添好運點心專門店

营业中

休息中

超級負評今早10:24時一家四口2大2細，去到門口見冇人排隊，但係又冇人招呼，咪入去禮貌地攞位，點知一入去都未開聲，就有個女人就大聲呼喝：「未攞位就同我出返去」我邊行邊答：「唔好意思！」出到門口個女人跟住出嚟問：「幾多位」我：「四位吖唔該！」個女人：「未有位就攞住張飛先啦！仲有唔好企喺度阻L住，行L埋一邊啦！」（其實佢係咪講緊粗口？當時門口完全冇人排隊，而且我係企緊喺攞飛嘅位置，而家人就企咗遠離鋪面嘅地方！根本就完全唔阻住佢）當時我肯定我絕對冇發火，而且冷靜同佢講：「都係唔洗喇，麻煩您！」（主要原因，有兩個小朋友企喺度望住，冇理由咁冇品發火🤦🏻‍♂️）點知個女人答：「混吉就咪死L埋嚟啦！」（第一次我以為佢唔係講粗口，點知第二次我聽清楚，就肯定之前都係一直講緊粗口！）🤦🏻‍♂️🤦🏻‍♂️🤦🏻‍♂️唯有好冇癮又奈佢唔何咁樣離開！🤦🏻‍♂️🙇🏻‍♂️🤦🏻‍♂️🙇🏻‍♂️🙏🏻鬼叫我地食客要求佢攞嘢食咩，態度唔好都冇辦法，唯有唔幫襯！🤦🏻‍♂️，不過真心唔會再去呢一間連鎖店！！！

添好運雖然點心款式唔多, 但勝在價錢都算適中同埋全日供應,晚餐都可以食到點心! 不過愈來愈多遊客幫襯, 等位時間耐左, 想去食嘅人可能要早少少等位~酥皮焗叉燒包呢樣係添好運嘅招牌菜, 同普通酒樓嘅叉燒飽相似, 不過佢外層就唔係普通麵包, 而係酥皮! 酥皮入面包住叉燒餡, 成個口感外鬆內軟,而且唔會似食完傳統叉燒包咁飽濟, 鐘意酥皮口感嘅人可以一試!蘿蔔糕+金銀蛋瘦肉粥呢個完全就係早餐嘅搭配XD 蘿蔔糕煎得幾香, 瘦肉粥亦都好夠味同埋都幾大碗,  作為一個清清地嘅晚餐亦唔錯!晶瑩鮮蝦餃每次都會叫, 蝦餃皮幾薄, 入面嘅蝦都幾爽口, 呢個價錢來講算係有水準!蜜味叉燒腸腸粉皮薄, 不過入面嘅叉燒就一般啦, 同平時茶樓食開嘅差唔多, 無咩特別驚喜。北菇蒸雞飯呢個係最近添好運先有嘅蒸飯(之前食過咁多次都無), 蒸雞嘅份量都唔少而且幾滑, 不過雞肉就有D碎, 整體都幾入味, 如果之後都keep住有嘅話都可能會再食返!

It's one of my favourite dim sum in hk, the dim sums are still nice, but not as good as before, epscially cha siu bao...and the attitude of staff is really bad!to be frank, i'm really a bit disappointed..

十年前，旺角小店，環境擠逼，去食一次要等2小時以上！但老闆、伙計，同聲同氣，又會為你介紹好食的。雖然客似雲來，但唔會感受到“趕客”！只係自己知道外面多人等候，會嗱嗱聲品嚐完就走。今日，食物還ok，餐廳大了，分店又多，但未坐低已感覺到“趕客”！帶位、落單、上菜，無一感覺不到5星級的差：一入門表明2位，點知個個問完又問，跟本無心聽我講，更加唔會打招呼；落單個位，望都無望你，一手搶咗落單紙就走；上菜嘅，一手插埋嚟推比我接(我坐外面，從右後插入)，明明左手走廄位，枱又大量空位，自己放低唔可以！？；樓面的，明明自己將點心疊高，轉頭又要揭起籠點心，睇你下面籠點心食完未，收你嘢！坐多陣，已聽到帶位的鬧隔離枱小朋友坐得衰，霸到再隔離咗吉枱！真心唔知道呢間添好運同我以前去個間係咪唔同老闆！？以前上電視做訪問唔係咁啵！

係大角咀奧運想飲茶食點心，我估好多人只會諗到茶樓，但又唔想排隊等餐死？（我好怕食野要排隊等好耐）其實行過少少去到地下有一間唔錯既點心專門店添好運選擇。呢間店鋪裝修格局唔同傳統一般既茶樓，佢裝修設計都好西式感覺。而且都算坐得舒服闊落。茶係傳統茶樓一樣，真係無分別咖，真係唔錯，有翻飲茶嘅感覺。另外，岩晒我依啲中意食點心，又唔想等位等太耐嘅都市人，仲有佢既精緻點心，食品款式唔太花巧，較傳統的中式點心應有盡有，都值得一試，重要嘅係，佢拍得住茶樓之餘，仲比某啲茶樓美味。蝦餃皇、燒買、菜苗餃，粒粒蝦餃漲噗噗好飽滿，餡料係十分足料。我地仲叫左個鳳爪排骨飯，排骨，生菜，甜品係桂花糕。真係料多到食到飽到食唔晒。茶位只係幾蚊，我地兩個人嘅茶位相等於茶樓嘅一個茶位，仲要無加一，淨係計茶位，埋單都好划算，值得讚揚！！餐廳職員好nice 服務態度非常好，和藹友善，成個用餐體驗非常好，喺香港仲能夠體驗到咁好的用餐體驗，機會真係少之又少呀！實屬難得！

添好運出名就大家都知，難得今日早放工有時間，經過添好運又咁難得有位，諗都唔洗諗試下呢間奧海城隔離嘅分店啦！🤤我地兩個人叫咗6個點心，上菜速度合理。但啲阿姨見到有客揮手都愛理不理，笑到四萬咁口唔該前唔該後，佢地先會俾反應，成件事調轉咗，好似佢地係客我招呼緊佢地咁🙈🙈🙈明白嘅，飲食業速度快、壓力大，面無表情好正常。但朝早11點幾先啱啱做生意，姐姐啲反應同服務真係差左少少。講返食物，最好食一定係招牌雪山叉燒包！👍👍👍外皮鬆軟，叉燒份量亦合理。但其他幾樣就一般般啦，蝦餃皮尚算薄，但蝦肉唔算特別新鮮。春卷燙口，明顯係新鮮炸出來的👍，但味道極一般，食完都唔知入面有咩餡料。大家都知飲茶叫滑蛋牛肉蒸飯，塊肉係同牛肉球一樣。但呢塊牛肉餅真係淋過毛巾，冇馬蹄亦都冇牛肉味，驚死人哋食唔出溝咗好多粉咁。😞鮮蝦菜苗餃：無感想，不值一提。總括而言，點心只屬一般大酒樓貨色。好彩價錢唔算貴，講唔上抵食，只可以話係不過不失。食飽本來諗住買單走人啦，點知好戲在後頭。😑添好運的座位一向淺窄，我在座位上企起身的時候唔小心跌了銀包在地上，我當然馬上蹲低執返，過程唔超過5秒。一抬頭見到姐姐攞住兩籠點心，準備上菜俾鄰桌，立即講了一

門口派飛女職員態度惡劣，無禮貌、鬧客又黑面！食咗半隻古法糯米雞後，才發現有隻好似大型曱甴小強咁大隻嘅飛蟲屍體！好噁心！唔通古法炮製要加入蟲屍體向店員反映，嗰位黑面派飛女職員走過來企圖搶走糯米雞，搶咗3次！都被我强行阻止，好彩最終都係搶唔到！於是黑面走返出門口派飛！之後向食環署投訴處理。以後唔會再去食

帶位員態度兇惡，帶位員冇信用， 話齊人通知下張枱到你， 齊人通知後了她， 點知過咗四五次枱都未到 ，要追四五次先至畀你！糯米雞內有昆蟲 ， 見到一蚊咁大隻昆蟲喺糯米雞內，有啲似曱甴，咩胃口都冇曬， 帶位員工衝上前， 冇道歉 ，還想搶走證據， 救命呀， 咩世界！

餐廳位於奧海城出面，人流係正午時段頗多打工仔。餐廳唔算闊落，但座位都有足夠空間。點心款式一般不是很多，味道正常，【雪山叉燒包】係全店皇牌，叉燒包外面有一層脆炸皮好香口好味，温度夠熱；外面脆之餘，裡面又多料，值得一試；【山竹牛肉球】有大足果皮香味。價錢方面，茶芥每人$3，點心和蒸飯大約每道$20-30，所以如果兩人叫六籠點心左右每人約HKD80，一定比酒樓平架喇。所以唔係鐘意成日飲茶嘅人，間唔中黎食番次係幾正架。

一行三人打算到添好運食晚飯，餐廳只有幾枱客，但一名肥女員工以「繁忙時段 須齊人入座」為由，拒絕讓我入座。等左10分鐘等齊人入座，肥女員工行去其他侍應堆到 向我地指手劃腳。我地覺得俾人討論唔舒服，於是起身離開。期間，其中一名有份指手劃腳的侍應「回住頭」拎住個飯向前行，結果踏到我地其中一人。我地叫佢小心點，傳菜唔好回頭望、唔好掛住傾計，好危險，於是離開。離開之際，肥女員工向門口方向 向我地大叫「你地唔好以為自己好巴閉！」態度之差令人無語。。野食再好都冇用，客人為何要俾錢食飯+受氣？轉而到靠得住用膳，食物同服務都「靠得住」得多！

場內有很多位 我自己一個先到餐廳 想拿3人的枱 可惜被質問:其他人呢？我說正前來 那肥的侍應跟我說: 你走到一邊等 人齊才入座。我呆了 你餐廳那麼多位 為什麼要我站到一旁等人齊呢？我看到門口的紙寫著 “繁忙時間 人齊才可入座” 但現在不是繁忙時間 也不讓人客入座？！ 那個門口帶位的肥的侍應態度十分惡劣請問是不是添好運自己定的規矩？所有食客均要人齊才能入座不論是繁忙時間或是非繁忙時間？當我們人齊後入座 但那肥的侍應跟其他出餐的員工在說我們不是我實在吃不下了 於是離開餐廳然後那個肥的侍應還跟我們說:你別以為自己有多了不起!請問一下怎會這樣搞笑的？

一早十點見無乜鋪頭有開，就決定去食點心，一入鋪頭冷靜嚴重不足，開放式廚房既蒸氣不斷湧埋黎，一問之下係商場冷氣系統既問題，十點先會開冷氣，夏日炎炎滴住汗咁食都算，始終唔係員工控制到既問題。食物質素普通，本身都無乜期望，咁平都唔會期望有好大驚喜，只係唔明點解會出名同有人專登排隊去食。最嬲既係有位身形肥胖著黑色制服短髮既帶位女職員服務態度極為惡劣，當客人狗咁喝，十分明白貴店只係普通點心鋪頭，無收加一服務費所以唔會有咩服務可言，但基本既禮貌佢都做唔到，入得黎幫襯就係客人，你翻得工，著住公司制服就係收左人工要提供服務，點解可以命令口吻去呼喝客人？塊面一翻工就黑哂，好似個世界欠左佢咁。相信我並唔係第一個覺得佢態度差。食物普通客人都有機會再次光顧，但黎到要受該職員既氣就不會了，希望貴公司認真正視該員工既問題並作出合理及適當既處理，而唔係對客人既意思視而不見。

带位的肥婆有好幾張空枱都唔俾坐，係要人迫埋一齊，食到好辛苦佢就開心喇，簡直變態。當然我唔會坐，但佢又死都唔俾我坐空枱，咁其實正正係隔離枱啫，你又話剩番50分鐘9:45pm要離開，當時又冇客等，你又就收工，我睇唔到亦唔明点解個肥婆带位要咁做，我同佢講，都係執一張枱，邊一張枱都一樣啫，唯一解釋係佢唔想做野，要趕客，企到收工為止.最慶係我唔食走人，佢覆我一句：好呀，拜拜👋，個樣好似中六合彩咁開心！！呼籲大家不要再幫襯呢間野，直到佢地炒左d咁廢既員工

剛剛去過奧海城的分店諗住食野,要齊人先比安排入去食都算,因為出面有部份地方都係要齊哂人先比入座。但我今日有一個好唔遇快既經歷係當我同媽咪平排座好諗住點野食既時候,有一名姓:羅既女員工行過離同我媽咪講:兩個人要打對面座。我問:係咪因為多人(但我當時望下咁大個場淨係得10台客食緊野,當時完全唔爆)而姓羅既員工回答我:我地不嬲都係咁。我唔明點解入場你地要全部人齊哂先可以入得,就連點座都要<<控制埋客人>>。當我起身離開既時候,我仲要聽到有另一名員工同姓羅既員工講:佢地走姓羅既員工:由佢地走囉究竟我地入離食野既係客人定妳係客人??我地食完就會立即走,點解我仲受妳氣係咪我錯??究竟服務既態度去左邊??咁既待遇我都真係第1次,亦係最後1次,因為我唔會再去食依個牌子,有得飲茶既地方多的是,唔需要一定去添好運,去食野除左食食物既味道外,員工既服務都一樣咁重要,你地的員工既服務態度咁差劣,我真係未嘗遇見過,公司有依啲員工我覺得實在倒楣。請好好教導員工將心比心不然要等到公司續一倒閉先醒悟及改善已經太遲,我

安排座位嘅束髪女性中年嘅職員態度勁差黑面/語氣差！已經不是第一次 排隊等拎位都係不按人到嘅次序俾飛 （不論出面排隊人數多或少）每當人齊再詢問能否入座 職員都不予理會更甚惡劣係有身孕嘅朋友查詢有關入座情況職員嘅態度仍然差 排隊時也不時見到其他排隊客人都表示不滿之前已向相關負責經理表示過不滿但相關職員態度並沒有改善敬請 貴公司 作出有關問題改善並對個別同事作出培訓作為服務業 待客友善是最基本的態度可安排「票機」在門口給人禁飛又可縮減人手 減低成本 也可減少客人嘅不滿