清苗越南餐廳 (已結業)

今天中午跟同事們在天后吃午飯，附近的餐廳都滿座，看到這間清苗越南餐廳有座位就選了這間．不過現在我知道為甚麼有位了．．．同事Ａ點了春卷湯矇，我點了番茄牛肉飯跟越南滴漏冰咖啡，同事Ｂ吃素，所以點了炒金邊粉走肉．我跟侍應說我的朋友吃素，勞煩不要肉．侍應立刻瞪大眼睛望著我說：「這樣好難做的！」我心想，你不下肉就行了，會有多難？！侍應繼續說：「這樣不就只有菜了嗎？」吃素就是只吃菜嘛！結果侍應也答應替我們做。食物到了以後，番茄牛肉飯的牛肉又老又硬，醬汁很水，應該是廚師沒有花時間把醬汁熬濃稠。我的冰咖啡竟然用瓷杯盛載，更沒有吸管．我跟侍應要吸管，她不禮貌地把吸管遞到我面前，甚麼也沒有說。經過點菜時的不愉快經歷，吃素的同事Ｂ發現炒金邊粉內竟然有蟹肉和雞肉！我們把侍應叫來，她沒有道歉，只把金邊粉拿走。五分鐘後，侍應把新的一碟憤怒地扔在桌上，然後一聲不響地走開．雖然這次沒有蟹肉，不過同事Ｂ發現有類似雞肉絲的東西．我幫她吃了一口，確認是雞肉。同事Ａ把侍應再次叫來，說這次還有雞肉，侍應拿走炒金邊粉後大聲地跟廚房的夥計說：「人家說還有肉啊！」這時候我們都生氣了，跟侍應說不用再炒新的了．最後結帳的時候，同事Ａ發現

時間不多，無暇慢慢嘆，而且只得一條冷，所以只簡單的吃碗雞絲湯河，加杯熱檸茶就算。河粉頗軟滑，而作為靈魂的湯底，味道幾好不死鹹，食完又不覺得口渴。不過身為大配角的雞肉則有點鞋，加上芽菜和洋蔥不夠多，未算很令人滿意。

27-10-2010又同朋友食即興 dinner, 是日唔知點解想食「有蝦膠的炸嘢」, 朋友就提議到天后食泰國 / 越南嘢, 起碼有炸蝦餅嘛 而云云多間中入了呢間, 就完全因為佢門口貼了張紙話供應「蟹膏鮮蝦扎肉湯檬」. 百花釀蟹箝: 本來想叫炸蝦餅, 但見呢度竟然供應炸蟹箝, 貪玩叫了嚟試試 一客 3 隻, 炸得透, 食落當然熱辣辣, 夠脆又唔算油, 蝦膠味道亦幾鮮, 質地彈口, 蘸點泰式酸甜雞醬, 都幾好食; 蟹肉份量就當然較少, 起碼叫「有」吧 -- 講真, 30 幾蚊一碟, 仲想點?蟹膏鮮蝦扎肉湯檬: 乜咁大碗 紅 bok bok 湯底由蕃茄及蝦醬煲成, 質地濃厚, 飲落帶蕃茄的酸酸甜甜, 又有蝦醬及蟹膏的鹹鮮, 正 不過「檬粉」就竟然係實心白色, 質地帶點 Q, 似米線多 d 喎 , 而且索湯後比金邊粉 / 河粉更飽滯, 最後當時嚴重食唔晒; 幾隻蝦已「砍頭」, 食落算爽身, 但無味的 ; 其他配料仲有扎肉及混了蟹膏 (醬?) 的肉碎, 扎肉實實的, 味道普通, 不過既然主角係湯底, 是但啦. 朋友又食烤豬頸肉飯... 試了少少豬頸肉覺得太軟撻撻了, 感覺亦

今天跟剛落飛機的好友吃飯，本來打算去另一邊。經過呢間越南餐廳，覺得幾橘子，咁去試下啦。禮拜4 晚上10點多，其實都諗住無乜餐廳仲開，求其是旦咁就試下。反正好想吃越南河粉。坐下來，地方乾淨，地下唔會油淋淋。都幾ok。二話不說，我馬上叫了個生牛肉河，羊先生就選了個"蟹膏跟蝦的檬湯麵~ 本來佢都讀錯 好彩個嬸嬸好叻都知道我地想叫乜~ 我坐係個廚房隔黎，所以見到個大嬸係度炒送~ 真係好好 即叫即炒給你吃。好有火氣。睇下我d相啦~ 小弟的影相技術唔係咁好 ^^" 將就下啦 呵呵~

做完運動around 9點, 我同朋友都想飲野多過食野, 呢間就未食過, 就入咗嚟...睇睇下個menu, 其實佢d set dinner同散叫係差唔多$$$$, 所以一於散叫!!! (反正set dinner唔多attractive)我要咗鮮茄牛腩金邊粉($36)+coke($10)好味又一d都唔味精, 真係少有, 牛腩好"林", 正, 不過牛筋太林, 一pad野唔多想食朋友個生熟牛肉河佢都話ok, 尤其個湯店內貼住『不可拍攝』所以呢餐冇影相喇首次幫襯, 都唔錯

兩人光顧，分別叫了套餐為扎肉凍檬及特別牛肉河，首先講碗扎肉凍檬根本完全唔似，似米線多啲，至於味道就沒甚驚喜，算是正常而己,但怎樣也算不上越式,失望 x "N"！至於另外那碗特別牛肉河就真的非常"特別"，當中有兩粒牛丸(很粉)，兩件牛腩(很韌)，但最"特別"係當中兩件牛筋,本人不敢品嘗,因包含了十多條又粗又黑的"贈品"，非常噁心！向侍應投訴亦只是換來一句"牛筋係0甘架啦"......心想唔係下嘩？正當俾唔到反應之際，坐在收銀處那位阿姐亦走了過來，答案也是一樣叫人失望.......成佰元換來這種服務及食物質素........市塲無情、顧客無義！祝君好運！

同女友經過天后, 又咁啱附近去開嗰間越南餐廳結業, 所以試下呢間 我唔知電氣道有幾間越南餐廳, 所以入去 試試, 我同女友 分別叫左 個1) 生牛肉粉 2) 椒鹽魷筒 3) 蝦醬海鮮炒飯 4) 越南滴咖啡 同同一杯凍飲, 其實唔算等左好耐, 首先黎嘅喺蝦醬海鮮炒飯, 但係無蝦醬味 同埋飯粒唔乾身 一問知 下, 女侍應話喺用 蝦油 嚟炒（但係餐單寫明係蝦醬）. 但最終佢都拎入去翻炒. 但係一樣冇味～ 但係個生牛肉粉既湯幾濃 牛根就un左啲 椒鹽魷筒都炸得幾香. 跟住係 個熱越南滴咖啡. 溜滴完啲咖啡 得個三份一杯 （普通白色熱飲膠杯 250ml 容量）問佢佢又話正式嘅越南熱飲 係咁架喎. （照佢咁講 佢要咁專業 我提意佢哋將所有野寫晒越南文就最地道喇）佢咁多解釋, 我都冇佢咁好氣 拿拿聲食完走人 埋單嗰陣佢喺張單度寫 $129. 俾錢離座嗰刻俾侍應叫住 原來喺179 佢將個 $179 寫成$129 .Anyway,我諗天后咁多野食, 下次可以試其他野.

同屋企人誤打誤撞咁選擇左係哩度食晚飯..叫左三樣野︰1) 豬肉撈檬正如下面大家所講所謂既檬粉似米線多D唔好食2) 炒金邊粉一黎到就已經知道唔好食油淋淋，唔夠乾身，好明顯落左老抽上色，又有洋蔥同蔥係入面！！我以為食緊港式炒麵3) 牛油雞翼呢個算比較最正常，有三隻全翼，份量都OK。整餐飯都食左150蚊，如果以哩個價錢，咁既食物質素…我接受唔到，因為真係好難食…

兩三年前曾試過，當時吃了撈檬，感覺很普通，這次再去卻改觀了～吃過不同餐廳的越式牛肉湯河，湯底都不理想，好像香料放的比例欠佳。但是此家的生牛肉湯河真的吃起來不錯，香料香得來不會過份，湯咸香中帶點酸味也很好喝，整碗喝剩一點點另一道菜忘了名字，是蟹黃炒粉絲之類，也好吃；最近一次又試了炸雞髀，外脆里嫩，肉汁橫流，難得能吃到火候掌握得那么好的一流作品，不知下次還能否吃到

今 晚 特 地 去 名 人 推 介 的 清 苗 ，嘢 食 都 OK 嘅！但 service 衰 到 貼 地 ，我 正 在 睇 menu 時 ，侍 應 竟 然 催 咗 我 3 次，第 3 次 仲 用 好 差 的 語 氣 話 :「你 嗌 得 未 呀？」到 嘢 食 嚟 到 時 ，我 用 部 DC 影 相，侍 應 離 遠 大 聲 話 :「先 生，呢 度 唔 俾 影 相 架 . . .」我 依 然 好 客 氣 問 佢 :「我 自 己 嗌 嘅 嘢 食 都 唔 影 得 相？」店 員 無 回 應 兼 即 時 轉 身 行 開 .. . .店 內 無 講 明 唔 俾 影 相 ，就 算 唔 俾 ，店 員 態 度 都 唔 應 該 咁 嘅 態 度，連 一 句 唔 好 意 思 都 唔 講 ，失 望！茄 汁 牛 腩 煲 啲 牛 腩 一 係 大 大 嚿 肥 羔 、一 係 好 韌 嘅 牛 腩 肉 ，$65 超 搵 笨！香 燒 蔗 蝦 香 噴 噴 、好 好 味 ，$45 有 4 隻 都 算 抵 食蟹 膏 鮮 蝦 扎 肉 湯 檬 完 全 feel 唔 到 有 蟹 膏 嘅 存 在，檬 粉 亦 唔 係 平 時 喺 其 他 地

咁岩收工收夜左.同左屋企人一齊出去食..9點左右係屋企附近..諗食野...忽然間想食D酸酸地既野...咁一見到越南野..(即這店)即刻就同屋企人入去試試..可能係九點幾既關係..好快就有位坐低 ..跟住就點左1.咖哩牛腩飯2.香茅牛肉撈濛同埋3.扎肉撈濛BABA既咖哩牛腩飯除左分量差DD外...其他既都唔錯..包括色香味..MAMA叫既扎肉都好好食..仲讚D扎肉切得夠厚..咁食落先有口感..總括黎講D野都唔錯..可以一試呀^^

最近在天后一帶當暑期工每天午飯就和同事們試盡附近食肆有見清苗新開張 儘管試試吧甫進店內 同事們已覺勢色不對據他們所指 這裡以前也是做越南菜的而無論間隔 裝修 餐牌 和以前也十分相近而且某幾個員工也熟口熟面應該是換湯不換藥坐了不久 剛落了單就有個客人進來說要七個位子結果職員要求我們搬到較入的一張圓桌我叫了香茅雞翼撈檬 跟餐四十元同事就叫了豬扒飯 跟餐三十八撈檬一來 簡直傻眼了面前的所謂檬粉是十分實色的白 與平常半透明的有明顯分別繼而再試一口 根本是米線!但職員還言之鑿鑿說是撈檬簡直是人生頭一次吃魚露撈米線...雞翼也不見得好吃皮不薄 肉骨未分離而且連著雞翼尖 所以吃得頗狼狽與平時的越式雞翼可謂大相徑庭可惜湊巧手機沒電 未能拍張照放上來由於掉了位子 所以職員上菜等等都頗為混亂有職員走來重新確認我們叫的是甚麼餐飲然後又有職員問我們食物齊了沒我們回應一句齊了 沒想到數分鐘後又會有人端上一味菜問是否我們叫的結果短短半小時內就重覆回應了好幾次說食物都齊了餐廳的室內非常淺窄 有如窄巷一條不方便出入而收銀處前面竟然還放了張二人桌子平常有客埋單會在客人頭上傳這遞那 還真替那桌客人可憐!

做完運動，離開維園，已是晚上十時多，路過電氣道，見這店門前滿佈花籃，表示飲食業又多一敢死隊，勇氣可嘉，就進去捧捧場，支持支持。這是間越式小店，地方窄窄長長，牆壁四週以淺色木為主，人客像進入了一個木箱，為了避免太素，牆上掛了一兩盞燈點綴，又有一些石塊裝飾去隔一隔，除餐牌外，整體的裝修是沒有任何越南色彩，換了茶餐廳餐牌，便變成茶餐廳，換了魚蛋粉餐牌，便變成魚蛋粉檔。 餐牌種類大多是越南小食，湯粉，炒粉，飯和甜品，飲品，價錢並不是太貴，湯粉三十多元起，甜品十多元等。晚市有套餐供應，一碗湯粉或炒粉絲等加熱飲賣三十八至五十五元，其實我不餓，祇抱著支持的心態來，點了一碗熟牛肉湯河便算。熟牛肉湯河是頗大碗的，並沒有附上一角青檸，也許已加了落湯吧！材料有幾片近九成熟的牛肉，芽菜和金不換葉，湯底帶微酸，想必是落了些青檸，湯味是來自幾片牛肉，河粉很薄很幼，伴著金不換葉的清香和芽菜的爽口，倒是一個不錯的宵夜，而牛肉方面，我嫌不夠肥，少了油膏香，但整體也不錯。本想試試越南甜品，但剛做完運動，不想增磅了，也許留待下次。