渥鐵板燒日本料理 (已結業)

壽星指定生日想食鐵板燒, 九龍返工既佢又唔想過海食, 於是另一個朋友介紹佢公司附近呢間渥.訂左檯, 主餐廳無位, 帶左我地去疑似VIP房既另一間舖, 價錢都唔平, 我地3個人就叫左個2人餐share, 叫左野食之後, 師傅準備好食材就埋位開爐燒, 先黎一個魚子蒸蛋, 都唔錯, 滑溜溜既蛋. 有魚, 帶子, 蝦, 蟹, 但講真, 海鮮一般, 唔夠新鮮, 特別係隻蟹, D肉有少少梅梅地, 魚亦燒到鞋烚烚. 師傅終於開口講野, 問我地個牛肉卷要幾多成熟, 而呢個亦係我覺得呢餐最好食既食物, 牛肉都juicy, 燒得岩岩好, 會想食多幾件果種. 跟住個炒飯, 普通啦, 不過份量好少, 可能我地係3個人share 2人份量甘食啦. 最後到甜品, 牛奶布甸..........嘩! 咩黎架? 花奶布甸呀麻? 好難食~之前試過其他鐵板燒, 師傅都會同客傾下計, 講下食材, 呢到既師傅個個都好cool, 燒完就過第二檯燒, 好似交緊行貨甘, 同埋價錢唔平, 我諗我唔會有下次~

可以目睹大廚烹調過程，真係一大樂事！雞泡魚干燒得啱啱好！雞泡魚嘅香味充斥着個口腔然後口感有啲軟軟QQ的一啲都唔會乾身！好好食！雞軟骨串普通，調味不錯，無驚喜。燒帶子呢個睇相比吃起來好帶子的確係大隻肥美，可惜咬落un而且冇咩帶子鮮味，同埋唔夠熱。厚燒牛柳粒（五成熟）好香好香嘅牛味咬落口已經知係靚牛，同埋好厚身佢口入面咀嚼不得了日式炒麵好香口，唔會太油，不過唔夠熱燒牛舌串好食！juicy唔un！仲好惹味

出糧日要對自己好d，今日決定同同事去豪食鐵板燒lunch慶祝！渥的午市都幾受歡迎，特別係鐵板燒位，即日book位都未必有位，一般都要早幾日book位。午市鐵板燒有兩個set可以揀，為左食齊咁多款野食，梗係要同同事share啦！係鐵板燒開始前可以食住salad bar及前菜填下肚先。一開始師傅會準備燒左海鮮先，有蝦、魷魚同三文魚扒，每一款都好新鮮。我最鍾意蝦同三文魚扒，蝦大大隻仲要十分彈牙，同千島醬一齊食就更鮮味，而三文魚扒更係外脆內軟。食鐵板燒我最享受的就係視覺體驗，今日的重頭戲當然係烈火燒和肉！！！師傅係點火前都會溫馨提示客人坐後少少，而我當然第一時間準備電話拍片影相！熱辣辣的和牛配上香口的蒜片十分惹味，只係略嫌份量太少。好彩仲有炒飯及炒雜菜填肚

鐵板，總令人聯想到熱氣，所以食之前都飲定涼茶去試食。可能平日去，無人等位，幾個侍應服侍我地兩個，打開餐牌，隨意叫左三樣野食，就等食。見到廚師一次過拎野已order嘅野食出來放爐下，侍應亦幫我地兩個戴“口水堅”，廚師就係我地面前表演！環境絕對係正！先來前菜，黑松露蒸蛋，加水用蒸氣焗熟去，食落都好流，一讚！上蛋前師父放左D炸蒜頭，好香口，一陣用來送飯就一流！當蛋蒸熟後，放埋黑松露，上得！第二樣係黑椒雞扒，但師父係炒緊雞扒，同時放蠔係隔離‥‥‥所以先上蠔，好鮮味，有一入口就溶化既感覺，好味！師父係我地食緊蠔時，就落洋蔥黑椒等再炒，香味十足！上枱了，雞肉鮮嫩，不過感覺平平，一個好普通既餸！到最後炒飯，爽口有香味，再加入炸香既蒜頭，每一啖入口就更加香口，不過熱氣程度即時增加，大家要做定準備功夫啦！

因為朋友讚AKU鐵板燒好味，所以特登o黎尖沙咀中心試試，鐵板燒好處就係即煮即食，眼看師傅將新鮮食材弄好奉上，第一時間品嚐，熱騰騰香噴噴，視覺味覺同時享受。這晚點了廣島蠔、三文魚扒、安格斯牛柳、海虎蝦、黑松露炒飯等等，覺得鐵板燒蠔最好味，沒有炸蠔的粉漿，調味直接洒在小巧肥美的廣島蠔上，鮮甜得很。看到三文魚扒燒好後的靚靚花紋，有意外驚喜，三文魚油從內滲出，師傅話要由邊開始食，因為中間肉厚，保溫度較高，循序漸進，口感更佳 [(drooling)]食鐵板燒另一期待便是師傅在鐵板上弄出火焰的一刻，原來只有在烹調牛肉時才會用上這技倆，安格斯牛柳切成了小粒，弄好後，微脆的表面包著豐富肉汁內層，有雙重口感，還有特備的芝麻蒜蓉汁，正！大大隻海虎蝦加黑松露炒飯，還有沙律、炒雜菜、味噌湯、甜品，飽到不得了，朋友果然無介紹錯，下次要再試肉眼薄燒同煎鵝肝先得！

買了幾張團購去試"渥" 的 "特上和風日本料理套餐"，我特登星期一去，貪他們每位客人多送兩隻吉列炸蝦。團購价 $280 （預先網上已經付款）+ 10% service charge 當場付現金/信用卡1: Green Salad 一碗 (比其他店鋪的前菜 salad 好吃。番茄很新鮮，仲有蘆薈粒粒)2: 魚生: 每人一片鯑靈魚籽 （很好） + 一片吞拿魚 + 一片油甘魚 + 一片三文魚 (整體上可以接受，不過不是特別肥大美味。)3: 吉列炸蝦 (團購優惠：逢星期一二三惠顧，每人送兩隻)：很諷刺地，這個送的菜式，是全晚最出色的！炸蝦新鮮，熱辣辣，天婦儸鬆化無比，讚！4: 一隻中蝦 + 一隻飽魚仔 + 一件金菇 A4 牛肉 / 豚肉 (味道還可。蝦有蝦味，鮑魚有鮑魚味，不硬，牛肉入口即溶，不過份量太少。)5: 二隻芝士小帶子 / 二隻小蟹蓋 (二選一；帶子不是原粒的。蟹蓋不是太理想，沒有鮮味。)6: 一份青魚 / 一條秋刀魚 (青魚美味，但分量少。秋刀魚是原條上的。喜歡秋刀魚味道的人會覺得很讚。但老媽子則嫌魚肉有苦味。)7: 海鮮炒飯一碗 / 冷素面一碗 （不過不失）8: 甜品: 木糠牛奶

朋友在好幾星期前特意買了六張團購去試"渥"的鐵板燒, 還極力推介說該店晚市很不錯, 於是上星期六 (11月26日) 一行六人興高采烈的去吃團購試試其鐵板燒, 怎知大失所望。每位$280 + 10% 第一道菜: 沙律一碗 (不過不失)第二道菜: 魚生: 每人一片鯑靈魚籽 + 一片吞拿魚 + 一片油甘魚 + 一片三文魚 (質素極差, 細細片, 不夠新鮮, 有點"霉")第三道菜: 一隻中蝦 + 一隻飽魚仔 + 一件金菇牛肉 / 豚肉 (牛肉有點"霉")第四道菜: 芝士小帶子 / 二隻小蟹蓋 (帶子切成碎粒, 份量少得可憐; 朋友的蟹蓋更差, 吃不出蟹肉來)第五道菜: 一份青魚 / 一條秋刀魚 (水準一般)第六道菜: 炒飯一碗第七道菜: 甜品: 牛奶布甸 (沒有什麼牛奶味)總括而言: 1) 所有魚肉及鮮肉都不夠新鮮; 2) 份量少得可憐; 3) 熱食唔熱; 4) 食物沒有味道; 5)環顧四周都唔見有鐵板燒 counter; 野食唔知响邊度燒出來 (並非真正鐵板燒)。 我地都唔算大食, 但係食完七道菜都係好似一陣風, 食咗一個鐘左右, 一行六人, 三男三女全部唔飽, 馬上到友人家

上星期四BOOK左位食, 點知去到就搵唔到我地訂位紀錄, 話我地無收佢CONFIRM電話唔算CONFIRM, 大佬, 我鬼知LUNCH要有CONFIRM電話咩, 算啦, 唯有臨時改食第2間! !咁好啦, 改BOOK星期五LUNCH啦. 星期五等到12點到無收到佢地電話, 最終要我地自己打去CONFIRM 多次! 平時食過K11果間食物+環境真係一流, 點知呢間水準差好多好多!!!環境 - 一入去, 個WAITRESS帶我地坐圓櫈, 無唸過食日本野會有大排檔圓櫈坐 @@ 前面就有個大電視, 播緊高清翡翠台, 完全同K11果間環境兩個世界!! 食客同食客坐得好近, 我清楚聽晒隔離3位女士傾緊乜! OMG !!! 我黎食日本野架, 乜環境咁大排檔架!!!!食物 - K11果間食物賣相同味道都一流, 所以我地先黎試TST EAST呢間, 無唸個同一碟野, 個外貌係爭咁遠! 一樣既生薑燒豬, TST EAST呢間得唔多過5片肉, 仲鬼咁多肥肉, 又油到不得了. 連D白飯都唔似日本米, 真的好失望!!!!! D野食真係差過K11好多好多!!!! 如果呢個LUNCH 係$38, 我唔會

$128 蚊一個日式鐵板燒 lunch 包餐飲 同 任食沙律師傅功架絕不欺場帶子 & 蝦 - 預左一定唔會係新鮮架啦, 雖然無鮮味, 不過煮得好香口, 好好味!!尤魚 & 三文魚, 其實都係食師傅既手勢!! 好味!!牛柳粒 - 可以選要幾多成熟!! 好味!!師傅粉既飯一流, 一粒粒米, 又夠乾身, 仲要0係你面前表現拋蛋, 值回票價!!

Walked around this district and discovered this restaurant.After having a quick browse of the menu, we ordered two "Seafood" sets.Nice decor and good service with some nice sake.The appetizers, which consisted of some lukewarm shellfish and lukewarm vegetable, were a bit bland.The salad, with some pine nuts, tomato and aloe vera, was OK.When it came to the main-course, I have to say I was pretty disappointed. The prawns were a bit tough and not very tasty. The same applies to the scallops.The s

同事升職請食飯, 非常開心!一行四人黎呢度鐵板燒, 叫左四個餐, 兩個牛肉餐, 兩個海鮮餐個餐有沙律, 鵝肝魚子蒸旦, 帶子, 厚牛肉, 薄切牛肉, 虎蝦, 銀雪魚, 炒飯推介點醬汁, 醬汁非常好味!!!蘆薈沙律: 新鮮沙律, 酸甜柚子汁好開胃鵝肝魚子蒸蛋: 入口又甜滑, 冇臭味虎蝦: 彈牙爽口, 冇咩調味, 要點上醬汁, 帶出鮮蝦味道, 蝦頭冇膏冇肉冇味帶子: 加左白酒煮熟, 味道不錯, 食唔倒有酒味牛柳粒: 唔韌, 好淋, 點埋醬汁一流銀雪魚: 推介食物, 非常好味, 一定要試薄燒神戶牛肉: 加埋蒜片食, 都唔錯炒飯: 朋友叫走蔥, 好彩師傅未撈好, 先救得返個飯俾我個朋友! 好似煮耐左, 有少少濃味, 但食落冇事炒野菜: 大量芽菜, 唔太中意, 龍蝦: 唔係我地點的, 但見倒新鮮游水龍蝦被活生生燒熟, 爬左兩步, 又俾個鏟"咁"住左..好慘...呢餐好豐富, 食左好耐, 又睇師傅表演, 非常娛樂性, 又非常飽肚略嫌鐵板燒太熱氣, 飲左好多杯茶, 喉嚨仲有少少痛

歷時多月的同房小友飯局已漸到尾聲，跟這兩位有趣的小友並肩作戰了差不多大半年，一起橫跨不同同區訪尋美食，實在是一個令人難忘的回憶呢...平常我們選到的地方大多是一些平民地痞小吃。今天打算改變一下，來一個"升呢"，到尖東吃吃日式鐵板燒....地點當然由我挑選，就選一間自己沒有吃過的。聽說這所名叫"渥"的評價甚不俗。看看午市的價位，又不算是斬人一頸血之流的名店，同房小友們雖收入微薄，但偶而來一趟豪一豪，還是可以的....食鐵板燒坐bar枱是每次必做之事。甫一就座，用熱毛巾抹抹手，馬上便到外邊的沙律吧拿些東西吃吃。這裡的是任添任吃的，但為了預留空位給肚子，所以還是只吃一round便okay。沙律配料只是簡簡單單的行貨如蕃茄仔、西生菜片、粟米粒及薯仔等的尋常物事，味道不會有任何特別，用料總體上也頗見新鮮，起碼生菜片夠爽口沒啞色，蕃茄仔顏色鮮艷有光澤，咬落亦多汁，而且店方也真的是不斷有refill的，不是隨便清倉後便不添貨，值得一讚...套餐有A與B兩選，叫法當然是兩樣也叫勻，試多點東西，就算吃剩大不了便"打包"，一直是我們的原則。一口氣試了多種材料，有海鮮也有其他肉類 --- 海中蝦顏包微紅，狀

繼去年到訪過"秋田"之後, 印象最深刻除了活龍蝦, 還有師傅廚藝獻技寫大字; 是日有客到訪, 本來我說吃中菜, 但上司知道她未吃過鐵板燒, 加上他早試過不錯, 便提議來這裡. 踏進店內, 見有三大張鐵板燒枱, 令我想起電視節目" 美女廚房"中的三個廚房呢 ! 而且這店的特點, 就是師傅都是全女班, 樣子挺甜美. 安坐後, 大家穿起圍裙, 等著美女廚神介紹一下餐牌, 原來除了鐵板燒食物, 另還有日本料理的, 想影一下餐牌嗎 ? 居然被制止了 ! 算 ~ 為了試吃更多款式,四人選了兩個和牛, 兩個海鮮餐: 鵝肝魚子蒸蛋: 看似跟我年紀相約的年青的女廚拿了四個雞蛋, 放在鐵板上, 注入蛋液後, 另一邊箱煎香一小粒鵝肝, 再放回蛋殼中, 同時在板上灑上水, 加蓋焗了五分鐘左右, 最後亦加一點魚子醬在面. 賣相相當精緻, 入口亦夠滑溜, 配合鵝肝的甘香,好吃. 蘆薈野菜沙律: 吃過有點油膩的頭盤, 接下來要清一清味蕾. 生菜蕃茄皆新鮮爽脆, 我又喜歡滑滑的蘆薈粒, 加上酸甜柚子汁又開胃, 很快便掃光. 大海虎蝦: 兩隻大虎蝦煎得香口, 爽口彈牙, 不過調味欠奉, 需靠桌上的白色醬汁提升

老公之前在附近上課，把這裡當作飯堂，小妹偶然也會陪他午膳，覺得這裡地方舒服，食物精緻，大約一百元就可享用自助沙律、主菜和餐飲。今天老公提出到這裡晚飯，我舉腳贊成。一進門就覺奇怪，星期五的晚市怎會「人煙稀少」？坐下來，侍應有禮地送上餐牌，一打開，真有奪門而出的衝動，晚餐的價錢怎會那麼貴？月尾怎能大破慳囊呢？反正我們都害了感冒，還是不吃鐵板燒為妙。老公點了牛肉烏冬，賣相不俗但略為普通，湯底有驚喜，想不到是魚湯，清甜不腥，配煙韌的烏冬最好不過。小妹的煱燒烏冬不過不失，只是湯底有點咸，叫人意想不到的反而是其貌不揚的燒番薯，粉嫩清甜，想必是成本較貴的日本貨，日式蒸蛋也很香滑，但不算特別。總括來說這裡的食品算是水準以上，地方也舒適，最適合三五知己談天吃飯，只是價錢太貴，下次一定來這裡一試招牌的鐵板燒。

突然又話要去尖沙咀，把我的工作安排全部打亂，麻鬼煩。既然來到，就順便在尖咀吃埋午飯才回公司。打電話給在尖東返工的朋友，看他有沒有時間出來午膳。臨時臨急，其實也是碰碰運氣，幸好對方又剛巧有空，齊齊開餐。悶熱的天氣，大家都想吃點涼快的東西，日本嘢正好，於是兩人便來了這間「渥」用膳。在門外睇吓價錢，午市定食由七十幾蚊至百幾蚊不等，還有鐵板燒供應，現在好像是在做優惠，每款套餐減二十大洋。朋友選了雜錦魚生飯，而我要的是雜錦刺身，跟冷麵的。惠顧午餐，可享用自助沙律吧。都是那些車厘茄、菠蘿、生菜、青瓜、粟米粒等東西，每樣拿一點，再加上千島汁，就是我既選擇。沙律材料大致新鮮、爽口、開胃，但不算太特別。套餐送上，先喝一口湯，有不少的豆腐和海帶，味道亦不會太咸，不過搶，合心水；附前菜，又是青瓜、粟米粒和小量三文魚茸，跟沙律吧的沒太大分別。冷麵非常爽口、幼滑，帶有薑蔥味，吃落很清新，是全個套餐最出色的一味；雜錦刺身，包括三文魚、吞拿魚、鯛魚、劍魚以及八爪魚，均是厚切，賣相精緻。可是，水準跟我想像的略有偏差，如三文魚不鮮甜，八瓜魚太韌，要花上很大氣力才咬得動；但個人欣賞吞拿魚和鯛魚，夠肥美。喝一杯咖啡作終結，