深井泰皇菜 (已結業)

肥牛蕃茄湯米線肥牛 - 睇下張相, 全都是「肥」....D牛呢? 真係未食過咁多肥既肥牛,...仲要好多筋....最後我要挑晒D所謂既肥牛出黎先食到D米線蕃茄湯 - 係一罐蕃茄茸, 完全唔係湯.....一定唔會再去!

在深井開鋪唔單只要做遊客生意，重要做埋街坊生意先可以在這區站得住，如果平日拍烏繩，靠假日才有生意就死得。深井以燒鵝出名，來此區者很少會選其他菜式，所以我話另類菜式其實是街坊幫襯多。泰皇菜在深井區都經營了多年，仍然守得住，全因水準都過得去，價錢合理。午市一人套餐最貴都是42元，可接受。 今日是復活節最後一天假期，幫襯了泰皇菜食午餐，湯粉餐跟小食、飲品、甜品，炒飯、炒粉餐跟餐湯、小食、飲品、甜品。全份餐都很豐富，在快餐店買一個飯都要30多元，重唔包飲品。這餐點了泰式菠蘿炒飯、泰式牛腩金邊湯粉。菠蘿炒飯，菠蘿很多，味道酸甜適中，配上一些五顏六色的雜菜粒及雞肉，看上去色彩繽紛，增強了食慾。那小碗例湯有冬瓜豆腐肉碎來滾都入味，當然仍是有味精，不過不太鹹，可接受。 牛腩金邊湯粉，一端上檯便見到紅、白蘿蔔兩大件，牛腩不是港式的一大件，而是一小片，一小片，這樣好，容易食，但味道卻一般，可能食慣冬蔭巧功湯底，這次是清湯底，我覺得不夠惹味，但份量足可以飽肚。小食有炸蝦餅及魚餅，味道都不錯。食完主菜後再來份椰汁西米糕，一杯咖啡，來這裏輕輕鬆鬆食個Lunch，這個復活節最後一天的假期就過得很滿足了。

兩口子一起覓食, 縱然胃口再佳, 也很難吃到很多款菜還是人多吃飯好, 熱熱鬧鬧, 吃的款式又夠多=]近來很想吃泰菜, 踫巧在朋友帶領下就到這家餐廳Menu上琳琅滿目, 看上去款款吸引, 大伙兒「幾經辛苦」點了8味菜 柚子沙律: 酸甜鹹協調剛好, 有少許像鹹柑桔, 還有蝦仁伴襯令口感更豐富, 如果冰涼一點會更好。香葉包雞: 這個沒甚麼印象- -生菜包: 口感平衡, 香料與檸檬葉添上姿采, 好味!海鮮炒粉絲: 乾身清爽, 不會黏成一團, 也不會太油膩, 味道均勻海鮮芋頭焗飯: 海鮮中規中距, 個人對粉芋沒甚麼好感, 飯底偏油, 但賣相很好明爐烏頭: 酸辣湯很讚!! 只是我吃的魚剛剛是骨多的部分..."黃咖哩牛腩煲+酥餅:牛腩帶少少根位, 炆得軟腍入味; 黃咖哩香甜不辣, 椰漿味濃, 配上香酥餅吃很滋味最後的椰汁大菜糕, 店主慷慨加碼清爽可口, 為這餐畫上一個清甜句號 =]

唔知點解D水準同口味唔可以保持一致，兩次去都係閒日，相隔兩星期，居然面目全非。燕瘦環肥，各有所好，只要保持一致性，一定有自己的捧場客。最怕變來變去，咁就得失哂所有人。上次去樣樣都有驚喜，今次。。。。。燒鱔，唔香同太濕明爐烏頭，上次果條新鮮D?菠蘿炒飯，果菠蘿太年青無菠蘿味串燒，燃料平呀燒咁耐咸魚炒菜，咸魚好新鮮，仲有魚腥味驚為天人既蝦餅，D檸檬葉同香草因我是非素食者所以無落?keep 到同水準就只有冬蔭公湯同生菜包(生菜唔駛煮所以無事?)

今日同左女友去 左呢間店食晏,一入到去見到成地都係垃圾,但d小二好得閒,掛住吹水,竟然唔理........叫左個泰式炒金邊粉,一個泰式牛肉炒飯,一個燒海南雞,泰式粉金邊粉竟然一d都唔辣,而且係用茄汁炒,根本似越式多過泰式,而且炒得好濕,差!!泰式牛肉炒飯好夠鑤氣,炒得夠乾身,但冇乜味,差左d,個燒海南雞一d都冇海南雞o既滑,根本係普通燒雞,冇肉汁,乾爭爭,而且冇雞味,賣相極差!!永遠都唔會再來!!

有晚去泰皇菜食飯.. 一個字.. 得!!!必定要試: 黃咖哩.. 好正!! 因為呢碟黃咖哩雞攪到我食多左一碗飯!!之後: 蒜容包. 薄餅加埋咖哩汁.. 香脆.. 正!!其他: 冬陰公. 咖哩炒蟹都唔錯..呢間泰皇菜必定回頭再試...

住咗深井咁耐, 因對泰國菜一般, 一直都冇食"泰皇菜"昨晚食到無聊, 唔想再去茶餐廳及其他餐廳...又唔想走出深井, 咪上openrice睇睇呢間嘢嘅食評囉...成績好好, 起碼冇劣評先 (上星期就係冇睇到openrice而去咗深井嘅Ciao Ristorante Italiano試餐, 食到一吐氣)我地兩人點了 1) 蒜蓉包 ($15); 2) 泰式炒金邊粉 ($45) & 3) 泰式燒雞半隻 ($40)三樣嘢都好好食, 食到好飽好飽, 嘻嘻值得一提嘅係, 個waitress好有禮貌, 埋單佢計條數比我地睇食咗幾多時因為啱啱$100, 仲打趣講"呀, 未遇過啲客咁啱要比齊頭$100, 你地好好運, 可以去買6合彩...." 她比我們還要高興, 而我地都冇留意點菜剛好點了呢個收, 佢真於工作於娛樂. 起碼我地兩人都是滿腹而又開心的離開, 唔好話我低B, 我只係一個簡人罷了~嚟緊嘅星期六, 一定要試吓佢地嘅冬蔭公蝦湯面lunch set...嘻嘻

十一月廿八‧聖誕節 聖誕節的當日，難得有半日的完全空閒，就繼續我的水貨交收大行動，來了深井。午餐在這邊吃，不想吃西餐及茶記，看到這裡的泰菜也好像是正頭正路，看外面的餐牌，午市套餐也只是三十多，已包小吃及湯粉，還有飲品及甜品，就來一試。 飲品先來，選了青檸疏打，喝起來很酸，甜味明顯不夠，可知是不是我篤青檸篤得太落力之故；再來是小吃，是炸蝦餅及春卷，兩件也是油油的，不過還好有點熱度，點起甜甜酸酸的雞醬來吃，還可以；冬蔭色夠，聞起上來味也濃濃的，不過喝起來就只得酸味，要自行加辣油，及如果香料下多一點，湯底做得認真一點，味道層次也會豐富一點。最差的還是墊底的河粉，粗粗的又厚厚的，結成一團，明顯淥定再後加冬蔭湯，以至熱度也不夠，吃不完了。最後的甜品是一件榔汁糕，沒有什麼味道，一般。 坐在出面的位置，可以接觸陽光，但左右隔離也吸煙。 埋單33蚊，水準不算高，但卻是真的經濟抵食。

因為男友在附近工作,所以今晚等登來到深井找他吃飯,聽說這間泰菜不錯,便坐低試試喇食飽飽就發覺,原來最出色的是蝦膠釀雞翼呢其他菜色也不錯呀

前幾日無意中,見到呢度有lunch set - 炒粉/飯同冬蔭功湯粉,決定一試(因為抵試).我叫咗冬蔭功蝦湯米線同青檸梳打(唔駛加錢). 個湯米線嚟到...發現.. 咁細碗嘅... 算啦,不過幾好味喎,仲有4粒蝦,幾彈牙,個青檸梳打又唔駛加錢... 點知食到一半,炸蝦餅＆魚餅就嚟啦...原來唔只咁少嘢嫁,我怪錯咗佢呀... 蝦餅好食,都好彈牙,魚餅一般啦,因為有啲諗... 嘩!! 真係好抵食... 一定會encore再試埋晚飯先....ＨＫ＄３３。００　－　冬蔭功蝦湯米線＋炸蝦餅＆魚餅＋青檸梳打

第2次食晚餐叫左咖哩炒蟹，蒜容包，辣椒膏抄牛肉咖哩炒蟹HKD88. 好抵食,係第度無咁平蒜容包 - 好好味辣椒膏抄牛肉 - ok白飯一個 -原本以為咖哩類有香飯送，叫送時有誤會，原來其他咖哩類有白飯送，咖哩炒蟹沒有得送！2人食左162真係低食，味道又唔差

去左深并幾次都食唔到呢間野 (因為星期6,日太多人), 今次係閒日終於食到喇2個人食叫左呢D:咖哩炒蟹: 做緊PROMO, HKD88. 好抵食, 隻蟹好大又FRESH, 但嫌唔夠SPICY, 個人鐘意SPICY D蒜容包: 抵食, HKD18有成5-6 PCS泰式炒硯: 好味, D硯好FRESH, 又大隻, 都算大碟, 好似係HKD45-55左右夜晚黎食仲有DESSERT送, 抵食. 不過星期六, 日真係好多人排隊....閒日會易D搵位

之前寫了14/4的海南雞飯之飯,不如又加入這間泰皇泰國菜的飯。話說12/4星期六逛去深井,正商量晚飯食甚麼好,眼見有間泰國菜館,好一於就試下啦,坐低後睇下菜牌,本來想叫招牌咖哩炒蟹($138),但怕食得好麻煩所以轉叫了咖哩炒蝦($108)-咖哩汁OK但蝦霉霉地,蒜蓉包($18)-好味,6串串燒(好似$48)-一般無驚喜,見咖哩汁好味所以加個白飯($7)撈汁,心中想泰國餐廳會用泰國米煮飯,話晒泰國米會軟滑D,點知又係白飯出事,飯一來到梗係熱辣辣即食,但飯粒硬崩崩又係"生冷槓",心想算吧快快撈汁食啦(要趁熱),但越食越凍,越凍越硬根本食唔落,所以問問侍應白飯是否泰國煮法(咁硬),你估個侍應點答:我地D飯係即日煮唔隔夜,用完又再即煮,下次我地會落多少少水煮,講完就立即行開咗,慌死我叫佢換個碟白飯,學劉華講:而家咁樣的服務態度唔得啦,唉又係無下次添。

放工成日夜晚都經過見到好多人, 終於搵左個星期六同左女朋友去左個晏! 呢度個lunch 真係好低食, 30蚊, 有小食or 湯, 有主食, 又有野飲!!! 最低係個野飲係除左椰青之外, 咩都叫得! 特飲都冇問題, 仲唔駛加$$$ 架添!! 講返野食, 佢個跟餐小食係有春卷同蝦餅. 女朋友就like 個春卷夠脆, 我就like 佢個蝦餅夠彈牙! 主食我就要左海鮮泡飯, 個湯夠清, 唔咸, should be 冇味精! 女朋友個豬頸肉金邊湯粉, 個湯應該係用牛骨同carrot 整既, 幾好味!!!d 特飲又好飲... 好正囉!!!最得意都係d人waitress 都係泰國人, 但係個個廣東話都好流利... 我都已經食過幾次架喇!!! 不過係未食過夜晚, 搵日try 下!!!

幾個月前食過，當時忘了寫，現在補回，如無記錯，名子好似叫"泰皇菜"，當時叫了介蘭，雞亦，咖哩牛腩所有菜都好味，招呼殷勤，所以開張以來，是最多人等的其中一間食店，值得推介後記:我們只有2人但也給予我們4人座位，咖哩牛腩包白飯，真的很驚喜呀，雖說白飯不值錢，但食店不跟客人斤斤計較真的食得開心