深鴻餐飲 (花園街) (已結業)

今日同兩個小朋友經過旺角，見到門口個燒爐幾吸引，於是入去外賣兩隻乳鴿。比完錢之後，6歲的細佬話佢想去洗手間，我好有禮貌問收銀個中年女人有冇洗手間，佢話冇洗手間，我話餐廳都冇洗手間，佢話係，佢叫我行去公園個公廁。因為小朋友已經好急，所以我拖住2個小朋友即刻行去公園個公廁之後再返去攞乳鴿。心諗餐廳冇可能冇洗手間，我直接行入去餐廳最入邊，發現原來是有洗手間的。於是乎我問個女人點解你餐廳有洗手間，但你話俾我聽冇洗手間，叫我去到公園個公廁。佢話廁所係男洗手間，我話我同你講小朋友要去洗手間，他是男仔，點解你要話冇，我問點解要咁樣對一個小朋友，我話我哋唔係喺街經過嘅普通路人入嚟借廁所，我係有幫襯，如果你覺得個洗手間淨係比餐廳裏面食嘢嘅人用，你可以同我講，我可以轉堂食，但唔係咁樣講大話，我以後不會再幫襯此餐廳，完全沒有同情心，更沒有用心去對待客人。

三個字~唔好食想寫食評仲要至少80個字，完全唔知寫咩好$69諗住食個正常以上嘅雙拼燒味飯Total得5舊燒鵝5舊燒腩仔燒腩仔勁細舊，燒鵝柴而冇肉味呢度啲嘢唔值得咁貴，唔好食，完講多句都浪費我時間。

深鴻餐飲 同呀媽去食飯，呀媽想食燒腩仔本來諗住去酒樓食行過見到呢間有，出面又成個火爐咁樣好似即燒feel就入去試下佢💛 脆皮腩仔飯 $58腩仔半肥瘦其實味道唔錯（圖一）但係皮唔脆，好似幾死罪😂佢有配到芥末醬，佢櫃入面都有芥末醬同梅醬俾人食燒味用芥末醬唔會攻鼻，同燒腩仔都夾！配熱飲，凍飲加$3價錢：$58⭐️⭐️⭐️評分：6/10⭐️⭐️⭐️（火爐係道具，腩仔唔脆皮）📍 深鴻餐飲 旺角花園街18號華園閣地下5-6號舖

外賣半只燒鵝$268，下庒$148見個樣幾靚就買，可惜外賣盒一上手就知中伏了。外賣下庒燒鴨比佢重多了。回家吃味道可以但唔見咗大肶同胸肉同其他….. 可惜現在香港還會這樣騙人！旺角仲有巧多其他燒味店不論是茶餐廳或者外賣店。不如店主自己好好珍重。

呢間嘢喺正我屋企樓下，燒味做得唔錯。但係嗰啲老女人嘅服務態度極其惡劣。每一次嗌外賣都要受佢2個氣 ，駁嘴駁舌，一個比一個差。其實你落錯單講些咪得囉，做乜要唔認姐一句唔好意思都冇。 仲要話我客唔係大晒 ，佢應該想我搵日搵班惡啲嘅落去鬧佢

經過見到佢啲嘢食好似好靚又正，諗住入去食。一坐低，又冇姐姐理我哋。嘢食嚟到見個款好似幾靚，一食落去就畢生難忘。叫咗一個燒鵝飯，腩仔瀨粉同埋一隻乳鴿。一嚟到好似道具乳鴿甘（被欺騙了），肉質完全唔似乳鴿，柴皮無味，落左調味都搞唔掂。又冇嘢飲，只係得汽水（因為水吧冇翻工？），淨係送湯。燒鵝同樣難食甜酸醬都冇，真心從未食過甘難食既燒味。建議食燒腩仔同飯，瀨粉太粉又碎。從此以後都唔會再食，人生中未食過咁難食嘅燒味飯。

看見門前的燒烤爐的燒鵝吸引進去點了二人燒鵝套餐，有例牌燒鵝，豆腐炆火腩，油菜，白飯例湯。燒鹅上來是凍的，肉質硬實，皮也不脆，豆腐火腩好像炒雜碎一樣，所以燒鵝兄吃了幾件，火腩吃了一口，只吃了那碟油菜便離座了。238元的一個教訓。

經過旺角花園街頭 被招牌寫荔枝柴火燒鵝吸引住 剛好中午時間等左一陣 舖內大約可容納50人 唔係好大 都乾淨企理 坐位舒服 冷氣夠 員工有禮貌招呼 叫左兩碟燒味飯 燒鵝 $60燒腩燻蹄 $55送例湯或者熱飲 上枱給左鵝髀 有味道算幾好不太肥 皮稍不很脆 相比燒腩有驚喜皮脆五花肉 夠味 燻蹄一般 稍嫌厚切 要薄片才好 大致上收費服務可接受 有機會會再來食

今日坐小巴途經旺角花園街，行入投注站買完張六合彩。見有少少肚餓，系門口左顧右盼之際，見到隔離呢間野掛住啲燒味野食系廚窗堪吸引，就行咗入去買咗盒燒肉叉燒雙拼。仲特別同砧板師傅講聲叉燒要半肥瘦，師傅滿口應承。結果上檯時一睇，奶野。叉燒肉顏色深沈，不見油光，全部精瘦無比，尤如乾柴。再講啲燒肉，皮肉煙忍毫不鬆脆，見此光景食欲全消。相片經過相機美顏🤣🤣🤣