影片
招牌菜
食记 (34)
寿星指定生日想食铁板烧, 九龙返工既佢又唔想过海食, 于是另一个朋友介绍佢公司附近呢间渥.订左台, 主餐厅无位, 带左我地去疑似VIP房既另一间舖, 价钱都唔平, 我地3个人就叫左个2人餐share, 叫左野食之后, 师傅准备好食材就埋位开炉烧, 先黎一个鱼子蒸蛋, 都唔错, 滑溜溜既蛋. 有鱼, 带子, 虾, 蟹, 但讲真, 海鲜一般, 唔够新鲜, 特别系只蟹, D肉有少少梅梅地, 鱼亦烧到鞋烚烚. 师傅终于开口讲野, 问我地个牛肉卷要几多成熟, 而呢个亦系我觉得呢餐最好食既食物, 牛肉都juicy, 烧得岩岩好, 会想食多几件果种. 跟住个炒饭, 普通啦, 不过份量好少, 可能我地系3个人share 2人份量甘食啦. 最后到甜品, 牛奶布甸..........哗! 咩黎架? 花奶布甸呀麻? 好难食~之前试过其他铁板烧, 师傅都会同客倾下计, 讲下食材, 呢到既师傅个个都好cool, 烧完就过第二台烧, 好似交紧行货甘, 同埋价钱唔平, 我谂我唔会有下次~
继续阅读
可以目睹大厨烹调过程，真系一大乐事！鸡泡鱼干烧得啱啱好！鸡泡鱼嘅香味充斥着个口腔然后口感有啲软软QQ的一啲都唔会干身！好好食！鸡软骨串普通，调味不错，无惊喜。烧带子呢个睇相比吃起来好带子的确系大只肥美，可惜咬落un而且冇咩带子鲜味，同埋唔够热。厚烧牛柳粒（五成熟）好香好香嘅牛味咬落口已经知系靓牛，同埋好厚身佢口入面咀嚼不得了日式炒面好香口，唔会太油，不过唔够热烧牛舌串好食！juicy唔un！仲好惹味
继续阅读
出粮日要对自己好d，今日决定同同事去豪食铁板烧lunch庆祝！渥的午市都几受欢迎，特别系铁板烧位，即日book位都未必有位，一般都要早几日book位。午市铁板烧有两个set可以拣，为左食齐咁多款野食，梗系要同同事share啦！系铁板烧开始前可以食住salad bar及前菜填下肚先。一开始师傅会准备烧左海鲜先，有虾、鱿鱼同三文鱼扒，每一款都好新鲜。我最钟意虾同三文鱼扒，虾大大只仲要十分弹牙，同千岛酱一齐食就更鲜味，而三文鱼扒更系外脆内软。食铁板烧我最享受的就系视觉体验，今日的重头戏当然系烈火烧和肉！！！师傅系点火前都会温馨提示客人坐后少少，而我当然第一时间准备电话拍片影相！热辣辣的和牛配上香口的蒜片十分惹味，只系略嫌份量太少。好彩仲有炒饭及炒杂菜填肚
继续阅读
铁板，总令人联想到热气，所以食之前都饮定凉茶去试食。可能平日去，无人等位，几个侍应服侍我地两个，打开餐牌，随意叫左三样野食，就等食。见到厨师一次过拎野已order嘅野食出来放炉下，侍应亦帮我地两个戴“口水坚”，厨师就系我地面前表演！环境绝对系正！先来前菜，黑松露蒸蛋，加水用蒸气焗熟去，食落都好流，一赞！上蛋前师父放左D炸蒜头，好香口，一阵用来送饭就一流！当蛋蒸熟后，放埋黑松露，上得！第二样系黑椒鸡扒，但师父系炒紧鸡扒，同时放蚝系隔离‥‥‥所以先上蚝，好鲜味，有一入口就溶化既感觉，好味！师父系我地食紧蚝时，就落洋葱黑椒等再炒，香味十足！上枱了，鸡肉鲜嫩，不过感觉平平，一个好普通既𩠌！到最后炒饭，爽口有香味，再加入炸香既蒜头，每一啖入口就更加香口，不过热气程度即时增加，大家要做定准备功夫啦！
继续阅读
因为朋友赞AKU铁板烧好味，所以特登o黎尖沙咀中心试试，铁板烧好处就系即煮即食，眼看师傅将新鲜食材弄好奉上，第一时间品尝，热腾腾香喷喷，视觉味觉同时享受。这晚点了广岛蚝、三文鱼扒、安格斯牛柳、海虎虾、黑松露炒饭等等，觉得铁板烧蚝最好味，没有炸蚝的粉浆，调味直接洒在小巧肥美的广岛蚝上，鲜甜得很。看到三文鱼扒烧好后的靓靓花纹，有意外惊喜，三文鱼油从内渗出，师傅话要由边开始食，因为中间肉厚，保温度较高，循序渐进，口感更佳 [(drooling)]食铁板烧另一期待便是师傅在铁板上弄出火焰的一刻，原来只有在烹调牛肉时才会用上这技俩，安格斯牛柳切成了小粒，弄好后，微脆的表面包著丰富肉汁内层，有双重口感，还有特备的芝麻蒜蓉汁，正！大大只海虎虾加黑松露炒饭，还有沙律、炒杂菜、味噌汤、甜品，饱到不得了，朋友果然无介绍错，下次要再试肉眼薄烧同煎鹅肝先得！
继续阅读