8
2
2
| 餐厅: | 清新素食咖啡店 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
相关文章
终于有机会再次到访，有机会堂食，水准依然好好，蔬菜素丸汤乌冬，很够味热辣辣，辛苦老细一脚踢，所以要预留等候时间，但系可以喺百忙之中悠闲地食个午餐，的确系赏心乐事
继续阅读
之前经过企业广场 无意中发现呢间隐世餐厅 ～其实已经食过几次 试过几款嘢食都好有水准 所以决定写人生第一个食评 😋😋暂时试过 泰式冬䕃功素海鲜螺丝粉 （味道唔错）日式芝麻汁素鸡肉荞麦冷面沙律 （好岩夏天食～ 够fresh ）黑松露西兰花素虾天使面 （黑松露味好香）素牛肉丸汤乌冬 （够大碗 牛肉丸都好出色 😋😋） 总结真系好岩素食朋友 😍 就算唔系素食嘅人都好岩食 呢间餐厅由老板一人主理 食物质素有保证 好欣赏老板嘅用心制作 ～ 加油!
继续阅读
今日第一次食呢间，叫左个黑松露西兰花素虾天使面配杂菜汤。个杂菜汤肯定唔系罐头汤而系真系直接煮嘅汤。因为罐头汤一定有好多洋葱甚至系蒜头，正式素食店又点会有五荤 ? 我食嘅呢碗就绝对冇五荤，仲好难得地佢落左姜汁去驱寒，呢样系其他素食店冇做嘅，所以好多时我只食素果日会因为太寒凉而胃气胀而唔舒服，而呢碗汤有落姜汁，解决左呢个问题。讲返个天使面，蔬菜方面系有啲唔够新鲜，我估我食嘅时候系摆左几日嘅材料嚟，而其他人嘅评论写到好霉霉旧旧嘅果位客人食嘅可能比我食嘅摆得更多日。😶😶 而且有几件菜有啲黑边冇切走，如果可以一早切埋啲黑色啡色果啲唔知氧化定污漕嘢先煮会更好。不过个黑松露我觉得好正常，未食之前搞一搞捞一捞先食会好啲，因为啲黑松露汁系流晒落底部，而且素食店唔用奶类制品，冇忌廉加强黑松露个味，当然会淡好多。但肉眼睇已经有好多黑松露，食落去系正常冇厄人嘅，最紧要捞多捞个底先食。个天使面软硬度都好适中。份量都好大，55蚊一个黑松露天使面呢个容量已经好君真。虽然我食完都系同以往一般素食店一样系唔够饱。呢个系素食呢样嘢嘅本身问题。总概嚟讲，每样嘢都冇问题，几好，唯一问题系材料唔够新鲜，啲菜摆得耐。解决问题嘅方法系大家多啲帮衬佢，等佢可以每日用最新鲜又抵嘅价钱买返嚟嘅材料嚟煮俾大家食。因为买材料一定系大量买先有得平，材料买得平先可以卖俾客人卖得平。客人多啲去，先可以令材料保持新鲜好味又够平。一间食物品质好唔好嘅餐厅，都系好睇啲客够唔够。平时揾素食店已经够难，希望大家可以好好咁保养呢间小店，等我得闲又可以再嚟食，仲要系食更新鲜更好味嘅食材。
继续阅读
中午时份~12:50 到店叫外卖, 当时店内大约有6成客人, 外面有约2-3 人等侯外卖叫了一个菠菜汁意粉同一个素鸡蒿麦冷面, 当时店家完全无提及等候时间等到1310, 我意会到已经等左20分钟, 忍唔住追问一下, 店员话好快有等到1320, 佢话下一张单系我..最后等到1330 终于有了..足足等左40分钟..而且一句唔好意思都冇..睇番食评..原来呢间等候时间系偏长..但亦不至于40分钟吧建议店家如果人手不足, 下次可以先提醒 毕竟打工仔lunch hour 时间有限 菠菜汁意粉较干, 配菜亦较少绝对不会再光顾
继续阅读
走入店里，迎面扑鼻而来嘅系一阵清新嘅香气，空气中弥漫住咖啡嘅香味同植物嘅气息。店里嘅装潢简洁舒适，有好多自然元素嘅设计，令人感到放松。桌面上摆咗啲精致嘅植物盆栽，令用餐环境更加有生气。接下嚟，就系我品尝 南瓜忌廉意粉啦。上嚟嘅时候，呢道菜令我惊艳。意粉好弹牙，配埋丰富嘅南瓜忌廉酱汁，质感绵密顺滑。每一口都彷佛系品尝南瓜嘅原汁原味，再加埋啲轻盈嘅蔬菜同新鲜嘅香草，营造出一种清新嘅口感。南瓜嘅甜味同意粉嘅咸香完美融合，真系好好味。除咗南瓜忌廉意粉，我仲试咗一碗南瓜汤作为开胃菜。呢碗汤个颜色系金黄色，散发住浓郁嘅南瓜香气。饮低一口，汤嘅口感浓郁丰富，口味层次分明。南瓜嘅甜味同淡淡嘅奶香味一拍即合，好令人回味。而且，汤入面仲加咗啲香脆嘅南瓜籽，增加咗口感嘅丰富度，令整碗汤更加有趣。我深深感受到南瓜呢种食材嘅多样性同丰富性。清新素食咖啡店以佢地嘅精湛厨艺，将南瓜嘅美味发挥到极致。无论系南瓜忌廉意粉定系南瓜汤，都展现咗南瓜嘅独特风味同优雅口感。
继续阅读