影片
以上资料只供参考，请与餐厅确认详情
去沙田行街睇戏，想食点心，就拣咗好耐无食过嘅添好运。星期六午市真系比较多人，2人枱都等左一个钟，建议预早禁飞，然后系商场行街凉冷气。两个人食唔到太多嘢，食评如下：………………………………………………酥皮焗叉烧包 ⭐️⭐️⭐️⭐️⭐️皮薄馅靓，表皮酥脆，好食！晶莹鲜虾饺 ⭐️⭐️⭐️⭐️⭐️卖相好靓，大小刚刚好，虾仁新鲜有弹性，虾饺皮啲折痕系正宗嘅证明。蜜汁叉烧蛋饭 ⭐️叉烧太瘦，肉质亦都唔够林，蜜汁同豉油都唔够，麻麻地。陈皮牛肉球 ⭐️⭐️⭐️⭐️牛肉好嫩滑，配埋吸晒牛肉精华同喼汁嘅腐竹，真系好味，同细细个去酒楼食嘅山竹牛肉球完全一样味，系传统点心的味道。斑兰炸鲜奶 ⭐️⭐️⭐️⭐️期间限定的商品，奶味香浓，都炸得好香口，不过斑兰味唔够突出。………………………………………………添好运近年先系沙田插旗开新分店，但系其实好多年前已经系深水埗发迹，历史悠久，点心的品质相对有保证！不过如果要等一个钟先有得食，我会选择食其他餐厅😂
继续阅读
明有大把位，谂住坐嘅时候，店员黑面咁安排，同佢讲𠮶个位系风口，叫佢安排第二个位佢就无视我，我指定话想坐𠮶个位，个店员都听到即刻安排另外嘅顾客去坐𠮶个位，叫我哋坐返原位一句对唔住都冇!整体嚟讲系差!服务员黑面同我哋讲叫我哋坐返原位嘅时候就推卸责任畀第二个店员，完全冇谂住帮我哋调位。令外𠮶个店员就净系识得讲「帮紧你㗎喇!尽晒力㗎喇」冻都坐得㗎，照坐住先啦，冇位喇(明明周围都大把位)最后我走咗，佢都冇反应
继续阅读
今天和朋友二人到此店用餐，同一时间旁边有一名女人跟我们同时入坐。该名女人票号是在我们后边，但因店员同时呼叫两个号码一起入座。该名女人毫不客气走在我们前面，但负责带位的女职员也客气先询问我们想坐那里，这个做法是值得称赞的。但后来有一名男侍应上餐时，我们询问是否会有甜酱，他态度十分差劲，并且面露难色，叫我们「等一下啦！」之后其他侍应上菜也会询问我们有否叫这道菜，单号可能是跟旁边女人重叠了，或是因为分了A,B枱令他们非常混淆？后来该名态度很差的男侍应过来看了很久，然后说了一声，叉烧肠粉，因为我地点了这道菜，所以也应声「系，唔该」但他竟然放了在旁边女人的枱上，我们也不以为意，以为她也叫了叉烧肠粉。但此女人是没有任何反应的，后来一直没有上这道叉烧肠粉给我们才开始追问，这女人听到我们在追单突然十分徬徨，并立刻起身埋单。后来我再向另一位女侍应追问，是否将我们的叉烧肠粉给了隔篱枱？女侍应行了一个大运（并没有去确认）便跟我们说她应该是也点了叉烧肠粉，那我们便继续等，后来已等到不想吃便跟态度差劲的男侍应说我们不要这道菜了。食客质素并不是餐厅可以控制，但员工质素一定可以，想问这是什么用餐体验？
继续阅读
添好运名大于实，一直想尝试下是否真的是米芝连年级数，但尝试完之后发觉比屋邨酒楼更差，而且服务欠佳，叫咗碗粥问侍应有冇胡椒粉，侍应攞咗支胡椒粉来，只比我落一次就收回，不能等我同家人食完碗粥才攞走。佢地啲茶杯用纸巾抹会甩色，问个侍应表示是茶渍，但明显是个杯甩色，最后个侍应都醒目换咗个纸杯比我哋。感觉上楼面侍应无受过训练，佢哋直接倒豉油在肠粉上面，有经验的应该是倒在碟边。至于价钱方面三个人埋单三百零蚊，算是中规中矩。至于食物方面，除粉果外，其他并无特别出色，与普通酒楼一样。
继续阅读
喺新城市行咗阵街，食晚餐谂唔到食咩嘅时候经过1期4楼，见到呢间平时晏昼大排长龙嘅点心舖无人排队，就即刻入咗去食🤩～佢嘅dinner menu同lunch完全一样，点心种类都一样咁多，人均食到饱连埋茶钱都系大概$80，新城市嚟讲算系好抵食喇！添好运都有唔少分店，沙田系比较近期开嘅。餐厅以绿色为主，入面装潢同茶楼差唔多，只系佢晚市依然做点心😍夜晚比较多老人家喺度，由于唔系太多人所以比晏昼静招牌叉烧焗叉烧包（3个） $35 （9.5/10）招牌果然系招牌😍😍叉烧包上嘅时候系热辣辣嘅🥵叉烧包上面嘅酥皮少少甜，作为成个包嘅点缀；叉烧好多，唔肥但又唔韧，令成个包好惹味，嚟到就一定要食！洛神花米网红米虾肠 $48 （8/10）红色皮嘅肠粉，入面包咗一层炸到脆脆地嘅米纸，米纸入面有虾肉同埋葱。肠粉皮薄，虾肉几爽（不过再多啲虾肉会再好味啲🙈）肠粉用咗洛神花酱而唔系鼓油，肠粉唔油之余有淡淡嘅洛神花香，系几特别嘅配搭☺️土鱿马蹄肉饼饭 $42 + 白灼西生菜 $28（7.5/10）热辣辣嘅一个传统酒楼蒸饭，无饭焦，肉饼好香同唔硬，唔油腻而且调味啱啱好，可惜系肉饼比较细块😔饭嘅量就好充足，多啲肉配饭会无咁寡。菜就正正常常喇，加咗健康啲🥹
继续阅读
您可能会有兴趣的...