添記燒臘茶餐廳

這店在這區有多久? 我唔清楚但只要稍為細心望下周圍環境大概40年都無走雞! 我試咗叫一碟兩餸飯$30(堂食), 兩餸係豬肉餅同雲耳雞脾肉。味道方面雞脾肉較咸, 除咗咸之外搵唔到其他味道了。例如雞粉😄, 豬肉餅就同其他人講嘅一樣 -  磚頭肉餅。其實豬肉餅就咁望都幾多肥豬肉粒, 但出奇地肉餅嘅質地好硬淨。係咪師傅撈咗好多粉就唔清楚? 但咬落又唔似一舊粉頭。同樣地豬肉嘅肉味都無太突出。所以磚頭肉餅也好枕頭肉餅也好, 食得飽只是草根階層嘅基本要求。這裡似乎做到了! 事實上這裡嘅價錢比兩餸飯嘅外賣飯盒還要平, 難以理解老板是怎麼能做得到?佩服佩服! 店內嘅顧客8成都是上了年紀嘅客人, 又或者係體力勞動者為主。對面枱嘅大叔就跟同枱講以前在桂林街蛇鋪食生蛇胆酒嘅往事。往事如煙深水埗可能仍舊是全港最多低收入家庭嘅地區之一。 盡管時間数十年光境靜悄悄從身邊溜走但人情不變。…查看更多

添記 平民双餸飯 $27 磚頭一般嘅肉餅 都有肉味但粉多似磚頭蕃茄旦 味甜酸適中 但冇乜旦白飯色扁黃 濕濕地 硬硬地填飽肚可以 美味很一般 北河街有較多其他選擇 (隔離朗益$15燒味飯 更好嘅選擇)…查看更多

平民價錢，好多唔同款式既小菜。平時出價，想叫個小菜，又唔可以叫太多，一個人想叫多款餸都唔得。但依到每個餸都好入味。唔比其他店舖差。又有魚香茄子，又有薯仔雞，又有咖哩，又有麻婆豆腐。兩餸飯20-30蚊唔算貴。依到仲有蒸飯，每個蒸飯$16蚊，超平超正，可加臘腸，又可加一款菜，都只係加$2蚊。如果早少少去，仲有點心！$20蚊有找，又有飯，又有餸，又有菜。一個人食飯試到不同口味，唔錯唔錯，有時間可以再去試試其他款式既菜。…查看更多

時常想喝茶吃點心，總找不到機會，有天路過這店，最終忍不住要吃點心了。真的難以理解，一天經已要花費七、八小時在辦公室，為什麼在短短一個小時左右的午餐時間，還要侷促自己，在辦公室裏面活動🤔，就像機械人一樣。由於發現附近有個公園，中午時間人流不多，當然，因為人們都怕炎熱，怕曬。近日轉涼，我喜歡曬太陽🌞，有天偶發一想，其實買外賣過來公園，自己坐着慢慢吃，既可吸入新鮮空氣，又可以享受個人時間，其實還不錯。點山竹牛肉的時候，阿姐推介另一款，就像牛肉燒賣那一種，外皮比較厚實，因為包了一層外衣，感覺好像比較乾，下次還是吃會山竹牛肉比較好。鮮竹卷的體積非常龐大，還有三大條，但是內裏餡料不算太吸引，有木耳、菜絲、肉粒，等等，但是味道好像比較肥膩，而且汁醬挺多，蠔油味不算太濃，不會太鹹，只屬於份量取勝，味道只是普普通通。反而，最後決定加多一個排骨，比較好，雖然沒有什麼蒜蓉、豆豉，但是味道充足，不會太鹹，而且排骨肥瘦適中，不太瘦，也沒有太多肥肉。以往你在公園，看到有人獨自買外賣吃，還以為他是不是遭人排斥，或是性格古怪的人類，但今天，才發現，其實可能是其他人太過文靜，都喜歡在公司內自閉，反而外出者才是正常，確是逆向思維。…查看更多

細妹向來幫襯開深水埗明哥，但因為北河燒臘被停牌兩星期，今次幫襯隔鄰添記，一間無論食品、格局同裝修都同北河好相似嘅食店。兩款淨菜同樣賣$20，感覺蔬菜新鮮爽脆，比北河仲好味，亦冇咁油膩！蒸蛋香滑(雖然有一塊小蛋殼)，有蛋味，內裡肉碎帶出鮮味，成盒餸俾我嘅感覺係：新鮮好味！如果真係要講唯一比北河遜色少少嘅地方，就係呢度裝啲餸冇北河咁滿，北河冚住盒蓋都漏哂啲汁出嚟！呢度相對輕手少少，食少兩啖，但整體感覺唔錯！…查看更多

如果以整個深水埗區嚟講，要食到最平而又🈶番咁上下嘅食物質素嘅話，相信非添記莫屬，呢度除咗各類平價點心之外，還🈶各式盅頭蒸飯，價錢相當平而且又夠飽肚，午市各式小菜兩肉➕一菜飯盒都只係$24元(配例湯另➕$2元),相當抵！去邊度揾？…查看更多

8-12-2013(Sun) 晏晝同男友o係荃灣食完晏後,聽男友建議出o黎呢o度買兩餸飯做晚飯或我o地第二日帶飯返工.我o地o黎到同北河燒臘飯店,但見啲餸都賣得七七八八,就睇睇隔離,運作模式同食物都一樣o既呢間,呢間款式同數量仍然多(即係北河好賣啲啦. )咁我o地今次幫襯呢間啦,男友先揀,佢揀o左咖哩雞同唔知咩o野魚柳,盛惠$20.00.我就揀咕嚕肉同肉餅,要$22.00.咁爸爸o既呢?我o地呢兩個都只係肉,行返去北河睇,有冬瓜,番茄同翠肉瓜,爸爸只食冬瓜,番茄都只係勉強,翠肉瓜就更加唔食添,唉!咁返o黎呢間啦,最後要o左冬瓜同炸多春魚,呢個都係$20.00.到夜晚開飯喇,打開睇,三盒飯都滿滿,咖哩雞o既汁仍有好多(其實我o地買完,男友拎住時已發現漏汁,上返去佢屋企整好至再返我屋企.)影好相就轉碟蒸熱,好喇,食得!咖哩雞,薯仔唔夠腍,雞肉就夠腍,但咖哩竟然入晒味.肉餅,好難夾開,食落好鬆,原因係大部份都係肥豬肉.冬瓜,同樣唔夠腍,仍有啲實,食到有微酸,爸爸話係正常.唔知咩o野魚柳,份量好少亦冇乜味,蘸咖哩汁食吧.咕嚕肉,酸甜味適中,亦算唔錯.炸多春魚,唔太鹹,OK o既.至於飯,都幾軟熟唔乾爭爭.PS: 爸爸話冬瓜同薯仔唔夠腍係應該,因為怕變蓉,舀o既時候爛晒,令人覺得好少咁話.…查看更多

自從由高登傳來男人的浪漫這個名詞後，好像甚麼事物也能說成男人的浪漫。。除了豆腐火腩飯之外，干炒牛河，生炒糯米飯，任你點噏，當然不能少得盅頭排骨飯。若是我忠實讀者，也知道我很喜歡土瓜灣的明珍，單是在飲食網站上，已經寫下數篇讚美的食評，在我Facebook的專頁內，不下數次分享明珍的排骨飯相片。後來再到訪友人西打哥推薦，大埔的新明發，雖然味道也好，但我始終喜歡明珍，感情分大過天，像一隊自己擁護的球會，怎樣也會支持下去。早上時份來到深水埗一帶，路過北河街的添記，記得五年前左右曾經吃過其盅頭飯，心血來潮之下，還是走進去。店外擺放所有蒸點心，盅頭飯，最貴的是盅頭飯，＄16一盅，點心由＄10至＄14，選擇也是比較大路如蝦餃，燒賣等貨色。以鐵盅上的鳳爪排骨飯，排骨份量夠，鳳爪入味，也不是甩皮甩骨，排骨肉質鬆化，還有點肉汁。飯身則偏向淋一邊，但是中心位是全不入味，排骨的肉香，去不到尾，質素比我當年來吃過的差，與明珍是一班與二班尾之分野。另外再點了鵪鶉蛋燒賣，豬肉做得過於鬆散，沒有那種爽勁感覺。我很喜歡吃蘿蔔糕，炸春卷，看見門外檔口的Ready-to made，一早放涼，還有可吃之理由？忽然有個念頭，就是用數百字，甚至過千字，去寫一篇西打哥最愛的新明發，而他便寫一篇明珍，兩者交換溫柔，用自己的風格，演繹對方的名曲，我想也是一件有趣的事情。男人的浪漫嘛，當然要貫徹始終，哈哈！…查看更多

一盅飯，兩碟點心，再加一盅茶，三十大洋，抵...環境及人都係地踎到極，全部客都係年過四五十嘅師奶同阿伯，全場最後生又係我唔知點解極之愛到呢D草根到極嘅食肆。嘢食平過人當然係其一原因，但我諗，嗰種平民草根味先至係最大嘅吸引力...裝修得富麗堂皇嘅餐廳，食到週身唔聚財，唔啱我...講番嘢食。叫一盅鳳爪排骨，飯有點濕，夠色，排骨肥瘦有致，豉油偏甜。整體上不太差，水準當然不及大埔林記及土記嘅明珍好..見有春蛋燒賣，機不可失，即叫。三大件，下層嘅啄碎豬肉份量十足，食完後肚子感覺好充實，好飽肚，加埋上面嘅春蛋，真係飽上加飽。但面對如此美食，飽? 膽固醇? 早已拋諸腦後...見到不停有山竹牛肉出爐，好吸引，忍唔住再叫埋。又係斤両十足，雖食唔出陳皮味，但口感未致於完全淰pat pat，總算食得過...八卦，睇到隔籬叫嘅义雞飯，飯堆到好似小山丘咁，面上再舖上晶瑩欲滴嘅半肥瘦义，差D又想叫埋...咁點攪? 嚟個food marathon好唔好?…查看更多

開完conference後o係附近仲未食晚飯又唔想煮就買左鴨批飯鴨批好好肉肥膏又少可惜就無乜味道睇黎以燒臘店為名唔多得反而盅頭飯味道更好…查看更多

雖然話呢區野食係平過人,但$15一個三飯送例湯真係超抵食!!d飯都得架!仲有d雖然講唔上好好食,但絕對食得過,幾OK架!又多揀!仲要分開一盒、飯一盒,兩盒都滿一滿,包你食得飽!不過個湯就差少少,但都叫做有啖湯水飲下咁啦!喂!$15咋!去邊度搵?!另外仲有盅頭飯,北菇雞,正呀!!$8.5送油菜,都係超值呀!!…查看更多

這間在北河街頭的"添記",幾個食評也是出自同一位食家?掛名賣燒臘,其實盅頭飯也受眾街坊,結合了三次在此吃盅頭飯經驗.其鳳爪排骨飯最為出色.北菇雞同肉餅飯,飯底比較過濕,鳳爪排骨飯蒸得入味,飯粒也做到粒粒畢挺之境界.這是一盅出色蒸飯之基本要素.晨早流流一個盅頭飯,實為一天元氣之始.…查看更多

叉鴨飯叉燒較肥,蜜味唔算太濃好在佢自動幫我加左秘製豉油先至好味d鴨咁o岩係肶位好好肉又唔算太肥但皮就淋左我無食斬料位哥仔同幫手阿姐都好好人雖然人多但無黑面…查看更多

上次試完隔離d盅頭飯今次輪到呢邊一樣係一個飯加油菜份量一樣係多到差d關唔到盒蓋但成個飯盒相對無咁油油菜配左炒沙葛清清地味道唔錯飯較乾身同硬牛肉餅一樣有兩吋厚呢邊既牛肉加左肥肉同馬蹄一齊蒸夠鬆但味道較似食緊酒樓d山竹牛肉食完唔覺口渴但感覺上北河好味d…查看更多

豉油雞翼好入味半份送都有4隻雞中翼咕嚕肉肥肉多配料亦無乜菠蘿無,青椒少但甜酸汁味道調得剛好服務預左一定無人多幫襯要買快手…查看更多