影片
营业时间
今日营业
11:30 - 20:30
星期一至日
11:30 - 20:30
以上资料只供参考，请与餐厅确认详情
食家推介
📌荔枝角今次平民食堂揾食黎到荔枝角，同大家介绍下我自己已经二访既平民汉堡店 一 添福汉堡 @timfook_burger🐮双层芝士黑椒牛堡 $51手工汉堡即嗌即煎，微微黑椒香加埋芝士同牛味浓既双层牛肉汉堡，我觉得都值得推介比大家😋👍🏻👍🏻📍添福汉堡地址：荔枝角长沙湾道648号中国船舶大厦地舖
继续阅读
香港呢几年兴食Burger，五佬居然都开到可以中文点餐，SS𠮶间愈开愈多（但真心得薯条好食），但个人真系钟意帮衬小店，家住深水埗，所以添福一向系心头好。添福最过份系佢朕味：每次经过都闻到佢啲煎牛扒味同炸嘢味，好诱惑......芝士汉堡即系基本牛肉汉堡加芝士，汉堡扒打得唔错，调味唔太浓，肉味够，质地有颗粒感，油香亦够，配合得ok。但添福啲包皮就麻麻，比较松但唔够厚，一索埋啲汁同油就口感「pat pat」哋。不过整体系ok嘅。素菰堡，块大磨菰扒算几好食，虽则名曰素食，但加埋酱一样漏漏哋。薯条好食。整体嚟讲添福性价比算好高，做嘢都用心，值得再帮衬。不过真系攞完尽快食，唔系好快腍晒。
继续阅读
虽然食过无数咁多次，但系从来都冇写过今次要扚起心肝写下因为极度欣赏佢哋嘅食物就系自从好几个月前食过一次麦当劳之后话俾自己听唔会再食麦当劳一次嘅经过见到好吸引一直都冇食，只系买俾个仔，点知次次阿仔都话好好食今日老公就去买三个餐，只要你落order 10分钟后去攞就更加顺畅一个收钱一个煮嘢其实都好快捷同埋汉堡包里面嘅口和牛汉堡非常Juicy 嘢饮就喺雪柜自己任拣，通常我都要新奇士OJ 童年回忆饮品叫咗一个大姑和牛一个添福汉堡一个双层黄牛都系一样咁Juicy好味都要讲返句，多谢两位姐姐薪水生汗不断接order 值得欣赏性价比超高支持本地消费欣赏小店
继续阅读
食过深水埗果间ok，谂住呢间应该都好食，结果失望。叫左3个套餐，薯条因为外卖淋哂就no comment喇。汉堡唔觉得有咩特别出色，只有好重黑椒味。另外加钱叫左黑松露酱，结果无比到。专登11:30am打去落单话12:00拎，但12:10去到都仲要等到12:20，好采无准时去。另外，外卖纸袋钉实哂（可能惊倒泻野食），门面亦完全无位置比我有机会开袋check返食物啱唔啱，结果系比漏野都无机会check倒。同佢讲返，无反应，其实呢个质素唔驶比呢个价钱仲要等咁耐。
继续阅读
汉堡包系一样好邪恶既食物, 成日都想食但又因为佢既卡路里而郤步, 所以系好想食既时候都要拣过先食今次就拣左明明系屋企附近但一直未有机会试既添福汉堡本来谂住去到买完就有得食, 但去到先知原来无堂食, 只可以买外卖攞走系等既过程其实我都几"不满", 因为佢D 野食既味道真系香, 可能我又肚饿啦. 个晚我差唔多7点到落order 见到我前面都有五六张单排紧队, 等左15-20分钟我哋两份餐就搞好. 之后仲要行到番屋企先有得食, 成个过程真系好折磨 LOL不过呢个等待系值得既! 我点既系黑松露啡菇牛堡. 我打开包装见到个菇时其实我系有少少失望, 因为佢唔似出面个D 切碎左再炒香佢会有D汁咁, 而系原只菇夹落个包, 菇既表面又无汁比较干身, 我心谂咪会好似后期唔多掂既triple o 咁, 会系一块有青味半生熟既菇俾我呀.... 但系一咬落去, 哗, 原来系好熟, 佢好软身但又唔系冧到咬唔开个d, 系新鲜既啡菇先有既效果! 块牛肉本身都系软身多汁都好好味, 但我已经完全俾块菇既美味吸引左去! 超好味!! 成个餐先五十几六十蚊, 我觉得净系个包都值呢个价.跟餐既薯条系粗身个只, 热食好好味, 不过可能我哋又外卖加上食完个包先再食薯条, 就有D 变冧左. 但整体黎讲水准之下. 呢几个月我食左几次汉堡包, 贵过呢到都食左几次. 但SO FAR 呢间真系最好食!! 好食到连咁耐无写食评既我都要写一写纪录下!!
继续阅读