淡柏

营业中

休息中

朋友試過， 介紹話呢間剛新開的小店非常高質。 屋企人生日， 又$0切餅費，就去試吓， 慶祝生日。 果然一試難忘。非常之正！ 必定再去。家人都非常滿意。但位置真係幾難搵， 是棉登徑的倔頭巷盡頭。果然大隱隱於市！當晚靚女老闆坐鎮，有傾到食材都是每晚落單， 第二朝從日本直送到店， 食得出食材非常新鮮，亦都處理得很好。最難忘的是那個超級美味的北海道「時不知」三文魚。這個不誇張！ 是我暫時食過最好味的三文魚刺身。師傅雖然很怕羞，都用自己的熱誠去介紹每一道食材的原產地和處理方式。 我爸爸很喜歡問問題， 和師傅一談起食材， 師傅就會滔滔不絕，大家都獲益良多，這間店的氣氛真的很好， 而且酒單都很出色。 我們有問，為什麼會酒水價格會如此相宜，靚女竟然老闆答我， 壽司和刺身是應該要配美酒，如果太貴就大家可能會卻步， 他們希望客人有最好的體驗，盡興而歸。 真的感動左他們的每道料理是以最低限度的調味和火炙去帶出食物的原形鮮味。看以清淡卻極度鮮美， 低調卻十分出色。 當晚美中不足的是蜆湯，清甜但沒蜆食。醃蘿蔔是可以無限添的。 當晚給我們一家三口吃完了最後一小盒， 師傅要再醃製可能要幾天。這個也是非常美味的小食。

每一道像味覺的過山車，不是一路平穩地上升，而是會突然轉彎，突然加速，偶爾來一下倒退。魚明明是主角，但每條魚都講緊不同的故事，有的油香，有的彈牙，有的像在咬海水。坐在吧枱前，見到師傅一知道有新鮮貨就即刻訂，不是貪新，是對時令的那種執著。壽司放下去那一刻會輕輕沉一下，米是鬆到一碰就散，完全無多餘的黏著感，魚蓋上去像是自然地融合埋一體，咬下去唔係重口味，而係靜靜地滲出來那種鮮。每塊都像在細細咀嚼一段風土。師傅做每一件事都超細緻，筋太硬的部位不會直接放上來，而係輕輕燒一下，火力控制得剛剛好，用鐵網去燒，味道沒走樣，只是多了個溫度感。海膽那道，像海的濃縮精華，鹽香密集得像在咬海風，但一點都不腥。最後那件“蛋糕”，其實是舊時代日本的彷蛋糕，入口真係有蛋糕的綿密口感，但咀嚼多兩下就開始浮現蝦和魚的海鮮味，極之奇妙又不違和。擺到尾上場，有一種安靜的完成感，好像整晚吃的不是一餐，而是一場細膩又瘋狂的表演。

夜晚諗唔到食乜，行去棉登徑兜咗個圈，見到間新開嘅omakase，就入去試吓。我同朋友都係試咗平啲嗰個餐「淡」，有驚喜喎，送酒嘅沙白已經超好食！壽司同刺身都好食，壽司水準唔錯，滿滿海膽，深海池魚同埋金目鯛最好味，特別有印象！最後個魚湯勁癲，聽廚師講用咗100個魚頭熬，膠質多到啫喱咁！超級好味！最後甜品係日本蜜瓜🍈。初體驗幾好，下次可能會試吓貴過個餐

一行四人星期五晚放工想去找西餐吃，傾偈喝酒敘舊， 在尖沙咀找餐廳卻撞進了一間隱世日本料理小店。我們在門外經過看他們的餐牌時，店員小姐出來向我們介紹，我們就不妨一試。 真的十分驚喜。店面位置不大，只有十多個座位， 環境氛圍都很舒適，廚師真的很Nice， 食物都有一一介紹，刺身新鮮，感覺到廚師非常用心製作食物， 很多食物都是廚師秘製的，每款食物都非常美味，服務一流。柚子酒很好喝，必點。最令人印象深刻的，是那個用100個魚頭熬製的魚湯，極度鮮甜濃郁，廚師說是期間限定，我們真的超級幸運。真係Happy Friday ！ 還有那個滿瀉的海膽手卷，真的會想為這個海膽瘋狂再吃。這個價錢， 食物如此高質，究竟店家有沒有賺錢的？值得推薦 ，同行友人都不約而同說會再去。發現新大陸似的。 希望keep到這個超高性價比水準和店家對料理的熱誠。今次五星滿分，我會俾十星。 不誇張。

絕對係性價比超高嘅Omakase！所有食材都好新鮮。師傅有好多自家手作。值得推介海鰻壽司，口感好滑嫰清甜。醬汁唔係出面食嗰種死鹹口味，所以好突出到魚嘅香甜味。仲有一款係爆膏瀨尿蝦壽司，係成隻到尾位都係膏！醃瀨尿蝦嗰醬汁係師傅用蝦殼熬，唔怪得成個口感咁鮮甜。海膽壽司唔洗講，鮮甜到有後勁，encoure 嚟多件唔該！和食竟然係燒北寄貝，出面食親都係就咁壽司。問過師傅點解選擇燒，聽完發覺師傅係會細心到考慮唔通季節食法。成餐飯都好滿足，會再黎食！