清原

营业中

休息中

第一次同朋友黎食我覺得個暖湯系列都唔錯，最終叫左「芋見幸福熱戀中」都幾好味😋唔會太甜至於朋友點的「招牌1號」裏面有綠豆、芋圓、芋頭球同埋珍珠，都非常好食！（笑死，隔籬枱嘅雪花冰都好似幾好食🤣🤣）

招牌3號仙草冰好好味！！！苿香綠茶好香又唔會好甜 推薦！！半糖就最好 服務態度幾好，紅豆好正 芋泥好多 芋圓好韌 彈牙好咬口 仙草冰+仙草+奶球唔錯 珍珠好彈牙 環境十分乾淨，十分新淨

清原主要是芋泥， 芋圓為主。喜歡清原的“銷魂薑母湯”, 夠熱，夠薑，夠口感，整體配搭不錯。清原的裝修為淺紫色，舒服和潔淨。 另外，欣賞職員的主動，細心, 有禮貌，下次會再來光顧！

行完街，啱啱好三點。想揾地方坐吓飲吓嘢，見呢間新過江龍，裝修好靚，紫色牆身配合芋圓、芋泥主題。牆身有幾幅掛畫，打卡扮文青好正。店家採用自助坐位，再到櫃枱下單。當日我叫咗凍芋泥鮮奶露，芋泥同西米露都係我至愛，一見menu已經急不及待要試。店員好細心詢問需唔需要少冰少甜，果然沒有失望，芋泥好好味，溶咗係西米露裡面，椰香中又有芋泥味道，仲有西米露嘅質感，成件事好滿足。下次再試熱的，想必是一件窩心的事。老公另外叫咗楊枝甘露，呢個唔係傳統一碗嗰隻甜品，係一款沙冰飲品。味道清新帶甜，因為碎冰關係，邊拌邊喝，夏天品嚐應該暑氣全消。期待再試埋店家另一個推介“芋見幸福”。

芋見幸福賣相：🐧🐧🐧🐧🐧味道：🐧🐧🐧🐧🐧芋頭冰擺盤用心精美，五款特選配料包括紅豆、芋圓、芋頭球、珍珠和西米露各佔一方，感觀齊整又悅目，色彩繽紛打卡一流。芋頭冰自身不會過份甜膩，芋香十足，冰涼又爽口，配搭甜美的紅豆和綿滑的芋頭球一齊食，滋味超理想。煙韌Q 彈的芋圓、珍珠和西米則為甜點更添嚼感，整體味道口感層次豐富，大滿足推薦👍雪藏宇治金時賣相：🐧🐧🐧🐧🐧味道：🐧🐧🐧🐧🐧綠茶冰堆得山一樣高，份量極多，足夠二人分享有餘。頂端蓋有一球雪呢拿雪糕，一旁附有一滿瓢芋圓粒粒，客人逐步加添至綠茶冰一起吃，十分貼心。綠茶冰清爽怡人，散發著沈穩的綠茶芬芳，冰內藏有滿滿的芋泥和紅豆，頗具驚喜感。芋泥軟滑綿密，紅豆甜美香口，與綠茶冰配搭食用，甜絲絲的滋味令人無限迷戀。芋見泥珍好賣相：🐧🐧🐧🐧🐧味道：🐧🐧🐧🐧🐧飲品採用店舖自家設計透明杯裝載，在外已清晰可見，飲料杯內填滿小芋圓、珍珠、紅豆、西米露等配料，底部更佈滿厚厚一層芋泥，非常足料。飲料入口充滿芋泥的香氣，甜度恰到好處，不會過份甜漏。小芋圓、珍珠等口感彈牙又煙韌，嚼感一流。環境：🐧🐧🐧🐧🐧店舖以迷人的粉紫作主色調，感覺夢幻少女心滿滿。牆上掛有店舖招牌甜品相片

晚餐後食個甜品暖身，推介銷魂薑母湯：不會太甜，淡淡薑汁味，芋泥軟綿綿，芋圓Q彈 😋黑金燒仙草：不太喜歡珍珠，所以落單時走珍珠，職員話其他食材會加多少少 👍🏻 職員主動有禮，笑容滿滿😄8:00前堂食已經7成滿，唔想排隊最好8:30前入坐。

🇹🇼台灣人氣過江龍 - 清原，台灣已經有二百多間分店，主打芋圓、仙草凍等台式甜品飲品🫚鎖魂薑母湯💰$42好鐘意薑母湯，夠辣夠暖身，再辣啲仲正😍有芋圓、薏仁、芋頭球、珍珠，好多嘢食好豐富，最鐘意芋圓夠煙韌，芋頭球都好軟滑好有芋頭香🉐💜芋見泥珍好💰$62有小芋圓、珍珠、紅豆、西米露，呢杯好好飲，不會太甜又多料，小芋圓、紅豆、西米露超夾好喜歡，不過飲半杯已好飽😆💛楊枝甘露💰$48同一般楊枝甘露有所不同，呢杯有芒果冰沙、芒果肉、紅葡萄柚果肉、椰漿，沙冰口感好新穎

朋友介紹叫我去試吓探下路先，問起先知試業2星期，今個星期應該正式開幕，我夜晚8點幾平日外賣，見鋪頭都有8，9枱客，服務員態度和藹，有禮貌，值得一讚就係我本身打算買招牌系列，但招牌係有冰底，如果我外賣搭車反屋企先食就會冰融，店員好好提議我叫個仙草凍底再另加配料，咁就唔怕融到生水，所以我覺得佢地服務良好，可以keep住有水準，芋圓夠味夠煙靭，好味道，會再幫襯

👧🏻Wodafoodie in Causeway Bay又有台灣過江龍黎香港開分店啦！呢間係台灣有超過200間分店既甜品店，主打芋頭、芋圓、各式燒仙草、雪花冰、芋圓茶飲等，芋頭淨係會用大甲芋頭既中段，務求整到最高質，最好食既甜品🍧✨🍧芋見幸福 $62芋見幸福係招牌推介既芋頭冰，以芋頭牛奶做成冰沙基底，入面有紅豆、芋圓、芋頭球、珍珠同西米露。甜度固定，冰冰涼涼，芋頭綿密，芋頭味道濃郁🥰再搭配著Q彈的芋圓同西米露，令人讚不絕口😍✨ 🍮雙芋冰嫩仙草凍 $49鍾意食仙草又唔想食太凍既既朋友可以揀呢個～碗底有香濃的嫩仙草，上面加上芋頭球、芋圓、紅豆，淋上附贈既奶油球，奶香十足，每一口層次更豐富，好好食🤤✨ 🍨招牌3號仙草冰 $49鍾意仙草又想食到透心涼既感覺，個人推介呢個！嫩滑仙草配上沙冰、芋圓、芋頭球和珍珠，上面仲有招牌3號先有既紅豆🫘配料份量好多，珍珠煙韌，紅豆香甜，配搭一流😍✨ 🔥🫚銷魂薑母湯 $42冬天又點少得叫返碗熱嘅糖水暖下身！呢個薑母湯有芋圓、薏仁、芋頭球和珍珠，好重薑味，同平時出面薑汁加水既糖水好唔同，飲落熱辣辣，好舒服，值得一試😋每碗糖水都好大碗好足料！叫曬一班朋友黎share

星期日，同家人行過見到新開張入去買杯嘢飲。點咗芋泥鮮奶波波特別叫咗 「加椰果」同埋 「走甜」。點知哥哥仔 「冇加椰果」亦 「冇走甜」，但係我哋已經行咗成條街唔想返轉頭。 好不滿，個杯飲品50幾蚊，今次特登登入為寫呢個食評。我接受唔到啲人做嘢咁唔認真！ 如果唔跟住我嘅要求去做就唔好俾我咁多選擇啦！但幫我落單嗰個哥哥就服務態度好好。我個女覺得好味因為正常甜好甜，所以啱細路仔口味😤So disappointed! Flavor was ok but We did not get what we ordered and even paid extra for coconut jelly!

喺social media見到係台灣過江龍，咁岩去開銅鑼灣就試吓買一碗返屋企食.落單後等左15分鐘都未有，問店員先知佢以為我係堂食單…解釋完係外賣單之後，店員竟然係問我會唔會改做堂食🫠堂食本來都好多人，一心想買外賣既我又點會無拿拿轉堂食呢，搞完一輪再等左7-8分鐘先收到，仲要無膠袋（但有俾餐具）.返到屋企打開，招牌1號變左招牌3號🥲芋圓同其他配料份量唔多，芋圓質感Q彈但芋頭/蕃薯味欠奉🥺芋泥屬於比較好食既配料，質地軟軟綿綿，偏甜少少而最唔理想既係珍珠，珍珠已經痴實晒成為一團，但明白到係外賣關係，珍珠既狀態未必及堂食咁好經過呢次體驗，未必會幫襯下一次了

最近銅鑼灣新開咗間台灣過江龍甜品店 —「清原」🤩🤩小店主打多款芋頭甜品同飲品，例如芋頭冰、燒仙草、小芋圓茶飲等～～在台灣有超過200間分店，好受歡迎！鍾意食芋圓的朋友唔好錯過啦❤️❤️🥣招牌3號 $49✨賣相吸引！以仙草冰沙為底，面層鋪滿仙草凍、芋頭球、珍珠、芋圓、紅豆等～～仙草凍口感Q彈、滑捋捋，帶淡淡仙草香！加上奶油球的奶香，味道層次豐富😋😋🍹芋見泥珍好 $62✨呢個係佢地的人氣產品之一，必試！！裡面有小芋圓、珍珠、紅豆、西米露等配料，加上香滑濃醇的鮮奶，一次過滿足你多個願望！配料香甜煙韌，飲完好飽肚👍🏻👍🏻-🍠芋頭鮮奶 $40✨入口順滑，芋頭味超濃郁！仲會飲到芋頭粒粒同芋泥，好足料🤤🤤

上星期去左呢間新糖水舖食，開左唔夠一個月喺銅鑼灣市中心地段，驟眼睇有一個樓面服務員，一黎就好熱情打招呼講解餐牌。等五分鐘左右店員帶位入坐。自助式要去cashier落單，取餐要聽實店員喺bar枱大叫單number去拎。一行人嗌左五個野食，逐份逐份出，店員要嗌足五次。店面都幾大，日日咁嗌真係要好好中氣先得。😮‍💨價錢預期之中，中上價位 成本去哂鋪租裝修。份量味道都正正常常，但餐具要洗乾淨啲，以及未抹乾嘅餐具，少許影響觀感。店間有少少亂，因為自助式 會有比較多人走動。好彩枱與枱都有一定距離，光線充足，唔會有壓迫感。整體係合格 唯獨希望改善下取餐方式 愛護下店員嘅聲帶。🫢

成日去台灣旅行都要去清原食返餐估唔到香港都開咗間清原😝我就食咗個芋見幸福我朋友就食咗個銷魂薑母湯好食到爆啲芋圓好彈牙！銷魂薑母湯個薑汁好算辣一個唔食得薑嘅人都食到真係好想日日食

好好味好好味好好味，同台灣既味道一樣點解咁遲先開，我以前係台灣做野已經成日食係香港都會久唔久掛住，而家可以隨時都有得食，真係好感恩我最鐘意既熱戀中，薑母銷魂湯我，遇見苺好，巨峰葡萄玉露，芋頭鮮奶露日日都會買杯野飲芋頭好足料，最鐘意佢地落好多芋泥同芋球係香港之前搵極都食唔到好味既芋頭野飲而家有喇😊好開心芋頭控天花板世一Sorry可能你地會覺得我好over 但我個人本身就係咁over haha 仲有個stuff 好有禮貌好nice 好friendly