影片
食家推介
琴晚我入咗深记仔想食个小菜，点咗个姜葱鱼腩试一试。鱼腩煎到金黄香脆，里面啲肉又滑又嫩，姜葱嘅香味扑鼻而来，真系令人流晒口水。夹咗一旧鱼肉入口，好滑嫩入味，而且姜嘅微辣同葱嘅清香完美结合，食到停唔到口。呢道菜唔单止满足咗我个胃，仲为呢个平凡嘅夜晚带嚟咗一份温暖同满足，真系好正！食咁多肉梗系唔得啦，仲叫多左个腐乳通菜，平衡返！
继续阅读
2个人叫左碗蚝仔粥、炒鹅肠、蒜蓉开边虾、油菜都系$198.好抵食。味道不错，最欣赏碗粥，粥底够绵👍🏻炒鹅肠虽然唔够大排挡我够获气，但味道搭够。蒜蓉开边虾，个人觉得D虾唔算新鲜，但就好有住家味道，所以都好食既。
继续阅读
去到旧铺见唔同名以为执左，想走时向前一望就见到新铺大大个招牌叫我过去。原来只系搬左去隔离街新铺地方大左，连以前夜市先有嘅生滚粥而家午市都有叫左碗牛腩水饺面，水准依旧面质爽口，弹牙牛腩入味唔会太淋水饺冬菇同大地鱼味香，饺皮唔会渌到淋晒不过个汤咸左D依然值得继续棒场
继续阅读
香港人都系食云吞面鱼蛋河大既，但呢几年地铺愈黎愈少，有尐出名既被迫搬左去新商场，叫做有得继续食，但一人消费都差不多一百，算吧！今日去开果栏买🍓，就黎呢间试试姜葱捞面（$28），面质弹牙，大大啖翠绿既葱连埋面一齐食，大满足呀水饺又系推介之一，皮好薄，两啖一粒好味又抵食，米走宝呀喂
继续阅读
剥完牙无咩胃口，自动过滤了面及小菜餐牌。只点了一碗猪肝粥。对我来说，好味的猪肝粥要具备以下条件：猪肝大块厚切，没有苦味，软稔适中、粥底不能过杰。而这碗粥符合了认为好食的条件，而且仲系生滚粥。只是粥底略为偏咸，以及太多芫茜(个人喜好) 三十蚊碗有这种质素算是满意环境？只可以话食完唔会想坐多阵先走
继续阅读