24
8
4
开饭介绍
由前港姐冠军谭小环有份开设的鱼蛋店,主打各式港式小食。 继续阅读
营业时间
今日营业
08:00 - 22:00
星期一至日
08:00 - 22:00
付款方式
现金 八达通
其他资料
支持防疫
食记 (51)
等级4 2020-01-28
259 浏览
今日同男朋友都喜欢渣哥鱼蛋,我们多数去铜锣湾的店多过其他的!九龙湾的店款式选择多一点,有手抓饼、卤肉捞面、套餐、鱼肉生菜等等,排哂长队的黄色小店,好多香港人支持!咖哩鱼蛋肠粉套餐咖哩鱼蛋一口一粒,铜锣湾的比较香辣,但都弹牙入味,我们比较喜欢铜锣湾的;肠粉热辣辣,好多酱汁好香滑的肠粉质感,配有甜酱、芝麻酱、芝麻及豉油,好正好滑身!这间店比铜锣湾店大,多服务员,分别有取餐及点餐区,光猛又乾净,都不错的 继续阅读
(以上食记乃用户个人意见 , 并不代表OpenRice之观点。)
等级3 2020-01-24
293 浏览
黎到九龙湾就紧系要帮衬黄到金既渣哥la💛鱼肉烧卖🐟8粒而家既天气忽冷忽热咁,特别系朝早夜晚明显冻啲,最岩食热辣辣既烧卖渣哥一份烧卖有8粒,每粒都好大,而且咬落烟烟韧韧,加埋甜豉油就更加惹味!但又唔会抢走淡淡的鱼香味。樽仔百香果冰茶樽仔呢个名几搞笑,呢款樽身幼长又有埋樽盖,其实可以重用做自己水樽都得!环保嘛♻️入口酸酸甜甜,易入口,系会愈饮愈开胃。其实仲叫咗碗大既碗仔翅,但好食得济无影到相haha好足料!有粉丝、鸡丝、冬菇同木耳,基本上系每一啖都食到配料! 继续阅读
(以上食记乃用户个人意见 , 并不代表OpenRice之观点。)
等级2 2020-01-17
262 浏览
渣哥对於大家黎讲唔会陌生啦😉,唔系住喺附近,所以一直都无机会试吓。今次我特登黎到九龙湾依度朝圣,睇吓系咪真系咁好食,深黄店💛嘅就一定好食🤔?我叫左个渣哥三宝(猪皮、萝卜、(辣)鱼蛋)($30),未讲食物之前,依间店系九龙湾地铁站附近,德福广场一期平台嘅位置,近MCL德福戏院。点解要讲咁清楚,少去九龙湾嘅我以为渣哥间野喺广场入面😅⋯⋯下午茶时间无乜人去食,所以唔洗排队✌️⋯⋯渣哥三宝(猪皮、萝卜、(辣)鱼蛋)($30),价钱黎讲都偏贵,份量唔算多,都有满满一碗嘅。第一眼见到6粒鱼蛋,下面仲有几粒,咁第一个试吓个鱼蛋先。鱼蛋得辣同唔辣拣,无我想拣嘅小辣,鱼蛋细细粒,拣左辣嘅都觉得唔辣,有机会啱啱先浸辣汁到🤔,完全唔觉得辣,都弹牙爽口,不过细粒左啲⋯⋯————第二个试吓个猪皮先,猪皮就普普通通啦,唔够入味,而且又唔够淋。平时我食猪皮锺意食淋啲,入味啲,依个猪皮对我黎讲就麻麻哋啦⋯⋯最後试埋个萝卜先,萝卜大大旧,有5-6旧,但系就唔够入味,系爽口嘅唔淋,唔系我锺意食罗,萝卜食到中间仲要食到有啲根定系渣(看下图),仲要唔止一旧系咁,所以个萝卜麻麻哋⋯⋯渣哥三宝(猪皮、萝卜、(辣)鱼蛋),三样嘢无个系好味,鱼蛋都爽口嘅,深黄系咪等於好食🤔?可能渣哥三宝唔好食姐🤫,渣哥一九九六仲有其他好多野㨂,不过渣哥三宝真系要改善下。————-😌我会再黎食过,或者有机会试吓个生菜鱼肉碗仔翅⋯⋯大家经过可以试吓渣哥一九九六其他野食,但系唔推荐渣哥三宝(猪皮、萝卜、(辣)鱼蛋)⋯⋯ 继续阅读
(以上食记乃用户个人意见 , 并不代表OpenRice之观点。)
等级2 2020-01-06
346 浏览
今日黎到如雷贯耳既渣哥,一黎到即刻见到一条长长的人龙排队买野食。虽然我本身有啲饱,但系一场黎到见到咁吸引当然要试一试佢,咁我就叫左鱼蛋、鲁肉捞面、乌梅山楂洛神花茶。鱼蛋一拎起手香喷喷😍 咖喱非常入味,好野味又够辣,鱼蛋质感非常之好,系我最锺意食个种质感比较爽实,话系全港最好味嘅鱼蛋都唔过分鲁肉捞面肉酱质感极为特别肉,有少少似肉酱, 十分出色,甜咸适中,捞面个棉质质感非常优秀,烹煮时间拿捏得啱啱好,烟un 有口感,配合卤肉酱,简直系食过返寻味,略嫌份量少左少少...最後呢支山楂乌梅落实花茶,又唔会太甜,带有乌梅嘅酸味,开胃好饮,绝对系下火饮品精选。其实我仲想试埋酸斋同肠粉,但系实在食唔落,但相信应该都会有水准,下次一定要留肚过黎试下☺️ 继续阅读
(以上食记乃用户个人意见 , 并不代表OpenRice之观点。)
相信大家都食过「大众味」既鱼蛋、烧卖同胶粉今早叫左B 餐,HK$28, 先发现原来包热饮华田正常,是「大众味」鱼蛋比「大众味」甜一点烧卖较「大众味」弹牙肠粉比「大众味」幼点,但偏滑总括而言,所有食物都比「大众味」好一点,价格相宜,难怪朝早咁多人排队啦早餐不错的醒神选择 继续阅读
(以上食记乃用户个人意见 , 并不代表OpenRice之观点。)