影片
再一次嚟到清心斋买佢嘅豆腐花食，每次口淡淡又唔想食西式甜品太滞，都会揾吓豆花呢类食物润吓喉咙😊😊实在系好舒服。一如既往豆腐花好好味，加咗黄糖十分清甜，质地滑嘟嘟又细致冇粉感，好顺口，同时都食到轻轻豆味。叫咗先望到餐牌原来有黑白两沟，即系芝麻糊豆腐花，下次一定要试吓。买开见到啲有啲贺年炸物，同平时长卖嘅甜糕、小食，又忍唔住手买咗少少番屋企哈哈🐽🐽笑口枣脆卜卜，钟意佢系一口size，唔会太大粒，可以成粒啪落口👍🏻仲有个腐皮卷，入面馅料有三样嘢，分布好平均，每一啖都咬到丰富嘅层次，调味啱啱好，呢个小食有惊喜！🔥🔥🔥
继续阅读
这一间斋店系街市里面来讲质素都唔错，店舖有豆腐花、芝麻糊、豆浆、 斋卤味、还有好多不同款式糕点 而我最钟意食首选就系酸斋，味道非常开胃，唔会过酸，细size＄25份量都几多。其次系豆浆和豆腐花店员话这2款每日新鲜制造没有防腐剂，豆浆有好香浓黄豆味
继续阅读
呀妈平时成日系到买𩠌都话呢间嘢好好食，佢外卖返黎我地成家试过又真系几好味㖞😹今日终于落去睇下佢仲有咩卖顺便外卖啲比朋友，咁热紧系买枝冻豆浆饮凉下先啦，店员姐姐介绍原来佢地全部都系自家制，每日都用新鲜有机黄豆去整，唔怪之得有好香浓既黄豆味啦，而且饮完都饱饱地证明好重本好多豆，有少糖同无糖既选择，我另外都买左红豆糕同彩虹椰汁糕请朋友食，佢地都话红豆糕好多豆好味，糕底口感又绵密，彩虹椰汁糕则系椰奶味好浓郁，有唔同颜色既水果味啫喱粒混合埋，好睇又好食👍
继续阅读
作为芝麻糊粉丝既我，去到甜品铺一定系拣芝麻糊食，今次经过街市就试下呢间小店，E到集合左包点，糕点同素食于一生，小吃同糕点来说佢地都几多选择，应该总有一款啱你地，姐姐们好热情又有礼貌👍芝麻糊一碗都系12蚊，平时食最担心就系过稀，沟左好多水唔够芝麻味，但呢碗完全唔洗惊，佢地用石磨芝麻，磨得够细滑入口一啖滑落肚，甜度又啱啱好，一打开已经好香浓既芝麻味，好好味。我都买试左佢个芦荟椰汁糕，椰汁糕底有浓郁既椰奶味，沟埋啲芦荟粒一齐令个口感更加清甜又爽口。
继续阅读
夏天热热地就想揾啲又甜又冻既嘢食下，咁就紧系揾甜品😂😂见个桂花杞子糕好似几靓咁，晶莹剔透，see-through咁既效果睇到埋入面既杞子粒同桂花，卖相黎讲的确系唔错，咬落个质地似啫喱，弹弹的，味道清清地，特别啲长辈好中意食呢啲清甜又爽口既甜品😂 第二样买左红豆糕，平时好中意饮红豆冰而家就试下红豆糕，估唔到佢个椰奶味可以做到咁重咁浓郁，平时好多都沟淡左冇咁甜，但呢个红豆糕足料超多豆得黎又够甜，完全hit中我既期望
继续阅读