影片
以上资料只供参考，请与餐厅确认详情
2019年6月21日。个日经过见到我就入黎试下。好正路既日本野。如果个沙律可以用醋就好了。如果用醋就会更加分。可惜了。佢用既系豉油。个面豉汤偏淡。如果可以浓少少就一流！最正既系，系佢嘅腌萝卜！！柚子味的腌萝卜！唔会有出面食完「确」喉既现象。讲明系,人叫我又叫系列,梗系跟住佢哋叫乜我就叫乜。 我地清一色叫晒呢个饭。又真系几野味。但系我略嫌食到尾有啲咸。因为菜入晒佢啲汁。我见鳗鱼饭都好多人叫。下次我又试下先得。
继续阅读
由于要去东海大厦上堂，但得返45分钟，时间急迫的原因就系附近揾食，但一系就要坐好耐，一系就唔好食既面食，问问朋友发现「淳」。老实讲门口既牌吓怕左，1880元二人餐，咩料！好彩见到有晚市定食，价钱都系55元，哗，即时欢喜，55元附近都冇啦。👏🏼👏🏼👏🏼最后帮个朋友叫左 炸鸡定食，我就叫左叉烧拉面，其实你话系咪劲劲劲爆好食又唔系，但佢系正常味道，呢个价钱好合理，定食配有个细沙律、一碗味增汤，食埋个主食，其实已经好饱！😋重点系环境几好，可能6:30食啦，店内冇人，好安静，店铺虽小，但都算企理，整顿，比人感觉良好。员工劲nice，唔会系咁sell你饮野，叫甜品，收野都系简单问一句，之后静静企系一边，有需要就会出现😝
继续阅读
经朋友介绍先揾到嘅呢间隐世日本菜，佢同我讲到话好正好正，仲同佢讲系真唔系啊！唔好食你比钱㗎，哈哈！哗！点知真系无呃我，完全系想像唔到会咁好食！呢度嘅食物系由厨师发板，啱晒我哋呢啲选择困难症嘅港女！唔洗谂！一嚟个小食，系一只只嘅炸虾仔，香脆得嚟咸咸哋几香口。清酒煮白贝，清甜！好大浸酒香味！烧鸡皮虾，呢个相信喺其他地边系唔会食到，你会以为个虾同鸡皮本身系连成一体！北海道海胆、蟹柳刺身拼盘，中间仲会有啲鱼子，海胆好鲜甜！极新鲜，入口即溶！不得了！黑毛猪肋骨条烧菇呢个饭系用佐贺和牛边炒嘅，好正！最后，个staff教我哋就先将牛肉放喺海盐砖上煎一煎佢，入口即溶！！最后最后就系呢个蜜桃雪葩！好香甜，正！
继续阅读
同朋友叫左一人前Set Dinner。唔系好多客人所以坐bar枱，环境静静地适合朋友间慢慢坐倾计，由于太耐无见挂住倾计我地食得好慢，师傅唯有就返我地食物嘅速度去烧，其实佢个距离系会听到我地讲咩，如果倾私人野就唔好拣呢间😂 刺身拼盘烧帆立贝好香口，配左翠玉瓜无咁油腻。如果食材够新鲜，我会prefer调味再简单啲银雪鱼本身好油所以食落好滑反而烧牛一般，因为脂肪比例少，朋友钟意食肥野如果想揾个地方慢慢食同倾闲计，都不妨一试。
继续阅读
之前听朋友讲有间小店叫淳、质素好好、打算试下、令过年前去食谂住顺便做节、第一次试食、地方稍为细、类似居酒屋形式、鱼生、寿司、刺身都好好味，海胆好鲜甜、摆盘亦好用心、西班牙猪串入口即溶， 一试难忘，鲍鱼一绝、带子比日本食到更鲜甜、值得一赞、鸡皮虾亦好特别、飞驒牛如再烧耐d应该更好味、可惜龙虾卖晒、冇试到、其他食物的水准都好高分、一家人食得好开心。价钱稍为少贵每人消费$1000 ，如更多不同套餐会更吸引、
继续阅读