影片
以上资料只供参考，请与餐厅确认详情
食家推介
由于咁岩踩单车岩岩踩到去个个位一行三人就系海龙王到坐低左叫左个三𩠌餐逐样点评1. 椒盐濑尿虾嗱 我唔敢奢望话好食啦但都唔好话咁甩皮甩骨啩全程唔觉得佢有用到椒盐2.豉椒蛏子用啲雪藏急冻蛏子，我都由你啦，又会得个壳入面𠮶嚿肉直程有啲雪水味 大佬临时演员都系演员啊，可唔可以专业少少？3.重中之中黎了白灼虾唔知以为张长洲啲手信虾干拎咗嚟蒸或者拎咗嚟烚完全脱晒壳真系正宗嘅老虾壳最最最离谱𠮶个相都冇影到就系个三文鱼蕃茄汤直头仲咸过我老窦睇𠮶啲咸书😩😩
继续阅读
未试过食一餐咁难食嘅海鲜😡😡😡我哋一行四人晚上8:30入座，已经见冇晒客。个伙计叫我哋坐低，快啲叫𩠌之后佢哋可以埋数。我哋好快叫咗四个𩠌同一个炒饭，以下系我哋对食物嘅评价。🦞 芝士龙虾伊面 - 龙虾一啲都唔新鲜，食落有啲霉霉地，伊面咸到不得了。🥦 带子炒西兰花 - 西兰花正常，𠮶几粒带子细到不得了，有几粒仲要有啲酸味。好似冰鲜咗几年嘅带子咁。🦐 蒜蓉开边蒸虾 - 最极品嘅一碟𩠌。卖相已经似一堆垃圾，虾肉好霉又似就快坏，好几只虾头仲要黑黑地。🐚 豉汁蒸贵妃蚌 - 伙计话系新鲜贵妃蚌，可能系BB关系细粒到唔可以再细粒。🍚 长洲炒饭 - 非常普通，但系最正常嘅一碟。咁多只𩠌入边，冇一只食材系正常，全部好似就快过期嘅冰鲜海鲜。我哋一度怀疑系伙计自己入去，真系好难揾一间海鲜酒家每一只𩠌都咁难食。成餐总共大概$850。用呢个价钱叫咗一堆垃圾。
继续阅读
果日同老婆去长洲玩，谂住食埋晚饭先返市区，就坐低系门口细枱。由于老婆对虾蟹过敏，谂住叫小炒就算，个阿叔侍应埋黎推介套餐，见到有鱼虾蟹炒菜同汤，唔使5百蚊都觉得扺食。先上汤，再上虾，顶，啲虾肉梅嘅，叫老板（？）埋黎投诉下，佢话咁嘅价钱只供应冰鲜货，心谂冰鲜？啲肉梅嘅都叫鲜？跟住上个三点蟹，虾蟹都用椒盐，可能都系冰鲜。两只三指大嘅蟹，一开二，数下竟然得三件😆😆😆，费事出声啦，买个教训。再黎豉汁蒸仓鱼，巴掌心大，哇，啲肉可以蒸到脆口，即系未解冻就落镬。最后炒生菜，有少少过咸，送饭就住食都OK。总体而言：劣食。
继续阅读
呢个假期长洲人唔算多。入长洲玩经过见到贴海边环境ok，又唔洗等位，就坐低点咗几个菜，套餐就基本系冻嘢啦，so我地去自己称咗几种海鲜，贵就贵d，不过胜在新鲜唔错，价钱还好啦，大陆虽然平，但系你食噶嘢新唔新鲜就好难讲咯。呢度起码会明确话你知套餐系冻嘢，想新鲜自己称。所以见仁见智啦~如果入长洲玩噶话推荐去试试~
继续阅读
长假期同屋企人+朋友一班人去左长洲行咗个圈，主要系畀班小朋友玩下见下面，顺便支持下香港经济。我哋谂住早啲食早啲返去市区，我哋差唔多16个人，谂住揾间大啲嘅餐厅坐埋一齐，行行下入咗呢间店，有张大枱够我哋16个人一齐坐。大约六点几左右, 当时都冇乜人，一开始个侍应好热情招呼我哋，极力推介两个海鲜套餐，一个三千几，一个二千几，佢话好抵食，叫齐两个啱啱好。我哋有六个小朋友所以冇叫海鲜，全部散嗌。叫咗九样嘢，埋单$1545，同楼面介绍套餐嘅价钱相差最少几千，当侍应知我哋散叫，冇叫海鲜，佢哋啲态度马上360度转，马上黑面，之后全程都黑面完全唔理我哋，叫又唔理，扮望唔到我哋，碟碟都出现问题，除咗碟鸡正常少少，摆到明玩嘢，最过份系埋单𠮶阵时唔收信用卡。我劝有缘睇到我食评嘅朋友千万唔好去呢间餐厅，总结就系服务九流，垃圾食物，仲要价钱唔系特别平，地下仲要好多跳虱搞到我要喷蚊怕水! 难怪咁多香港人北上消费，下个长假期我哋都谂住返大陆玩，原因系香港太多呢d垃圾餐厅，迫我地走。
继续阅读