影片
真。石磨肠粉加超抵食小食🥳-而家石磨肠粉既热潮真系超火热，最近喺黄大仙区都发现一间小食店有得食石磨肠粉，店内仲要有真既石磨机，绝对唔系沟粉扮嘢👍🏻。-唔少得一定系试吓佢哋嘅肠粉，司令试左鸡蛋猪肉肠($22)同牛肉肠($23)，上枱自己落豉油、辣，肠粉皮会比一般食到既烟韧有香味，加左鸡蛋既仲会多一份蛋香😚，肠粉内仲加咗花生， 一软一脆既口感几特别。-话得系小食店，点可以净系试佢嘅肠粉，炸烧卖/炸鱼蛋一份五粒只系卖$7，抵到唔敢相信😂。炸无骨鸡翼($15/四只)、生炸鸡脾🍗($15)同样都系超级学生价，仲要系真系即叫即炸，一食会辣亲🥵，味道啱啱好，唔会腌到啲肉梅晒👍🏻。-最后要特别推介嘅系佢地既石磨豆浆，同样都系由老板自家制，饮落豆味香浓，重点系，只系$3一杯😧，如果喺附近住，司令应该每日一杯😂。
继续阅读