影片
以上资料只供参考，请与餐厅确认详情
浸大食坊啲薯条每次都咁软，唔脆嘅😤有次我叫佢地即刻炸，真系食到有少少脆嘅口感🤷🏾♀️ 但系已经冇下次😞 可能佢哋员工懒（？）或者人手唔够（？）但都唔应该偷懒卖埋啲唔新鲜嘅薯条lor🤬 M记d薯条都脆过佢‼️薯条英文系French Fries😠 直译系法国炸条🤬 系应该要够脆啊！点解好似白灼咁？我哋唔系老人家唔使整BB餐我哋食ah🥵 呃学生钱，真系嬲死我啦😡😡😡😡😡😡😡😡😡😡
继续阅读
今次试左佢个黑松露蘑菇滑蛋带子饭$40再加左十二蚊要左个蓝莓芝士蛋糕我大概一点四十分落单要两点十分先到我觉得厨房效率系慢左啲 过左午饭高峰时期都要等半个钟 真系唔太好讲翻佢个饭啦 今次佢𠮶饭有啲硬 好似唔系太熟咁 黑松露嘅味系好浓嘅只蛋都好够滑 个蘑菇都好好食不过佢个带子就好似㶶咗啲 喺幅图度都可以见到其实佢黑咗四成而且佢俾得唔够多汁 令到个饭本身已经好硬之余仲有啲干 不过佢免费送咗一盒纸包饮品 都算有补镬啦个蓝莓芝士蛋糕就普通 都应该系来货唔够硬 攞到手已经融紧 仲要个底劲淋
继续阅读
至从装修之后，canteen嘅食物质素一直有进步。我地两个人叫左「豚皇叉烧拉面」（$43）。食完都觉得比得上出面餐厅！首先，份量而言，拉面一碗都非常大碗，一个女仔要食好耐先食完。食物方面，有齐晒出面拉面店基本嘅配菜，配菜量都非常多，令成碗拉面口感好丰富！面线方面，餐厅系真系提供正宗拉面，完全唔系公仔面！汤底亦都浓厚！以$43呢个价食到，CP值系超高！值得再食！
继续阅读
今朝黎呢头开会，入左去 BU canteen 食左个早餐，鸡扒煎双蛋，配块多士，饮热咖啡，$23.5，九龙塘应该冇啲咁平嘅早餐，味道正常嘅，鸡扒都煎得香口，不过野食唔够热，咖啡都几好饮呀
继续阅读
今日放左工拿拿临仆去浸大进修，六点半上堂上到九半，上堂前紧系要揾d野医下个肚先有精神啦！有读过浸大的朋友仔一定知道宿舍楼下的浸大食坊一直被批评食物质素恶劣，卫生环境麻麻，今日就同大家揾d抵食又放到入口既菜式。平时好少留意，原来hall can系会卖中式小菜。今玫就同大家试下呢味水煮牛肉！话好好食就无咩可能，胜在佢都算足料，牛肉厚身有咬口，同埋配左好多粉丝。粉丝几弹牙，吸左辣汁拌白饭食唔错。而最重要个水煮汁，佢整得比较淡，辣味欠奉。但香料份量够，香味不错。适合喜爱麻香人士，埋单只是33元，非常抵食！
继续阅读