海鮮島海鮮酒家

营业中

休息中

朋友介紹才知道布袋澳這個地方這裏的海鮮很新鮮而且感覺很地道餐廳靠著海行出去便是碼頭雖然是夏天又沒有冷氣但可能是晚上的關係也不會太熱本來我們想點墨魚刺身但因為沒有墨魚我們點了龍蝦刺身龍蝦肉非常鮮甜而且很彈牙一試難忘吃完後店員會把龍蝦製作成第二道菜我們點了薑蔥龍蝦另外亦可以選擇龍蝦伊麵豆腐粉絲蜆湯很多蜆很足料味道很鮮甜另外我們叫了蛋白蒸花蟹蛋蒸得很滑嫩很好吃很適合餸飯我們也叫了蒜蓉粉絲蒸蟶子蟶子很新鮮非常鮮甜避風塘炒蟹這個炒得很有風味又一推介另外也叫了椒鹽賴尿蝦賴尿蝦很大隻所以有很多肉鮮甜我們也叫了螺配上豉油和Wasabi吃也不錯吃海鮮必定要配上啤酒🍻我們也點了兩瓶啤酒很爽最後餐廳送上水果 - 橙橙也很甜為今天的海鮮餐畫上完美的句號消費滿指定金額可以乘搭他們預備的旅遊巴到坑口站/ 泊車優惠雖然這個地方有點偏遠交通不方便但以海鮮餐來說性價比真的很高推介下次會再來!

星期五的假期，帶狗仔去龍蝦灣郊野徑行山，之後揸車入布袋澳，十分鐘車程到達漁港。星期五中午1點幾大概5枱客靠海邊的位置都坐滿雖然天氣炎熱但海風吹黎都幾舒服待應姐姐服務快手健談我地去左海鮮檔揀左條立魚$150清蒸加兩隻粉絲蒜蓉蒸扇貝$38／隻和一碟紫菜蟹籽炒飯$88先黎炒飯，炒得乾身而且粒粒分明但略厭唔夠味，只靠紫菜的海產味不夠若多加調味會更豐富，欠少許鍋氣蒸魚火喉剛好，不會過熟香口的葱絲配合豉油，鮮味十足剛上碟的扇貝鋪上香濃的蒜蓉單調的米白色本以為平平無奇但淋上碟中的豉油一啖咬落去肉質厚實彈牙，粉絲爽口食得出非常新鮮！讚一句茶都好飲香濃淳厚的茶味是記憶中舊式茶禮的味道（雖然埋單時看到$18／位茶錢少貴）走的時候，老一輩的呀姨叔叔都主動傾計讚下狗仔閒聊幾句這是漁村慣有的人情味平日去人少唔迫係海邊吹吹海風，曬下太陽，嘆下海鮮享受一個寧靜美好的下午

晚餐 龍蝦刺身 伊麵 象拔蚌刺身 琵琶蝦 炒飯 細東昇班 扇貝四隻 一定新鮮 甜度尚可 4人埋單$3600 當然食海鮮的確預唔平 食完就算 但完全估唔到 泊車接送會咁出事 泊完車 送你過布袋澳會暗示俾貼士 俾完走果陣9:45左右冇人理 明明仲有服務 出到小巴站原本追一架拍門 叫我哋等下一架 然後到10:10第二架竟然同我哋講唔關佢事就走咗 講緊呢兩架車都係印咗喺車飛嘅服務車牌 等到10:30 又話收工 最後係自己搭小巴去搵返架車 原本心情由食完就算 因為食物質素係接受到嘅 依家變成以後唔會再嚟 感覺極差 劏完客就由你自生自滅 以後唔會再嚟 亦都會叫朋友唔好幫襯！ 真係非常過份！

今日去咗布袋澳，影吓相，行吓山。跟住簡單食海鮮🦞。嚟呢度食海鮮都係食風味同埋食風景。影吓相食吓海鮮，心情愉快。食物OK。有免費停車。白灼蝦同埋聖子都幾有鑊氣。桶蠔就有啲失望。今日每位$400。果皮蒸鮑魚 48/隻。佢話呢款係澳洲嘅鮑魚，會俾啲大連鮑魚大隻少少。白灼蝦 13 每兩熱辣辣，好新鮮。豉椒炒蟶子 38/隻好大隻，都幾抵食。豆腐粉絲蜆湯砵酒🦪 - 失望。個蠔嘅份量係大嘅，大概有10隻。但係唔夠鑊氣同埋唔夠嘢未。

黎到布袋澳，一個充滿魚村魚味既地方，當然要品嘗出名既海鮮。不過一定要有心理準備，價錢不平啊。但味道尚可。布袋澳村不太大，只有2間海鮮店，門面有大魚缸，多種海鮮任揀。是次人不多，點了4人套餐，加墨魚刺身，一碟炒飯。 墨魚刺身要$15蚊一両，諗諗下食象拔蚌可能會化算啲。不過現場環境都唔錯，有海景位，坐得寬敞，服務都ok。講講正題，先黎的灼蝦，非常鮮甜。 上湯龍蝦可以接受。 鮑魚同扇貝比較好食。 主菜墨魚刺身爽口鮮甜，但都係太貴。蒸魚好滑。3大2幼童1工人，$2421 落樓。

海鮮島 海鮮酒家 🦞📍 西貢清水灣布袋澳7號B舖∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘復活節假期尾聲，決定去布袋澳食海鮮，順便行下😂， 本身布袋澳都唔係好大，近清水灣，有興趣睇下風景係點，可以睇返我拍既 IG reels🙈~呢間海鮮酒家最出名係墨魚刺身😍，有機會去既朋友仔一定要試下，一試返唔到轉頭🙈，真係好鮮，好好味🤤。不過單點海鮮係時價既，唔會話到比你聽明碼實價， 如果唔想點時價既海鮮，佢地都有二人餐（$598）或 四人餐（$780-$1580）豐儉由人。🌟新鮮墨魚刺身一上枱真係嘩一聲😆， 同我係出面食既真係唔同， 好鮮，同埋切得好薄，真心覺得好食😋。🌟象拔蚌刺身都係好鮮既， 不過同我平時食既差唔多🙈。🌟椒鹽墨魚鬚落得唔多粉去炸，都ok 👍🏻!🌟辣酒煮花螺呢個好好味😋，螺係比較大粒，另外好入味。🌟椒鹽象拔蚌唔知點解有呢度菜😂，可能係用返本身果隻象拔蚌，都ok 既。🌟豉汁陳皮蒸鮑魚隻鮑魚好大隻🌝，唔會蒸到好硬，火候啱啱好。都推介👍🏻🎀 Total 2人 埋單 $1557 ，比想像中平。整體推介指數 : ❤️❤️❤️❤️🤍🧸如果鐘意小編既介紹，請即Follow IG: @f

布袋澳行完山，入去食埋海鮮，食得海鮮，都預左唔會平，之前都有做下功課，有兩間海鮮餐廳,🦑🦀，另一間就用明星⭐作招來，可惜疫情關係，只有“海鮮島”營業！ 🚍交通： 港鐵寶琳站16號專線小巴直達布袋澳，途經坑口，疫情關係班次疏落！是次行程，將軍澳地鐵站專誠專線小巴到清水灣二灘，徒步🏃約50分鐘，到布袋澳！去到約下午三點🕰️，超級多人等了約十五分鐘才有位很多海鮮差不多已沽清點了椒鹽瀨尿蝦🦐兩隻$400（時價）小貴，但味道非常好，好香蒜蓉味，炸得啱啱好！好嘢未清蒸陳皮鮑魚兩隻（時價）蒸得剛剛好，鮑魚軟熟，熟油豉油味道剛剛好，引到鮑魚鮮未出嚟！粉絲蒜蓉蒸蟶子皇兩隻（時價）蒸得稍為有少少過時，小小韌，過得去花雕蛋白蒸馬刀貝$208（時價）呢個蒸蛋白，花雕比例啱啱好，蛋白好滑，好出色，做得好過好多大酒家，讚⭐⭐惠顧可享免費專車直達坑口港鐵站，埋單時通知店員寫卡留位，每正點一班車，記得留意時間！⭐⭐埋單合共盛惠$880💰💰

今日好好天氣，陽光普照，大女提議出外食海鮮，本來諗住去西貢，但最後決定去布袋澳。呢個決定發覺係冇錯，因為我哋午飯後再去咗西貢，雖然今日係星期一，但係西貢海鮮街人山人海，完全冇一種休閒嘅感覺。呢間海鮮島，我哋之前已經嚟過幾次。室內室外都坐過。今日天氣咁好，梗係坐喺室外海邊座位，吹下海風，曬吓太陽。沿山路望向布袋澳漁村，藍天碧海，風景如畫。海鮮島的室外座位我哋揸車到布袋澳，車可直接駛上去翡翠別墅，係呢度食飯，可免費泊車，行落去1分鐘便到酒家，好方便。我哋今次叫了一個休閒4人餐。白灼蝦份量不多，但係隻隻都好新鮮彈牙。漁翁蜆王湯：有兩三款蜆，但魚味唔夠，唔合格。椒鹽鮮魷：普普通通，炸粉好薄，但啲魷魚都好薄身，唔係平時食開厚身切花嗰啲魷魚，質素麻麻地。乾燒伊麵：呢個幾好味，炒得乾身唔太油又入味蒜蓉粉絲蒸扇貝：扇貝新鮮，都算大隻厚身，蒸得火候啱啱好。整體叫套餐的食物一般，但景觀環境一流。最後連加一連茶芥$898，渡過左一個休閒嘅下午。

3人行叫左個4人餐，其實佢有2款4人餐，一款大約$800，另一款大約$1500，$800的海鮮比較弱，白灼蝦椒聯鮮魷果D，難得有朋友揸車入布澳，梗係要食好少少要個$1500的4人餐啦。白灼蝦明顯新鮮，肉質又爽口又彈牙，蝦屬於中Size陳皮蒸鮑魚都好鮮味，不過就un左少少，不過熟D好過唔夠熟(自我安慰mode)上湯龍蝦又係好新鮮，明顯同出面D大酒樓連鎖店D特價龍蝦好唔同(我個餐才$1500，如果出面食正價果D龍蝦隨時已經要$1000)。D伊麵嗦晒D龍蝦汁，真係好正。條斑都好新鮮，蒸得啱啱好原先跟餐係蟶子，點知蟶子賣晒問我地轉象拔蚌仔好唔好，都好啦唔係點woo，蒜蓉粉絲蒸，又係蒸耐咗，un左少少，而且唔知點解覺得個象拔蚌仔無乜味個餐仲有一碟菜同一個生果盤。飲左兩罐汽水，加埋一大約$1800埋單，3個人每人$600，唔算抵不過勝在新鮮。

晚市冇堂食，中午就過嚟啦⋯⋯又有靚景，天氣又好必食推介:椒鹽賴尿蝦，我哋食咗之後唔夠喉😜再叫多兩隻😋😋😋，炒左碟椒絲腐乳生菜，鹹魚雞粒炒飯，佢哋嘅炒飯炒到粒粒分明，有水準，起碼要食兩碗👍正湯:魚翁蜆皇湯，超多蜆，好好飲，又飲咗兩碗，唔可以唔叫薑蔥炒蟹，豉椒炒蟶子，古法果皮蒸鮑魚，通通都要食，食過返尋味⋯⋯

星期六揸車入嚟食海鮮，只有幾枱客左右，海邊枱任你揀叫咗條墨魚兩食，貴妃蚌，扇貝，鮑魚坐返埋位兩分鐘已經上左條墨魚刺身，薄到無口感，鋪到美輪美奐，好明顯係雪櫃拎出嚟，dllm!之後10分鐘再上椒鹽，但係碎上，好脆，細舊到似頭頭尾尾，翻炸！其他海鮮不過不失，但係無下次

☆海鮮島海鮮酒家 🌊𝘚𝘦𝘢𝘧𝘰𝘰𝘥 𝘐𝘴𝘭𝘢𝘯𝘥 𝘚𝘦𝘢𝘧𝘰𝘰𝘥 𝘙𝘦𝘴𝘵𝘢𝘶𝘳𝘢𝘯𝘵 難得來到西貢布袋澳一定不能錯過吃海鮮的環節，不少人選擇行山後來這裡晚餐聚會，自稱「海鮮島」果然有不同種類的海鮮，但因沒有提供價錢所以就要慎選了餐廳環境十分優美，座落漁村海岸旁，黃昏時更能看到碼頭日落，值得花半日遊覽-🦪 酥炸生蠔𝘾𝙧𝙞𝙨𝙥𝙮 𝙙𝙚𝙚𝙥-𝙛𝙧𝙞𝙚𝙙 𝙤𝙮𝙨𝙩𝙚𝙧𝙨外層炸得很香口鬆脆，炸粉厚度適中，生蠔最忌腥臭味，而這份吃得出的確鮮甜肥美，超邪惡但又停不了口🤤而且份量也不少，絕對能大快朵頤一頓(˶‾᷄ ⁻̫ ‾᷅˵)推薦指數: 8/10.🦞 椒鹽賴尿蝦𝙎𝙩𝙞𝙧𝙚𝙙-𝙛𝙧𝙞𝙚𝙙 𝙈𝙖𝙣𝙩𝙞𝙨 𝙎𝙝𝙧𝙞𝙢𝙥 𝙬𝙞𝙩𝙝 𝙨𝙥𝙞𝙘𝙚𝙙 𝙨𝙖𝙡𝙩一場來到當然要點餐廳代表性的椒鹽賴尿蝦，上菜時便覺得賣相十分霸氣吸睛，份量也毫不吝嗇賴尿蝦味道鮮甜，蝦肉結實可口，加上炸蒜及辣椒，惹味十足，令人有驚喜(˶‾᷄ ⁻̫ ‾᷅˵)推薦指數: 8.5/10.🐚 蒜蓉粉絲蒸扇貝 𝙎𝙩𝙚𝙖𝙢𝙚𝙙 𝙨𝙘𝙖𝙡𝙡𝙤𝙥𝙨 𝙬𝙞𝙩𝙝 𝙜𝙖𝙧𝙡𝙞𝙘 𝙫𝙚𝙧𝙢𝙞𝙘𝙚𝙡𝙡𝙞每次吃海鮮*必點*的菜式就是蒜蓉粉絲蒸扇貝！扇貝肉肉質鮮嫩多汁，加上口感

布袋澳海鮮位置雖然偏遠，但布袋澳都非常出名食海鮮，好多人都會慕名而來，布袋澳只有兩間酒家，其中一家海鮮島，我都已經來過很多次了，地方夠大空曠，吹吹海風、睇風景，海鮮島的裝修略為舊，樓下是室外沒有冷氣，但可以望住過海食嘢，樓上是有冷氣的座位。至於食物種類海鮮多款式，不過味道水準唔太穩定，招呼服務完全可以講係零，價錢正常嘅唔貴。如果放假想去遠啲，都可以一去嘅，因為一面食海鮮一面可以看到海景，都令人心情開朗，嗰度環境寧靜。

細個就興去三聖村，愈大愈貴又俾人抽水咁，就轉番去食西貢小店。可惜食開嘅都執埋喇。幸好搵到海鮮島，一條龍反而高透明度，係曬你面前揀又有曬價錢。真係介紹新鮮時令之選，套餐夠選擇又抵食，萬一真係無貨都絕對會換番相應價錢嘅美食。疫情間大減出街食好野機會，難得黎到，叫番個屈機象拔蚌先！超大條，刀工好好，分開三個唔同部位，我自己就鐘意食爽身位，軟身位就會滑身d。更驚喜係兩味嘅另一款用咗嚟煲粥，非常足料又清甜，可能爐火夠加，粥做到超綿身。下次可唔可以只叫粥食呀？哈哈！很想要呀！再黎大大隻聖子，真係好新鮮所以真心唔需要太多調味，滿滿蒜蓉大量粉絲，聖子又白淨又彈牙。豪開就叫埋龍躉兩味，清濃兩味。配西芹就大大啖無骨肉；芡汁白菜底，有骨位置勁入味，魚雲魚旗一樣有肉，絕對食得飽。招牌瑤柱帝皇雞係海鮮以外我大推嘅，用藥材、瑤柱同蝦米等等材料猛火浸熟。平時唔食雞皮嘅我都忍唔住，連雞皮都浸到入曬味，軟身又保留到應有口感。雞肉就滑身，仲可以一絲絲撕出嚟食。選雞都揀d做開運動嘅，係咪配合奧運？下次繼續食…好彩海鮮係低脂高蛋白，唔怕食得多d！

前排天氣好好果陣去左行釣魚翁加布袋澳食海鮮！呢到海鮮真係唔錯，又無西貢果啲海鮮餐廳咁商業化。呢到得2間海鮮餐廳，我就鍾意呢間海鮮島啦。$208 花雕蛋白蒸蜆，蛋十分滑，蜆大大粒，入口有花雕味👍🏻$168 魚翁蜆皇湯，呢個係胡椒味既湯，有十零粒大蜆，豆腐同粉絲，但食落一般，無乜特別。$38隻，粉絲蒸扇貝，心叫！大大隻扇貝食落啖啖肉！👍🏻$38隻，豉椒炒蟶子，都係必叫！大大條蟶子！👍🏻$88 咸魚雞粒炒飯，個飯炒得粒粒分明，唔錯！呢餐埋單$700,我地2個人食到超飽，1人$350都係合理價錢。但其實份量係可以3個人食既。