添好運點心專門店

营业中

休息中

每次假期, 都大掛長龍, 好少機會食到今次係weekdays放假, 出外旅行, 上機之前幫襯等候時間係零分鐘!!!食物方面, 相信好多人都好清楚...其他點心唔講, 單單一個酥皮叉燒包...已經滿分唯一問題係: 假期等位真係等到你傻......

自添好運成為了米芝蓮星級食肆之後一直都很想找個機會去拜訪一下，這天剛巧路過香港站，當然不會放過這個好機會啦！看見店前人頭湧湧，頓時心感不妙，怎知原來大部份人都是在等外賣，所以不消兩分鐘，我和朋友便被安排到靠牆的位置坐下。由於我們只打算輕食兩三碟點心，所以只點了叉燒包，蝦餃和蘿蔔糕。本人一向不吃蝦，只跟友人討了一塊蝦餃皮來吃，覺得水準一般，有點乾身，還是翠園的蝦餃皮最好吃！叉燒包，很有特色，加上奉上時包子仍是熱騰騰的，外脆內暖，值得一試再食。蘿蔔糕是我最欣賞的一道菜，不像坊間很多食肆，加入大量粘米粉，這裡的蘿蔔糕，每一口都充滿著蘿蔔絲，無論是口感還是賣相都值一百分！如果新年有推出禮盒裝，我一點會買來送與親朋。

上次放假特登去飲茶, 因為聽到外面評語好, 點知等了一個半鐘, 我們到左兩個, 還差一個, 叫位的人點都唔俾位, 等到齊三位了, 又叫我們再等, 最後四人枱唔俾, 一定要我們坐返兩人枱, 本身地方巳經好細, 加埋我們幾個都肥, 二人枱根本坐唔落, 我們同叫號的人講, 我們唔介意搭枱, 叫佢俾返張四人枱, 佢又唔俾, 最後沒吃到, 仲激到成肚氣, 各位如果你們人數係單數, 千萬唔好去吃, 因為佢地根本俾唔到枱. 香港地有錢仲怕搵唔到吃咩, 怕受氣就千萬唔好搵這間了.

一直說要嚐旺角總店，可是每每看到店外那種虛冚場面，結果說了差不多兩年也沒成事。今次逛完美食博覧，近近的打算到IFC分店一嚐所願。當晚嚐了：1.香滑馬拉糕＞顏色、味道、鬆軟程度一流，很像兒時味道2.黃沙豬膶腸＞外皮的確又薄又滑，但可惜豬膶老韌3.鳯爪排骨飯＞排骨很腍很入味，可惜墊底的白飯完全沒有吸收排骨和鳯爪汁的精華，未知是否把排骨和白飯分開炊煮所以弄至如此效果?4.陳皮牛肉球＞普通。只嚐到馬蹄、元茜，但嚐不到有陳皮味5.鮮蝦賽螃蟹餃＞本晚special highlight，內餡有鮮蝦、蛋白、薑粒、蔥粒、紅蘿蔔粒，味道非常撘，而且鮮美6.蕃薯蓉紅豆露＞嚐不到蕃薯的味道眼看眼前快餐店的裝修，端來的卻是一個個熱騰騰的蒸籠，感覺很搞笑。其實除非急趕，不然的話，悠悠閒坐在茶樓邊看報紙邊吃點心才是我杯茶。

as wondering to have some snack before get back, dim-sum should be a best way which is fast & flexible:I still remember I visit here first time is this shop opened within the first month: which is more easy to found a seat & positive image both service & hygiene compare with the main-branch I had tried the "crispy cha-siu bun", steam rice-roll with beef, chinese brown-sugar sponge, steam shrimp-dumpling (ha-gou), so this is the 2nd time I need to encore & order something newwaiting for someone s

星期五晚。。同屋企人食飯。。提起IFC有點心鋪。。奇怪在仲要平同好味。。立即上網睇。。睇落見都幾多好評。。所以就約好星期日去。。見有食家話有等位同未齊人唔入得座既情況。。我地都係以食家既建議。。七點左右先去。。 媽咪同舅父佢地到先。。不斷吹我同朋友。。因為同食家講既一樣。。唔齊人唔入得。。佢地大概等左十五分鐘吧。。我同朋友一到就比我地入了 第一樣到既亦係最好味既叉燒包。。其實應該係墨西哥包個面。。入面有叉燒餡。。同菠蘿叉燒包原理一樣。。熱辣辣。。好味。。當晚傳說中既糯米雞賣晒。。冇得試 豬潤腸粉。。本人唔食。。但家人話都幾好。。後來就開始失望。。我地仲叫左鮑汁鳳爪。。燒賣。。牛肉腸。。春卷。。同桂花糕等等既野。。除左個叉燒包。。我真係唔覺得有咩咁好食。。 失望。。同普通茶樓冇咩分別。。沒有再去既必要。。有空外賣個叉燒包就夠了

由於昨晚到IFC 睇戲, 終於可以一嚐聞名以久的添好運! 聽說要在午飯時間食到這家的東西要不就外賣自取, 要不就11:45am 就要來排隊,很誇張啊!幸好晚飯時間不太多人,我們6:30pm 到達, 大約等2張飛就到, 十分順利! 我們兩人叫了5個點心+1個飯,點心有蝦餃, 魚蓉盞, 牛肉球, 酥皮叉燒飽和咸水角,飯就是煎蛋牛肉飯,全部都是即叫即蒸, 新鮮熱辣,相比普通酒樓, 這家的點心明顯少油及少味精,蝦餃內的蝦又大又爽口; 不過牛肉球跟咸水角就沒有甚麼特別最愛的是酥皮叉燒飽, 酥皮夠鬆化, 包身又夠鬆軟,叉燒分量十足, 調味得宜,必食之選因為太飽了, 所以沒食到腸粉及桂花糕甜品,留待下次吧!!

終於一嚐期待已久添好運點心，但只換來無限既失望首先試左佢最出名既酥皮焗X燒包，個皮真係唔錯同特別，但其他唔食都攞，可以講得上係差，仲話係點心專門店，食完勁口乾，炸物有油“億”味，好多野都係返蒸，個糯米雞先食到想喊，我不如買公仔點心返去食好過，希望只係分店有咁既情況，若果唔係做出左名氣，又保持不了食物水準，咁只係為左賺錢，我覺得同M記無咩分別，更配不上什麼米芝連食府了

有位朋友因為公司開 party ， 所以不能出席我的十人生日飯局！但是，她亦很有心！後補我的生日飯！ 早前，聽她說從未去過 <添好運點心專門店>！ 既然，我在上環返工，她在金鐘返工！中環正是大家的中間點！我建議到<添好運點心專門店>！對大家來說都很方便！已獲得米芝蓮推介的 <添好運點心專門店> 以點心作賣點，小本經營，這是成功的佼佼者！不斷推出新的點心款式吸引食客！現時，已有 4 間分店：深水埗店、旺角店、中環店、炮台山店。為了店子及食客利益，等齊人才可取枱！ 起初，我等了 30 分鐘，但是，朋友尚未到，當她一到，我便告訴負責劃位的女店員！再等上 10 分鐘！等候期間，女店員隨即幫我們把點心紙入單給廚房，點心即叫即蒸！我們入座時，食物接著送上！時間配合得剛好！這裡地方不大！所以很嘈吵！ 還要跟其他食客搭枱！也不成問題！穿上青綠色的店員們有禮兼勤快！值得一讚！茗茶每位 $3有 「*」號代表新點心！ 提供多元化口味點心！打破了沉悶的框框！為達至大眾化，價錢亦只由 $12 ~ $25，絕不過份！不收加一！但是，相比深水埗店，有些點心價錢貴兩$！

想去食好耐. 但又唔想排隊.人地就帶咗我去中環依間添好運. 堅係唔洗排隊但係要搭枱;唔再多講. 即刻叫點心先;超足料嘅糯米雞. 其實一個人食佢. 真心會飽! 太多料!! 咁多個點心之中. 最愛佢!!!!一食落口，就覺得依隻爪係超多骨膠原!好好味啊!!!!!試下佢先. 聽人講係最熱門嘅點心.嗯!果然係唔錯喎. 個皮好脆!!! 好好味!!!!!!!!! 總括而言, 唔想排隊嘅. 不妨考慮黎依間分店 我見好多人打包點心走添啊!!!

最愛呢間分店, 因為一嚟到就有位(實情係我哋六點半就跑到嚟, 行慢兩步就要排長龍了, 好彩好彩)酥皮焗叉燒包 - 一試愛上~ 同酒樓食ge叉燒餐包唔同, 個皮脆脆哋又甜甜哋, 叉燒個汁好濃, 好正! 如果有四個就好嘞, 兩個人要分好麻煩鳳爪排骨飯 - 賣相真係唔吸引, 唔應該將隻鳳爪放面, 啲餸摭住啲飯的話睇落會靚啲, 不過唔睇樣, 味道係唔錯的, 鳳爪睇落乾爭爭但原來好林, 排骨亦好滑, 飯亦蒸得軟硬適中還點了蝦餃燒賣的, 但掛住食冇影到....質素拍得住酒樓, 蝦餃皮薄饀料足, 燒賣大大粒, 冇令人失望待應快手服務都ok, 只係坐得太迫, 同埋實在太多客, 人人食飽就走, 好又壓迫感, 唔會諗住可以好似酒樓咁歎點心, 只係點心快餐店而已

自添好運於太子第一家店剛開幕時嚐過兩趟，之後再沒有品嚐過培哥與強哥的傑作了，那時候的添好運還未得到米之蓮的垂青。隨著米之蓮效應，每次經過太子店的時候總少不了二、三十人在門口等候，當中不乏外藉人仕。不是變得不愛添好運的點心，而是再沒有能耐等候至少的45分鐘至1小時，順便讓更多未嚐過的朋友嘗試。及後可能因為培哥與強哥對管理己累積不少經驗，分店相繼於各地區開幕，最近又在北角再添一分店，恭喜恭喜！當然不會忘記添好運，多次到中環 IFC 觀察，只為了解人潮情況，以便節省輪候時間。當天將把掌握到的時間瞄準了，可能是星期日的關係，人潮比預期的多。外賣也有好幾袋。將無數剪報變成了彩色燈箱，真有趣！登記時侍應小姐先將點心紙及鉛筆交予食客，在等候中預先挑選食物。雖然眼見只少6、7名廚師在廚房中不停地工作，可能因廚房面積的限制，中環 IFC 分店的食物款式比其他添好運少，畢竟認真的中式點心全靠手功，工序繁複。大約25分鐘後便有座位了，還算不錯呀！把點心紙交予侍應小姐。桌上已備有豉油、喼汁、辣椒油及豆板醬。酥皮焗叉燒包是必食的點心，每次出品都是漲卜卜、熱洪洪，能做到如斯不苟與劃一的標準，相信下了不少苦功，確實

添好運貴為星星食肆，已想試很久，但眼見次次都人山人海，總是打消光顧念頭。今日終下定決心，在門外等了四＋五分鐘，終能入座。一行二人，選了以下美食：晶瑩鮮蝦餃：賣相不俗，皮薄晶瑩，蝦肉爽甜。蜜味叉燒腸：腸粉皮拉得夠薄夠滑，叉燒餡料一般喇！酥皮焗叉燒包：酥皮香脆，甜度適中，包身鬆軟，叉燒餡料及醬汁調味恰宜，好吃！沙律蝦春卷：即叫即炸，春卷皮甘香脆口，和酸溜沙律醬味道匹配！脆皮香茅牛肉餃：餃皮炸工同樣富水準，夠薄脆。餡料香茅力度不算強，但牛肉肉香仍算充實。鮑汁鳯爪排骨飯：鮑汁鳯爪略硬身，普通。排骨肉質鬆軟。蒸飯飯粒富質感，更泛有少許餸料汁香。

這夜又在收鋪前到添好運吃個晚餐，貪這時段幾乎不需等位。到達時差不多8點左右，果然不需等位可以直接進去坐。這次在點心紙上看到一款新點心魚蓉蒸芋頭糕($18)，點了一份嚐嚐。再加一客煎蛋牛肉飯($25)和一份招牌點心酥皮焗叉燒包($18)，選好立即交給店員。魚蓉蒸芋頭糕：魚蓉頗香滑，而魚蓉下面的蒸芋頭糕的芋頭很香，味道不錯。不過魚蓉和芋頭兩者之間味道上好像沒有什麼交流。 (3/5)煎蛋牛肉飯：牛肉軟滑，飯稍為過濕，有點失水準。(2.5/5)酥皮焗叉燒包：熱辣辣皮脆、叉燒餡料香甜，包身鬆軟，依舊好吃，亦為這餐留下個不錯印象的結尾。(4.5/5)整體感覺這次的食物水準比起以前退步了，是擴張的太快的後遺症嗎？我倒希望只是一時失手吧。

添好運既老細以前係四季酒店既大廚,因此一開店已經名氣爆燈!仲要係米芝蓮之選!自從添好運成名以後,佢既人龍都未少過, 仲開多左2間分店除左總店旺角外,仲開多左2間,包括香港站店同深水埗店之前食過總店,都幾好食,今次試埋香港站店!酥皮焗叉燒包: 必試鎮店之寶, 檯檯都會叫,真係整得好好食,新鮮整既, 熱辣辣薄薄既酥皮非常香口, 配合麵包軟綿綿; 叉燒餡既蠔油好香; 會好想食第二個!魚蓉蒸芋頭糕:好特別既點心, 芋頭糕入面有大大粒既芋頭粒,加埋鯪魚蓉都幾夾晶瑩鮮蝦餃:賣相夠晶瑩, 個皮相當煙韌, 唔會太厚, 鮮甜爽口陳皮牛肉:牛肉夠"林"! 夠嫩,配合腐竹,好味!叉燒腸: 個皮拉得唔錯,香軟,下次會食黃沙豬膶!馬拉糕:好鬆軟,有很香既黑糖味鮑汁鳳爪: 個汁OK, 但好硬身下, 唔太啱食腐皮卷:味道一般,較油膩桂花糕:有好多桂花係入面,但味道偏甜, 好一般好好食,好滿足既一餐!仲要好抵食,50幾蚊埋單