牛得兩款，各款有兩層，美國牛肋肉普普通通，而黑毛和牛牛肩肉脂肪較多同分佈得好靚，係好好食！但可惜兩款牛實在太薄，煮完好細撮，對於食肉獸黎講，真係唔夠喉，如單點牛肉又唔平，唯有靠其他食物填飽肚啦～😔🍴單點芝士燒魚卷，豚肉餃子及飲品二人餐有hsbc優惠已經要7百幾，但都唔包飲品，要另外叫，真心覺得果餐唔抵食。除左黑毛和牛好食外，仲有芝士燒魚卷（獅子狗）都係好食架，芝士係包左係獅子狗入面，咬落去流哂d芝士汁出黎，好濃芝士味😋總括黎講，咁貴既價錢，要等咁耐，仲要2人枱非常窄，一d都唔抵，無下次喇😔（附上點餐record）

朋友成日都話溫野菜好好食今日經過 天氣又凍凍地打吓邊爐都係唔錯嘅🍲我哋叫咗一個海膽湯底同埋一個蕃茄湯底本身對海膽湯底冇乜期望結果佢係充滿驚喜蕃茄湯底真係成個蕃茄🍅係個鍋度一舊番茄飄浮有啲搞笑叫得溫野菜 啲菜應該幾好食所以叫咗啲蔬菜 都真係算靚啲肉同麵都上得幾快一片片嗰啲係年糕唔知係咪淥耐左 有啲溶不過都係好食嘅我哋仲有少少先飽就最加咗個Wasabi丸好食喎！下次餓啲要叫兩份先嘢飲又係竟然唔伏！暫時最好飲嘅藍色嘢飲P.S.走嘅時候我哋大頭蝦漏咗嘢冇拎到店員即刻追出嚟俾我哋！服務好好 非常感謝！🙏

天氣有點涼，又係吃火鍋的時候。午餐時間，食客不少，而且火鍋湯的香氣撲鼻，都幾吸引。餐廳以日系裝修風格，主要以卡座為主。而且樓底高又幾開揚，坐得舒適。這兒供應的是－人－鍋的曰式火鍋，亦有曰式定食等，價格由$68-$258。Set A 丹麥豚梅肉、新瀉雞爽肉$108今日我點sukiyaki 湯+$10。嘩！這火鍋的材料都幾豐富，有丹麥豚梅肉、新瀉雞爽肉、肉丸、粟米丸和蔬菜，還有雞旦、白飯及餐飲！Sukiyaki 湯味道濃厚，燙過的都有日式醬油風味，蔬菜十分新鮮，味道鮮甜；那丹麥豚梅肉切得很薄，肉質ok, 唔鞋口；而那新瀉雞爽肉真係爽口，但又唔會韌，幾特別；肉丸軟滑，大大粒的豬肉丸風味，加上軟腍的粟米丸，味道甜香，蔬菜十分新鮮，加上香軟白飯，十分飽足。咖啡是日式即磨咖啡，味道香濃甘香，加上忌廉奶，口感香滑，不錯吧。

性價比：9/10呢個套餐包括：1️⃣美國牛肋肉🐮：有4片，雖然薄切但肉味都濃2️⃣日本鹿兒島茶美豚梅肉🐽：同樣有4片3️⃣蔬菜盛合🥬：一共有粉紅蘿蔔、菜心、生菜、鴻喜菇及雲耳5款4️⃣是日鍋肴(2款)：包括貢丸2粒及年糕3粒，食完必定飽肚5️⃣麵食：㨂咗蕎麥麵6️⃣飲品：熱柚子蜜，不另收費湯底方面建議加 $10 轉壽喜燒湯底，因為包埋生雞蛋🥚，好抵食！重點係：望住窗外咁靚嘅維港景色，藍天白雲，呢個景真係好難用 $149 食到🤪

早有聽聞呢間野好食，所以去之前已經有啲期望，即使貴少少都要去試吓。入到去尖沙咀呢間分店，望住個維港景色已經賞心悅目，講真平時邊有時間去望住個海，有呢個機會真係望多兩眼。見到枱面餐具擺放整潔，另外值得一讚啲職員，主動介紹個2樽調味醬食邊類食物較合適，呢種細心嘅舉動唔係度度有。接落嚟叫咗2個湯底，一個係豆乳湯，一個係海膽和牛湯。初時以為和牛湯會味度濃，其實並非如此。而加左海膽有少少腥味，所以未必啱每個人。反而無乜期望嘅豆乳湯更香濃，配合牛肉食非常之夾，食落牛肉味會更香。叫左和牛肩脊同美國牛肋肉，齋睇表面已經高下立見，和牛肩油花較多，雖然未到分布均勻，但已經入口即溶，食後有回甘香味，真係一分錢一分貨。至於牛肋肉牛肉味會多啲，相比之下就”鞋”左啲同韌左啲。另外虎蝦就有啲失望，唔係好新鮮。反而個墨魚滑味道校得幾好食，建議整細粒啲，大約同佢個茶匙咁上下大小。至於其他食物就較一般，只可用新鮮形容。整體而言，份量唔係好夠，我都算細食，飯後都要去搵甜品頂頂肚，以呢個價錢，滿足既時間唔係好多，好好珍惜個幾片牛肉。

星期六想打邊爐就算用app拎左飛都要等一段時間週末大家都要預多啲時間等位👍🏻/叫左個二人餐食物種類都算多前菜，肉4款，菜，丸類，麵食都夠晒兩個人食😋/前菜有麻醬冷豆腐豆腐夠凍又夠滑👍🏻肉類都算高質冇咁偏愛食豬肉嘅我哋都覺得豬肉幾好食/套餐包括昆布湯，係比較清嘅湯可以食到食物原本嘅鮮味完全唔咸食完會唔會太口渴/到最後有幾粒清口氣嘅糖如果改做雪糕或者甜品會再滿足啲😘

Green Monday同温野菜合作推出素食火鍋定食。定食整體比較清淡，蔬菜為主，冇用到素肉。餐廳係用QR code點餐，係午市套餐入面揀set E就可以。Green Monday定食 ($98)北海道昆布湯 + 鹽枝豆 + 年糕片 + 主食 (烏冬/ 蕎麥麵/ 寬條麵/ 珍珠飯/ 中華麵) + 温野菜盛合 + 飲品 + 甜品 (另+$10)日式昆布湯嘅湯底係冇味，似用滾水烚菜，所以我之後用枱面嘅日式胡麻醬調味，效果唔錯。湯底附上白蘿蔔蓉調味。年糕片好薄身，放入湯底十幾秒已經淋哂，我覺得口感麻麻，都係韓式年糕或者上海年糕好食D。寬條麵幾好食，口感彈牙，幾吸味。

今日去尖沙咀海港城見客，開完會都1點幾，同事提議趁天氣不太熱，一人一鍋，好！於是便行去溫.野菜，貪其環境舒服，全木設計，有點日本feel。在海港城，百幾蚊一個午餐，算是抵，我選了最經濟的Set A （$108-)，而同事選了Set B ($148-)，套餐包有兩款肉、野菜、小點、飯或喬麥麵/烏冬，以及一杯飲品，都算多種類。湯底有4至5款選擇，而今日小點是日本芥辣貢丸加年糕。落完order，侍應即刻上湯鍋及蘿蔔蓉，旁邊有2個瓶，一個裝醋，用作點肉，另一個裝芝麻醬，用嚟點菜。我喜歡兩個混合，味道更佳。我的湯底是海帶，份量雖多，但冇乜味。但海帶清熱，冇乜味的好處是可以試肉及菜的味道。野菜有很多選擇，有大黃芽白、菜心、冬菇、雲耳及金菇，份量不少，食落新鮮。😋我選的Set A 有丹麥豬肉及日本雞肉。豬肉帶有少少脂肪，淥完仍很滑，質感唔錯。👍🏻 而雞肉份量略嫌較少，淥起后雖然也滑溜，但很快食完，覺得唔多夠喉。😔 而兩種肉的味不濃，只感覺到不同肉類的質感。👎🏻它的貢丸超級好味，肉味香濃又彈牙，最難得的是它混有日本芥辣，很刺鼻及香，十分之過癮。 😋😋😋 而烏冬及韓國年糕是正常果隻，烏冬似稻亭烏冬，滑

𝟸𝟶𝟸𝟸 𝙼𝚊𝚢拍拖日, 當然要食埋大餐~ 紅爆全球的天竺鼠車車黎左香港啊！香港的 📍日本涮涮鍋專門店温野菜除左可以同店中天竺鼠車車的裝飾瘋狂打卡📸6款精緻的料理和飲品, 以車車作為概念的餐點靚到完全唔捨得開動呀 😍🥗Let’s Party!黑松露三文魚沙律 港幣$98天竺鼠車車造型芝士, 幾秒就比Luca消滅左温野菜加入矜貴的黑松露和三文魚，將蔬菜沙律完美昇華! 🦞PUI PUI海鮮寶藏鍋 港幣$298龍蝦、鮑魚、大硯 + 豐富菇菇同菜 🥬 絕對係大滿足之選🥩滑滑和牛盛合 港幣$248滑美味的宮崎黑毛和牛肩脊肉，以及美國和牛肩胛眼！咁正！應該一早要叫埋爸爸黎呀！🍲骨膠原野菜寶石盃 港幣$198新鮮的野菜與蘿蔔造型的骨膠原啫喱 融為一體每一口都能補充能量和滋潤肌 膚，吃完立刻元氣滿滿!🥰🍹甘筍活乳酸特飲 港幣$42天竺鼠車車最愛的「閃電蘿蔔」製成🥕 甘筍活乳酸特飲富有豐富維他命A🍦DIY PUI PUI天竺鼠車車雪糕港幣$58比小朋友動動手DIY創造專屬的天竺鼠車車製作過程既治癒又有趣, Luca 仲上演 邊整邊偷食Tim ~ 😅雲呢拿雪糕 + Oreo 車輪, 又真係好難忍口既 一定

天竺鼠車車 登陸香港日本涮涮鍋專門店～温野菜 ，期間限定！可與店內天竺鼠車車打卡，仲有超可愛主題餐點、萌爆限定精品都令人愛不惜手呀😍👧🏻Caca今次食乜嘢？Let’s GO! PUIPUI天竺鼠車車盛宴🥗Let’s Party #黑松露三文魚沙律 $98沙律作為前菜，温野菜加入矜貴黑松露及三文魚，清新可口。骨膠原野菜寶石盃 $198新鮮野菜與蘿蔔造型嘅骨膠原啫喱融為一體，每一口都能補充能量及滋潤肌膚。🦞 PUIPUI海鮮寶藏鍋 $298豐富海鮮包括龍蝦、鮑魚、新鮮蔬菜，湯底鮮甜可口。🥩 滑滑和牛盛合 (宮崎黑毛和牛肩脊肉、美 國和牛肩胛眼) $248嫩滑美味嘅宮崎黑毛和牛肩脊肉，以及美國和牛肩胛眼，入口溶化😍🥕甘筍活乳酸特飲 $42 天竺鼠車車最愛嘅「閃電蘿蔔」製成甘筍活乳酸特飲，清新帶微甜。🍨DIY PUIPUI天竺鼠車車雪糕 (雲呢拿雪糕)港幣$58以雪糕及餅乾動手DIY創造你專屬嘅天竺鼠車車。製作過程既治癒又有趣。*溫野菜 x 天竺鼠車車*期間限定：2022年5月17日至8月16日

已經唔係第一次嚟食次次食親都會覺得性價比好高真係超級正👍🏻👍🏻👍🏻我第一次食嘅時候係食晚餐嗰陣時人均都要$300 至 $400嗰陣時就覺得都幾貴有一次中午經過又好想食就照入咗去叫然後發現咗佢哋嘅午市套餐真係好抵食為返好似$200左右入邊嘅用料食材真係好高質枱面上嘅嘢食都只不過係2人份仲有其餘嘅放咗喺另一邊因為唔夠位🤣因為衛生問題真係好鍾意單人鍋除咗乾淨啲之外仲可以選擇自己喜歡嘅湯底我自己鍾意食辣就揀咗個辣嘅湯底🌶屋企人就揀咗壽喜燒都話十分唔錯每個人午市套餐都會包括三碟肉類我自己當然就一定揀牛肉佢會有三個部位三款全部肉質都會好好 唔係平時出去食開嘅劣質肥牛🐂另外就會一盤新鮮蔬菜🥬仲要有幾款 全部嘅蔬菜都係日本蔬菜食落去真係十分香甜同平時食開嘅真係唔同另外仲有丸類每一次都唔同今次食嘅係Wasabi豬肉丸好特別亦都好食👍🏻👍🏻👍🏻最後仲會配一個烏冬或者飯打邊爐當然要食烏冬啦🤣真係超級好食十分推介🤤🤤🤤

平時好少打食評，但唸返起真係唔贊唔得。今日去左食壽喜燒，再用會員送左免費牛，呢碟牛黎既時候唔太靚，有點黑，再黎第二碟都係咁，呢個時候幫手煮緊壽喜燒二話不說就幫我換左第二碟，今時今日服務態度真係好值得表揚👍🏻 當然，溫野菜食物維持水準